Bülənt Ərsoy

Bülənt Ərsoydan niyə qorxurlar?

1710
(Yenilənib 13:55 10.11.2016)
Yaxud bir insan sırf cinsiyyət dəyişdirdiyinə görə niyə özündən bu qədər razı olsun ki?

BAKI, 10 noy — Sputnik. Son günlər Bülənt Ərsoyun "Səfam olsun" mahnısını durmadan dinləyirəm. Əsəb, stres, yorğunluq və bu kimi şeylərdən yaxa qurtarmağın ən asan yolunu tapmışam desəm, yanılmaram.

İnsanlıq halıdır, yəqin ki, sizdə də olur. Belə vəziyyətlərdə bu mahnını dinləmək insanı inanılmaz xoşbəxt edir. Sözgəlişi yazdım bunu. Mövzu başqadır…

Bülənt Ərsoyun mahnısını dinləyərkən videoportalın mənə önərdiyi başqa videoları da izlədim. İzlədikcə daha çox marağıma səbəb oldu. Nəhayətsiz eqosu, özündənrazılığı, bəzən ətrafındakı insanların üzərinə hakim kəsilməsi, çox insanın da ondan çəkinib (ya da hörmət edib) sükutla tabe olması diqqətimi çəkdi. Nə idi bu insanı bu qədər mühüm qılan?

Adını internetdə axtardım, vikipediya vasitəsi ilə haqqında daha çox öyrənmək istədim. Bülənt Ərsoy haqqında azərbaycanca yazılmış iki abzaslıq məqalənin tamamı onun cinsiyyət dəyişdirməsindən bəhs edirdi.

İnana bilməzdim. Özündən bu qədər razı olan, hamıya çəkinmədən əmr edə bilən və hamının da səssiz-səmirsiz tabe olduğu insanın bütün həyat və yaradıcılığı yalnız cinsiyyət dəyişdirməkdən ibarət ola bilməzdi. Axı bir insan sırf cinsiyyət dəyişdirdiyinə görə niyə özündən bu qədər razı olsun ki? Niyə sırf buna görə onun hər sözünü əmr kimi qəbul etsinlər ki? Problem mənim düşüncə tərzimdə idi bəlkə?

Əlbəttə, məqaləni türkcə də oxudum və məsələ mənə aydın oldu. Problem nə məndə idi, nə də Bülənt Ərsoyda. Problem vikipediyadakı məqalənin müəllifində, onun düşüncə tərzində idi. Əvvəlcə konservatoriyada təhsil alan, ardınca filologiya üzrə ixtisaslaşan, "London Palladium"da və "Paris Olympia"da konsert verən ilk türk sənətçisi kimi tarixə düşən, səsi Yaponiyanın səs laboratoriyasında test edilib "yüzdə yüz qüsursuz" adlandırılan, "Beynəlxalq Montu Merid Musiqi Doktoru" mükafatına layiq görülən və bütün Türkiyə xalqı tərəfindən "diva", "kraliça" kimi sevgi ünvanlarına yiyələnən insan haqqında, sadəcə, cinsiyyət dəyişimindən bəhs etmək nə deməkdir? Bu hansı düşüncə tərzidir? Bu necə sənət anlayışıdır? Sənətə qarşı bu qədər barbar, səfeh mövqe tutmaq necə mümkündür?

Heç şübhəsiz, Bülənt Ərsoy bütün türk dünyasının yaşayan ən böyük səslərindən biri, şəxsən mənə görə ən birincisidir. Özü öz haqqında danışarkən "mən musiqini dərindən bilirəm, mənə yasaq qoymaq sənətə yasaq qoymaqdır!" demişdi.

Salvador Dali
© Photo : eskipaper.com

Bəli, özünü ifadə edə bilməyi ustalıqla bacaran və öz dəyərini bilən insana eqoist donu geyindirdiyim üçün mən də özümü möhkəm töhmət etmişdim. O, bütün eqoistlikləri, bütün hegemonluqları haqq edir. Çünki onun nəhəng sənəti var, qarşısında ayaqüstə durub saatlarla alqışlanması gərəkən geniş, müxtəlif çalarlı səsi və dərin musiqi bilgisi var. Elə buna görə də bütün sənət mühiti ona ehtiramla yanaşır.

İnsanlar arasında yanlış bir düşüncə də var. Çoxları düşünürlər ki, Türkiyənin sənət adamları Bülənt Ərsoyun pulundan və arxasında duran adamlardan çəkinirlər. Amma Bülənt Ərsoyda olan pul və əhatə dairəsi digər sənət adamlarında da var. Onların sənətkarları bizimkilər kimi qəpik-quruşa möhtac yaşamırlar. Yəni o mühit bizim mühitlə səhv salınmasın. Bülənt Ərsoydan çəkinmələri, sadəcə və sadəcə onun ölçüyəgəlməz dərəcədə nəhəng sənətinə görədir.

