Arazbarı mahnısına həsr edilmiş sənədli filmin təqdimat mərasimi

"Nə qədər ki Azərbaycan var, bu əsər yaşayacaq"

49
(Yenilənib 19:23 20.05.2016)
Sözləri Sona Vəliyevaya, musiqisi Tahir Əkbərə, ifaçısı Bəyimxanım Vəliyeva və Ehtiram Hüseynova, qiraət İlham Əsgərova aid olan "Arazbarı" sənədli filminin təqdimat mərasimi keçirilib

BAKI, 20 may — Sputnik. "Bu, çoxşaxəli bir dastandır, bizim tariximizdir. Əminəm ki, bu muğamımızı Xan Şuşinski, Arif Babayev, Alim Qasımov və digər musiqi korifeylərimiz ifa ediblər. Nə qədər Azərbaycan xalqı var, bu muğam ifa ediləcək".

Bu gün "Arazbarı" mahnısına həsr edilmiş sənədli filmin təqdimat mərasimində, sözügedən layihənin rəhbəri, Mətbuat Şurasının (MŞ) sədri, millət vəkili Əflatun Amaşov belə deyib: "Yaxşı musiqinin heç bir xalqa aidiyyəti yoxdur. Nə qədər bəşəriyyət var, Azərbaycan musiqisi, muğamlarımız həmişə səslənəcək. "Arazbarı" vətən simvoludur, cənuba, şimala, bütövlükdə dünyaya səpələnmiş 50 milyonluq azərbaycanlıları birləşdirən azərbaycançılıq simvoludur. Arazbarı bizim üçün coğrafi məkandır tariximizdir. Nə qədər bəşəriyyat var, nə qədər insan var, Azərbaycan musiqisi yaşayacaq".

"Arazbarı" əsərinin bəstəkarı Tahir Əkbər bu əsərin onun yaradıcılığında bir yenilik olduğunu deyib: "Sona xanımın sözlərini oxuyanda çox həyəcan keçirdim və xahiş etdim ki, mən bu şeirə musiqi bəstələyim. Sona xanım razı olduqdan sonra mən bu şeirə mahnı bəstələdim".

Arazbarı mahnısına həsr edilmiş sənədli filmə baxış
© Sputnik / Murad Orujov
"Arazbarı" mahnısına həsr edilmiş sənədli filmə baxış

T. Əkbər musiqini səsləndirən Bəyimxanım Vəliyevaya və Ehtiram Hüseynova, eyni zamanda digər zəhməti olan musiqiçilərə xüsusi təşəkkürünü bildirib: "Bu, bizim tariximizdir. Bəstəkar və şairlər gələcəyi yaxşı görürlər. Biz hiss edirik ki, hər şey nikbinliklə bitəcək və bu əsər də yaşayacaq".

Tədbirdə çıxış edən millət vəkili Xanhüseyn Kazımlı da belə gözəl layihənin ərsəyə gəlməsini yüksək qiymətləndirib və yaradıcı heyətə uğurlar arzulayıb.

Xanəndə Bəyimxanım Vəliyeva bu əsəri ifa etdiyinə görə çox sad olduğunu dilə gətirib: "Müəlliflərə təşəkkür edirəm. İnanıram ki, dinləyicilər tərəfindən seviləcək. Hər birimizin yaralı yeridir. Bu mövzuya yer ayırmaq mütləqdir".

Avrasiya Mətbuat Fondunun rəhbəri Umid Rəhimoğlu isə, uşaqlığını Araz boyunda keçirdiyindən, bu layihədən çox təsirləndiyini dilə gətirib: "Mən çox sənədli filmdə göstərilən hadisələrin canlı şahidiyəm. Son illərdə Arazla bağlı, bizim dərdimizlə bağlı ən gözəl əsərlərdəndir. Bu cür mövzulara çox müraciət olunmalıdır".

KİVDF-nin icraçı direktoru Vüqar Səfərli də çıxışı zamanı "Arazbarı"nı olduqca təsirli musiqi kompozisiyası adlandırıb: "Sona xanımın yazdığı şeirlərə bir çox musiqilər yazılıb, amma hesab edirəm ki, bu əsər daha fərqlidir və cəmiyyətdə çox gözəl qarşılanacaq. Belə yüksək səviyyəli əsərə görə bütün yaradıcı heyəti təbrik edirəm".

Sənədli filmin ssenari müəllifi olan Bəxtiyar Qaraca layihə haqqında qısa olaraq bunları deyib: "Çox mürəkkəb və məsuliyyətli bir layihə idi. Əsas odur ki, belə bir ağır əsəri ərsəyə gətirə bildik. Ümid edirik ki, bu film sonuncu olmayacaq, belə layihələrin davamı olacaq. Torpaqlarımızın qayıtması üçün bir az iş gördüksə, bu, bizim uğurumuzdur".

