Nicat Kazımov, Gənc Tamaşaçılar teatrının rejissoru və aktyoru

Azərbaycanlı rejissora Moldovadan dəvət gəlib

11
Dəvətin məqsədi inkişafda olan Qaqauz teatrı ilə qədim və zəngin köklərə malik Azərbaycan teatrı arasında yaradıcılıq əlaqələrinin qurulması və genişləndirilməsidir

BAKI, 21 iyul — Sputnik. Azərbaycan Dövlət Gənc Tamaşaçılar Teatrının rejissoru, əməkdar artist Nicat Kazımov Moldova Respublikası Dionis Tanasoğlu adına Qaqauz Milli Teatrına dəvət alıb. Teatrın mətbuat xidmətindən Sputnik-ə verilən məlumata görə, dəvətin məqsədi inkişafda olan Qaqauz teatrı ilə qədim və zəngin köklərə malik Azərbaycan Milli Teatrı arasında yaradıcılıq əlaqələrinin qurulması və genişləndirilməsidir.

Qeyd edək ki, Moldovanın Qaqauz Yeri Muxtar Respublikası Mədəniyyət və Turizm Nazirliyi və Dionis Tanasoğlu adına Qaqauz Milli Teatrının dəvətinə əsasən rejissorumuz görkəmli türk yazıçı və dramaturqu Əziz Nesinin "Öldür məni can-ciyər" pyesi əsasında tamaşa hazırlayacaq.

Xatırladaq ki, N.Kazımov cari ilin iyul ayının 28-dən — sentyabr ayının 1-dək Dionis Tanasoğlu adına Qaqauz Milli Teatrında sözügedən tamaşanı hazırlayıb təhvil verərək Vətənə dönəcək.

11
Teqlər:
Moldova, Nicat Kazımov, rejissor, teatr, Gənc Tamaşaçılar Teatrı
Əlaqədar
Kukla teatrının rejissoru: nağıl qəhrəmanları azdır
Amerikalı rejissorun "Qarabağ" haqda filmi beynəlxalq festivalda
İlham Namiq Kamal: elə bir peşəkar rejissor tanımıram ki, hazırda serialla məşğul olsun
Azərbaycanlı rejissorun oğlu itkin düşüb
Rejissor Xəzər Həmzənin “Video çəkən” filminin təqdimatı oldu