Gənc aktyor Səfa Mehdi

"Əsl aktrisalar qalır kənarda, müğənniləri filmə çəkirlər"

460
(Yenilənib 10:52 14.11.2016)
Səfa Mehdi: "Əgər Mirzə Ələkbər Sabirin yazdıqları hələ də aktualdırsa, deməli bir əsr geridə qalmışıq"

BAKI, 13 noy — Sputnik. Yeni nəslin formalaşmasında sosial şəbəkələrin rolu əvəzsizdir. Müasir dövr insanını internetsiz təsəvvür etmək çətindir. Məhz sosial şəbəkələr vasitəsilə insanlar öz istedlarını hər kəsə nümayiş etdirib uğur qazana bilirlər.

Sosial şəbəkələr vasitəsilə uğur qazanan gənc aktyorlardan biri də Səfa Mehdidir. Mirzə Ələkbər Sabirin satiralarını səsləndirərək qısa bir zamanda yüz minlərlə izləyici toplayan aktyor Sputnik-ə müsahibəsində uğurunun sirrini açıqlayıb.

- Səfa, aktyor kimi o qədər də tanımırdınız, amma qısa bir zamanda sosial şəbəkələrdə paylaşdığın şeirlərlə məşhurlaşdınız. Niyə aktyor kimi videolar yox, məhz satirik şeir söyləmək qərarına gəldiniz?

— Şerlərimi paylaşmadan öncə də bir neçə serialda rol almışdım. Doğrudur, bizi bir xeyli sayda insan tanıyırdı. Xüsusilə, seriala baxan qadınlar. Hamıya məlumdur ki, seriala baxanlar, əsasən evdar qadınlardır. Amma, gənc kütlə məni, məhz satirik şeirlərlə tanıdı. Həmişə alternativ axtarmışam. Çox gözəl bilirdim ki, indi internet dövrüdür və hamı buradadır. Məhz Mirzə Ələkbar Sabirdən deməyim insanlara çox yaxın gəldi və 100-200 min baxış oldu.

- Səfanın satirik şeir deyərkən yaratdığı obraz özüdür, yoxsa məhz şeirə uyğun rola girir?

Şekspirin “Hamlet”i Azərbaycan səhnəsində
© Sputnik / Sevda Babayeva

— Yox, özüm deyiləm. Mirzə Ələkbər Sabirin şeirdə yaratdığı obrazı canlandırıram. Hər dəfə başqa-başqa adamlardır. Sabirin yaşadığı dövrü, onun yaşadıqlarını gözəl bilirik. Onun şeirləri fəryaddır. O şeirləri oxuyarkən, ruhən şeiri hiss edirəm və obrazları gözümün önündə canlandırıram və səmimi deyirəm. Sabiri sanki ruhən duyuram.

- Sabirin şeirləri aktual olması qədər də, rikslərə yol aça bilər. Fikirləşmirsiniz ki, səsləndirdiyiniz bu şeirləri kimlərsə həzm edə bilməz və sizə problem yaranar?

— Xeyr, qorxmuram. Mən bu şeirləri kiməsə toxunar deyə deməmişəm. Sırf aktyorluğum və şeirləri ədəbiyyat naminə oxuyum deyə səsləndirmişəm. Həm də Sabir bu satıraları bir əsr əvvəl yazıb. Əgər Sabirin yazdıqları hələ də aktualdırsa, onda bir əsr geridə qalmışıq. Düşünürəm, bu şeirləri heç kim özünə götürməz.

- Satira həyatınıza mənfi və müsbət nələr verdi?

— Mənfi heç nə vermədi. Mən həmişə komediyadan qaçmışam. Çünki, bu sahədə bir dəfə oynasan, komediya sənə ştamp olacaq və ömrünün sonuna kimi tamaşaçı səndən ancaq güldürməyi gözləyəcək. Həmişə bundan qaçmışam. Satira isə ştamp qazandırmadı, əksinə komediyanın ən yaxşı halını mənə verdi. Materialdan çox şey asılıdır. Material aktyoru uçuruma da apara bilər, sevdirə də bilər.

