ADO teatrı

Səhnəyə pampersdə çıxmaq olmazmı?

378
Qəzəbli, od püskürən yaşlı nəsilin nə vaxtsa gəncliyə sevgiylə yanaşacağına ümid bəsləmək də, əslində, ümidsizlik deməkdir

BAKI, 27 sen — Sputnik. Son günlər ADO teatrının aktyorlarının səhnəyə pamperslə çıxması müzakirə mövzusuna çevrilib. Təqdimatı avqustun 26-da baş tutan "GOTT və ya Cənnətin işğalı" adlı tragikomediyada aktyorlar səhnəyə yarıçılpaq vəziyyətdə, daha dəqiq desək, pampersdə çıxıblar. Əlbəttə, məlum cəmiyyətimizdə belə bir cəhd birmənalı qarşılana bilməzdi. Hələ ki, səhnəyə pampersdə çıxarılan obrazlar Adəm və Həvvadırsa…

Tamaşanın müəllifi və rejissoru olan teatrın təsisçisi və bədii rəhbəri Elmin Bədəlovun öz təbirincə desəm, Adəm və Həvvanı çarşabda göstərmək məntiqə sığmazdı. Əncir yarpağı da artıq dəbdən düşüb.

Əslində, bu əncir yarpağı məsələsi də bir ayrı söhbətin mövzudur. Bir əncir yarpağı insanın məlum yerlərini nə dərəcədə örtə bilər ki? Üstəlik, əncir yarpağı dərini qaşındırır. Bu baxımdan pampers daha uyğun variantdır və bu uğurlu tapıntıya görə rejissoru yalnız təbrik etmək olar.

Elə Elmin Bədəlovu bu uğurlu tapıntıya görə, eyni zamanda yenilikçiliyinə görə təbrik edən sənət adamları da oldu. Amma öz cəfəng dəyərlərini əlində bayraq tutub od püskürən əxlaqşüvən xalq artistləri və başqa sənət adamları da özünün sənətə barbar münasibətini sərgiləməkdən çəkinmədilər.

Əgər bu gün bir nənə obrazını Azərbaycan tamaşaçısına bikiniylə çimərlikdə günəşlənərkən göstərsən, bütün yeddiqat güllü tumanlı nənələrin dilindən sənə qalaq-qalaq söyüşlər və qarğışlar ünvanlayar. Hələ mərhum aktrisamız Nəsibə xanım Zeynalovanın nənə obrazlarından da misal çəkib əxlaq dərsi keçməyə başlayacaq. Və sən ona heç cür izah edə bilməyəcəksən ki, Nəsibə Zeynalovanın ifa etdiyi nənələrin sonuncusu da yalnız ağ-qara fotoşəkillərdə yaşayır.

Yaxşı bəs müasirliyə, yeniliyə qarşı bu qəzəb nədən qaynaqlanır? Hələ bir sıra adamlar yeniliyin soyunmaq olmadığını deyib, nəsə böyük bir teoremi isbat etmiş kimi qürrələnirlər də. Sanki bu gənc yaradıcı nəsil yeniliyin soyunmaq olmadığını bilmir…

Əslində, bu gənc yaradıcı nəsil onların hamısından çox bilir. Məsələn, sözügedən tamaşaya etiraz edən, bunu mənəviyyata ləkə adlandıran xalq artisti Ramiz Məlik müasir incəsənətimiz üçün ADO teatrının kollektivi qədər zəhmət çəkmiyib. Onun və yaşıdlarının bütün xidmətləri tarixin 20-ci əsrində qalıb. Nə təfəkkürləri, nə də zəhmətləri 99-cu ilin sərhədini keçə bilməyib. Bu adamların gənc yaradıcı nəsilə qəzəblənmələri də acınacaqlı patologiyanın əlamətlərindən qeyri bir şey deyil.

Azərbaycanda ilk müstəqil teatr olan ODA teatrı, daha sonra ADO teatrı və hal-hazırda yaranmaqda olan digər teatrlar müasir mədəniyyətin inkişafı üçün təməllərdir. Bütün sənət adamlarının bu teatrlara dəstək olması gərəkdiyi halda onların müxtəlif pərdələr altında bu fədakar gənclərə qarşı çıxması dəhşətlidir.

