Rəşad Əhmədzadə

Aprel döyüşlərinə həsr olunmuş klip təqdim olundu

64
(Yenilənib 13:35 20.10.2016)
Klip özündə 2016-cı ilin aprel döyüşlərini, Lələtəpə zəfərini əks etdirir

BAKI, 20 okt — Sputnik. Rəngarəng repertuar və fərqli layihələrlə tamaşaçıların diqqət mərkəzində olan Abdulla Şaiq adına Azərbaycan Dövlət Kukla Teatrı daha bir tədbirini reallaşdırıb. Sputnik xəbər verir ki, oktyabrın 19-da teatrın nəzdindəki "Oyuq" teatr-studiyasının fəallarının ifasında, hərbi vətənpərvərlik mövzusunda "Ordumuzun igidləri" adlı mahnıya çəkilmiş klipin təqdimatı olub. Studiyanın fəallarının ifa etdiyi mahnının sözləri Cəmilə Allahverdiyevaya, musiqisi Gövhər Həsənzadəyə aiddir.

Teatrın 85 illik yubileyi çərçivəsində reallaşan bu layihə ilk təşəbbüs olmasından əlavə, həm də vacib məqamı — uşaqların hərbi vətənpərvərlik ruhunda yetişdirilməsini önə çəkir. Təqdimat mərasimində çıxış edən teatrın direktoru Rəşad Əhmədzadə, klipin ideyasının da məhz bu amala xidmət etdiyini vurğulayıb.

O, mütəmadi tamaşalar hazırlayan, tədbirlər təşkil edən teatrın bu layihəsinin respublika teatrları arasında ilk təşəbbüs olmasından məmnunluğunu diqə gətirib. Çıxışında bu maraqlı və məsuliyyətli işin öhdəsinə götürən hər kəsə minnətdarlığını bildirib.

Mərasimdə çıxış edən "Oyuq" teatr-studiyasının uşaq qrupunun rəhbəri Səidə Haqverdiyeva və mahnının söz müəllifi Cəmilə Allahverdiyeva belə bir mövzuda ilk təşəbbüsü onların teatr studiyasının həyata keçirməsindən qürur duyduqlarını deyiblər.

Daha sonra, özündə 2016-cı ilin aprel döyüşlərini, Lələtəpə zəfərini əks etdirən yüksək vətənpərvərlik ruhlu klip təqdim edilib. Klipin nümayişindən sonra "Oyuq" teatr-studiyasının fəalları Nuray Rəhman, Vüsalə Bəkirzadə, Selcan Müseyibova, Aylin Nəcəfli, Aysu Cəbrayılova, Miryaqub Seyidov və Razim Məmmədlinin ifalarında rəngarəng konsert proqramı təqdim olunub. Təqdimat mərasimində Qarabağ əlliləri, şəhid ailələri və hərbçilər də iştirak ediblər.

64
Teqlər:
"Ordumuzun igidləri", "Oyuq" teatr-studiyası, Rəşad Əhmədzadə, təqdimat, Kukla Teatrı, 2-5 aprel döyüşləri, klip
Əlaqədar
Azərbaycanlı skripkaçıya Beynəlxalq Müsabiqənin Qran-Pri mükafatı təqdim olunub
Mehriban Əliyevanın təqdim etdiyi amnistiya layihəsinin detalları açıqlandı
Milli qəhrəmanların əmanətləri ailələrinə təqdim olundu
Bakı moda həftəsi mövsümün trendlərini təqdim edir
“Xarı bülbül”ün təqdimatı keçirildi
"Min bir gecə" müzikl-tamaşasının təqdimatı olacaq
Antalya, arxiv şəkli

Ulduzlarımız karantində Bakıdan Türkiyəyə qaçırlar

1670
(Yenilənib 15:54 09.07.2020)
Müğənnilər Tunar Rəhmanoğlu, Səbinə Selcan və prodüser Tarix Əliyev yay mövsümünün qonşu ölkədə keçirilməsi fürsətini fövtə vermədilər

BAKI, 9 iyul  - Sputnik, Kəmalə Əliyeva. Sən demə, Azərbaycanın Xalq artisti Miri Yusif karantin rejimində  Bakıdan qaçıb xüsusi reyslə Türkiyəyə istirahətə yollanaraq sosial şəbəkə istifadəçiləri tərəfindən sərt tənqidlərə məruz qalan tək məşhur deyilmiş.

Sputnik Azərbaycan-ın araşdırmasına görə, Miri Yusifin ardınca Bakı-İstanbul-Bakı xüsusi reysindən istifadə edərək, qonşu ölkəyə daha bir neçə azərbaycanlı ulduz uçub.