- Çoxsaylı izləyiciniz var. Ədəbiyyat da böyük bir kütləyə təsir edə biləcək qüvvəyə malikdir. Satira sayəsinsə məşhurlaşmağın, elə mədəniyyət adamları tərəfindən qısqanclıqla qarşılanmır?

— Qarşımı kəsməkdənsə, dəsək olsalar, daha yaxşı olar. Mənim etdiklərim özümüz üçündür. Gələcəyimizə töhfə verək. Gələcək nəsillərimizə şairlərimizi tanıdaq, gənclərimiz şou-bizneslə böyüməsin, ədəbiyyatla, şeirlə, Sabir satiraları ilə böyüsünlər. Mən gəlmişəm, gedəcəm. Qalan Sabir və satiraları olacaq. Dediyiniz kimi davransalar mənim deyil, Sabirin qarşısını kəsmiş olacaqlar.

Məryəm Şahverdiyeva
© Photo : Azer Aliyev

- Nəsə maraqlı təkliflər almısımız?

— Satira vasitəsi ilə bir uğurlu layihədə iştirak üçün dəvət almışam. Bir futbol klubu üçün sənədli film çəkiləcək və orada rol alacam.

- Filmlərə çəkilmək üçün aktyorun nəyə ehtiyacı var: məşhurluğa, yoxsa istedada?

— İndiki zamanda əksər serialları biznesə çeviriblər. İndi belə problem var. Rejissorlar, kütləvi dinləyicisi olduğu üçün, müğənnilərə rol təklif edirlər. Bu da pis nəticə verir. Aktrisalar isə əziyyət çəkirlər, amma kənarda qalırlar.

- Şəxsən sizi rejissorlar hansı cəhətinizə görə filmə dəvət edirlər?

— Satirik janrda şeirlər səsləndirmədiyim dövrdə istedadıma görə. Amma düşünürəm ki, artıq bir qədər tanınmağım da təsir edir.

460
Teqlər:
Mirzə Ələkbər Sabir, Səfa Mehdi, satira, şeir, şair, aktyor
Əlaqədar
Şeirə görə qəbul edilən məhkəmə qərarı dəyişdirildi
Milli Məclisin deputatı Sputnik.Qiraət-də şeir oxudu
Şeirə, şeiriyyata hörmət xatirinə...
Türkiyədə teatr aktyoru 3000 manatadək maaş alır
Azərbaycanlı aktyor Türkiyədə mükafata layiq görülüb
"Aktyor seriala çəkilsin deyə, biz tamaşanı təxirə sala bilmərik"
Emiliya Həmidova, arxiv şəkli

Hələ ki açıq-saçıq səhnələr təklif etməyiblər: azərbaycanlı qız Moskvanı necə fəth edəcək?

20
(Yenilənib 00:20 03.08.2020)
Emiliya Həmidovanın Azərbaycana qayıtmaq fikri yoxdur, çünki Rusiya kinematoqrafında məşhurlaşmaq istəyir və Moskvadakı qazancından razıdır

BAKI, 3 avqust — Sputnik, Kəmalə Əliyeva. Azərbaycanın ən tanınan top-modellərindən olan Emiliya Həmidova Moskvaya köçüb. Rusiya paytaxtında, özü demişkən, “hər şeyi sıfırdan başlamağı” planlaşdırır. O, qarşısına Rusiya kinematoqrafının ulduzu olmaq məqsədini qoyub və artıq filmə çəkilmək barədə təklif alıb. Planları haqda Emiliya Həmidova Sputnik Azərbaycan-a danışıb.

Model Bakıda doğulub-böyüyüb. Kiçik yaşlarından özü pul qazanmağı arzulayıb və buna nail oub. 14 yaşından model biznesində çalışmağa başlayıb və bir çox layihələrdə iştirak edib.

