Televizora baxan adam. Arxiv şəkli

Qərəzsiz ANS, qərəzli Şura, umduğundan küsən xalq...

733
Küsəcəyimiz bir yerin olması umacağımız bir yerin olmasıdır. Umacağımız bir yerin olması da bütün xoşbəxtliklər üçün bir ümid işığıdır.

BAKI, 27 iyun — Sputnik. Barmaqla sayılası qədər telekanallarımız var ki, onların da böyük bir qismi quruca binadan qeyri bir şey deyil. Bilmirəm, say çoxaltmaq üçün, yoxsa gəlir mənbəyi kimi bu lazımsız telekanalları urcah ediblər xalqın canına. Hərəsində də bir para boşboğaz…

Biri bayağı şoularla, insan həyatı üzərində oynanılan oyunlarla, mahiyyətcə mərsiyəxandan fərqlənməyən beş-altı nəfərdən teleaparıcı düzəldib, reytinq yığmağa çalışır. O biri toy səviyyəli verilişlərlə, mədhiyyələrlə, pərəstişi fitdən yuxarı olmayan kiçik auditoriya ilə ekranda məzhəkə qurub. Digəri müxtəlif təriqətləri şüuraltına yeritmək üçün hər iki kəlməsindən biri dinə, məzhəbə bağlanan lüğətlə özünün, yaxud havadarlarının ideyalarını təbliğ etməyə çalışır. Bir başqası arada fal-cadu ilə yada düşsə də, o qədər məzmunsuzdur ki, varlığı ilə yoxluğu arasında heç bir fərq yoxdur. Və s. və i. a.

Lakin bu telekanalların içində ANS TV həm peşəkarlıq baxımdan, həm də xalqa təqdim etdiyi keyfiyyətli məhsullarla digərlərindən fərqlənir. Ümumiyyətlə, Azərbaycan Televiziyasından sonra ikinci və sonuncu peşəkar telekanal elə ANS TV-dir. Həm xəbərlərində, həm şoularında, həm sənədli filmlərində, bir sözlə, bütün layihələrində yüksək maarifləndiricilik olan bu telekanal, şəxsən mənə görə, elə öz şuarı kimi, dəqiq, qərəzsiz və vicdanlıdır. Bəs bu qərəzsiz telekanalla Milli Televiziya və Radio Şurasının qərəzi nədir?

Müxtəlif zərərli ideologiyaları təbliğ edən, bayağı şoularla reytinq qazanmağa çalışan, ekranı toy səviyyəsinə endirən telekanallara gücü çatmayan MTR Şurasının ANS-lə nə qərəzi var? Əlbəttə, Şuraya buyruq qulu lazımdır. ANS TV isə özünün indiyəqədərki fəaliyyəti ilə sübut edib ki, buyruq qulu deyil. Bəli, ANS TV Azərbaycan teleməkanında yeganə telekanaldır ki, ən cəsur verilişləri ilə, ən maarifləndirici layihələri ilə yadda qalıb. Bunları saymağa gərək yoxdur. Əgər ANS TV digər telekanallar kimi bayağılığa, ucuz reytinqə qaçsaydı, MTR Şurasnın onunla heç bir qərəzi olmazdı.

Şura istəyir ki, xalqa çal-çağır təqdim olunsun, xalqın başı çalıb-oynamağa qarışsın. ANS TV isə yeganə telekanaldır ki, xalqı elmə, müzakirəyə, mühakiməyə, araşdırmaçılığa, öyrənməyə səsləyir. Necə ki, zamanında Şuşanın işğalından xalqı xəbərdar edən də məhz ANS TV idi. Bəli, Şuraya sərf etməyən budur.

Qətiyyən bu yazıda ANS TV-nin ünvanına tərif yağdırmaq kimi bir niyyətim yoxdur. Müəyyən məqamlarda ANS TV də əmrə tabedir. Buna görə də bəzən xalqın arzu və istəklərinə zidd gedə bilər, bəzən ədalətsiz mövqe də tuta bilər. Axı dünyada idarə olunmayan nə var? Bəs bu "bəzən"lər ANS TV-nin ümumi fəaliyyətinin üzərindən xətt çəkəcək, onu heç sayacaq qədər böyükdürmü? Əsla!

Digər telekanalların az qala hər gün təkrarladığı şablonlar ANS TV-də bir dəfə səslənsə, dərhal insanların etiraz səsi yüksəlir. ANS TV-nin ekranında azca bayağılıq, ucuz reytinqə hesablanmış şoular görəndə xalq əsəbləşir. Bəli, məhz ANS TV-dən küsür xalq. Çünki ANS TV-dən umur. Xalq bilir ki, onun ANS TV-dən başqa "heç kəsi" yoxdur. Umduğu üçün küsür.

