Azərbaycan Dövlət Akademik Milli Dram Teatrı

Turşumuş çaxır qoxusu da bundan yaxşıdır

497
Cüzi istisnalarla, biz son dönəm Azərbaycan teatrında hansı yeniliyin şahidi olmuşuq? Hansı Avropa ölkələrinin səhnəsində Azərbaycan teatrının kollektivi tamaşa nümayiş edib?

BAKI, 9 iyun — Sputnik. Bu yaxınlarda Nuranə Dadaşovanın "Teatrdan turşumuş çaxır qoxusu gələrsə" sərlövhəli yazısı yayımlandı. Daha sonra teatrşünas Anar Bürcəliyev də bu yazıya cavab olaraq uzun bir yazı yayımladı. Uzunçuluq olmasın, amma hər iki yazıda teatr haqqında bir-birinə zidd fikirlər yürüdüldüyü üçün istəyirəm ki, bu məsələdə ortaq məxrəcə gələk. Hərçənd, ortaq məxrəcə gəlmək mümkünmü?

Afaq Məsudun "Qatarın altına atılan qadın" əsərində (Akamedik Milli Dram Teatrında Mehriban Ələkbərzadənin rejissoruluğu ilə səhnələşdirilib) Gültəkin Sarabskaya (obrazı Kəmalə Müzəffər ifa edir) belə deyir: "İndi teatr deyəndə adamın burnuna turşumuş çaxır iyi gəlir!".

Nuranə xanım Dadaşova da bunun səbəblərini belə yazır: "Repertuar kasadlığı, tamaşaçı qıtlığı, intellektli rejissor çatışmazlığı, aktyor yarıtmazlığı və sair kimi hallar, fikrimcə, teatrı bir istehsal müəssisəsi kimi işlənməz hala gətirən məqamlardan sayılmalıdır. Bu müəssisələrə birbaşa və ya bilavasitə cavabdeh olan şəxslərin səriştəsizliyini və bu sənətə dırnaqarası baxmalarını da nəzərə alsaq, teatrımızın bugünkü durumu ilə bağlı problemlərin kökündə nələrin dayandığını daha açıq şəkildə bəyan etmiş olarıq".

Bəs teatrımızn problemləri bununla bitirmi? Əslində, Nuranə Dadaşova öz yazısında problemlərin kiçik bir qismini misal çəkir. O, teatrların repertuarının məmur yazıçıların əsərlərindən ibarət olmasını, bununla da teatrı sənət ocağına yox, məmurlara yarınmaq üçün vasitəyə çevirməyi, teatr direktorlarının və baş rejissorların, eləcə də, yaşlı aktyor və aktrisaların teatrda hegemonluq etməsini, ölkəmizin dörd yanında cərəyan edən qohumluq prinsiplərinin teatr səhnəsinə daşınmasını, sifarişlə tamaşaların səhnələşdirilməsini, azacıq səsini çıxaran, etiraz edən aktyorların böhtanla, yalanla teatrdan uzaqlaşdırılmasını, teatr hegemonlarının gənclərə, yeniliyə, müasirliyə qənim kəsilməsini, teatrda çalışan gənclərin də yaşlılar kimi kölələşdirilməsini yazmır. Belə olan halda bügunkü teatrın qoxusunun yanında turşumuş çaxır iyi ənbər ətrinə bənzəyir!

Teatrşünas Anar Bürcəliyev isə bügunkü teatrımızın inkişaf etdiyini düşünür. O, yazır: "Azərbaycan teatrının repertuarı bu gün daha da genişlənib və zənginləşib… Son vaxtlar bu ocağa diqqət teatr sənətimizin inkişafında mühüm rol oynayır… Azərbaycan teatrının çağdaş mənzərəsi xeyli rəngarəng və zəngin görünür… Tək paytaxt Bakıda fəaliyyət göstərən teatrlarımız deyil, həmçinin regionlarda fəaliyyət göstərən Dövlət Dram teatrları da bu gün özünəməxsus rəngarəngliyi və zənginliyi qoruya bilir… Bu gün ən maraqlısı və qiymətli olanı isə budur ki, bu teatrların hamısında coşqun yaradıcılıq işi gedir. Onların hər biri yeniləşməyə, təkmilləşməyə, böyük sənət uğurları və tamaşaçı məhəbbəti qazanmağa çalışırlar".

