Gümrah Ömər, YUĞ teatrının baş rejissoru

"İnsanları məcburi şəkildə teatra aparmaq savabdır"

112
(Yenilənib 16:09 10.06.2016)
Gümrah Ömər: "Şou əhlinin konsertinə gedən insanların zövqləri heç də yüksək səviyyədə deyil, ona görə ucuz zövqə qaçırlar. Belə insanlardan ciddi teatra gəlmələrini tələb etmək, gözləmək olmaz"

BAKI, 10 iyun — Sputnik. Teatr qədim mədəniyyət ocaqlarından sayılır. Təəssüf ki, bu ocaqlara ölkəmizdə sevgi günü-gündən azalır. Sputnik əməkdaşı bu mövzu ətrafında YUĞ teatrının baş rejissoru Gümrah Ömərlə həmsöhbət olub.

Vaqif Əsədov, xalq artisti
© Photo : V.Əsədovun şəxsi arxivindən

– Azərbaycanda teatra maraq günü-gündən azalır. Bunun bir çox səbəbi ola bilər. Ən önəmli səbəbi nədir?

– Əvvəla, mən bununla razı deyiləm ki, teatra maraq yoxdur. Sadəcə indiki dövrdə teatrlar çoxalıb deyə insanlar teatrları zövqlərinə görə seçirlər. Müəyyən mənada qütbləşməyə səbəb vardı, ona görə belə oldu. Bizim cəmiyyətimizdə nəsil fərqləri var, ona görə belədir. Bir qisim insanlar Sovet dövründə yaşamışdılar deyə, klassik teatr janrına üstünlük verirlər. Modern insanların tələbi isə başqadır. Onlar daha yeni, canlı tamaşalar görmək istəyirlər. Bizim insanların teatr haqqında bilgiləri bir az azdır. Bu məsələdə düşüncələri və dünya görüşləri yetərli qədər deyil. Dünyada bir-birinə bənzəməyən, poetika, estetika baxımından çox fərqli teatrlar var. Bizim gənc nəsil də yeniliklərə açıqdır və onlar yeni teatrları istəyir və tələb edirlər. Hətta öz həyatlarında gördüklərini teatrlarda görmək istəyirlər. Bizdə də bu istəklərə uyğun olaraq yeni yaranan teatrlar var. Bu amil də teatrların gələcəkdə daha çox inkişafına səbəb olacaq.

– Elmi-texniki tərəqqi, kompüter əsrinin teatra marağı öldürdüyünü iddia edənlər var. Əgər elədirsə, niyə texnologiyanın mərkəzi sayılan Avropada teatr bu gün çiçəklənən dövrünü yaşayır, Azərbaycanda isə əksinə, tənəzzül gedir?

– Gəlin, hər kəs özü-özünə bu sualı versin. Hər kəs özlüyündə düşünsün ki, nə qədər vacib bilir teatra getməyi? Bu suala cavab tapandan sonra sualın cavabını özünə vermiş olacaq. Digər tərəfdən, insanların zamanı çox daralıb. İnsanlar sosial problemlərini həll etməyə çalışırlar. Maddi ehtiyaclar çoxalıb, ona görə insanlar teatra, mədəniyyətə vaxt və pul ayıra bilmirlər. Çoxu mədəniyyətə olan tələbatı televiziyalar vasitəsi ilə əldə etməyi kifayət bilir. İnsanlarda sosial rahatlıq olarsa və maddi problemləri olmasa, bu zaman teatra da maraqları arta bilər. Həyat qayğıları bu problemləri yaradır.

– Maddi və sosial problemləri qeyd edirsiniz. O zaman, hansısa şou-biznes nümayəndəsinin konsertinə 50-100 manat ödəyib gedən insan, teatr bileti üçün 5-10 manat tapa bilmir?

– Bu konsertlər zövq məsələsidir. Bura gedən insanların zövqləri heç də yüksək səviyyədə deyil, ona görə onlar ucuz zövqə qaçırlar. Belə insanlardan ciddi teatra gəlmələrini tələb etmək, gözləmək olmaz. Teatrı, klassik musiqini qavramaq üçün mədəni səviyyə olmalıdır.

– Bəzi hallarda eşidirik ki, hansısa dövlət müəssisəsində çalışanları məcburi şəkildə hansısa tamaşaya baxmağa aparırlar. Belə məcburiyyətlə vətəndaşlarda teatra sevgi, maraq yaratmaq mümkündür?

