Aleksandr Lukaşenko

Bu ölkə II Avropa Oyunlarını üzərinə götürməyə hazırdır

7446
(Yenilənib 15:10 21.10.2016)
Lukaşenko Belarusun II Avropa Oyunlarını qəbul etməyə hazır olduğunu bildirib

BAKI, 21 okt — Sputnik. Belarus 2019-cu ilin Avropa Oyunlarını qəbul etməyə hazırdır. Sputnik Belarus xəbər verir ki, bunu Belarus prezidenti Aleksandr Lukaşenko bu gün Avropa Olimpiya Komitəsinin prezidenti səlahiyyətini icra edən Yanez Koçiançiçlə keçirdiyi görüş zamanı bəyan edib.

Dövlət başçısı qeyd edib ki, AOK hər zaman Belarusa arxalana bilər: "Biz superdövlət deyilik, amma idmana həmişə böyük diqqət ayırırıq".

O, həmçinin əlavə edib: "Çox istəyirəm ki, bizim Avropa təşkilatı heç bir halda digər qitələrin təşkilatlarına, o cümlədən Beynəlxalq Olimpiya Komitəsinə güzəştə getməsin. Mən bu məsələdə millətçi və vətənpərvərəm. Buna görə də, siz Belarusa arxalana bilərsiniz".

"Əgər siz bu təşkilat çərçivəsində istənilən tədbiri bizdə keçirməyi arzulasanız, biz istənilən vaxt bizim təşkilatı dəstəkləməyə və istənilən tədbiri təşkil etməyə hazırıq" — deyə Lukaşenko bildirib.

"Biz sizinlə tarixi qərar qəbul etdik, 2019-cu ildə Avropa idmançılarını bura, bizim Olimpiadaya toplayacağıq" — deyə Belarus prezidenti bəyan edib.

Dövlət başçısı bildirib ki, o, Belarus tərəfinin AOK rəhbərliyi ilə danışıqlarından xəbərdardır. Bununla əlaqədar olaraq, o, bir sıra detalları müəyyənləşdirməkdə tələsməməyi tövsiyə edib: "Misal üçün, hansı idman növlərinin olacağını və Olimpiadanın Belarusda nə qədər vaxt davam edəcəyini müəyyənləşdirmək lazımdır. Mən onun tərəfdarıyam ki, bura maksimum çox idmançı dəvət olunsun. Bu, onların bayramıdır. Nə qədər çox idmançı olsa, bizim Avropa Təşkilatımızın da bir o qədər çox tərəfdarı olacaq. Və biz nə qədər çox idman növünü təşkil etsək, onlar bir o qədər inkişafa nail olacaqlar".

Belarus lideri, həmçinin 2019-cu ildə gənclər üzrə yarışların keçirilməsi məsələsini də diqqətə çatdırıb: "Biz bu yarışların da keçirilməsi məsələsinə baxacağıq. Əgər bizdə alınsa, əgər biri digərinə mane olmasa, biz onların hər ikisini Belarusda keçirə bilərik və o yarış bizim Olimpiadanı izləyər. Sizə necə uyğundursa. Biz bu detalları hələ öyrənməliyik".

Lukaşenko bu yaxınlarda — Rio-2016 Yay Olimpiya Oyunları zamanı bir sıra hüquq pozuntularında günahlandırılaraq həbs edilən, AOK prezidenti postunu tutmuş Patrik Hikkiyə dəstəyini də ifadə edib: "Bizim sizinlə ümumi yaxşı dostumuz var — cənab Hikki. Təəssüf ki, o, bu gün bizimlə deyil, amma mən əminəm ki, o, bizə qoşulacaq. Çünki bu gün bəzi dövlətlərin həyata keçirdiyi metodlar təkcə bizim idman üçün qəbuledilməz deyil, həmçinin bizim dünyanın inkişafı üçün qəbuledilməzdir. Tutmağa adam tapıblar… Adam necə milyon dollarlarla dəyəri olan biletləri kiminləsə bölüşə bilər? Heç olmasa, normal səbəb düşünərdilər".

Yanez Koçiançiç isə öz növbəsində bildirib ki, Belarus prezidentinin simasında təkcə bir dövlət başçısını deyil, həm də olimpiya hərəkatının bir dostunu görür: "Sizin dediklərinizin hamısı mənim fikirlərim və baxışlarımla tamamilə üst-üstə düşür".

Koçiançiç öz növbəsində qeyd edib ki, Belarusda bir sıra idman tədbirlərində iştirak edib və burada dünya səviyyəli tədbirlərin təşkili üçün əla infrastruktur var: "Bizim aldığımız bütün rəylər təkcə müsbət deyil, həm də həyəcanvericidir. Buna görə də biz sizin İkinci Avropa Oyunlarını keçirməklə bağlı hazırlığınızı yüksək qiymətləndiririk. Mən sizin bütün detalları diqqətlə nəzərdən keçirməklə bağlı fikirlərinizi tamamilə bölüşürəm".

