Rəhim Rəhimov

Böyrək çatışmazlığından əziyyət çəkən aktyor: "40 min dollara ehtiyacım var"

670
Rəhim Rəhimov: "Qohumlar, ailə arasında müzakirələr gedir. Hazırda donor axtarışındayıq. Yaxın qohumların böyrəyi uğun gəlmədi. İndi bir az kənar qohumların böyrəyi yoxlanılır"

BAKI, 22 iyun — Sputnik. Kukla Teatrının aktyoru Rəhim Rəhimov böyrək çatışmazlığı xəstəliyindən əziyyət çəkir. Bu barədə o, Sputnik-ə açıqlamasında məlumat verib.

Dediyinə görə, əvvəllər səhhətində heç bir problem olmayıb: "Bir müddət öncə problem yarandı və müayinə zamanı böyrəklərimin fəaliyyətində problem olduğu bilindi. Bir müddət müalicə aldım, düzəldim. Amma son yoxlamalara görə, böyrəyimin fəaliyyəti 29 faizdir".

"Yavaş-yavaş azalmağa doğru gedir. Həkimlər deyirlər ki, təcili böyrək dəyişilməsi olmalıdır. Onlar məsləhət görürlər ki, bu əməliyyat dializə düşməmişdən öncə aparılsa, daha uğurlu olar", — R. Rəhimov bildirib.

O, hazırda müalicə olunur, bədəninə sistemlər köçürülür: "Amma buna baxmayaraq, işə gedib-gəlirəm. Çünki buna məcburam. Bu boyda maddiyyatın qarşılığında dayanmaq lazımdır".

Aktyor böyrək əməliyyatı üçün donor axtarışında olduqlarını da qeyd edib: "Bunun üçün uyğun donor tələb olunur. Qohumlar, ailə arasında müzakirələr gedir. Hazırda donor axtarışındayıq. Yaxın qohumların böyrəyi uğun gəlmədi. İndi bir az kənar qohumların böyrəyi yoxlanılır. Mənim qan qrupum — 2-dir. Düzü, əməliyyat da çətindir, adam qorxur".

R. Rəhimov dostlarının onun adına hesab açdıqlarını deyib: "Səhhətimdə yaranan problemi heç yerdə işıqlandırmamışam. Neçə aydır ki, mən bu xəbəri gizlədirəm. Ha çalışdım ki, qarşısını alıb özüm həll edim, amma bacarmadım. Əməliyyatım üçün 40 min dollardan çox vəsait tələb olunur".

Aktyorlar üçün açılan bank hesabı:

Kapital Bank
Benefisiarın adı: Rəhim Rəhimov Məmməd Hüseyn
Hesab: AZ19AIIB41010019440036391118
VÖEN: 9900003611

670
Teqlər:
40 min dollar, donor, Rəhim Rəhimov, Kukla Teatrı, pul, böyrək, aktyor
Əlaqədar
10 il böyrək çatışmazlığından əziyyət çəkən Könül ailə qurdu
Böyrək çatışmazlığından əziyyət çəkən xəstənin toyu oldu
Böyrək daşına səbəb olan qida məhsulları
Ana böyrəyini öz övladına verdi
Uroloq: çox çay içmək böyrək daşı xəstəliyi yaradır
Ancelina Coli, arxiv şəkli

Ancelina Coli fotoqrafın həyatından film çəkəcək

10
Filmdə fotoqraf Don Makklinin həyatından bəhs olunacaq. Ancelina Don Makklin kimi fotoqrafın həyatını lentə alacağı üçün xoşbəxt olduğunu bildirib.

 

BAKI, 23 noyabr — Sputnik. Hollivud ulduzu Ancelina Coli yeni layihəsi ilə gündəmə gəlib. Sputnik Azərbaycan xəbər verir ki, məşhur aktrisa rejissor fəaliyyətinə davam edəcək. Ancelina 4 il aradan sonra yenidən film çəkəcək. Aktrisanın budəfəki ekran işi "Unreasonable Behaviour" adlanır.

