Azərbaycan Dövlət Gənc Tamaşaçılar Teatrına Rusiyadan qonaqlar gəlib

Rusiyadan qonaqlar var

21
(Yenilənib 18:12 04.07.2016)
Bakının gəzməli, görməli yerləri ilə yaxından tanış olmaq imkanı əldə edəcək qonaqlar, həmçinin gələcək yaradıcılıq planları haqqında da müzakirələr aparacaqlar

BAKI, 4 iyul — Sputnik. Azərbaycan Dövlət Gənc Tamaşaçılar Teatrına Rusiyadan qonaqlar təşrif buyurublar. Bu barədə Sputnik-ə Gənc Tamaşaçılar Teatrının mətbuat xidmətindən məlumat verilib.

Məlumata görə, Rusiya Federasiyası Kalmık Milli Dram Teatrının baş direktoru, Kalmıkiya Respublikasının Əməkdar Mədəniyyət İşçisi, Azərbaycan Respublikasının Fəxri Mədəniyyət işçisi Qalina Borisovna Şurayeva və Krasnoyarsk vilayətinin Sosial siyasət naziri Qalina Mixaylovna Kovalyeva bir neçə gün ərzində şəhərimizin qonaqları olacaqlar. Bakının gəzməli, görməli yerləri ilə daha yaxından tanış olmaq imkanı əldə edəcək qonaqlar həmçinin, gələcək yaradıcılıq planları haqqında müzakirələr aparacaqlar.

Ötən ay premyerası həyata keçirilmiş "Qohumlar" tamaşası Azərbaycan Dövlət Gənc Tamaşaçılar Teatrı və B. Basanqov adına Kalmıkiya Milli Dram Teatrı rəhbərlərinin imzaladığı qarşılıqlı yaradıcılıq müqaviləsinin müvafiq bəndlərinə uyğun olaraq hazırlanıb. Qalina Şurayeva layihənin Kalmıkiya Teatrı tərəfindən, həmsədri olaraq hazırlanan yeni tamaşaya baxmaq imkanı əldə edəcək.

Belə ki, Kalmık Milli Dram Teatrının bədii rəhbəri, RF və Kalmıkiya Respublikasının Əməkdar İncəsənət Xadimi Boris Mandjiyevin quruluşunda hazırlanan uğurlu səhnə əsəri iyul ayının 9-da saat 19.00-da qonaqlarımıza təqdim olunacaq.

İki hissəli müziklda Əməkdar Artistlər Şövqi Hüseynov, Naibə Allahverdiyeva, Qurban İsmayılov, Şəfəq Əliyeva, Nəsibə Eldarova, Atabala Səfərov, aktyorlar Mehriban Hüseynova, Könül Əbilova, Sevinc Mehrəliyeva, Şəbnəm Hüseynova, Zümrüd Quliyeva, Səbinə Məmmədova, Ramil Məmmədov, Vahid Orucoğlu, Elnur Hüseynov, İlham Əsədov, Zemfira Əbdülsəmədova, Sona Babayeva, Məsumə Babayeva, Məhərrəm Musayev, Rəzzaq Məmmədov, Ələsgər Qurbanəliyev, Bəxtiyar Kərimov, Vüqar Məmmədəliyev, Elnur Əliyev, Elgün Yəhyayev, Bəhram Həsənov, Eşqin Quliyev, Aydın Dəmirov, Ceyhun Məmmədov və Yusif Dadaşov iştirak edəcəklər.

21
Teqlər:
"Qohumlar" tamaşası, Qalina Mixaylovna Kovalyeva, Qalina Borisovna Şurayeva, Kalmık Milli Dram Teatrı, Azərbaycan Dövlət Gənc Tamaşaçılar Teatrı, Rusiya
Əlaqədar
Böyrək çatışmazlığından əziyyət çəkən aktyor: "40 min dollara ehtiyacım var"
Aktyorlar “Qarışqa yuvasında”
"Müstəntiq olmaq istəyirdim, aktyor oldum"
Tanınmış aktyor dünyasını dəyişdi
Məşhur aktyor dünyasını dəyişib
Türkiyənin məşhur aktyoru Levent Kırca vəfat edib
Milli İncəsənət Muzeyi

Milli İncəsənət Muzeyinin direktoru medalla təltif olunub

3
(Yenilənib 14:14 26.01.2021)
Türk dünyasının məşhur simaları – Süleyman Dəmirəl, Nursultan Nazarbayev, Rauf Denktaş, Çingiz Aytmatov, İhsan Doğramacı və başqaları akademiyanın fəxri ad və medalları ilə təltif olunublar.