Son zaman sözügedən telekanalda baş verən "ələnmə" prosesi müxtəlif söz-söhbətlərə səbəb olub. İllərdir ki, məhz ANS TV sayəsində tanınan aparıcılar bu gün bu telekanalı tərk ediblər deyə, onu pisləyir, arxasınca deyinirlər. Axı bu adamlar həmin telekanalda çalışdığı müddətdə "dəqiq, qərəzsiz, vicdanlı ANS" şüarını dəfələrlə təkrarlayan adamlardır. Bəs indi hansı üzlə ANS TV-nı qərəzli olmaqda, vicdansızlıqda ittiham edirlər? Yoxsa "bağda ərik var idi…" məsəli, daha bu adamlara ANS "ərik" verməyəcək deyə, pismi oldu? Qərəzlimi oldu? Vicdansızmı oldu?

Küsəcəyimiz bir yerin olması umacağımız bir yerin olmasıdır. Umacağımız bir yerin olması da bütün xoşbəxtliklər üçün bir ümid işığıdır. Azərbaycan Televiziya məkanında həmin ümid işığı məhz ANS TV-dir. İstər xalq, istər ANS-in eks-əməkdaşları, bu telekanalın qədrini bilməlidir.

733
Teqlər:
qərəzsiz, qərəzli, qərəz, şou, MTRŞ, ANS, telekanal
Əlaqədar
Məhkəmə ANS-in MTRŞ-yə qarşı şikayətlərini təmin etməyib
ANS-dən Mehriban Əliyeva mükafat
MTRŞ sədri ANS-in cərimələnməsi ilə bağlı qərarları qüvvədə saxlayıb
ANS-ə sarsıdıcı zərbə: "Hesabat" verilişinin yayımı dayandırıldı
MTRŞ: ANS ödənişdən imtina etsə, cərimə məcburi qaydada alınacaq

Əfsanə, rahat yat: Ennio Marikonenin xatirəsinə həsr olunur

19
(Yenilənib 12:59 06.07.2020)
  •  Ennio Morrikone, arxiv şəkli
  • Ennio Morrikone, arxiv şəkli
Ecazkar, insanın qəlbini ilk notlarından valeh edən musiqilərin müəllifi Ennio Marikoneni dünya heç zaman unutmayacaq. Rahat uyu, əfsanə. Sənin musiqin daim yaşayacaq...

İtaliyalı bəstəkar və dirijor, dünyaca məşhur Ennio Marikone bu gün, 91 yaşında dünyasını dəyişib. Bəstəkar bir neçə gün öncə yıxılıb və bud sümüyünü sındırıb. Romada klinikaya yerləşdirilən bəstəkarın vəziyyəti sonradan pisləşib.

Qeyd edək ki, Ennio Morrikone 10 noyabr 1928-ci ildə Romada, peşəkar caz trubaçalan Mario Morrikone və evdar xanim Libera Ridolfinin ailəsində anadan olmuşdur.

Ailədə 5 uşaqdan böyüyü o idi. Morrikone 9 yaşı olanda Romada Müqəddəs Çeçiliya konservatoriyasına daxil olmuşdu. Bu konservatoriyada o, ümumilikdə 11 il təhsil almış və 3 diploma yiyələnmişdi - 1946-cı ildə truba sinfi üzrə,1952-ci ildə orkestr (fanfar) sinfi üzrə və 1953-cü ildə isə bəstəkarlıq sinfi üzrə.

Morrikonenin 16 yaşı olduqda, o, əvvəl atasının ifa etdiyi, Alberto Flamininin ansamblında ikinci truba yerini aldı. Ennio ansamblla birlikdə pul qazanmaq üçün Romanın gecə klublarında və otellərində ifa edirdi. Bir il sonra Morrikone teatra düzəldi.

Burada o, bir il musiqiçi kimi, daha sonra üç il bəstəkar kimi fəaliyyət göstərdi. 1950-ci ildə o, radio üçün tanınmış bəstəkarların mahnılarını aranjman etməyə başladı. Radio və konsertlər üçün musiqi düzəlişləri ilə Morrikone 1960-cı ilə qədər məşğul oldu, bundan sonra teleşoular üçün musiqi aranjman etməyə başladı.

O, altı dəfə "Oskar" mükafatına namizəd olub, 2007-ci ildə isə kinematoqrafa verdiyi töhfələrə görə bu mükafata yiyələnib.

Sputnik Azərbaycan dahi Ennio Marikoneni müxtəlif illərdə çəkilmiş şəkilləri ilə yad edir.

