Yaşar Nuri. Arxiv şəkli

Yaşar Nuri ilə bağlı xatirə tədbiri keçiriləcək

40
Xatirə gecəsinin rejissoru xalq artisti Mərahim Fərzəlibəyov, ssenari müəllifi Çingiz Ələsgərlidir

BAKI, 14 noy — Sputnik. Noyabrın 15-də Akademik Milli Dram Teatrında xalq artisti, görkəmli kino və teatr xadimi Yaşar Nurinin 65 illik yubileyi münasibəti ilə xatirə tədbiri keçiriləcək. Teatrın mətbuat xidmətindən Sputnik-ə verilən məlumata görə, tədbir Mədəniyyət və Turizm Nazirliyi və Teatr Xadimləri İttifaqının birgə təşkilatçılığı ilə baş tutacaq.

Xatirə gecəsinin rejissoru xalq artisti Mərahim Fərzəlibəyov, ssenari müəllifi Çingiz Ələsgərlidir. Mərasimdə Yaşar Nurinin kino, televiziya və teatr tamaşalarından fraqmentlər nümayiş olunacaq, sənətkarın dostları xatirələrini bölüşəcəklər. Gecədə eyni zamanda Yaşar Nurinin sevdiyi mahnılar səslənəcək.

Qeyd edək ki, Yaşar Nuri 1951-ci il sentyabr ayının 3-də Bakıda tanınmış aktyor Məmmədsadıq Nuriyevin ailəsində dünyaya gəlib. Səhnəyə ilk dəfə on bir yaşında Akademik Milli Dram Teatrında "Toy kimindir?" tamaşasında Tapdıq rolunda çıxıb.

1974-cü il dekabr ayının 1-də Akademik Milli Dram Teatrının baş rejissoru Tofiq Kazımovun dəvətilə bu kollektivin aktyor truppasına qəbul olunub. Yaşar Nuri Azərbaycan mədəniyyətinin inkişafındakı xidmətlərinə görə müxtəlif dövlət mükafatları və təltiflərə layiq görülüb.

Xatırladaq ki, xalq artisti uzun sürən xəstəlikdən sonra 22 noyabr 2012-ci ildə Bakıda vəfat edib.

40
Teqlər:
yubiley, Yaşar Nuri, teatr, kino, xalq artisti, Akademik Milli Dram Teatrı
Əlaqədar
Xalq yazıçısının həyat yoldaşı vəfat etdi
"Səməd Vurğun ədəbiyyat-xalq birliyinin bayraqdarına çevrilib"
Xalq şairinin 90 illik yubileyi qeyd ediləcək
Xalq yazıçısının xatirəsi anıldı
Xalq şairinin 110 illik yubileyi qeyd olunacaq
Yaşlı adam, arxiv şəkli

"Bizimkilər"in Cəmili tanınmaz hala düşdü

3
(Yenilənib 21:54 10.08.2020)
1999-cu ildə baş verən İzmit zəlzələsindən ağır zədə alan sənətkar aktor fəaliyyəti ilə yanaşı, qəhvə-bar fəaliyyəti ilə də məşğul olub

Şahpəri Abbasova, Sputnik Azərbaycan

BAKI, 10 avqust — Sputnik. Türkiyənin məşhur aktyoru Uğurtan Sayıner xəstəliyi ilə əlaqədar İzmir Böyükşəhər Bələdiyyə sədrinin tapşırığı ilə xəstəxanaların birinə yerləşdirib. Sputnik Azərbaycan Türkiyə mətbuatına istinadən bildirir ki, aktyor uzun müddət iştahsızlıq və maye elektron disbalansının yaranması ilə əlaqədar tanınmaz hala düşüb. Aktyor dostlarının media hesabından səhhətinin yaxşılaşdığını və "Cəmillər ölməz" mesajını verib.