Babi Bədəlovun rəsm əsəri
© Photo : PUBLIC DOMAIN
Babi Bədəlovun rəsm əsəri

Söhbətdən kənara çıxmaq kimi olmasın, amma Bülənt Ərsoy haqqında yazılan vikipediya məqaləsi və Azərbaycan mühitində xanım sənətkar haqqında olan düşüncə tərzi mənə başqa bir mühüm problemimizi xatırlatdı. İllər öncə Azərbaycanı tərk edən, hal-hazırda Fransada yaşayan, dünyanın əksər ölkələrində sərgiləri keçirilən, Avropanın məşhur "Manifesto" festivalına qatılan yeganə qafqazlı olan, rəssamlığın avanqard janrı üzrə yaşayan ən böyük şəxsiyyətlərindən biri və poetik rəsmin — rəsmi şeirlərlə bəzəmək bacarığının ən görkəmli nümayəndəsi olan Babi Bədəlov haqqında ən son hansı xəbəri oxumusunuz, verilişi izləmisiz?

Babi Bədəlovun rəsm əsəri
© Photo : PUBLIC DOMAIN
Babi Bədəlovun rəsm əsəri

Yəqin ki, Günel Mövludun ondan aldığı müsahibədən başqa bu yaşayan ən böyük rəssamımız haqqında heç bir məlumatınız yoxdur. Çünki o, özünün şəxsi həyatına, maraq dairəsinə, cinsi kimliyinə, əqidəsinə görə bizim mediamız tərəfindən "qara siyahı"ya salınıb. Buna rəğmən, Babi Bədəlov bu günün özündə də dünyanın hər yerində Azərbaycan rəssamlığının ən böyük imzası kimi tanınır və mən şəxsən fəxrlə deyə bilərəm ki, bu görkəmli şəxsiyyət mənim çox yaxın qohumumdur.

Babi Bədəlovun rəsm əsəri
© Photo : PUBLIC DOMAIN
Babi Bədəlovun rəsm əsəri

Qorxuram ki, gələcək nəsillər bugünkü mühitin məlum düşüncə tərzindən utana, ümumiyyətlə, onlar belə bir cəmiyyətin nümayəndəsi olmağı özlərinə xəcalət hesab edələr. Əlbəttə, yarpaq dolması bizim milli-mənəvi-mədəni sərvətimiz deyilsə, bu xəcalət hissi qaçılmazdır.

1710
Teqlər:
"Səfam olsun", Bülənt Ərsoy, sənətkar, səhnə, sənət, müğənni, səs
Əlaqədar
Onlar niyə xoşbəxt ola bilmədilər?
Öz dahilərinə qənim kəsilənlər
Taksi sürən, al-ver edən, suvaq vuran ziyalılar
Eyni ayda vəfat edən ana və oğlu - iki musiqi nəhəngi
Şairlə müğənninin təhqiri arasındakı fərq
Corc Kluni, arxiv şəkli

Corc Kluni şeytandır?

18
(Yenilənib 10:51 25.11.2020)
"Qəzetlər yazırdı: Şeytan! Corc Kulini şeytandır!"- deyən aktyor bildirib ki, o, bundan sonra Bred Pittdən qisasını alıb.

BAKI, 25 noyabr — Sputnik. Amerikalı aktyor Corc Kluni GQ jurnalına müsahibəsi zamanı "Ouşenin 12 dostu" filminin çəkilişləri zamanı baş verən kuryoz hadisədən danışıb.

Sputnik Azərbaycan xarici mətbuata istinadla xəbər verir ki, filmin bəzi hissələri aktyorun bir neçə il yaşadığı İtaliyada, Komoda çəkilib. Onun sözlərinə görə, filmdə rol alan Bred Pitt şəhərə Kluni ilə "xüsusi" davranmağa çağıran vərəqələr yerləşdirərək, yerli sakinlərə mesaj verib.

"Xahiş edirəm, Corc Kluni ilə filmdəki Denni Ouşen kimi davranın və onun gözlərinə baxmayın", - divara yapışdırılmış məktublarda yazılıb.

Bu zaman həmin mesaja yerli KİV xüsusi reaksiya göstərib.

"Qəzetlər yazırdı: Şeytan! Corc Kluni şeytandır!"- deyən aktyor bildirib ki, o, bundan sonra Bred Pittdən qisasını alıb.

Xatırladaq ki, rejissor Stiven Soderberqin çəkdiyi "Ouşenin 12 dostu" filmi 2004-cü illərdə ekranlaşdırılıb.

Filmdə Corc Kluni və Bred Pittlə yanaşı, Mett Deymon, Ketrin Zeta-Cons, Culya Roberts, Vensan Kassel rol alıblar.

18
Teqlər:
çəkiliş, film, Bred Pitt, amerikalı aktyor Corc Kluni
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

36
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

36
Teqlər:
Azərbaycan mətbəxi, "Master Chef", tv, Azərbaycan, Türkiyə

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0