Azərbaycanda iyulun sonuna kimi sərt karantin rejimi hökm sürəcək. Bu müddətdə çimərliklər və istirahət zonaları qapalı olacaq. Yerli məşhurlar bu vəziyyəti fürsətə çevirərək yayın qalan hissəsini səmərəli keçirmək üçün Türkiyəyə qaçıblar.

Ulduzlar istirahət zamanı çəkilmiş şəkillərini həvəslə "Instagram"-da paylaşaraq sərt karantinin qaydalarına uymaq məcburiyyətində qalan imkansız təbəqənin həsəd və hiddətinə səbəb olurlar.

Belə ki, Türkiyədə məşhur olan müğənni Günelin ifaçı qardaşı Tunar Rəhmanoğlu öz doğum gününü ailəsi ilə birlikdə qardaş ölkədə qeyd etmək qərarına gəlib.

Onun ardınca məşhur qalmaqallı prodüser Tarix (Tolik) Əliyev Bakıdan köçüb. Dediyinə görə, yarım ilə yaxındır ki, koronavirusa görə heç yerə gedə bilməyib.

"Hava limanında həmişə sıxlıq olur, bu dəfə isə hər yer boş idi. Bütün bunlar koronavirusa görədir. Ümid edək ki, tezliklə hər şey dəyişəcək", - Əliyev qeyd edib.

Müğənni Səbinə Selcan da Türkiyəyə istirahətə yola düşüb. O, artıq evdə otura bilməyəcəyini etiraf edib, buna görə vəziyyəti dəyişdirməyə qərar verib.

View this post on Instagram

A post shared by SabinaSelcan (@sabinaselcan) on

"Əgər harasa uçmaq imkanı varsa, bundan istifadə etmək lazımdır. Allaha şükür ki, İstanbula uçuşlar açıldı. Oradan Türkiyənin digər şəhərlərinə də gedəcəyəm", - deyə müğənni bildirib.

İyun ayından başlayaraq qarşılıqlı razılıq əsasında "Azərbaycan Hava Yolları" və "Türkiyə Hava Yolları" şirkətləri həftədə dörd dəfə müntəzəm olaraq Bakı-İstanbul-Bakı xüsusi reyslərini təşkil edirlər.

Nazirlər Kabinetinin qərarı ilə 20 iyul saat 06:00-dək Bakı, Sumqayıt, Lənkəran, Mingəçevir, Yevlax, Cəlilabad, Gəncə, Masallı, Abşeron, Goranboy, Göygöl, Bərdə, Xaçmaz, Samux, Siyəzən və Şəki rayonlarında ciddi karantin rejimi fəaliyyət göstərəcək. Qeyd olunan şəhər və rayonlarda bütün iş, xidmət və ticarət sahələrində fəaliyyət, həmçinin ictimai nəqliyyat və avtomobillərin hərəkəti dayandırılıb. Göstərilən şəhər və rayonlarda fəaliyyətinin davam etdirilməsinə icazə verilən sahələrdə çalışan şəxslərin və nəqliyyatın hərəkətinə icaze.e-gov.az.portalında müvafiq icazə alındıqdan sonra yol verilir.

1670
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Azərbaycanlı müğənni ukraynalı opera müğənnisinə klip çəkib
Santa-Barbarada olmuşam! Tanınmış azərbaycanlı müğənnidən fərqli paylaşım
Məşhur bakılı: "Koronavirus mənə də çatıb" - VİDEO
Hamının kefi qalxacaq! Dilarə Kazımova yay hitini təqdim edib
Nadir səs tembrinə sahib olan azərbaycanlı müğənni imicini kökündən dəyişib
Müğənni Bəxtiyar Əliyev, arxiv şəkli

Müğənni Bəxtiyarın keçmiş həyat yoldaşı onun koronavirusa yoluxduğuna inanmır

1082
(Yenilənib 15:45 09.07.2020)
Azərbaycan əsilli məşhur rusiyalı müğənni Bahh Tee-nin keçmiş həyat yoldaşı Fərqanə Həsənova deyib ki, sabiq ərinin koronavirusa yoluxduğuna inanmır

 

BAKI, 9 iyul – Sputnik, Kəmalə Əliyeva. Azərbaycan əsilli məşhur rusiyalı müğənni Bahh Tee-nin (Bəxtiyar Əliyev) keçmiş həyat yoldaşı Fərqanə Həsənova sabiq ərinin koronavirusa yoluxduğuna inanmır. Bahh Tee isə bir həftəyə koronavirusdan sağaldığını iddia edib.