– İndiki dövrdə məcburən teatra gedən insanlar var? Müasir dövr insanına məcbur şəkildə nə isə etdirmək mümkündür?! Hər-halda buna müsbət baxıram. Elə hallar mövcuddursa, buna bir fürsət kimi baxaq. Elə adamlar var ki, həyatında bir dəfə də olsun teatra getməyib. Belə şəxsləri məcburən də olsa, teatra aparmaqla böyük savab iş görmək olar. Bəlkə də məcbur aparılan insanın teatra sevgisi artacaq və daimi izləyiciyə çevrilə biləcək.

112
Teqlər:
Gümrah Ömər, Yuğ Teatrı, səhnə, teatr, tamaşa
Əlaqədar
Kukla teatrının rejissoru: nağıl qəhrəmanları azdır
"Teatrı sevən insanlar biletə pul tapıb gedir"
"Təki, o teatrların fəaliyyəti kağız üzərində qalmasın..."
Azərbaycanda yeni teatr yaradıldı
"YUĞ" Teatrı yeni binaya daşınır
Amaliya Pənahovanın rəsmi, arxiv şəkli

Xalq artisti: "Amaliya Pənahova teatrdan incik düşdü"

11
Elə hallar var ki, yazılır, amma demək olmur. Özünə arxayın, sevilən, pərəstişkarları çox olan sənətkar idi. Böyük sənətkarı şərə salmaq olmazdı.

BAKI, 25 may — Sputnik. "ARB" televiziyasında yayımlanan "Səhər-səhər" verilişi mərhum Xalq artisti Amaliya Pənahovaya həsr edilib.

Sputnik Azərbaycan xəbər verir ki, proqramda onun yaradıcılığından söz açılıb. Xalq artisti Əli Nur bildirib ki, aktrisa Akademik Milli Dram Teatrından küsüb gedib:

"Amaliya xanımın bütün məziyyətlərini bilirik. Teatra direktor, bədii rəhbər gələndə ədalətli olmalıdır. Rol bölgüsü düzgün aparılmalıdır. Bəzi hallarda teatra bədii rəhbər gəlir və qisas alır. Amaliya Pənahova teatrdan incik düşdü. Küsdü və getdi. Onu yaratdığı obrazlara görə incitmək olmazdı. Burada Akademik Milli Dram Teatrına direktor təyin olunmasının da səbəbi var idi. Çünki Amaliya xanımın da buna istəyi var idi. İncidi getdi və öz Bələdiyyə Teatrını yaratdı. Elə hallar var ki, yazılır, amma demək olmur. Özünə arxayın, sevilən, pərəstişkarları çox olan sənətkar idi. Böyük sənətkarı şərə salmaq olmazdı. Onu etdilər".

Qeyd edək ki, Bakı Bələdiyyə teatrının bədii rəhbəri və direktoru olmuş respublikanın Xalq artisti Amaliya Pənahova 73 yaşında 2018-ci ildə vəfat edib.

11
Azərbaycanlı müğənni Coni (Cahid Hüseynli), arxiv şəkli

Sevgilisindən ayrılan azərbaycanlı müğənniyə qızlar təklif yağdırırlar

39
(Yenilənib 22:16 24.05.2020)
Bu yaxınlarda yeni hitini təqdim edən müğənni Coni (Cahid Hüseynli) sevdiyi qızdan ayrılmasından danışıb

BAKI, 24 may — Sputnik, Kəmalə Əliyeva. Rusiyada məşhurlaşan azərbaycanlı müğənni Coni (Cahid Hüseynli) öz pərəstişkarı ilə ailə qura bilər. Sputnik Azərbaycan bildirir ki, bu barədə o, Rusiyanın ENERGY radiostansiyasına müsahibəsində deyib.

“Əgər sevsəm, pərəstişkarım olan qızla evlənə bilərəm. Bu barədə bir neçə dəfə demişəm”, - Coni qeyd edib.

Onun sözlərinə görə, mahnılarının çoxunda məhz özünün gerçəkdən hiss etdiyi duyğular barədə oxuyur. Məsələn, sonuncu “Sən qəddarsan” ("Ты беспощадна") hitini də elə sevdiyi qızdan ayrıldıqdan sonra yazıb.

İfaçı müsahibə zamanı qeyd edib ki, hazırda yeni albomunun üzərində işləyir.