Türkiyəli aktyor Uğurtan Sayıner

Türk dünyasının məşhur aktyoru teatr, kino və serial sahəsində bir çox uğurlara imza atıb. "Falımda Bir Kız Var", "Bir Milyara Bir Çocuk", "El Kızı" və s. film və seriallarında rol alan sənətçi daha çox "Bizimkilər" serialı ilə tanınıb. Xatırladaq ki, "Bizimkilər" Türkiyənin serial tarixində ən uzun sürən serialdır. 1989-cu ildə başlayan serial 2002-ci ilin sonlarına qədər davam edib.

Qeyd edək ki, 1999-cu ildə baş verən İzmit zəlzələsindən ağır zədə alan sənətkar aktor fəaliyyəti ilə yanaşı, qəhvə-bar fəaliyyəti ilə də məşğul olub.

3
Əlaqədar
“Çocuklar duymasın”ın Haluku: “Azərbaycan üçün könüllü əsgərliyə gedərdim
Hollivud ulduzu Kemeron Diaz kinodan niyə getdiyini açıqlayıb
"Apple" və Di Kaprio: Hollivudda birgə filmlər çəkiləcək
Məşhur aktyor gizli şəkildə üçüncü dəfə evləndi
“Miss Azərbaycan” model biznesindən əl çəkib məşhurluq üçün Türkiyəni seçdi
Avroviziya əsas mükafatı, arxiv şəkli

"Avroviziya" mahnı müsabiqəsi bu dəfə Amerikada

54
(Yenilənib 19:52 10.08.2020)
"American Song Contest" mahnı müsabiqəsi keçirilməzdən əvvəl ölkədə akademiya yaradılacaq. Burada peşəkar musiqiçilərdən ibarət məsləhətçi qrup fəaliyyət göstərəcək

Şahpəri Abbasova, Sputnik Azərbaycan

BAKI, 10 avqust — Sputnik. 2021-ci ildə ABŞ-da "Avroviziya" mahnı müsabiqəsinin yeni, amerikan versiyası keçiriləcək.

Sputnik Azərbaycan-ın məlumatına görə, "American Song Contest" adlanan yeni versiyada ölkənin müxtəlif ştatlarını təmsil edən musiqiçilər bir araya gələcəklər. Seçim turlarından sonra yarımfinal keçiriləcək, müsabiqə isə böyük finalla başa çatacaq.

"Avroviziya" mahnı müsabiqəsinin icraçı direktoru Martin Osterdalın sözlərinə görə, mahnı müsabiqəsinin böyük populyarlıq qazanmasının səbəbi, 65 illik tarixə söykənir və onun nüfuzu hələ də artmaqda davam edir. İndi isə bu cür tədbirin Amerikada keçirilməsinin tam zamanı yetişib. Osterdal vurğulayıb ki, musiqiyə olan sevgi dünyəvidir və o, insanları birləşdirmək üçün bütün sərhədləri aşmaq iqtidarındadır.

"American Song Contest" mahnı müsabiqəsi keçirilməzdən əvvəl ölkədə akademiya yaradılacaq. Burada peşəkar musiqiçilərdən ibarət məsləhətçi qrup fəaliyyət göstərəcək. Ölkənin ən tanınmış artistləri və məşhur ifaçılar münsiflər heyətini formalaşdıracaq. Bu münsiflər heyəti auditoriya ilə birlikdə ölkənin 50 ştatından istedadlı insanları tapıb seçəcək. Seçilənlər sırasında həm solo ifaçılar, duetlər, həm də maksimum 6 nəfərdən ibarət musiqi qrupları olacaq.

Qeyd edək ki, Avroviziya Mahnı Müsabiqəsi 1956-cı ildən bəri Avropa Yayım İttifaqına üzv olan ölkələr arasında keçirilən beynəlxalq mahnı müsabiqəsidir. Müsabiqə dünyanın ən uzunömürlü müsabiqəsidir. Buna görə də 2015-ci ildə "Ginnesin rekodlar kitabı"na düşüb.