“Heç vaxt kimdənsə, hətta doğmalarımdan da asılı olmağı sevməmişəm, ona görə də erkən yaşımdan özüm pul qazanmağa başlamışam. Bu, çox çətin idi. Amma mən arzumu reallaşdıra bildim. İndi 21 yaşım var və yalnız öz hesabıma yaşayıram. Heş kimdən asılı olmamaq çox gözəl duyğudur”, - o deyib.
Посмотреть эту публикацию в Instagram

Кадры со вчерашней съемки 🎬 Какое фото лучше? 🤔 1/2/3/4/5 ? Не смогла выбрать одну 😬

Публикация от E M I L I A (@emi_li888)

Model Moskva Dövlət Mədəniyyət İnstitutunun aktyorluq fakültəsinin dördüncü kursunda təhsil alır. Təhsili ilə bağlı tez-tez Moskvaya getməli olan Emiliya deyir ki, qabaq bu şəhəri sevmirdi. Sonra isə fikri dəyişib.

“Avropada yarım il qaldıqdan sonra Moskvaya qayıtmağa qərar verdim. Bu dəfə şəhəri tamam başqa tərəfdən gördüm və ona vuruldum. Rusiyaya köçməyi və ixtisasım üzrə işləməyi qərara aldım. Hazırda məni daha çox aktyorluq cəlb edir, nəinki modellik. Model kimi layihələrdə daha az iştirak etməyə başladım. İndi model biznesi mənim üçün bir növ hobbidir”, - Emiliya söyləyib.

Посмотреть эту публикацию в Instagram

Публикация от E M I L I A (@emi_li888)

Həmidova əmindir ki, Rusiyada məşhurlaşmaq üçün bütün şansları var. O hesab edir ki, Moskvaya görə qeyri-adi – yarımşərqli görünüşə malikdir və bu da rusiyalı kinematoqrafçılarda böyük maraq doğurur. Onu artıq bir sıra kinolayihələrə dəvət ediblər, çəkilişlər yaxın zamanda başlayacaq.

“Məqsədimə çatmaq üçün öz üzərimdə çox işləyirəm. Hələ ki öz rollarım barədə danışa bilmərəm – icazə vermirlər. Ancaq onu deyə bilərəm ki, Bakıdan fərqli olaraq, Moskvada mənə hələ ki açıq-saçıq rol təklif etməyiblər. Vətənimdə məni həmişə yataq səhnələrində və ya sevgili rolunda çəkmək istəyirdilər. Amma eyni zamanda, təəssüf ki, Moskvada fırıldaqların da sayı çoxdur. Bir dəfə mənə guya BLACK STAR leylblı üçün klipə çəkilmək təklifi gəldi. Kastinqi Skype vasitəsilə aparırdılar. Məndən sinəmi və digər yerlərimi göstərməyimi istəyəndə şoka düşdüm. Təbii ki, imtina elədim”, - model deyib.
Посмотреть эту публикацию в Instagram

Публикация от E M I L I A (@emi_li888)

Azərbaycana qayıtmağı Həmidova fikirləşmir, çünki Moskvada heç də pis qazanmır, eyni zamanda aktyorluq qabiliyyətini də təkmilləşdirir.
20
Əlaqədar
“Miss Azərbaycan” model biznesindən əl çəkib məşhurluq üçün Türkiyəni seçdi
Azərbaycanın ən gözəl qızı karantinin pozduğu planını İstanbulda reallaşdırdı
Qalmaqallı azərbaycanlı model türk trillerinin qəhrəmanı olacaq
Azərbaycanın ən gözəl qızı və oğlanı – onlayn seçdilər
Azərbaycanlı model Los Ancelesdəki dəbdəbəli villasını göstərdi
Bəhruz Kəngərli, arxiv şəkli