Coni dörd yaşı olanda valideynləri ilə birlikdə Azərbaycandan Moskvaya gedib. O, uşaqlıqdan populyar olmağı arzulayıb və nəhayət, bu arzusunu reallaşdıra bilib. Coninin sözlərinə görə, onun məşhurluğunda sosial şəbəkələrin böyük rolu olub. O, Bakıda ilk dəfə "Jara-2019" Beynəlxalq Musiqi Festivalında çıxış edib. Coni digər azərbaycanlı müğənni Elman Zeynalovun yaratdığı "Raava Music" leyblına daxildir.

2019-cu ildə Coni ВКонтакте-nin versiyasına görə “İlin tapıntısı” elan olunub, onun “Xiyaban” (“Аллея”) sinqli isə beşqat platin statusu qazanıb.

39
Əlaqədar
Avroviziyada finala çıxa bilməyən müğənni öz dilimizdə oxumağa keçdi - VİDEO
Üç müğənnimizi bir qız yaman dərdə salıb: "Axı niyə?" – VİDEO
Samirə Əfəndi Səfurə Əlizadənin hitinə ikinci nəfəs verib
Emin Ağalarov boşanır
"Təhminə və Zaur" un altıncı mərtəbəsi
Kamran Bayramov

Millət vəkilinin fikrincə, karantin qaydalarının pozumasına görə cəzalar sərtləşməlidir

0
Milli Məclisin deputatı Kamran Bayramov deyir ki, son günlərdə səsləndirilən rəqəmlər Azərbaycanda pandemiyanın ikinci dalğasınının olması ehtimalını ciddi şəkildə artırır
Kamran Bayramov: “Qanunvericilik çərçivəsində sərt addımların atılması zəruridir”

İnsanların kütləvi şəkildə toplaşdığı qapalı və açıq hava məkanlarında (ictimai nəqliyyat, ictimai iaşə və ticarət obyektləri, park və bulvarlar) karantin rejiminin tətbiqi ilə bağlı şərtlərə yenidən baxılmalı, əhali arasında sosial məsafə tələbi ən geniş şəkildə təbliğ olunmalı, tibbi maskalardan istifadə məcburiyyətə çevrilməli, bu qaydaların pozulmasına görə cəzalar sərtləşdirilməlidir. Sputnik Azərbaycan xəbər verir ki, bunu Trend-ə açıqlamasında Milli Məclisin deputatı Kamran Bayramov deyib.

Deputat bildirib ki, koronavirusun ölkəmizdə yayılması ilə bağlı hökumətin son günlərdə səsləndirdiyi rəqəmlər Azərbaycanda pandemiyanın ikinci dalğasının olması ehtimalını ciddi şəkildə artırır: “Əfsuslar olsun ki, karantin rejiminin yumşaldılmasını ölkəmizdə pandemiya təhlükəsinin tam səngiməsi, bu virusdan tam qurtulması kimi qəbul edənlər var və onların sayı da az deyil. Sosial şəbəkələrdə “koronavirus yoxdur”, “koronavirus siyasi-iqtisadi oyundur”, “koronavirus dövlətlərin vətəndaşlara qarşı repressiv tədbirlər görməsi üçün bəhanədir” kimi marazmatik açıqlamaları paylaşanlar da var. Onlar anlamırlar ki, bu cür fikir və bəyanatlar ictimaiyyətdə çaşqınlıq yaradır, aidiyyəti qurumlarımızın pandemiya ilə apardığı mübarizənin səmərəliliyinə təsir göstərir. Nəticədə bəzi insanlarımız belə yanlış fikirlərə inanaraq arxayınlaşır, sanitar-gigiyenik qaydalara məhəl qoymur, tibbi maskalardan və dezinfeksiya vasitələrindən istifadə etmirlər. Azərbaycan hakimiyyəti, dövlət qurumları və həkimlərin müstəsna əməyi nəticəsində koronavirusa yoluxma miqyasının maksimal dərəcədə məhdudlaşdırılmasına nail olunub. Lakin ölkədə pandemiyaya yoluxmaların sayının azaldılması və vəziyyətin nəzarətdə saxlanması üçün dövlət qurumları tərəfindən mövcud qanunvericilik çərçivəsində müvafiq sərt addımların atılması olduqca zəruridir”.

Kamran Bayramovun fikirlərinə audiofaylda qulaq asa bilərsiniz

0