Teatr pərdəsi. Arxiv şəkli
© Photo : PUBLIC DOMAIN

Bu yerdə böyük tənqidçi, filosof Valter Benjaminin bir sözü yada düşür: "İnsan qurtulmadıqca, əzilənlər əzənlərdən intiqam almadıqca, mədəniyyət də bir barbarlıq nümunəsi olmaqdan qurtulmayacaqdır!"

Hər hansı bir bədii əsərdə, teatr tamaşasında, filmdə çılpaq səhnə görüb qəzəblənən sözdə ziyalı zümrənin nümayəndələri kiçik bir məbləğdən keçib o əsərlərin yaradıcılarına dəstək olsalar, yaxud özlərinin nüfuzundan yararlanıb bu gənclərə də kömək etsələr, daha yaxşı olmazmı? Məsələn, hər dəfə ölkənin ilk müstəqil teatrı haqqında ağıla gələ biləcək bütün növ təhqirləri səsləndirən Ramiz Məlik, aldığı Prezident təqaüdündən beşcə manat ayırıb bu teatrın tamaşasına gedə bilər. Daha sonra tənqidi fikirlərini də yayımlamaq ixtiyarına sahib olar. Əlbəttə, tənqidi, təhqiri yox…

Henrik İbsenin "Per Günt" əsərində qəhrəman tək başına və pulsuz qaldıqda belə deyir: "Həyat varsa, ümid də var deməkdir!" Digər tərəfdən Valter Benjaminin səsi gəlir: "Əgər əlimizdə ümid deyə bir şey qalmışsa, bu, ümidsizlik adınadır!"

Xülasə, bu qəzəbli, od püskürən yaşlı nəsilin nə vaxtsa gəncliyə sevgiylə yanaşacağına ümid bəsləmək də, əslində, ümidsizlik deməkdir…

378
Teqlər:
Həvva, Adəm, ADO teatrı, səhnə, teatr, tamaşa
Əlaqədar
Səhnəmizin "Qayınana"sının yüz yaşı tamam olur
Şekspirin “Hamlet”i Azərbaycan səhnəsində
Erotika və porno – sənət, yoxsa əxlaqsızlıq?
Turşumuş çaxır qoxusu da bundan yaxşıdır
Şəhrizadın erotik nağılları
Corc Kluni, arxiv şəkli

Corc Kluni şeytandır?

18
(Yenilənib 10:51 25.11.2020)
"Qəzetlər yazırdı: Şeytan! Corc Kulini şeytandır!"- deyən aktyor bildirib ki, o, bundan sonra Bred Pittdən qisasını alıb.

BAKI, 25 noyabr — Sputnik. Amerikalı aktyor Corc Kluni GQ jurnalına müsahibəsi zamanı "Ouşenin 12 dostu" filminin çəkilişləri zamanı baş verən kuryoz hadisədən danışıb.

Sputnik Azərbaycan xarici mətbuata istinadla xəbər verir ki, filmin bəzi hissələri aktyorun bir neçə il yaşadığı İtaliyada, Komoda çəkilib. Onun sözlərinə görə, filmdə rol alan Bred Pitt şəhərə Kluni ilə "xüsusi" davranmağa çağıran vərəqələr yerləşdirərək, yerli sakinlərə mesaj verib.

"Xahiş edirəm, Corc Kluni ilə filmdəki Denni Ouşen kimi davranın və onun gözlərinə baxmayın", - divara yapışdırılmış məktublarda yazılıb.

Bu zaman həmin mesaja yerli KİV xüsusi reaksiya göstərib.

"Qəzetlər yazırdı: Şeytan! Corc Kluni şeytandır!"- deyən aktyor bildirib ki, o, bundan sonra Bred Pittdən qisasını alıb.

Xatırladaq ki, rejissor Stiven Soderberqin çəkdiyi "Ouşenin 12 dostu" filmi 2004-cü illərdə ekranlaşdırılıb.

Filmdə Corc Kluni və Bred Pittlə yanaşı, Mett Deymon, Ketrin Zeta-Cons, Culya Roberts, Vensan Kassel rol alıblar.

18
Teqlər:
çəkiliş, film, Bred Pitt, amerikalı aktyor Corc Kluni
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

36
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

36
Teqlər:
Azərbaycan mətbəxi, "Master Chef", tv, Azərbaycan, Türkiyə

Dünya futbolunun əfsanəsi FOTOlarda

0
(Yenilənib 08:53 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi göz önünə gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azrkeçlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

 

0
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Dieqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Məşqçi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona