Gənc fanatlar

Bu gəncləri tənqid etmək əvəzinə, ibrət götürməli

36
(Yenilənib 12:03 06.06.2016)
Adətən böyüklər gənclərin mədəni istirahətindən gileylənirlər. İndiyədək bu yanaşmaya etirazım olmurdu. Lakin iki gün ərzində müşahidə etdiyim mənzərə fikrimi çox sürətlə dəyişməyimə səbəb oldu.

Təranə Xudabaxşiyeva, Sputnik Azərbaycan

BAKI, 6 iyun — Sputnik. Yay fəsli gələr-gəlməz bir çox müğənnilər pərəstişkarlarını başına toplayıb solo konsertlər verməyə başlayıblar. Mövsümün ilk konsert verən müğənnilərindən biri də Tünzalə Ağayeva oldu. Əməkdar artist "İmza" adlı konserti ilə onu sevənlərin görüşünə gəldi. 

Konsert, deyildiyindən 30 dəqiqə gec başladı. "Yaşıl teatr"ın səhnəsinə çıxan müğənni, sənətə gəldiyi vaxtdan bu günə kimi səsləndirdiyi ən sevilən musiqiləri ifa etməyə başladı. Eyni zamanda, pərəstişkarlarını da onunla bir mahnı ifa etməyə çağırdı.

Konsertin başlanğıcında, sanki "donan" tamaşaçılar nəinki müğənniyə qoşulub oxumağa, hətta əl çalmağa belə, utanırdılar. Sadəcə gözlərini səhnəyə zilləyərək, müğənninin hərəkətlərinə tamaşa edirdilər. Bəzənib, hündürdaban ayaqqabılarını geyinərək bəylərinin qoluna girən xanımlar elə əda ilə oturmuşdular ki, sanki mədəni istirahətə yox, hansısa rəsmi iclasa toplaşmışdılar.

İnsafən, Tünzalə Ağayeva əlindən gələni edirdi ki, konsert yüksək səviyyədə keçsin, ən azı dünya ulduzlarının konsertində yaşanan ab-havanı yerli izləyicilərə yaşatsın. Əməkdar artist tez-tez, müəyyən jestlərlə tamaşaçıları rahat görmək istədiyini hiss etdirirdi.

Tamaşaçılar müğənniyə qarşı laqeyd olsalar da, başqa işlərdə çox fərasətli idilər. Arxa skamyalarda tum çırtlayan kim, telefonla qışqıra-qışqıra danışan kim, hələ ətrafındakıları siqaret tüstüsünə "qonaq edən" kim…

Adətən böyüklər gənclərin mədəni istirahətindən gileylənirlər. Yuxarıda qeyd etdiyim konsertə qədər böyüklərin bu yanaşmasını etirazım olmurdu. Lakin həmin konsertdə müşahidə etdiyim mənzərə fikrimi çox sürətlə dəyişməyimə səbəb oldu.

Və sözügedən konsertin səhərisi gün keçirilən, gənclər üçün təşkil olunmuş "Sevgi Festivalı"nda üzləşdiyim mənzərə böyüklərin gənclərə qarşı iradlarının ədalətsiz olduğuna bir daha əmin oldun.

Festival da, öncəki konsert kimi, deyildiyi vaxtdan gec başladı. Amma burada vəziyyət fərqli idi. Gənclərin əksəriyyəti sevgililəri ilə məkana təşrif buyururdular. Festivalda qurulan dekorasiyalar göz oxşayırdı, bəzi gənclər öz hazırladıqları əşyaları satır, bəzi gənclər gitara çalıb şənlənirdilər.