Sputnik Azərbaycan-ın məlumatına görə, bu günlərdə müğənni sosial şəbəkə hesabından izləyicilərinə COVID-19 virusuna yoluxduğunu və evdə müalicə aldığını bildirib.

Bahh Tee hazırda xəstəxanada olan atasını və dostunu da yoluxdurduğunu etiraf edib. O, həmçinin onunla ticarət mərkəzində və digər yerlərdə görüşən, selfilər çəkən pərəstişkarlarını, dostlarını da virusa yoluxduğu barədə xəbərdar edib.

Bir həftədən sonra Bahh Tee analiz verdiyini və nəticələrin neqativ çıxdığını, təhlükəli infeksiyadan tamamilə sağaldığını bəyan edib.

Bəxtiyar Əliyevin paylaşımının skrinşotu

Bahh Tee tez bir zamanda sağalmasını "Instagram" səhifəsinin izləyicilərinə sevinclə xəbər verib.

Bununla yanaşı, müğənninin keçmiş həyat yoldaşı sosial şəbəkə izləyicilərinə sabiq ərinin virusa yoluxduğuna inanmadığını bildirib.

"Suallarla üstümə hücum edirlər. Bu, mənim işim deyil. Mən bununla maraqlanmıram. Əgər doğrudursa, Allah qorusun. Mən ona yalnız cansağlığı arzu edə bilərəm. Amma mən onun yoluxduğuna inanmıram”, - deyə Həsənova bildirib.

Bəxtiyar Əliyev və Fərqanə Həsənova 2016-cı ildə evləniblər, 2019-cu ilin oktyabr ayında isə ayrılıblar. Boşanmanın səbəbi, Həsənovanın sözlərinə görə, populyar müğənninin ona xəyanət etməsi olub.

1082
Mövzu:
Dünyanı cənginə almış bəla
Əlaqədar
Hamının kefi qalxacaq! Dilarə Kazımova yay hitini təqdim edib
Azərbaycanlı müğənni ukraynalı opera müğənnisinə klip çəkib
Santa-Barbarada olmuşam! Tanınmış azərbaycanlı müğənnidən fərqli paylaşım
XİN-də həbs edilənlərdən biri məşhur müğənnimizin atası imiş - FOTO
Canet Cekson azərbaycanlı müğənniyə təşəkkür edib: Mahnımı gözəl oxuyursan
Məmurlar, arxiv şəkli

Azərbaycanın xaricdəki bəzi diplomatları koronavirusa yoluxub

0
(Yenilənib 18:54 10.07.2020)
Azərbaycanın Əfqanıstanda olan sülhməramlılarından bir nəfərdə yoluxma halı müəyyən edilib və dərhal karantinə alınıb.

 

BAKI, 10 iyul — Sputnik. Azərbaycanın xaricdəki diplomatik nümayəndəliklərində də yolxuma halları müşahidə edilib.

Sputnik Azərbaycan xəbər verir ki, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

O qeyd edib ki, 12 saylı cəzaçəkmə müəssisəndə 11 məhkum, 14 saylı cəzaçəkmə müəssisəsində 5 məhkum, 4 saylı cəzaçəkmə müəssisəsində 2 məhkumda testin nəticələri müsbət çıxıb.

Hikmət Hacıyev eyni zamanda bildirib ki Azərbaycanın Əfqanıstanda olan sülhməramlılarından bir nəfərdə yoluxma halı müəyyən edilib və dərhal karantinə alınıb: "Onun Azərbaycana gətirilməsi təmin olunub".

Prezidentin köməkçisi bildirib ki, Azərbaycanın səfirliklərinin əməkdaşları arasında da yoluxma halları qeydə alınıb: "Bundan əlavə, onların ailə üzvlərindən də yoluxanlar var. Buna baxmayaraq Azərbaycanın xaricdəki diplomatik nümayəndəlikləri fəaliyyətini davam etdirir".

0
Mövzu:
Dünyanı cənginə almış bəla
Əlaqədar
Koronavirusa yoluxanların sayı 12 milyonu keçdi
Bölgələrimizdə koronavirusla bağlı vəziyyəti - Hansı zona daha təhlükəlidir?
Ölkəmizdə kimlər daha çox risk altındadır? - Koronavirusa yoluxanların yaş qrupları
Azərbaycanla qonşu ölkədə bir gündə 176 nəfər koronavirusdan öldü
Koronavirusa qarşı yeni dərmanlar tapıldı