Anar Bürcəliyev bu yazısı ilə lətifəni şifahi xalq ədəbiyyatından çıxarıb, yazılı ədəbiyyata gətirir. Zarafat bir yana, hörmətli teatrşünas bu yazdıqlarını haçan və harada görüb? Bu əttökən pafos nəyə və kimə lazımdır? Həqiqəti hamımız bilirik. Bəs Anar Bürcəliyev kimlərə yarınmaq üçün teatrımızın hal-hazırda zəngin, rəngarəng olduğunu, uğurlar qazandığını iddia edir? Hansı uğurdur o? Cüzi istisnalarla, biz son dönəm Azərbaycan teatrında hansı yeniliyin şahidi olmuşuq? İldə neçə festivalda birincilik qazanmışıq? Hansı Avropa ölkələrinin səhnəsində Azərbaycan teatrının kollektivi tamaşa nümayiş edib? Müasir Azərbaycan və dünya dramatuqlarının neçə əsəri var bizim teatrlarımızda? Müəllif bu suallara konkret sübutlarla cavab verə bilərmi?

Anar Bürcəliyev öz yazısında bir sıra rejissorların adını çəkir və iddia edir ki, müasir Azərbaycan teatrı bu rejissorlar sayəsində yaşayır. Ya xəbəri yoxdur, ya da özünü bilməməzliyə vurur ki, sadaladığı rejissorların böyük qismi müasir Azərbaycan teatrını məhvə sürükləyən, onu gözdən salan, onu turşudan adamlardır.

999-cu gecə tamaşası
© Sputnik / Orkhan Bahadırsoy

Biri, Hüseyn Ərəblinski həyatından hazırladığı tamaşa ilə Azərbaycanın həm tarixinə, həm də müasir teatrına zərbə vuran xanım rejissor, o biri, heç bir yaradıcılıq qabiliyyəti olmayan, bütün tamaşalarında aktyor və aktrisaların arxasında gizlənən rejissor, digəri Nargilə kimi məsum qızcığazı gözdən salan, İsgəndər kimi gənci qocaldan rejissor… Bunlardırmı müasir teatrı yaşadanlar?

Gördüyünüz kimi, Nuranə Dadaşovanın yazdığı həqiqətlə Anar Bürcəliyevin yazdığı cəfəngiyyat arasında bir ortaq məxrəcə gəlmək mümkün deyil. Ona görə ki, həqiqət heç bir cəfəngiyyatla ortaqlığı qəbul etmir! Həqiqət də ondan ibarətdir ki, müasir Azərbaycan teatrından turşumuş çaxır iyi gəlsə, yenə yaxşı olardı. Turşumuş çaxır da insanı qismən məst edir. Amma burdan elə çürük üfunət iyi gəlir ki, adamın ürəyi bulanır!

497
Teqlər:
"Qatarın altına atılan qadın", Afaq Məsud, Anar Bürcəliyev, tamaşa, teatr, "Teatrdan turşumuş çaxır qoxusu gələrsə", Nuranə Dadaşova
Əlaqədar
Yoxsul dənizçi oğlu necə parlaq şəxsiyyət oldu?
O, erməni senzorun üzünə tüpürdü
Xeyriyyəçi milyonçu necə qatil oldu?
Milyonçunun arvadı dilənərək öldü
Rəssam, arxiv şəkli

"Yenə o bağ olaydı" səyyar sərgisi davam edir

15
"YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb. Sərgi ziyarətçilər üçün noyabrın 27-dək açıq qalacaq

BAKI, 30 oktyabr — Sputnik. "YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb.

Sputnik Azərbaycan xəbər verir ki, sərgi ziyarətçilər üçün noyabrın 27-dək açıq qalacaq. Sərginin ekspozisiyasında rəssamlar Ağababa Bağırov, Etibar İsmayılov, Günay Əliyeva, Musa Bəyzadə, Nəzrin Məmmədova, Vüsalə Ağarazıyeva, Leyli Qafarova kimi gənc sənətçilərin və tanınmış italiyalı rəssam Mikelancelo Pistolettonun əsərləri təqdim olunur. Bununla yanaşı, sərgi Ruslan Abbasov, Günel Axundlu, Rəna Bəşirova, Timo Herbst, Orxan Hüseynov, Mersedes Şturm-Li və Fərid Rəsulovun əsərlərini özündə ehtiva edən videoskrininq proqramı ilə müşayiət olunur. Həmçinin "YARAT" "Nargis Magazine" ilə birgə əməkdaşlıq çərçivəsində "Recycle Project" (2019) layihəsinə daxil olan "Pablik art" proqramını təqdim edir. Burada Rəşad Ələkbərovun "Reuse, Reduce, Recycle" installyasiyası nümayiş olunur.