Nə yalan deyim, mən qışqıran, hay-küy salan gənclərin diskotekada tullanıb düşməsini gözlədiyim halda, bu qədər mədəni gənclərlə rastlaşdığım üçün sevindim. Düşünürəm, belə festivallar daha çox olacaq və belə gənclərin sayı durmadan artacaq. Axı biz Avropaya inteqrasiya etmək istəyirik…

36
Teqlər:
Tünzalə Ağayeva, festival, müğənni, konsert, gənc
Əlaqədar
Reperlərin konsertində qan düşdü
Bakıda gözlənilən konsert baş tutdu
Bakı metrosunda canlı konsert
Hollivud ulduzu Stiven Siqal Bakıda konsert verəcək
İtaliya Simfonik Orkestri Qəbələdə konsert verib
Gənc Tamaşaçılar teatrı

Gənc anaların istirahət yeri, yaxud körpələrin teatr adlı möcüzə ilə ilk tanışlığı

5
Məqsəd dünya teatrlarında uğurla sınaqdan keçirilmiş təcrübə ilə körpələr üçün sənət ab-havası yaratmaqdır.

BAKI, 12 iyun — Sputnik. Azərbaycan Dövlət Gənc Tamaşaçılar Teatrı "Bəbə səhnəsi" adlı yeni layihəyə başlayır. Bu barədə Sputnik Azərbaycan-a məlumat verən Gənc Tamaşaçılar Teatrının mətbuat katibi Pərvin Nurəliyevanın sözlərinə görə, məqsəd dünya teatrlarında uğurla sınaqdan keçirilmiş təcrübə ilə körpələr üçün sənət ab-havası yaratmaqdır. Həmçinin körpələrin dünya ilə ilkin tanışlığı mərhələsində onların estetik tərbiyəsinin əsasının qoyulmasında valideynlərə yardımçı olmaq da çağdaş zamanda vacibdir.

Tamaşalar 20-30 dəqiqə həcmində və daha çox nağılların əsasında hazırlanacaq. Dairəvi qurulmuş məkanda körpələrlə aktyorların təması təmin olunmaqla həm həzin, həm də əyləncəli ünsiyyət nəzərdə tutulur.

Teatrın mətbuat xidmətinin məlumatına görə artıq tamaşaların quruluşu ətrafında yaradıcı heyətin müzakirələri, hazırlıqları gedir. Teatrların fəaliyyəti bərpa olunduqdan sonra "Bəbə" səhnəsinin ilk tamaşaları körpələrə təqdim ediləcək.

Məlumat üçün bildirək ki, Azərbaycan Xalq Maarif Komissarlığının 1928-ci il 20 sentyabr tarixli qərarı ilə Bakı Uşaq teatrı rəsmi olaraq fəaliyyətə başlayıb. Teatrın ilk aktyorları və rejissorları Ağadadaş Qurbanov, Məmmədağa Dadaşov, Yusif Əminli, Minə Abdullayeva, Yusif Dadaşov, Susanna Məcidova, Cavahir İskəndərova, Süleyman Ələsgərov, Hüseynağa Sadıxov, Kərim Həsənov, Zəfər Nemətov, Məhərrəm Haşımov, Əliməmməd Atayev və başqaları olub. 1936-cı il iyul ayının 18-dən etibarən Bakı Uşaq teatrı Azərbaycan Xalq Maarif Komissarlığının əmrinə əsasən "Azərbaycan Dövlət Gənc Tamaşaçılar Teatrı" adlandırılıb.

Fəaliyyət göstərdiyi dövrdə öz tamaşaçılarına nümunəvi xidmət göstərən, gənc nəslin estetik tərbiyəsində və vətənpərvərlik ruhunda böyüməsində mühüm rol oynayan Azərbaycan Dövlət Gənc Tamaşaçılar Teatrı səmərəli fəaliyyətinə görə 1978-ci ildə Respublika Lenin Komsomolu Mükafatı Laureatı adına, 1979-cu ildə isə "Şərəf" nişanı Ordeninə layiq görülüb.

