Saatlı tarix-diyarşünaslıq muzeyi

Saatlıda muzey günü qeyd edildi

106
(Yenilənib 20:36 18.05.2016)
Həftəlik layihə multikultiralizmi təbliğ edən rəngarəng musiqi proqramı ilə başa çatıb.

BAKI, 18 may — Sputnik. “Beynəlxaq muzeylər günü” münasibətilə Saatlı şəhərində keçirilən “muzey həftəsi”nə yekun vurulub.

Təhsil, Mədəniyyət və Turizm nazirliklərinin, Milli Elmlər Akademiyasının, YUNESKO üzrə Milli Komissiyanın və İçərişəhər Dövlət Tarix-Memarlıq Qoruğunun birgə təşkilatçılığı ilə həyata keçirilən layihə çərçivəsində Saatlı rayonundakı ümumitəhsil məktəblərinin şagirdləri üçün “Muzeylər və multikultiralizm” mövzusunda proqram təqdim edilib. 

“Bilik” fondunun Saatlı rayonu üzrə təmsilçilərindən biri, akademik Oktay Məmmədovun, tarixçi alim Mirhadı Ağayevin Azərbaycanda multikultiralizm və tolerantlıq sahəsində həyata keçirilən dövlət siyasəti və gənc nəslin bu ruhda yetişdirilməsi mövzusunda maarifləndirici mühazirələri dinlənilib. Tədbirdə bağça və məktəb yaşlı uşaqlar tərəfindən müxtəlif xalqların rəqsləri ifa edilib. Bundan sonra iştirakçılar muzeyin eksponatlarına tamaşa edib. 

Saatlı tarix-diyarşünaslıq muzeyi
Saatlı tarix-diyarşünaslıq muzeyi

Tarix-Diyarşünaslıq Muzeyinin direktoru Sürəyya Məmmədova sputnik-ə açıqlamasında mədəniyyət müəssisəsi barədə qısa məlumat verib:

“Muzeyimiz 1983-cü ildə yaradılıb. Bir qərinə ərzində topladığımız eksponatların sayı 10 min ədədə yaxındır. Burada eramızdan əvvəlki dövrlərdən başlamış ən yaxın tariximizədək xeyli sayda tapıntı, xüsusilə Kür-Araz mədəniyyətinə aid qiymətli nümunələr var.”

O, muzeydə başqa xalqlara, din və mədəniyyətlərə aid eksponatların da az olmadığını dilə gətirdi: “Bu, əslində xalqımızın tolerant olmağının göstəricisidir. Saatlıda yaşamış azsaylı xalqlar, etnoslar yerli əhali ilə birgə mehriban münasibətdə olub. Onlar öz dillərində danışıb, öz adət-ənənələrini, mədəniyyətlərini qoruyublar.” 

Saatlıda muzey günü
Saatlıda muzey günü

106
Teqlər:
xalqlar, etnoslar, muzey həftəsi, din, məlumat verib, Beynəlxaq muzeylər günü, İçərişəhər Dövlət Tarix-Memarlıq Qoruğu, YUNESKO, Mədəniyyət və Turizm Nazirliyi, Milli Elmlər Akademiyası, Təhsil Nazirliyi, Mirhadı Ağayev, Oktay Məmmədov, Sürəyya Məmmədova, Saatlı
Təranə Qumral və Musa Musayev, arxiv şəkli

Müğənni izləyicilərini hədələdi - "Hünəriniz var, bir də..." - VİDEO

27
(Yenilənib 12:34 19.01.2021)
"Götürüb nəsə yazsam, deyəcəksiniz, Təranə Qumral izləyicisini təhqir etdi. Amma sizin məni hər cür təhqir etməyə haqqınız var? Qarğışlarınız öz canınıza tökülsün".

BAKI, 19 yanvar — Sputnik. Müğənni Təranə Qumral sosial şəbəkədə yayımladığı video ilə müzakirələrə səbəb olub.

Sputnik Azərbaycan xəbər verir ki, sənətçinin görüntüdə işlətdiyi qeyri-etik ifadələr bir yana, onun istifadə etdiyi effekt ələ salınıb.

Посмотреть эту публикацию в Instagram

Публикация от Terane_Musa (@terane_musa)

Bir neçə gün əvvəl qızları ilə rəqs edən videosunu yayımlayan ifaçı ünvanına yazılan tənqidlərə cavab verib. O: "Bir ildir efirə çıxmıram, özümlə bağlı sosial şəbəkəyə video qoymuram. O gün bir video yayımladım, altına oturub nə qarğışlar, söyüşlər yazmısız. Öz başınıza tökülsün. Götürüb nəsə yazsam, deyəcəksiniz, Təranə Qumral izləyicisini təhqir etdi. Amma sizin məni hər cür təhqir etməyə haqqınız var? Qarğışlarınız öz canınıza tökülsün. Hünəriniz var, bir də qarğış yazasınız", - deyə bildirib.

Təranə daha sonra paylaşımındakı şərh bölümünü bağlayıb.

27
Teqlər:
hədə, video, Instagram, müğənni
Jan-Pyer Bakri, arxiv şəkli

Dünya şöhrətli aktyor xərçəngə məğlub oldu

16
(Yenilənib 11:25 19.01.2021)
Qeyd edək ki, Jan-Pyer Bakri 1951-ci il mayın 24-də Əlcəzairdə yəhudi ailəsində doğulub. 1962-ci ildən sonra aktyorun ailəsi Fransaya mühacirət edib.

BAKI, 19 yanvar — Sputnik. Fransanın tanınmış aktyoru və ssenarist Jan-Pyer Bakri vəfat edib. Sputnik Azərbaycan xarici mediaya istinadən xəbər verir ki, 69 yaşlı aktyor ötən gün xərçəng xəstəliyindən dünyasını dəyişib.

Qeyd edək ki, Jan-Pyer Bakri 1951-ci il mayın 24-də Əlcəzairdə yəhudi ailəsində doğulub. 1962-ci ildən sonra aktyorun ailəsi Fransaya mühacirət edib. Mərhum aktyorun kinoya ilk gəlişi "Hərbi həkim" filmində olub. Həmin filmdə Alen Delon və Veronik Janno ilə tərəf-müqabili olan Jan-Pyer Bakri 1985-ci ildə Lyuk Bessonun "Zirzəmi" filmində çəkilib.

Mərhum aktyor 70-dən çox kino və telelayihələrin ssenari müəllifi olub. "Ən yaxşı ssenari"yə görə dörd dəfə "Sezar" mükafatına layiq görülüb. Həmçinin Kann Festivalının mükafatçısı olub.

16

Kəlbəcər rayonunun Çopurlu kəndindən videogörüntülər

0
Üçtərəfli bəyanatın şərtlərinə əsasən Kəlbəcər rayonu 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Çopurlu kəndindən videogörüntülər paylaşıb. Sputnik Azərbaycan həmin görüntüləri təqdim edir.

0