AOK prezidentinin səlahiyyətlərini icra edən şəxs hesab edir ki, Belarusda keçirilən Avropa Oyunları Tokioda keçiriləcək Olimpiya Oyunlarından əvvəl seçmə mərhələ olmalıdır: "Bu, Belorusun növbəti dəfə digər Avropa ölkələrinə və bütün dünya dövlətlərinə öz unikallığını və idman sahəsindəki etibarlılığını nümayiş etdirmək üçün fürsət olacaq".

Qeyd edək ki, I Avropa Oyunları 2015-ci ildə Azərbaycanda keçirilib. 12-28 iyun tarixlərində Bakıda keçirilən bu idman yarışı İlk Avropa Oyunları kimi tarixə düşüb. Yarışlarda Avropanın 50 ölkəsinin 10 min idmançısı mübarizə aparıb. Bu zaman Bakının 11, Mingəçevirin isə 1 idman qurğusundan istifadə edilib. Həmin idman oyunları təqviminə 30 idman növü daxil edilib. Onlardan 24-ü Olimpiya, 6-sı isə qeyri-olimpiya növü olub. Yarışlarda idmançılar 253 dəst medal uğrunda yarışıblar. Bu Oyunların rəsmi büdcəsi 1,12 milyard dollar təşkil edib. Satışa 600 min bilet çıxarılıb. Təşkilatı işlərə 15 min könüllü cəlb edilib.

Qeyd edək ki, daha əvvəl II Avropa Oyunlarının Niderlandda keçirilməsi planlaşdırılıb. Lakin sonra hollandlar "maliyyə səbəblərinə görə" bu tədbiri keçirməkdən imtina ediblər. Daha sonra bu oyunların Rusiyada keçiriləcəyi qeyd olunsa da, AOK-un baş katibi Rafaelo Panotssi deyib ki, Rio-de-Janeyroda keçirilən 2016-cı il Olimpiadasından sonra bu barədə Rusiya ilə razılaşma aktual deyil.

7446
Teqlər:
Yanez Koçiançiç, AOK, Aleksandr Lukaşenko, Belarus, Avropa Oyunları
Rəssam, arxiv şəkli

"Yenə o bağ olaydı" səyyar sərgisi davam edir

15
"YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb. Sərgi ziyarətçilər üçün noyabrın 27-dək açıq qalacaq

BAKI, 30 oktyabr — Sputnik. "YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb.

Sputnik Azərbaycan xəbər verir ki, sərgi ziyarətçilər üçün noyabrın 27-dək açıq qalacaq. Sərginin ekspozisiyasında rəssamlar Ağababa Bağırov, Etibar İsmayılov, Günay Əliyeva, Musa Bəyzadə, Nəzrin Məmmədova, Vüsalə Ağarazıyeva, Leyli Qafarova kimi gənc sənətçilərin və tanınmış italiyalı rəssam Mikelancelo Pistolettonun əsərləri təqdim olunur. Bununla yanaşı, sərgi Ruslan Abbasov, Günel Axundlu, Rəna Bəşirova, Timo Herbst, Orxan Hüseynov, Mersedes Şturm-Li və Fərid Rəsulovun əsərlərini özündə ehtiva edən videoskrininq proqramı ilə müşayiət olunur. Həmçinin "YARAT" "Nargis Magazine" ilə birgə əməkdaşlıq çərçivəsində "Recycle Project" (2019) layihəsinə daxil olan "Pablik art" proqramını təqdim edir. Burada Rəşad Ələkbərovun "Reuse, Reduce, Recycle" installyasiyası nümayiş olunur.

15
Əlaqədar
Tələsin: Yeniyetmələr arasında rəsm müsabiqəsi start götürdü
Rəssam Gəncə terrorunun qurbanlarının fotolarından illüstrasiya hazırlayıb
Ailəsində yaşanan problemlər onu rəssam edib, amma bu işdən pul qazanmaq istəmir
Oksana Rəsulova, arxiv şəkli

Azərbaycanlı aktrisa hind ingilis dillərində dünya ictimaiyyətinə müraciət edib

92
(Yenilənib 19:20 30.10.2020)
Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb

BAKI, 30 oktyabr — Sputnik. Tanınmış azərbaycanlı aktrisa və rəqqasə Oksana Rəsulova özünün "Instagram" səhifəsində hind dilində müraciət edib. Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb. Rəsulova qeyd edib ki, Ermənistan Azərbaycanın mülki əhalisini raket atəşinə məruz qoyur.

"27 sentyabrdan başlayaraq Ermənistanın silahlı qüvvələri beynəlxalq hüququn norma və prinsiplərini, 1949-cu il Cenevrə Konvensiyasını, BMT Təhlükəsizlik Şurasının qətnamə və qətnamələrini, habelə elan olunmuş humanitar atəşkəs tələblərini kobud şəkildə pozaraq, Azərbaycanın mülki əhalisini qəsdən hədəf alıb. Münaqişə zonasından uzaq şəhər və bölgələrə raket və artilleriya zərbələri endirirlər" deyən Rəsulova dünyanı insan faciəsinə biganə qalmamağa çağırdı. Hind rəqslərinin mahir ifaçısı, aktrisa hind dilindən başqa, ingilis dilində də müraciət edib.