Bəhruz Kəngərlilər, bir əsrin fərqi - qara əllər, simasız üzlər

675
(Yenilənib 15:56 02.08.2020)
"Cizgilər çəkildikdə əsərin qəhrəmanı kiməsə oxşamağa başlayır. Bu zaman mənim üçün maraq itir" - Bəhruz Kəngərli

Nigar İsgəndərova, Sputnik Azərbaycan

BAKI, 2 avqust — Sputnik. Dünya müxtəlif rənglərə boyanıb. Rəssamlar bizdən fərqli olaraq bu rəngləri, onların harmoniyasını daha gözəl anlayır və öz təxəyyüllərinə uyğun olaraq müxtəlif sənət nümunələri yaradırlar. Belə rəssamlardan biri də Bəhruz Kəngərlidir.

Yox, biz sizə 1892-ci ildə Naxçıvanda, məşhur Şirəli bəyin ailəsində dünyaya göz açan və gənc yaşında dünyadan köçən Bəhruz Kəngərlidən danışmayacağıq. Bəy oğlu Bəhruz Kəngərlinin əsərləri Azərbaycandan kənara çıxmasa da, onun gənc xələfi Bəhruzun əsərləri xarici ölkələrin sərgi salonlarını və nüfuzlu şəxsi kolleksiyaları bəzəyir.

Sizi tanış edəcəyimiz rəssam 1990-cı ildə doğulub, Bakıdakı rəssamlıq kollecində (keçmiş Ə.Əzimzadə adına rəssamlıq məktəbi), daha sonra isə Azərbaycan Dövlət Rəssamlıq Akademiyasının bakalavr və magistr pillələrində təhsil alıb. O, “Təklənmiş” stul, “Mələk”ləşən qızcığaz, asılqanda sahibinin “İntizar”ını çəkən milli geyim, "Qayğanaq" və s. əsərlərin müəllifidir.

Bəhruz Kəngərli

Azərbaycan Respublikasının Əməkdar İncəsənət xadimi, sənətşünaslıq üzrə fəlsəfə doktoru, Ziyadxan Əliyev rəssam haqda belə deyir: "Rəssamın daha bir neçə əsərində “qara” əlləri müxtəlif jestlərin ifadəçisi kimi görürük. Bu insan yaşantılarında da təzad mövcuddur, başqa sözlə desək, ələmə-nəşəyə bələnmiş bu zərif əllərdə əllərin daşımağa aciz olduğu mənəvi-psixoloji yükün ovqat yaradıcılığı hiss olunandır. Qənaətimizcə, elə rəssam niyyətinin mayasında da onları təsirli tutumda qabartmaq durur..."

Sputnik Azərbaycan yaratdığı obrazlar, nümunələrlə maraq çəkən, möhtəşəm əsərləri yaradan o boyalı əllərə sahib Bəhruz Kəngərli ilə söhbətləşdi:

- Çox fərqli və spesifik bir janrda yaradırsınız. İzahını bilmək maraqlıdır.

- Əsərlərim bir neçə janrın birləşməsindən yaranıb. Əsərlərimdə daha çox minimalizm və ekspressionizm janrının birləşməsini görmək olar. Ekspressionizm rəssamın nə çəkdiyini deyil, necə çəkdiyini, ruh halını çılğınlığı ilə ifadə edir. Bu janra marağım tələbəlik illərindən yaranıb. Rəssamlığı akademik səviyyədə öyrəndikdən bu janra marağım artıb və hazırda  da özümü bu janrda təkmilləşdirirəm. Burada özümü "öz qabımda" hiss edirəm, artıq bu janrı, bir növ həyat tərzimə çevirmişəm.

Bəhruz Kəngərli

- Özünəməxsus dəst-xəttinizlə seçilirsiniz. Maraqlıdır ki, əsərlərinizdə cizgilər yoxdur. Bu nə ilə əlaqədardır?