BAKI, 26 yanvar — Sputnik. Azərbaycan Milli İncəsənət Muzeyinin direktoru, Əməkdar incəsənət xadimi, professor Çingiz Fərzəliyev Türk Dünyası Araşdırmaları Beynəlxalq Elmlər Akademiyasının həqiqi üzvü seçilib və türk dünyası mədəniyyətinin təbliğinə verdiyi töhfələrə görə akademiyanın beynəlxalq "Qızıl ulduz" medalı ilə təltif edilib.

Sputnik Azərbaycan xəbər verir ki, Türk Dünyası Araşdırmaları Beynəlxalq Elmlər Akademiyası Rəyasət heyətinin qərarı ilə professor Çingiz Fərzəliyev, həmçinin türk dünyası mədəniyyətinin təbliğinə verdiyi töhfələrə görə beynəlxalq "Atatürk mükafatı"na layiq görülüb.

Türk Dünyası Araşdırmaları Beynəlxalq Elmlər Akademiyasının ali məqsədi türk dili, mədəniyyəti, tarixi və ədəbiyyatını bütün dünyada təşviq etməkdir. Akademiya 30-dan çox ölkədə tanınmış universitetlər, elmi-tədqiqat institutları, müxtəlif fond və qurumlar ilə qarşılıqlı əlaqələr qurub. Akademiyanın ABŞ, Fransa, İtaliya, Böyük Britaniya, Almaniya, Belçika, Rumıniya, İsveçrə, Niderland Krallığı, İran, Rusiya Federasiyası, Suriya, İordaniya, Misir, Ukrayna, İraq, Türkmənistan, Özbəkistan, Qazaxıstan, Qırğızıstan, Bolqarıstan, Moldova, Kosovo, Makedoniya, Yunanıstan və Çində rəsmi nümayəndəlikləri fəaliyyət göstərir. Bu günə kimi türk dünyasının, eləcə də digər ölkələrin yüzdən çox məşhur ziyalısı akademiyanın fəxri ad və beynəlxalq mükafatlarına layiq görülüblər.

Türk dünyasının məşhur simaları – Süleyman Dəmirəl, Nursultan Nazarbayev, Rauf Denktaş, Çingiz Aytmatov, İhsan Doğramacı və başqaları akademiyanın fəxri ad və medalları ilə təltif olunublar. Azərbaycanın görkəmli alimləri, o cümlədən Arif Paşayev, Cəmil Əliyev, Xoşbəxt Yusifzadə, Nailə Vəlixanlı, Elbay Qasımzadə Türk Dünyası Araşdırmaları Beynəlxalq Elmlər Akademiyasının həqiqi üzvləridir.

3
Disney, arxiv şəkli

"Disney" iki məşhur cizgi filminə məhdudiyyət qoydu

26
(Yenilənib 12:57 26.01.2021)
Sayt "Piter Pan"ın "Redskins" adlanan hindu qəbiləsini təsvir etdiyi üçün bloklandığını iddia edib. "Aristokrat pişiklər"ə gəldikdə isə, qəhrəmanlardan birinin əyri gözləri və diş çıxıntıları "Disney"in xoşuna gəlməyib.

BAKI, 26 yanvar — Sputnik. "Disney" yayım xidməti yeddi yaşınadək uşaqlar üçün "Dambo", "Piter Pan", "Aristokrat pişiklər" cizgi filmlərinə və "İsveçrəli Robinzon ailəsi" filminə baxmaq üçün yaş məhdudiyyəti qoyub.

Sputnik Azərbaycan xarici mediaya istinadən xəbər verir ki, qərara səbəb kimi sözügedən filmlərdə irqçilik göstərilib.

Sayt "Piter Pan"ın "Redskins" adlanan hindu qəbiləsini təsvir etdiyi üçün bloklandığını iddia edib. "Aristokrat pişiklər"ə gəldikdə isə, qəhrəmanlardan birinin əyri gözləri və diş çıxıntıları "Disney"in xoşuna gəlməyib. Yayım xidməti hesab edir ki, bununla "Şərqi Asiya xalqlarının karikaturası" çəkilib.

"Dambo"da cənub plantasiyalarında afro-amerikalı işçilərin lağa qoyulduğu bildirilib, çünki kadrlardan birində qaradərili işçilər mahnılarında belə bir ifadə işlədirlər: "Qazancımızı alanda bütün pulları israf edirik".

"İsveçrəli Robinzon ailəsi" filmi isə "sarı və qara" üzlü pirat obrazına görə tənqid olunub.