Qeyd edək ki, sözləri Sona Vəliyevaya, musiqisi Tahir Əkbərə, ifaçısı Bəyimxanım Vəliyeva və Ehtiram Hüseynova, qiraət İlham Əsgərova aid olan "Arazbarı" sənədli filminin çəkilişləri Bakı şəhərində, Sabirabad və Saatlı rayonlarında aparılıb. Filmdə Azərbaycan tarixinin keşməkeşli dövrlərindən, xalqımızın yüksək mənəvi dəyərlərindən bəhs edilib. Filmin ssenari müəllifi Bəxtiyar Qaraca, rejissoru Kəmalə Mirzəyevadır. Layihənin rəhbəri Əflatun Amaşovdur.

49
Teqlər:
Vüqar Səfərli, Bəxtiyar Qaraca, Umid Rəhimoğlu, Xanhüseyn Kazımlı, Ehtiram Hüseynov, Bəyimxanım Vəliyeva, Tahir Əkbər, Sona Vəliyeva, "Arazbarı", Əflatun Amaşov
Əlaqədar
“Xarı bülbül”ün təqdimatı keçirildi
“Bakı, mən səni sevirəm” filminin təqdimat mərasimi keçirilib
Elmin İnkişafı Fondu müsabiqələrin nəticələri üzrə təqdimat keçirib
Rejissor Xəzər Həmzənin “Video çəkən” filminin təqdimatı oldu
Flora Kərimovanın yeni klipinin təqdimatı oldu
Rəssam, arxiv şəkli

Tələsin: Yeniyetmələr arasında rəsm müsabiqəsi start götürdü

7
Müsabiqənin şərtlərinə görə, rəsmlər A1 və ya A3 ölçülü vatman kağızlarda çəkilməlidir. Müsabiqəyə 1 və ya 2 rəsm əsəri təqdim oluna bilər. Rəsmlərin son qəbul tarixi noyabrın 27-də başa çatır.

BAKI, 29 oktyabr — Sputnik. F.Köçərli adına Respublika Uşaq Kitabxanası 10-17 yaş arası uşaq və yeniyetmələr arasında "Terrora yox deyək!" adlı rəsm müsabiqəsi elan edib.

Sputnik Azərbaycan xəbər verir ki, müsabiqənin keçirilməsində məqsəd yeniyetmələrin diqqətini erməni terroruna cəlb etmək, onlara sülh mədəniyyəti, xalqlar və insanlar arasında qarşılıqlı anlaşma, dostluq münasibətlərinin əhəmiyyətini, milli dəyərlərimizi, tolerantlıq və multikulturalizm ənənələrini aşılamaq, habelə xüsusi istedadları aşkarlamaq və onların qabiliyyətlərinin inkişaf etdirilməsinə dəstək verməkdir.

Müsabiqə vətənpərvərlik mövzusunda keçirilir. Müsabiqənin şərtlərinə görə, rəsmlər A1 və ya A3 ölçülü vatman kağızlarda çəkilməlidir. Müsabiqəyə 1 və ya 2 rəsm əsəri təqdim oluna bilər. Rəsmlərin son qəbul tarixi noyabrın 27-də başa çatır.

Yarışma başa çatdıqdan sonra münsiflər heyəti tərəfindən 3 qalib seçiləcək. Qalib və iştirakçılara həvəsləndirici diplom, fəxri fərman və kitablar hədiyyə olunacaq.

Əlavə məlumatı http://clb.az/yeniyetmlr-arasnda-terrora-yox-deyk-adl-rsm-msabiqsi_d3001.html ünvanından əldə etmək olar.

7
Azərbaycan Dövlət Akademik Milli Dram Teatrı, arxiv şəkli

Ən qədim teatrımız Silahlı Qüvvələrə Yardım Fonduna vəsait köçürüb

14
Teatr Ermənistanın hərbi təcavüzünün qarşısının alınması, mülki əhalinin təhlükəsizliyinin təmin edilməsi üçün şanlı Ordumuza dəstək olmaq məqsədilə Silahlı Qüvvələrə Yardım Fonduna 10 min manat vəsait köçürüb.

BAKI, 29 oktyabr — Sputnik. Qüdrətli Azərbaycan Ordusunun işğalçı Ermənistanın təxribatlarına cavab olaraq həyata keçirdiyi əks-hücum əməliyyatları bütün cəbhəboyu böyük uğurla davam edir. Əsgər və zabitlərimizin fədakarlığı, yenilməz döyüş əzmi və qazandığı qələbələri hər bir soydaşımızda böyük ruh yüksəkliyi yaradır. Azərbaycan Ordusunun maddi-texniki təchizatı dövlət tərəfindən yüksək səviyyədə təmin olunsa da, əksər vətəndaşlar, o cümlədən müəssisə və təşkilatlar Orduya hərtərəfli dəstəyi özlərinə mənəvi borc hesab edir, bu istiqamətdə əllərindən gələni əsirgəmirlər.

Sputnik Azərbaycan xəbər verir ki, Azərbaycan Dövlət Akademik Milli Dram Teatrı Ermənistanın hərbi təcavüzünün qarşısının alınması, mülki əhalinin təhlükəsizliyinin təmin edilməsi üçün şanlı Ordumuzun həyata keçirdiyi zəruri əks-həmlə tədbirlərinə dəstək olmaq məqsədilə Silahlı Qüvvələrə Yardım Fonduna 10 min manat vəsait köçürüb.

14
Mövzu:
Azərbaycan və Ermənistan arasında müharibə
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0