Filmdə fotoqraf Don Makklinin həyatından bəhs olunacaq. Ancelina Don Makklin kimi fotoqrafın həyatını lentə alacağı üçün xoşbəxt olduğunu bildirib.

Qeyd edək ki, Coli ilk dəfə rejissor kimi özünü 2011-ci ildə sınayıb. "Unreasonable Behaviour" isə aktrisanın beşinci ekran işi olacaq.

10
Teqlər:
rejissor, film, Ancelina Coli

Anar Kərimov: “Ermənistan məsuliyyət daşımalı bütün təzminatları ödəməlidir”

73
(Yenilənib 02:22 24.11.2020)
Mədəniyyət nazirinin birinci müavini, nazirin vəzifələrini müvəqqəti icra edən Anar Kərimov deyir ki, azad olunmuş torpaqlara qiymətləndirmə missiyası göndəriləcək, dəymiş ziyan hesablanacaq və bunun əsasında beynəlxalq təşkilatlara və məhkəmələrə müraciət olunacaq
Anar Kərimov: “Ermənistan məsuliyyət daşımalı və bütün təzminatları ödəməlidir”

“Aparılmış monitorinqlərin ilkin nəticələrinə əsasən işğaldan azad edilmiş rayonlarda 151 mədəniyyət müəssisəsi, o cümlədən 72 kitabxana, 62 mədəniyyət evi və klub, 8 muzey, 9 uşaq musiqi məktəbinin olduğu dəqiqləşdirilib”. Sputnik Azərbaycan xəbər verir ki, bu sözləri AZƏRTAC-a müsahibəsində mədəniyyət nazirinin birinci müavini, nazirin vəzifələrini müvəqqəti icra edən Anar Kərimov deyib.

“Bu müəssisələrin hamısı dağıdılmış vəziyyətdədir. Bu nəinki beynəlxalq hüquqa, həm də insani dəyərlərə, İslama zidd bir fəaliyyətdir. Biz beynəlxalq ekspertləri dəvət edəcəyik və saxtalaşdırılmış tarixi abidələrdə olan faktları qeydiyyatdan keçirəcəyik. Beynəlxalq mətbuatda ermənilər tərəfindən bir qarayaxma kampaniyası başlanıb. Təəssüflər olsun ki, bir çox təşkilatlar bu kampaniyanın tərkib hissəsinə çevriliblər. Biz mənşəyindən asılı olmayaraq bütün abidələrimizi, o cümlədən islam və xristian abidələrimizi qoruyub bərpa edəcəyimiz barədə bəyanatlar vermişik. Azad olunmuş torpaqlara qiymətləndirmə missiyası göndəriləcək, dəymiş ziyan hesablanacaq və bunun əsasında beynəlxalq təşkilatlara və məhkəmələrə müraciət olunacaq. Təbii ki, Ermənistan bununla bağlı məsuliyyət daşımalı və bütün təzminatları ödəməlidir” – deyə Anar Kərimov bildirib.

Anar Kərimovun fikirlərinə audiofaylda qulaq asa bilərsiniz

73

Ağdamın işğaldan azad edilmiş Abdal Gülablı kəndləri necə görünür - video

0
Azərbaycan Respublikası Müdafiə Nazirliyi ictimaiyyəti işğaldan azad edilmiş ərazilərlə tanış etməyə davam edir.

Müdafiə Nazirliyi öz rəsmi internet səhifəsində Ağdam rayonunun işğaldan azad edilmiş Abdal və Gülablı kəndindən xüsusi videoreportaj paylaşıb.

Xocavəndin işğaldan azad olunan Domi kəndinin görüntüləri
YouTube / Azərbaycan Respublikası Müdafiə Nazirliyi

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanatın şərtlərinə artıq əməl olunur. Belə ki, Ağdam rayonu 2020-ci il noyabrın 20-də Azərbaycan Respublikasına qaytarılıb.

Sənədin digər müddəalarına əsasən, 2020-ci il noyabrın 25-də Azərbaycan Respublikasına Kəlbəcər rayonu, dekabrın 1-də Laçın rayonu qaytarmalıdır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Xocavənd rayonunun işğaldan azad olunan Daşbaşı kəndindən videoreportaj>>

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0