Azərbaycan Dövlət Akademik Milli Dram Teatrı

Ölülər, ölülər...

127
(Yenilənib 11:28 01.06.2016)
Cəlil Məmmədquluzadənin "Ölülər" pyesi əsasında hazırlanmış eyniadlı, iki hissəli tamaşanın premyerası keçirilib

BAKI, 1 iyun — Sputnik. Azərbaycan Dövlət Akademik Milli Dram Teatrının səhnəsində Cəlil Məmmədquluzadənin "Ölülər" pyesi əsasında hazırlanmış eyniadlı, iki hissəli tamaşanın premyerası keçirilib. Teatrın mətbuat xidmətindən Sputnik-ə verilən məlumata görə, tamaşa teatrın direktoru və bədii rəhbəri, xalq artisti Azər Paşa Nemətin quruluşu əsasında səhnələşdirilib.

Vaqif Əsədov, xalq artisti
© Foto : V.Əsədovun şəxsi arxivindən

Səhnə əsərinin rejissorları Anar Sadıqov və Əlif Cahangirlidir. Bu dəfə özünəməxsus formada nümayiş olunan tamaşada SSRİ xalq artisti Qara Qarayevin "Ölülər" əsəri üçün bəstələdiyi musiqi yeni versiyada təqdim olunub. Mədəniyyət və Turizm Nazirliyinin sifarişi ilə hazırlanan tamaşanın elmi məsləhətçisi akademik İsa Həbibbəylidir.

"Ölülər"in Şeyx Nəsrullahı xalq artisti Nurəddin Mehdixanlı, Kefli İsgəndəri isə aktyor Anar Heybətov olub. Tamaşada digər rolları xalq artistləri Laləzar Mustafayeva, Rafiq Əzimov, Hacı İsmayılov, əməkdar artistlər Aslan Şirin, Elşən Cəbrayılov, Əli Nur, Hicran Nəsirova, Sabir Məmmədov, Elxan Quliyev, Məzahir Cəlilov, Kazım Həsənquliyev, Firuz Xudaverdiyev, Mirzə Ağabəyli, Əjdər Həmidov, aktyorlar Elçin Əfəndi, Mətləb Abdullayev, Ramin Şıxəliyev, Vüsal Mustafayev, Elnur Qədirov, Rüstəm Rüstəmov, Xədicə Novruzlu, Ləman İmanova, Rada Nəsibova, Canəli Canəliyev və başqaları canlandırıb.

Qeyd edək ki, xronometrajı 130 dəqiqə olan səhnə əsərində rəsmlərin quruluşu Azər Paşa Nemətə məxsusdur. Əsərdəki mənəvi əsarət, fanatizm və cəhalət aktyorların ifasında özünəməxsus çalarlarla açılıb.

127
Teqlər:
Əlif Cahangirli, Anar Sadıqov, "Ölülər" pyesi, Azərbaycan Dövlət Akademik Milli Dram Teatrı, Azər Paşa Nemət, Cəlil Məmmədquluzadə, teatr, tamaşa
Əlaqədar
Kukla teatrının rejissoru: nağıl qəhrəmanları azdır
"Teatrı sevən insanlar biletə pul tapıb gedir"
"Təki, o teatrların fəaliyyəti kağız üzərində qalmasın..."
"Belaruslar həftənin 6 gününü teatrda keçirirlər"
Milli Dram Teatrda “Generalın son əmri” tamaşası nümayiş olundu