Əməkdar artist Vidadi Həsənov (sağda)

"Teatrı sevən insanlar biletə pul tapıb gedir"

101
(Yenilənib 12:55 25.04.2016)
Əməkdar artist Vidadi Həsənov yeni yaratdığı teatrdan və gələcək planları barədə Sputnik-ə danışıb.

Azərbaycanda da son zamanlar bir necə özəl teatrların fəaliyyətə başlaması mədəniyyətimiz üçün yaxşı hadisədir. Bu, teatr sənətinin inkişafına səbəb olacaq amillərdən biridir. Həmin teatrlardan biri də, M.Teatr production-dur. Sputnik-in əməkdaşı teatrın rəhbəri Əməkdar artist Vidadi Həsənov ilə teatrın yaradılmasından və gələcək planlarından danışıb. Müsahibəni təqdim edirik.

- Azad teatrınız var. Azad ədəbiyyata üstünlük verəcəksiniz?

— Ədəbiyyat və incəsənət azad olmalıdır. Çingiz Aytmatov hər çılpaqlığı ilə yazanda qəbul edirik. Bizdə kimsə yazanda deyirik olmaz. Amma  belə bir məsələ də var: sərhəddi kecməmək. Bir gün küçədə mənə bir kitab verdilər. Gənc yazarlardan birinin kitabı idi. 3 səhifə oxudum, sonra kitabı bağladım. Həmin yazarı tapıb  ona bir sual verdim. Dedim:“ Sən anana verərsən bu kitabı oxusun?”. Soruşdu ki, “nədir ki?” Dedim “o zaman apar anana ver kitabı oxusun, mən belə kitablar oxumuram”. Belə yazmaq da ədəbiyyat deyil axı.

- M. Teatr production-da 18+ səhnələrə yer veriləcək? Axı müasirlik 18+ tələb edir.

— Tamaşaya baxılır. Yazar necə yazırsa onu olduğu kimi səhnəyə qoymalıyıq. Müəllifin yazılarına xəyanət etmək olmaz. 18+ səhnə olmaması üçün müəllif onu elə yazmamalıdır. Amma bacardığımız qədər səhnədə söyüş səsləndirilməyəcək. 

- Bir neçə il öncə siz teatr yaratmışdınız. Amma maddi problemlərə görə teatrı bağladınız. İllər sonra yenidən teatr açmaq qərarına gəldiniz. Bu dəfə də eyni problemlə üzləşmə qorxunuz yoxdur ki?

— Siqaret çəkən adam bir dəfə çəkir, ziyan olduğunu bilsə də aludəçiyə çevrilir.  İstisna hallarda atanlar olur. Biz bir dəfə problemlə üzləşdik. İkinci dəfə yenə teatr yaratdıq. Biz də insanıq. Ola bilər ikinci dəfə də alınmasın. Fanatikcəsinə bu işin ardınca getmirik. Amma imkanımız, gücümüz çatana kimi davam edəcəyik. Heç nəyi əvvəlcədən bilmək olmur. Əsas işləməyə həvəsimiz və istəyimiz var.

- Teatrın gəlir mənbəyi hardandır?

— Yalnız satılan biletlərdən. Yaxşı və keyfiyyətli tamaşalar hazırlayıb biletləri sataraq tamaşalar nümayiş etdirmək və beləliklə teatrı yaşatmaq. Başqa gəlir mənbəyimiz yoxdur.

- Dəfələrlə vətəndaşlar teatr biletlərin baha olmasından şikayət edib. Məhz biletin baha olmasını bəhanə gətirərək tamaşalara getmədiklərini söyləyirlər. Sizdə bilet qiymətləri necə olacaq?

— İnsanlar həmişə pulsuzluqdan, bahalıqdan şikayət edir. Amma şəhər və axşamlar bütün kafe və restoranlar dolu olur. Deməli pul bəhanədir. Sadəcə biz yemək-içməyə daha çox pul xərcləməyi xoşlayırıq, nəinki teatra. O teatrın biletləri bahadır deyənlər bilirsiz kimlərdir? Teatra getmək istəməyənlər. Sadəcə teatr biletini bəhanə edirlər. Teatrın bileti əslində ucuz olmalı deyil. İlk tamaşamızda biletlər 5, 10, 15 və 20 manat oldu. Açığını deyim 20 manatlıq bileti daha çox istəyən var idi. Teatrı sevən insanlar biletə pul tapıb gedir. 

- İlk tamaşanızı nümayiş etdirdiniz. Təəssüratlarınız necədir?

— Kimi dəvət etmişdik gəldilər. Satılacaq biletlərin hamısı satıldı. Hətta yer olmayanlara ayaq üstə dayanıb sona kimi tamaşaya baxdılar. İlk tamaşamızı bəyəndilər və bizi alqışladılar. Axı alqışla tamaşaçı fikrini bildirir. İnsanlar alqışladılarsa demək məqsədimizə çatmışdıq. Narazı qalanlar da oldu. 300-ə yaxın insandan 5 nəfər insan tamaşadan yarımçıq çıxıb getdi. Hər kəsin bir zövqü var. Əsas yerdə qalan sona kimi bizi izləyənlər bizi alqışladı. 

- Tamaşalar nə zamanlar oynanılacaq və harda?

— Bizim teatr göstərmək üçün binamız yoxdur. Ona görə tamaşanı hazırlayıb biletləri satışa buraxacağıq. Biletlər satılarsa icarə haqqı, aktyorların əmək haqqızını bilet satışı ilə çıxarandan sonra tamaşanı oynayacağımız günü təyin edəcəyik. 

- Deməli sizə yaxşı produsser də lazım olacaq?

— Əlbəttə. Hal-hazırda Media Compani-nin tərkibində teatrı yaratdığımız üçün PR işlərini həyata keçirəcək pr menecerlərimiz də var. Bu bizim daha sürətli işləməyimizə və uğur qazanmağımıza səbəb olacaq. 

101
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

47
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

47
Mövzu:
Azərbaycan və Ermənistan arasında müharibə
Ceyla Seyidova, arxiv şəkli

"Sarı gəlin"dən xəbər var

255
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

255
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Sergey Lavrov və Ceyhun Bayramov, arxiv şəkli

Sergey Lavrov Moskvada Ceyhun Bayramovla görüşüb

0
Sergey Lavrovun Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Mnatsakanyan ilə ayrı-ayrılıqda görüşləri keçirilib.

BAKI, 21 oktyabr — Sputnik. Rusiya Xarici İşlər naziri Sergey Lavrov Azərbaycandan olan həmkarı Ceyhun Bayramovla görüşüb. Sputnik Azərbaycan Rusiya Xarici İşlər Nazirliyinin mətbuat xidmətinə istinadən bildirdiyinə görə, məlumatda qeyd olunub ki, 20 və 21 oktyabr tarixlərində Rusiya Xarici İşlər naziri Sergey Lavrovun Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Mnatsakanyan ilə ayrı-ayrılıqda görüşləri keçirilib.

"Danışıqlar zamanı Dağlıq Qarabağ münaqişə zonasında atəşkəsə dair daha əvvəl əldə edilmiş razılaşmaların həyata keçirilməsi və onun davamlı həlli üçün şərait yaradılması ilə bağlı təcili məsələlər müzakirə edilib", - deyə məlumatda qeyd olunub.

0