26
Əlində smartfon olan kişi, arxiv şəkli

Dövlət Xidməti məişət texnikası mobil telefon sahiblərinə satıcılarına çağırış edib

0
Bu sahədə qanun pozuntusuna yol verən fiziki şəxslər 350 manatdan 500 manatadək, vəzifəli şəxslər 1500-2000 manatadək, hüquqi şəxslər 4000-6000 manatadək cərimə olunur

BAKI, 26 yanvar — Sputnik. İstehlak bazarında soyuducu, kondisioner, tozsoran, mikrodalğalı soba, fen, ütü, televizor, həmçinin mobil telefon və s. kimi malların dövriyyəsi artdıqca onların keyfiyyəti və satış şərtləri barədə istehlakçıların müraciətləri də artır. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti bu növ malları alarkən hüquqlarının pozulmaması üçün istehlakçılara diqqətli olmağı tövsiyə edir.

Dövlət Xidmətdən Sputnik Azərbaycan-a verilən məlumata görə, məişət texnikası alarkən onun komplektliyinə, keyfiyyətinə, istehsalçı haqqında məlumatın mövcudluğuna, mal haqqında qısa annotasiyasının olmasına, mala aid sənədlərin təqdim edilməsinə diqqət yetirilməlidir. Eyni zamanda, satıcı ilə müqavilə bağlanmalı, qəbz və ya kassa çeki, zəmanət müddəti olan mallar üzrə isə texniki pasport və ya onu əvəz edən digər sənəd və zəmanətli satış tələb edilməlidir. Zəmanət müddəti malın pasportunda və ya nişanlama kağızında (yarlıqda) yaxud mala əlavə olunan sənəddə göstərilməlidir.

Mal zəmanətli satılarkən, satıcı onun pasportunda malın bu obyektdən alındığını və satış tarixini təsdiq edən ştamp vurmalıdır. Bu müddət ərzində alınan malda qüsur və ya saxtalaşdırma aşkar edilərsə, istehlakçı qanunvericiliklə müəyyən olunmuş qaydada hüquqlarını tələb edə bilər.

Alıcı zəmanət müddəti müəyyən olunan malda aşkarlanan qüsur barədə satıcı (istehsalçı, icraçı) qarşısında tələblərini malın zəmanət müddəti ərzində irəli sürə bilər. Zəmanət müddəti müəyyən edilməyən mallarda aşkarlanan qüsurlar barədə tələb isə həmin əşyanın alıcıya verildiyi gündən iki il ərzində və ya alqı-satqı müqaviləsi ilə nəzərdə tutulmuş daha uzun müddətdə irəli sürülə bilər. Qüsurların aradan qaldırılması ilə bağlı istehlakçının tələbinə mal qəbz və ya kassa çeki, zəmanət müddəti olan mallar üzrə isə texniki pasport və ya onu əvəz edən digər sənəd təqdim edildikdə baxılır. Əgər satıcı, istehsalçı (onların funksiyalarını yerinə yetirən müəssisələr) malın qüsurlarının istehlakçı tərəfindən istifadə və ya saxlanma qaydalarının pozulması, üçüncü şəxslərin hərəkətləri və ya təbii fəlakət nəticəsində əmələ gəldiyini sübuta yetirərsə, istehlakçının tələbləri təmin olunmur.

Müqavilə və ya digər qaydalarla müəyyən olunmuş zəmanət müddəti ərzində aldığı malda istehsalçının və ya satıcının təqsirindən yaranan qüsur və ya saxtalaşdırma aşkar edilərsə, satıcı (icraçı) istehlakçıdan lazımi keyfiyyəti olmayan malı geri götürməyə və istehlakçının qanunvericilikdə nəzərdə tutulmuş tələblərindən birini yerinə yetirməyə borcludur. Eyni zamanda, satıcı istehlakçının tələbi və iştirakı ilə məişət təyinatlı mürəkkəb texniki malların quruluşunu, iş prinsipini, standartlara uyğunluğunu əyani nümayiş etdirməyə, malın keyfiyyəti, komplektliyi haqqında zəruri məlumat verməyə, mala aid sənədləri təqdim etməyə borcludur.

İnzibati Xətalar Məcəlləsinə əsasən, bu sahədə qanun pozuntusuna yol verən fiziki şəxslər 350 manatdan 500 manatadək, vəzifəli şəxslər 1500 manatdan 2000 manatadək, hüquqi şəxslər 4000 manatdan 6000 manatadək məbləğdə cərimə olunur. Antiinhisar və İstehlak Bazarına Nəzarət Dövlət Xidməti məişət texnikası və mobil telefon istehsalçıları və satıcılarını qanunvericiliyinin tələblərinə ciddi əməl etməyə çağırır.

0