Şekspirin “Hamlet”i Azərbaycan səhnəsində

3 aya aktyor, 6 aya "ulduz" olanlar...

2383
(Yenilənib 18:26 20.04.2016)
Hazırkı dönəmdə məşhur olmağın ən rahat yolu seriallara çəkilməkdir. Və bu yol məşhurluq eşqi ilə alışıb-yanan gənclərimizi özünə cəlb edir. Peşəkarlar isə böyük səhnəyə yolun başqa yerdən keçdiyini bildirirlər.

BAKI, 20 apr — Sputnik. Müasir insan qısa müddətdə məşhur olmağa can atır. Bunun çıxış yolunu incəsənətə gələrək, bir neçə filmdə rol oynamaqda görür. Amma bunun üçün təhsil almağa vaxt itirmək istəmir və daha sərfəli yola əl atır.

Karyeraya "aktyorluq kursları"na müraciətlə başlayır. Bir neçə aktyorun yaratdığı özəl "aktyorluq kursları" incəsənətə həvəsi olan insanları səhnəyə gətirmək üçün pəncərə rolunu oynayır. Belə kurslara cəmiyyətdə münasibət birmənalı deyil. Tamaşaçılar seriallarda və filmlərdə rol alan qeyri-peşəkarlardan şikayətlənirlər. Sputnik-in əməkdaşı sözügedən məsələyə peşəkarların münasibətini öyrənib.

Azərbaycanın əməkdar artisti Hüsniyyə Mürvətova hesab edir ki, səhnəyə gələn insanın ilk növbədə istedadı olmalıdır: "Amma peşəkar olmaq üçün mütləq Mədəniyyət və İncəsənət Universitetini bitirmək lazımdır. Amma kurslarda peşəkar incəsənət xadimləri dərs deyirsə, orda da peşəkarlaşmaq mümkündür".

Əməkdar artist, Pantomima Teatrının direktoru Elman Rəfiyev kurslardan gələn aktyorları "qamçılamaq" əvəzinə, dəstəkləməyin tərəfdarıdır: "Əgər o insanda zərrə qədər istedad varsa, niyə də uğurlu gələcəyi olmasın?! Amma bu o demək deyil ki, hər kursa adam gedən aktyor ola bilər".

"Sözün əsl mənasında, incəsənət universiteti aktyor olmaq istəyən tələbəyə yetərincə savad verir. Bizim dövrdə də oranı bitirən çoxsayda tələbə aktyor olmadı. Yəbi, əsas istəkdir", E. Rəfiyev qeyd edib.

"Kaspi" qəzetinin mədəniyyət yazarı, teatrşünas Xəyalə Məmmədova isə deyir ki, dünyanın tanınmış film ulduzlarının əksəriyyəti incəsənət sahəsindən kənar insanlardır: "Biz dəfələrlə belə halların şahidi olmuşuq. Müğənnilər, modellər, hətta başqa sahədə çalışan insanlar belə, bir neçə kurs keçməklə tanınmış ulduza çevriliblər. Film qəhrəmanı seçərkən isə, daha çox modellərə müraciət edilir. Çünki onların siması, duruşu, qaməti tam filmlərə uyğun gəlir".

Yerli film sahəsində hər şeyin tamam başqa olduğunu söyləyən X. Məmmədova, bizdə filmlərə daha çox müğənnilərin çəkildiyini bildirib: "Şou əhli özlərini dahi hesab edirlər. Onları o qədər ilahiləşdirmişik ki, özlərinə güvənləri artıb. Düşünürlər ki, onlar peşəkar ifaçı, peşəkar aktrisa və başbiləndirlər. Əslində isə heç də belə deyil. Məhz bu səbəbdəndir ki, əksər sahənin insanları kurs keçmədən filmlərə çəkilir və onların da səviyyəsi göz qabağındadır".