Azərbaycan isə bu müsabiqəyə 2008-ci ildə qatılıb. 2007-ci ildə İctimai Televiziyanın Avropa Yayım İttifaqının üzvü olmasından sonra ölkəmiz 2008-ci ildə birinci dəfə qitə miqyasılı müsabiqəyə qatıldı. Serbiyanın paytaxtı Belqrad şəhərində baş tutan 53-cü Avroviziya Mahnı Müsabiqəsində Azərbaycanı Elnur Hüseynov və Samir Cavadzadə "Day After Day" mahnısı ilə təmsil etdilər və 132 xalla 8-ci yeri tutdular. 2011-ci ildə isə Azərbaycan tarixi ərzində birinci dəfə müsabiqənin qalibi oldu. Almaniyanın Düsseldorf şəhərinin ev sahibliyi etdiyi müsabiqədə Eldar Qasımov və Nigar Camal "Running Scared" mahnısı ilə Avropanın bütün dövlətlərini arxada qoydu və yarışı ölkəmizə gətirdilər.

54
Əlaqədar
Hamının kefi qalxacaq! Dilarə Kazımova yay hitini təqdim edib
Santa-Barbarada olmuşam! Tanınmış azərbaycanlı müğənnidən fərqli paylaşım
"Eurovision"un 2021-ci ildə keçiriləcəyi yer müəyyənləşib
Samirə Əfəndi Səfurə Əlizadənin hitinə ikinci nəfəs verib
Avroviziyada finala çıxa bilməyən müğənni öz dilimizdə oxumağa keçdi - VİDEO
Mədən işçisi, arxiv şəkli

Təhlükəli peşələrin siyahısı açıqlandı

0
(Yenilənib 20:03 10.08.2020)
Bu xəstəliklər fiziki yüklənmə, kimyəvi maddələrdən zəhərlənmə və sənaye aerozollarına məruz qalma nəticəsində yaranır

BAKI, 10 avqust — Sputnik. "Rostpotrebnadzor" 2019-cu ildə sağlamlıq üçün zərərli olan peşələri açıqlayıb.

Sputnik Azərbaycan Rusiya mətbuatına istinadla xəbər verir ki, mədən sənayesi işçiləri arasında daha çox peşə xəstəlikləri müəyyən edilib.

Belə ki, qeydiyyata alınmış hallardan 46,9 faizi bu sektorun payına düşür.

İkinci yeri emal sənayesi sahəsi (29,9%) tutur, ardınca nəqliyyat və anbar sahələri (10,5%), həmçinin tikinti (3,6%) sahələri gəlir.

Digər peşə xəstəlikləri (3,5 faiz) ovçuluq, balıqçılıq, kənd təsərrüfatı və meşə təsərrüfatında çalışanlarda qeydə alınır.

Qurumun məlumatına görə, işçilər daha çox xroniki bronxit, eşitmə qabiliyyətinin zəifləməsi, əsməcə və radikulit xəstəliklərindən əziyyət çəkirlər.

Bu xəstəliklər fiziki yüklənmə, kimyəvi maddələrdən zəhərlənmə və sənaye aerozollarına məruz qalma nəticəsində yaranır.

Bir müddət əvvəl isə mütəxəssislər qadın ürəyi üçün təhlükəli olan peşələri açıqlayıblar. Siyahıda birinci yeri səhiyyə sektoru tutub.

0
Əlaqədar
Bu şəxslər təhsil almadan peşə təhsili sənədi alacaqlar
İqtisadiyyatın dirçələcəyinə ümidlər: Agentlik 3 min nəfər hazırlayır
Dəyişikliyin astanasındayıq: ənənəvi peşələr əhəmiyyətini itirəcək
Ekspert: “Bəzi peşələrin öyrənilməsi lüzumsuz olacaq”
İş var: Altı ayda Azərbaycanda nə qədər adam işlə təmin edilib