19
  • © Sputnik / Ekaterina Chesnokova

    İtaliyalı bəstəkar və dirijor, dünyaca məşhur Ennio Marikone

  • © AFP 2020 / Tiziana Fabi

    İtaliyalı bəstəkar və dirijor, dünyaca məşhur Ennio Marikone

  • © AFP 2020 / Gabriel Bouys

    İtaliyalı bəstəkar və dirijor, dünyaca məşhur Ennio Marikone

  • İtaliyalı bəstəkar və dirijor, dünyaca məşhur Ennio Marikone

  • © AFP 2020 / Patrick Kovarik

    İtaliyalı bəstəkar və dirijor, dünyaca məşhur Ennio Marikone

  • © AFP 2020 / Ralph Gatti

    İtaliyalı bəstəkar və dirijor, dünyaca məşhur Ennio Marikone

  • © AP Photo / Remy de la Mauviniere

    İtaliyalı bəstəkar və dirijor, dünyaca məşhur Ennio Marikone

  • © AFP 2020 / Giulio Napolitano

    İtaliyalı bəstəkar və dirijor, dünyaca məşhur Ennio Marikone

  • © AFP 2020 / Alberto E. Rodriguez/Getty Images

    İtaliyalı bəstəkar və dirijor, dünyaca məşhur Ennio Marikone

  • © AP Photo / Gregorio Borgia

    İtaliyalı bəstəkar və dirijor, dünyaca məşhur Ennio Marikone

  •  Ennio Morrikone, arxiv şəkli
    © AP Photo / Michael Sohn

    İtaliyalı bəstəkar və dirijor, dünyaca məşhur Ennio Marikone

  • Ennio Morrikone, arxiv şəkli
    © AFP 2020 / HEIKKI SAUKKOMAA

    İtaliyalı bəstəkar və dirijor, dünyaca məşhur Ennio Marikone

KT analizi, arxiv şəkli

Bəhram Bağırzadədən xəbər var - bugünkü rentgen müayinəsi ümidvericidir

12
(Yenilənib 12:48 06.07.2020)
"Hazırda ilk plana ikincili bakterial infeksiya qoşulması ilə mübarizə çıxır" - həkim Bəxtiyar Musayev

BAKI, 6 iyul — Sputnik. “Bəhram Bağırzadənin vəziiyyəti ağır olaraq qalır”.

Sputnik Azərbaycan APA-ya istinadən bildirir ki, bunu Mərkəzi Gömrük Hospitalının rəisinin müalicə işləri üzrə müavini Bəxtiyar Musayev bildirib. O qeyd edib ki, xəstənin tənəffüsü süni ventilyasiya aparatı vasitəsilədir:

“Huşu aydın, bədən hərarəti isə normadadır. Bu gün aparılan rentgen müayinəsi zamanı ağciyərlərin vəziyyətində əhəmiyyətli dərəcədə yaxşılaşma qeyd edilib.

Hazırda ilk plana ikincili bakterial infeksiya qoşulması ilə mübarizə çıxır. Bununla bağlı müvafiq təyinatla dəyişikliklər aparılıb”, - deyə B.Musayev bildirib.

12
Teqlər:
Bəhram Bağırzadə, Koronavirus, COVID-19
Mövzu:
Azərbaycanda koronavirus: son xəbərlər
Əlaqədar
Bəhram Bağırzadə komadan ayıldı
Bəhram Bağırzadə əslində haradadır? - Səs yazısını şərh etdilər
Bəhram Bağırzadənin ciyərləri dəyişdiriləcək?
Bakıda yanğının nəticəsi

Paytaxtda üfunət qoxusu Yayılan iy “Sobsan”dan gəlir?

0
(Yenilənib 23:00 06.07.2020)
Üfunət iyi Bakının Binəqədi rayonunda daha çox hiss olunur, eyni zamanda Nərimanov və digər rayonların ərazilərini də bürüyüb.

BAKI, 6 iyul — Sputnik. Bakının bəzi ərazilərini üfunət iyi bürüyüb. Sputnik Azərbaycan-ın məlumatına görə, pis qoxu paytaxtın Binəqədi rayonunda daha çox hiss olunur.

Eyni zamanda üfunət iyi Nərimanov və digər rayonların ərazilərini də bürüyüb.

Hazırda atmosfer qatında mövcud olan qoxunun səbəbləri məlum deyil.

Qeyd edək ki, bir neçə gün öncə Binəqədi rayonundakı “Sobsan” boya fabrikində baş vermiş yanğın zamanı fabrikə yaxın ərazilərdə havaya qatı tüstü yayılıb. Yanğının ətraf mühitə təsirini müəyyənləşdirmək məqsədilə Ekologiya və Təbii Sərvətlər Nazirliyinin əməkdaşları dərhal hadisə yerinə yollanıb, ərazidə monitorinq keçirib və atmosfer havasından nümunələr götürüblər.

Analizlərin nəticələrinə əsasən, yanğının baş verdiyi ərazinin ətrafında dəm qazı 5,6, benzol 1,3, toluol 1,2, etil benzol 23,3, meta-ksilol 2,7, orto ksilol 2,4 dəfə yol  verilən qatılıq həddini keçib. Ərazidəki atmosfer havasının hazırkı vəziyyətinin öyrənilməsi məqsədilə, bu gün fabrikə yaxın yaşayış məntəqələrində havadan təkrar nümunələr götürülüb və nəticəsi barədə əlavə məlumat veriləcək.

0