- Hər rəssam öz prizmasından dünyaya baxışı, individuallığı, dəst-xətti ilə seçilir. Üz cizgilərinin rəsm əsərlərində ifadə olunmamağı isə fərqli nüanslarla əlaqəlidir. Daha sirli, daha mistik görünüşə qatılmaq üçün əsərlərdə üz cizgilərinin ifadə olunmasına ehtiyac görmürəm. Çünki cizgilər çəkildikdə əsərin qəhrəmanı kiməsə oxşamağa başlayır. Bu zaman mənim üçün maraq itir. Yəni mənim dəst-xəttim belədir. Üz cizgilərini ifadə etmədiyim əsərlər isə daha sirli qalır. Bir rəssam olaraq mənim əsarlərimin əsas xarakterik cəhəti üz cizgilərinin ifadə olunmamasıdır. Düşüncəmə görə, hər rəsm çəkən rəssam deyil. Rəssam olmaq üçün gözəl rəsm çəkmək kifayət etmir. Əsərlərimdə müəyyən sirr saxlamağa üstünlük verirəm ki, izləyici özü düşünsün, öz düşüncəsinə görə fikri tamamlasın.

- Çəkdiyiniz janrların mahiyyəti haqda da danışardınız.

Bəhruz Kəngərli

- Minimalizm və ekspressionizm tamamilə fərqli janrlardır. Minimalizm azlığın içində çoxluğu axtarmaqdır, ekspressionizm isə rəssamın özünü emosional ifadəsinə söykənir. Əslində mən öncədən hansısa bir janrda çəkməyi, hər-hansı janra aid olmağı düşünməmişəm. Lakin illər keçdikdən sonra bu dalğanın məni haraya aparmasına əmin olmuşam.

- "Yuxu" əsəriniz də çox maraqlıdır...

- "Yuxu" əsərini 2014-cü ildə ərsəyə gətirmişəm. Bir rəssam kimi özümü tapmaqda önəmli rola malik olub. Çünki bu əsərin kompozisiyası daha qəlizdir. Bu qəlizlik 2 kompozisiyanın birləşməsindən əmələ gəlib, onu haradasa ekspromt da adlandırmaq olar. Digər əsərlərimdə olduğu kimi, bu əsərdə də çalışmışam, öz rəng duyumum və palitramdan istifadə edim. Rəssam sadəcə olaraq rəng duyumu ilə insanın ruh halını ifadə edə bilər. Əsərin adını abstraksiya qoyub rəng uyumu ilə insanı cəzb etmək olar. Ümumiyyətlə, deyim ki, nə çəkməkdən əlavə, onu necə ifadə eləmək sualını hər zaman qoyuram. Minimallığın içində çoxluq axtarmaq və onu izləyicilərə təqdim etmək əsas şərtdir.

Bəhruz Kəngərli

 - Əsərlərinizin mövzusu nədən qaynaqlanır?

- Heç bir iş birdən-birə ərsəyə gəlmir. Bu günədək müxtəlif sərgilərim olub. Hansı ki, bu sərgilər hər dəfə məndə yeni hisslər yaradır. Bu sərgilər sanki mənim özüm üçün hesabatımdır. İncəsənət hər zaman axtarış tələb edir. Çəkdiyim mövzularımın içində yaşayıram. Həyat tərzim, düşdüyüm situasiyalar, məişət həyatım, cəmiyyətdə olan mövzular, oxuduğum əsərlər, baxdığım filmlər də əsərlərim üçün bir əsas olur. “Qayğanaq” əsərim də bu tipdir. Bu elə bir şeydir ki, onu həm uşaq, həm böyük, həm varlı, həm də kasıb yeyir.

- Mövcud situasiya sizin fəaliyyətinizə necə, təsir edibmi?

