Müasir Azərbaycanın müstəqilliyində Ulu öndər Heydər Əliyevin rolu mövzusunda keçirilən esse müsabiqəsinin qaliblərinin mükafatlandırılma mərasimi keçirilib

Müstəqilliyimizin 25 illiyi ilə bağlı esse müsabiqəsinə yekun vuruldu

14
(Yenilənib 12:47 10.10.2016)
Birinci yerin sahibinə ailəsi ilə birlikdə Azərbaycana səyahət kuponu verilib

BAKI, 10 okt — Sputnik. Moskvada Azərbaycanın Dövlət Müstəqilliyimizin 25 illiyinə həsr olunan "Müasir Azərbaycanın müstəqilliyində Ulu öndər Heydər Əliyevin rolu" mövzusunda keçirilən esse müsabiqəsinin qaliblərinin mükafatlandırılma mərasimi keçirilib. Sputnik xəbər verir ki, tədbirdə Rusiyada təhsil alan tələbələr, zialılar, diaspor fəalları və Rusiya ictimaiyətinin nümayəndələri iştirak ediblər.

Türkiyənin məşhur yazıçısı Əhməd Hamdi Tanpınar
© Photo : PUBLİC DOMAİN

Azərbaycan Slavyan Gənclər Assosiyasiyasının (ASGA) Rusiya nümayəndəliyinin təşkilatçılığı, Diasporla İş Üzrə Dövlət Komitəsi, Azərbaycan Mədəniyyətinin İnkişaf və İntibah Fondunun və Ümumrusiya Azərbaycanlıları Konqresinin dəstəyi ilə təşkil olunan tədbirdə, öncə qaliblər müəyyənləşib. Sonra ASGA Rusiya nümayəndəliyinin rəhbəri Toğrul Allahverdili tədbirin əhəmiyyətindən danışıb.

"Tədbirin təşkilində məqsəd Heydər Əliyev irsini və Ulu Öndərin Rusiya ilə Azərbaycan arasında olan xidmətlərini rusiyalı gənclərə və burada təhsil alan azərbaycanlılara aşılamaq və iki xalq arasındakı dostluğa öz töhfəmizi verməkdir. Azərbaycan-Slavyan Gəncləri Assosiasiyası ölkəmizdə artıq 3 aydır ki, QHT-lərə Dövlət Dəstəyi Şurasının dəstəyi ilə "Azərbaycan 25" layihəsini həyata keçirir. Layihə çərçivəsində hazırlanan www.Azerbaijan25.az saytı isə bugünkü tədbirimizin qaliblərinin təqdim etdikləri yazıları dərc edəcəkdir. Dünyanın hansı hissəsində yaşamağımızdan asılı olmayaraq hər zaman dövlətimizi, xalqımızı düşünməli və milli maraqlara adekvat tədbirlər həyata keçirməliyik", — o bildirib

Daha sonra Rusiya Azərbaycan dostluq mərkəzinin rəhbəri Natalya Krasovskaya, Rusiya dövlət dumasının deputatı Rusiya Azərbaycan parlamentlər arası dostluq qrupunun rəhbəri Dimitri Savilyevin tədbirin təşkilatçılarına ünvanladığı rəsmi məktub oxunub. Onlar qonaqları salamlayaraq Ulu Öndərin Azərbaycan xalqı, Azərbaycan dövləti üçün etdiklərinin əvəzsizliklərini diqqətə çatdırıblar.

Sonra Azərbaycan mədəniyyətinin inkişafı və intibah fondunun sədri Şamil Tağıyev, Ümumrusiya Azərbaycanlıları konqresinin icraçı direktorunun müavini Rövşən Rəhimov, Müsabiqənin münsifləri Moskva Beynəlxalq Əlaqələr inistutunun müəllimi Professor Abuzər Bağırov, Azərbaycan və Rusiya yazıcılar birliyinin üzvləri Afaq Şıxlı və Maya Bədəlbəyli çıxış edərək tədbirin əhəmiyyətini və Azərbaycan və Rusiya gəncliyinin Heydər Əliyev şəxsiyyəti ilə yaxından tanış olmalarının önəmini vurğulayıblar.

Daha sonra qaliblərin mükafatlandırılması mərasimi başlanılıb. Birinci yerə Rusiyada təhsil alan, əslən Azərbaycanlı Abdullayeva Aidə qalib gəlib. Qalib ASGA tərəfindən Ailəsi ilə birlikdə Azərbaycanı səyahət etmək üçün kupon verilib.

Məlumat üçün qeyd edək ki, ASGA artıq 3 aydır ki, Prezident Yanında QHT-lərə Dövlət Dəstəyi Şurasının dəstəyi ilə "Azərbaycan 25" layihəsini həyata keçirir.

14
Teqlər:
esse, ASGA, müstəqillik, müsabiqə, Moskva
Əlaqədar
Müəllimlərin işə qəbulu üzrə müsabiqənin nəticələri açıqlandı
“Molla Nəsrəddin-2016” beynəlxalq karikatura müsabiqəsi keçirilir
Beynəlxalq müsabiqələr laureatı olan ilk qadın müğənnimiz
Bakıda keçiriləcək mahnı müsabiqəsinə 150 min manat xərclənəcək
Azərbaycanlı skripkaçıya Beynəlxalq Müsabiqənin Qran-Pri mükafatı təqdim olunub
Sinan Akçil

Sinan Akçıldan daha bir dəstək - "Daim yaşa, Azərbaycan" adlı mahnı bəstələyib

70
Sinan Akçıl və Səidə Quliyevanın "Daim yaşa, Azərbaycan" klipi artıq "Youtube" şəbəkəsində ön sıralardadır.

BAKI, 24 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Müğənni-bəstəkar Sinan Akçıl Qarbağda baş verən hadisələrdən təsirlənərək "Daim yaşa, Azərbaycan" adlı mahnı bəstələyib. Məşhur həmin mahnını azərbaycanlı müğənni Səidə Quliyeva ilə birlikdə oxuyub. Sinan Akçıl və Səidə Quliyevanın "Daim yaşa, Azərbaycan" klipi artıq "Youtube"da ön sıralardadır.

Qeyd edək ki, Sinan Akçıl Qarabağla və Gəncədə baş vermiş terror hadisəsi ilə bağlı dəfələrlə paylaşımlar edib.

70
İbrahim Tatlısəs, arxiv şəkli

İbrahim Tatlısəsdən kövrək addım: "Ölənədək yanındayıq, AZƏRBAYCAN!"

26
(Yenilənib 16:50 23.10.2020)
Müğənni özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

BAKI, 23 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Посмотреть эту публикацию в Instagram

İki Millet TEK Devlet TÜRK Milleti Olarak Ölümüne Yanındayız AZERBAYCAN !

Публикация от İBRAHİM TATLISES (@ibrahimtatlises)

Bu dəfə türk musiqisinin imperatoru İbrahim Tatlısəs Azərbaycana dəstəyini nümayiş etdirib. Belə ki, Türkiyənin məşhur müğənnisi özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

26

İlham Əliyev Azərbaycanı dəstəkləyən ölkələrin başçılarına məktublar ünvanlayıb

0
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

0
Mövzu:
Azərbaycan və Ermənistan arasında müharibə