2006-cı ildən başlayaraq kollektiv dünyanın bir sıra ölkələrində keçirilən Beynəlxalq Teatr Festivallarında fəal iştirak etməyə başlayıb. Azərbaycan Respublikası Nazirlər Kabinetinin 19 mart 2009-cu il 41 nömrəli qərarına əsasən Azərbaycan Dövlət Gənclər Teatrı və 30 sentyabr 2009-cu il tarixli qərarına əsasən Bakı Kamera Teatrı Azərbaycan Dövlət Gənc Tamaşaçılar Teatrına birləşdirilib. Elə həmin ilin aprel ayında başa çatmış əsaslı təmir və yenidənqurma işlərindən sonra teatr yeni texnika və müasir dizaynla təmin edilmiş binada fəaliyyətini davam etdiriblər.

5
Gəncə şəhərinin girişi, arxiv şəkli

Gəncə qapısının saxlanıldığı gürcü monastrında problemlər yaranıb, işə YUNESKO cəlb edilib

280
(Yenilənib 20:47 12.06.2021)
Qeyd edək ki, YUNESKO XII əsrdə inşa olunan Gelati monastırını 1994-cü ildə Ümumdünya İrs Siyahısına salıb.

BAKI, 12 iyun — Sputnik. YUNESKO-nun ekspertləri Gürcüstanın Kutaisi şəhərinin yaxınlığında yerləşən Gelati monastır kompleksində araşdırma aparacaqlar. Sputnik Azərbaycan xəbər verir ki, Gürcüstanın mədəniyyət, idman və gənclər naziri Tea Tsulukiani kompleksə baş çəkib və ekspertlərin ziyarətinə hazırlıqlarla tanış olub.

Xarici mütəxəssislər məbəddə aparılan bərpa işlərində yol verilən çatışmazlıqlar nəticəsində yaranmış vəziyyəti araşdıracaq və müvafq tövsiyələr verəcəklər.

Problemlərin aradan qaldırılması üzrə plan gürcü ekspertlərin iştirakı ilə hazırlanacaq.

Qeyd edək ki, YUNESKO XII əsrdə inşa olunan Gelati monastırını 1994-cü ildə Ümumdünya İrs Siyahısına salıb. Abidənin bərpası bir neçə il davam edib. Lakin işlərin başa çatdırılmasından sonra dam örtüyü su buraxmağa başlayıb və nəticədə qədim freskalara ciddi ziyan dəyib. Qapının bəzi hissələri çürüyüb, onun restavrasiyaya ehtiyacı var.

Məlumat üçün bildirək ki, Gəncə qapıları 1063-cü ildə Şəddadi hökmdarı Əbüləsvar Şavurun göstərişi ilə Gəncəyə dəmirçi İbrahim Osmanoğlu tərəfindən hazırlanıb. Qalanın ətrafı su ilə doldurulmuş dərin xəndəklərlə əhatə olunub. Gəncə "İçəri şəhər", "Narınqala", "Bayır şəhər", "Şəhristan" və sənətkarlar məhəlləsi – "Rabad"-dan ibarət idi. Belə bölgü Şərqdə orta əsr şəhərləri üçün səciyyəvi hal idi. Gəncə qalası, yaxud iç qala üçün düzəldilmiş dəmir darvazanın üzəri döymə üsulu ilə naxış və ornamentlərlə bəzədilmişdir. Kufi xətti ilə işlənilmiş kitabədə darvazanın Şavurun əmri ilə hazırlanması, ustanın adı, düzəldilmə tarixi qeyd olunub. 1139-cu ildə Gəncə zəlzələsi zamanı şəhərə qarət məqsədi ilə hücum etmiş gürcü çarı I Demetre tərəfindən Gürcüstana Gelati monastırına aparılıb. Qala qapılarının bir tayı hazırda Gürcüstanın Kutaisi rayonunun Gelati monastırında IV Davidin qəbri qarşısındakı divara bərkidilib orada saxlanılır.

280
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

0
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

0