 

92
Teqlər:
Oksana Rəsulova, müraciət, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Sahibə Qafarova Pakistan Milli Assambleyasının sədrinə məktub ünvanlayıb
"Manga" qrupunun solisti azərbaycanlı müğənni ilə duet oxudu
Moskvada Müslüm Maqomayevin abidəsi təhqir edildi
"Eurovision" ulduzlarından Gəncə terroru barədə klip
Kanadalı senator Azərbaycan xalqından üzr istəməlidir
Fövqəladə hallar naziri, general-polkovnik Kəmaləddin Heydərov Gəncə şəhərində qəza baş vermiş əraziyə gəlib

Ermənistanın mülki əhalimizə qarşı terror aktları barədə hər kəs məlumatlandırılıb - FHN

0
Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

BAKI, 31 oktyabr - Sputnik. Azərbaycan Respublikasının Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

Bu barədə Sputnik Azərbaycan-a Fövqəladə Hallar Nazirliyindən məlumat verilib.

Məlumatda qeyd olunur ki, 30-a yaxın ölkənin fövqəladə hallarla mübarizə üzrə məsul dövlət qurumları və 20-yə yaxın nüfuzlu beynəlxalq təşkilata, o cümlədən Birləşmiş Millətlər Təşkilatının uyğun qurumları (UN OCHA, UN DRR), Beynəlxalq Mülki Müdafiə Təşkilatı, NATO EADRCC (Avro Atlantik Fəlakətə Cavabın Əlaqələndirilməsi Mərkəzi), Avropa İttifaqının Avropa Mülki Müdafiəsi və Humanitar Yardım Əməliyyatları Baş İdarəsi, Avropa Şurasının Avropa və Aralıq Dənizi üzrə Böyük Risklər Sazişi, Atom Enerjisi üzrə Beynəlxalq Agentlik, GUAM, Qara Dəniz İqtisadi Əməkdaşlıq Təşkilatı, İqtisadi Əməkdaşlıq Təşkilatı və digər aidiyyəti beynəlxalq strukturlara ünvanlanmış məktublarda Ermənistan-Azərbaycan, Dağlıq Qarabağ münaqişəsi barədə həqiqətlər diqqətə çatdırılıb.

Məktublarda Ermənistan silahlı qüvvələri tərəfindən tarixi Azərbaycan torpaqlarının 20 faizinin 30 ilə yaxın işğal altında saxlanılması, işğal olunmuş bölgədən bir milyondan çox soydaşımızın qaçqın və məcburi köçkün vəziyyətinə düşməsi, BMT Təhlükəsizlik Şurasının torpaqlarımızın işğaldan dərhal və qeyd-şərtsiz azad edilməsi tələbi barədə 4 qətnaməsinin hələ də kağız üzərində qalması qeyd olunub.

Ermənistanın terrorçu xislətli hərbi-siyasi rəhbərliyinin qərarı ilə Ermənistan silahlı qüvvələrinin bu ilin 27 sentyabr tarixində Azərbaycanın mülki əhalisini və hərbi obyektləri hədəf alaraq hərbi təxribata əl atması və buna cavab olaraq Azərbaycan Silahlı Qüvvələri tərəfindən əks-həmlə əməliyyatına başlanılması, bu əməliyyatın yalnız Azərbaycan Respublikasının beynəlxalq birlik tərəfindən birmənalı tanınmış torpaqlarında aparılması diqqətə çatdırılıb.

Bildirilib ki, Ermənistan dövlətinin ənənəvi terrorçu davranışlarına uyğun olaraq, Ermənistan silahlı qüvvələri beynəlxalq humanitar hüququn norma və prinsiplərini kobud şəkildə pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya qurğularından və raketlərdən atəşə tutaraq mülki obyektlərdə dağıntı və yanğınlar törədir, çoxsaylı sakinlərin həlak olmasına səbəb olur. Bu çərçivədə, xüsusilə razılaşdırılmış humanitar atəşkəs rejiminin tələblərini kobudcasına pozaraq döyüş bölgəsindən kənarda yerləşən Azərbaycanın Gəncə, Bərdə, Ağcabədi və digər şəhər və kəndlərinin mütəmadi olaraq ağır artilleriya və raket atəşlərinə məruz qalması, nəticədə çoxsaylı mülki şəxslərin ölümü və ciddi dağıntıların baş verməsi qəti şəkildə pislənilir, bu terrorçu addımlara dərhal son verilməsi üçün dünya birliyinin Ermənistanın hərbi-siyasi rəhbərliyinə ciddi təzyiqlər göstərməsinin vacibliyi vurğulanır.

Qeyd edək ki, məktublara Ermənistan dövlətinin terrorçu xislətini sübut edən foto və videomateriallar, habelə ingilis dilində broşür əlavə olunub.

0