Dünyanın ən balaca boylu aktyoru kimi tanınan Mixay Mesaroş

"Yad planetdən gələn adam" ölüb

1008
(Yenilənib 14:46 14.06.2016)
O, dünya şöhrətli müğənni Maykl Ceksonun yaxın dostlarından biri olub.

BAKI, 14 iyun-Sputnik. Dünyanın ən balaca boylu aktyoru kimi tanınan Mixay Mesaroş vəfat edib.

Sputnik TMZ-yə istinadla xəbər verir ki, Mixu ləqəbini daşıyan macar əsilli aktyor 76 yaşında dünyasını dəyişib.

Mixay Mesaroş 1939-cu ildə Macarıstanda anadan olub. O, uzun illər sirkdə işləyib.

Boyu cəmi 84 sm olan Mesaroş çəkildiyi "Alf" serialında canlandırdığı "yad planetdən gələn adam" rolu ilə tamaşaçılar arasında məşhurlaşıb.

"Alfa" serialı 1986-cı ildən 1990-cı ilə qədər ABŞ-da çox məşhur olub. M.Mesaroş bu serialda yaratdığı obrazla tamaşaçıların sevimlisinə çevrilib. O, dünya şöhrətli müğənni Maykl Ceksonun yaxın dostlarından biri olub.

1008
Teqlər:
yad planet, Mixu, Alf, Mixay Mesaroş, Maykl Cekson, Macarıstan, ABŞ
Əlaqədar
Hollivudun əfsanə uşaq aktrisasının paltarları hərraca çıxarıldı
Əfsanəvi boksçu öldü
Əfsanəvi şərhçi öldü
Qorxu filmlərinin "atası" öldü
"San Sanıç" öldü
Kitab oxuyan şəxs, arxiv şəkli

"Qara sözləri" indi ana dilimizdə oxuya biləcəksiniz

15
(Yenilənib 18:41 23.11.2020)
Rəhbəri Elxan Zal Qaraxan olan "İRS" seriyasından Nursultan Nazarbayev, Oljas Suleymenov, Sabit Dosanov, Berik Şaxanov kimi qazax müəlliflərinin kitabları da işıq üzü görüb.

BAKI, 23 noyabr — Sputnik. Mahmud Kaşqari adına Beynəlxalq Fondun "İRS" seriyasında böyük qazax şairi Abay Kunanbayevin bütün şeirlərinin, poemalarının və "Qara sözləri"nin Azərbaycan dilinə tərcüməsindən ibarət kitabı nəşr olunub.

Sputnik Azərbaycan xəbər verir ki, kitabdakı tərcümələr ilk dəfə olaraq qazax dilindən Azərbaycan dilinə uyğunlaşdırılıb. Tərcümələr Elxan Zal Qaraxan və İbrahim İlyaslıya məxsusdur.

"Qazax xalqının dan ulduzu" adlı "Ön söz"ün müəllifi Milli Məclisin Mədəniyyət komitəsinin sədri Qənirə Paşayevadır. Rəyçi və "Abayın əsərlərinin Azərbaycan nəşri barədə" yazının müəllifi filologiya elmləri doktoru, professor Knyaz Mirzəyevdir. Külliyyatın məsləhətçiləri professorlar Sabit Dosanov və İmdat Avşar, redaktorları Əkbər Qoşalı və Əfqan Nəsirlidir.

Kitabın ilk səhifələrində professor Akılbek Şayaxmetin "Tərcümələrdə Abayın taleyi" araşdırması da yer alıb. 448 səhifəlik nəşrin "Birinci kitab" bölməsinə "Şeirlər və poemalar", "Son illərdə tapılan şeirləri", "Mənzum dastanlar" və "İkinci kitab" bölməsinə 45 dənə "Qara sözlər" cəm olunub.

Rəhbəri Elxan Zal Qaraxan olan "İRS" seriyasından Nursultan Nazarbayev, Oljas Suleymenov, Sabit Dosanov, Berik Şaxanov kimi qazax müəlliflərinin kitabları da işıq üzü görüb.

15
Teqlər:
tərcümə, Abay Kunanbayev, kitab
Rejissor Cavid Təvəkkül, arxiv şəkli

Cavid Təvəkkül Şuşa haqqında film çəkməyi planlaşdırır

10
(Yenilənib 16:13 23.11.2020)
"Filmin ssenarisi var. Bir neçə yerə müraciət etmişəm. Mənə yaxın şirkətlərdən biri 50% razılıq verib".

Şahpəri Abbasova, Sputnik Azərbaycan

BAKI, 23 noyabr — Sputnik. Mingəçəvir Dövlət Dram Teatrının baş rejissoru Cavid Təvəkkül Şuşa haqqında film çəkməyi planlaşdırır. Rejissorun Sputnik Azərbaycan-a verdiyi məlumata görə, film bədii-informativ xarakterli olacaq. Məqsəd Şuşada baş verənləri, ta qədim zamanlardan bu günə qədər şəhərin keçdiyi tarixi mərhələləri dünya ictimaiyyətinə çatdırmaqdır: "Filmin ssenarisi var. Bir neçə yerə müraciət etmişəm. Mənə yaxın şirkətlərdən biri 50% razılıq verib, indi layihəni 100%-ə çatdırmaq üçün tamhüquqlu ikinci partnyor şirkət axtarıram. Televiziyalardan, istehsal ilə məşğul olan şirkətlərdən, biznesmenlərdən, QHT-lərdən, müxtəlif cəmiyyət və birliklərdən, ümumiyyətlə, marağı olanlardan dəstək gözləyirəm".

Rejissor bildirir ki, erməni vandalizminin dünyada tanıdılmasında kinonun rolu əvəzedilməzdir: "Təklif edirəm ki, rejissorlara imkan yaradılsın, onlar getsinlər, işğaldan azad olunmuş torpaqlarımızda filmlər çəksinlər. Bir müddət o torpaqlar abadlaşdırılmasın. Erməni vandalizmini dünyaya göstərək. Cansız daşlardan, abidələrimizdən necə qisas aldıqlarını əyani surətdə, kino vasitəsi ilə dünyaya çatdıraq".

10
Teqlər:
Qarabağ, film, Şuşa, Azərbaycan
Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Prezident İlham Əliyev Ağdamda Azərbaycan bayrağını ucaldıb - VİDEO

7
(Yenilənib 21:04 23.11.2020)
Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

BAKI, 23 noyabr — Sputnik. Noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 9-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

7
Teqlər:
Prezident İlham Əliyev, Birinci vitse-prezident Mehriban Əliyeva, Cümə məscidi, Üçtərəfli bəyanat, Azərbaycan bayrağı, Ağdamın azad olunması