15
Əlaqədar
Tələsin: Yeniyetmələr arasında rəsm müsabiqəsi start götürdü
Rəssam Gəncə terrorunun qurbanlarının fotolarından illüstrasiya hazırlayıb
Ailəsində yaşanan problemlər onu rəssam edib, amma bu işdən pul qazanmaq istəmir
Oksana Rəsulova, arxiv şəkli

Azərbaycanlı aktrisa hind ingilis dillərində dünya ictimaiyyətinə müraciət edib

92
(Yenilənib 19:20 30.10.2020)
Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb

BAKI, 30 oktyabr — Sputnik. Tanınmış azərbaycanlı aktrisa və rəqqasə Oksana Rəsulova özünün "Instagram" səhifəsində hind dilində müraciət edib. Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb. Rəsulova qeyd edib ki, Ermənistan Azərbaycanın mülki əhalisini raket atəşinə məruz qoyur.

"27 sentyabrdan başlayaraq Ermənistanın silahlı qüvvələri beynəlxalq hüququn norma və prinsiplərini, 1949-cu il Cenevrə Konvensiyasını, BMT Təhlükəsizlik Şurasının qətnamə və qətnamələrini, habelə elan olunmuş humanitar atəşkəs tələblərini kobud şəkildə pozaraq, Azərbaycanın mülki əhalisini qəsdən hədəf alıb. Münaqişə zonasından uzaq şəhər və bölgələrə raket və artilleriya zərbələri endirirlər" deyən Rəsulova dünyanı insan faciəsinə biganə qalmamağa çağırdı. Hind rəqslərinin mahir ifaçısı, aktrisa hind dilindən başqa, ingilis dilində də müraciət edib.

 

92
Teqlər:
Oksana Rəsulova, müraciət, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Sahibə Qafarova Pakistan Milli Assambleyasının sədrinə məktub ünvanlayıb
"Manga" qrupunun solisti azərbaycanlı müğənni ilə duet oxudu
Moskvada Müslüm Maqomayevin abidəsi təhqir edildi
"Eurovision" ulduzlarından Gəncə terroru barədə klip
Kanadalı senator Azərbaycan xalqından üzr istəməlidir

Hikmət Hacıyev: "Bu Azərbaycan üçün dözülməzdir!"

0
(Yenilənib 14:38 31.10.2020)
Prezidentin köməkçisi deyib ki, Ermənistan ərazisindən ağır artilleriya, ballistik və reaktiv raketlər, kasetli bombalar və digər atıcı silahlardan istifadə edərək Azərbaycan Ordusunun mövqelərinə davamlı olaraq atəşlər açılır.

BAKI, 31 oktyabr — Sputnik. "Ali Baş Komandan, Prezident İlham Əliyev dəfələrlə bəyan edib ki, Azərbaycan Respublikasının Ermənistan ərazisində heç bir hərbi hədəfləri yoxdur. Azərbaycan Ordusu Azərbaycan Respublikasının beynəlxalq səviyyədə tanınmış sərhədləri çərçivəsində ölkəmizin ərazi bütövlüyünü bərpa edir".

Sputnik Azərbaycan-ın məlumatına görə, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

O deyib ki, Ermənistan ərazisindən və işğal olunmuş ərazilərdən beynəlxalq insan hüquqları müdafiəsi təşkilatları tərəfindən bəyan edildiyi kimi ballistik, qadağan edilmiş kasetli reaktiv raketlər və ağır artilleriya ilə Azərbaycanın Gəncə, Mingəçevir, Tərtər, Bərdə, Goranboy, Ağdam, Ağcabədi, Naftalan, Daşkəsən Qəbələ, Kürdəmir, Siyəzən, Xızı və digər şəhər və rayonlarının dinc sakinləri və mülki obyektlər bombardman edilib:

"Bu raket hücumları nəticəsində sıralarında 11 azyaşlı uşaq, 27 qadın olmaqla, 91 nəfər mülki insan həlak olmuş, 400-dən artıq mülki şəxs yaralanmışdır. Eyni zamanda, Ermənistan ərazisindən ağır artilleriya, ballistik və reaktiv raketlər, kasetli bombalar və digər atıcı silahlardan istifadə edərək Azərbaycan Ordusunun mövqelərinə davamlı olaraq atəşlər açılır. Bu dözülməzdir".

0
Əlaqədar
Ermənilər Xocavənd istiqamətinə fosfor tərkibli yük gətiriblər
Ağcəbədi atəş altında: Evlər dağınıq, şüşələr paramparça, təsərrüfatlar viran – video
Prezident:"Bu, bizimlə Ermənistan arasında olan döyüşdür, hər kəs ondan uzaqda durmalıdır"
Ermənistan silahlı qüvvələri qəsdən Şuşa meşələrində yanğın törədir - PA