- Mövcud situasiya ilə bağlı demək istəyirəm ki, bu, sadəcə insanlığa yönələn bir mesajdır. Koronavirusla bağlı yaranan vəziyyət insani dəyərlərə yenidən baxmağa vadar edən, bütün canlılara münasibətdə yeniləməni məcbur edən bir amilə çevrilib. Bundan başqa, bu zaman həm də insanın özü ilə söhbət etmək üçün bir fürsətidir. Qeyd edim ki, koronavirus bütün sahələrlə yanaşı, bizə də təsirsiz yanaşmayıb. Problem yalnız evdən çölə çıxmaq məhdudiyyətinə bağlı deyil. Düşünürəm ki, karantin rejimi bitdikdən sonra da insanların içində bu qorxu qalacaq.

675
Mövzu:
Sözlə deyə bilmədiklərimizin izharı - sənət
Əlaqədar
Kamilla Zərbəliyeva: "Qabağımda soyunmaq istəyənlər çoxdur"
Unikal Quran yaratmış azərbaycanlının şöhrəti Argentinaya yayıldı
“Ailəsinə bağışlaya bilərəm” – Gənc heykəltəraş 4 günə generalın büstünü hazırlayıb
Ən məşhur avtoportretlərdən biri 18,7 milyon dollara satıldı
Daşları danışdıran adam: Bizim yerli materiallardan dünyanın heç yerində yoxdur

COVID-lə mübarizədə həkimlərimizə italyanlar kömək edəcəklər - FOTO

0
(Yenilənib 21:18 03.08.2020)
Altı mütəxəssis təxminən iki həftə Azərbaycanda qalacaq və azərbaycanlı həmkarları ilə birlikdə COVID-19 ilə mübarizə və onun qarşısının alınması sahəsində məsləhət, kömək və təlim fəaliyyətlərini həyata keçirmək üçün yerli orqanlarla əməkdaşlıq edəcək

BAKI, 3 avqust — Sputnik. Bu gün İtaliya Mülki Müdafiə İdarəsinin nümayəndə heyəti Azərbaycanın COVID-19 epidemiyası ilə mübarizə səylərini dəstəkləmək məqsədi ilə Maliyyə Qvardiyası tərəfindən təşkil edilən xüsusi reys ilə Bakıya gəlib.

Sputnik Azərbaycan bildirir ki, bu barədə məlumatı İtaliyanın ölkəmizdəki səfirliyi yayıb.

Məlumata görə, komanda Pyemont, Toskana, Valle d'Aosta və iyun ayından etibarən Azərbaycan Respublikası Səhiyyə Nazirliyi ilə yüksək səviyyəli əməkdaşlıq proqramına başlamış və yoluxucu xəstəliklərin araşdırılmasında dünya səviyyəli bir mərkəz olan Roma "Lazzaro Spallanzani" Milli İnfeksiya Xəstəlikləri İnstitutundan gələn həkimlər və tibb bacıları daxil olmaqla altı nəfərdən ibarətdir.

"İtaliya pandemiyanın ən ağır həftələrində Azərbaycan kimi dost ölkələrin göstərdiyi yaxınlığı unutmur: beynəlxalq həmrəyliyin dəyəri tariximizin və xalqımızın qan yaddaşının ayrılmaz bir hissədir. İtaliya ölkələrimiz arasındakı dostluğu fəaliyyətlərlə qiymətləndirmək niyyətindədir", - İtaliyanın Azərbaycandakı səfiri Auqusto Massari qeyd edib.

Altı mütəxəssis təxminən iki həftə Azərbaycanda qalacaq və azərbaycanlı həmkarları ilə birlikdə COVID-19 ilə mübarizə və onun qarşısının alınması sahəsində məsləhət, kömək və təlim fəaliyyətlərini həyata keçirmək üçün yerli orqanlarla əməkdaşlıq edəcək.

0
Mövzu:
Azərbaycanda koronavirus: son xəbərlər
Əlaqədar
Azərbaycanda daha 647 nəfər COVID-19-dan sağalıb
COVID-19-la mübarizə qripə yoluxmanı da azaldıb - TƏBİB
Azərbaycanda karantin rejimi qismən yumşaldılır - DETALLAR
Azərbaycana Uhan şəhərindən ekspertlər gələcəklər