Teatrşünas ixtisaslaşmayanların teatra gəlişinə belə münasibət bildirib: "Mən elə düşünmürəm ki, İncəsənət Universitetini bitirməyən aktyor teatr səhnəsində çıxış edə bilməz. Çünki teatr canlı sənət növüdür. Filmi 4-5, hətta 20 dubla çəkmək olar. Ancaq teatrda ilk dəfədən alınmasa, yenidən oyanmaq olmaz. Pərdələr açıldısa, artıq sən indiyə qədər yığdığın bilikləri, potensialını ortalığa qoymalısan".

Qeyd edək ki, aktyoruluq kurslarının müddəti, kursun müəyyənləşdiri qaydadan asılı olaraq, 3-6 ay arasıdır.

2383
Teqlər:
Xəyalə Məmmədova, Hüsniyyə Mürvətova, "aktyorluq kursları", səhnə, aktrisa, serial, Elman Rəfiyev, teatr, kino, film, aktyor
Əlaqədar
Görkəmli aktyorun xatirəsi yad edildi
Azərbaycanlı aktyor böyrəyini satışa çıxardı
"Müstəntiq olmaq istəyirdim, aktyor oldum"
Tanınmış aktyor dünyasını dəyişdi
Məşhur aktyor dünyasını dəyişib
Türkiyənin məşhur aktyoru Levent Kırca vəfat edib
Aktyor Taleh Yüzbəyov, arxiv şəkli

"Əri döymüş gəlini, bir yandan da it qapdı" - Yüzbəyovdan yeni film

27
(Yenilənib 20:51 28.11.2020)
Yüzbəyovun çəkdiyi "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

Şahpəri Abbasova, Sputnik Azərbaycan

BAKI, 28 noyabr — Sputnik. Taleh Yüzbəyov yeni filmini təqdim edib. Sputnik Azərbaycan xəbər verir ki, aktyor senaristi və rejissoru olduğu filmi "Youtube" hesabında paylaşıb. Film ailə-məişət mövzusundadır. "Karantin balladası" adlanan film karantin dövründə insanların yaşadığı maddi və mənəvi çətinliklərdən bəhs edir. Yüzbəyov film barədə özünün "Facebook" hesabında bunları deyib:

"Bu videonun senarisini mayda yazıb, karantinə görə ancaq avqustda çəkə bildik. Sentyabrın 28-i paylaşmaq istəyirdik ki, müharibə başladı. İkinci korona dalğasında gecikmiş video olsa da paylaşmaq istədik".

Qeyd edək ki, "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

27
Film çəkilişi, arxiv şəkli

Doqquz il qabaq "Yoluxma" filminin çəkilişləri zamanı pandemiya barədə proqnoz verilib

16
(Yenilənib 20:47 28.11.2020)
"2020-ci ilin əvvəllərində Çində baş verənlər barədə informasiyalar ortaya çıxanda və virus yayılmağa başlayanda bunun nə olduğunu anladım. Təəssüf ki, çox təəccüblənmədim".

BAKI, 28 noyabr — Sputnik. Britaniyalı aktyor Cud Lou "Contagion" ("Yoluxma") filmi üzərində işləyərkən ekspertlərin filmdəkinə bənzər pandemiyanın qaçılmaz olduğu barədə xəbərdarlıq etdiklərini açıqlayıb.

Sputnik Azərbaycan xəbər verir ki, sənətçi bu barədə THR-ə verdiyi müsahibəsində bildirib: "Bunun belə olacağını hiss edirdik. Senarist Skott Berns və rejissor Stiven Soderberg avtoritar elm adamları ilə işləyirdilər. Onlar bunun tez və ya gec baş verəcəyinə bizi əmin edirdilər. Məsələ bunun sadəcə nə vaxt baş verəcəyində idi".

Onun sözlərinə görə, ekspertlər mümkün pandemiya ilə bağlı vəziyyəti həqiqətə çox yaxın şəkildə izah ediblər.

"Bunu mütəxəssisdən öyrənmək qorxuncdur, ancaq qəbul etməyə hazır olursan".

Lou həmçinin bildirib ki, film onu bərk qorxudub, lakin vaxt keçdikdən sonra (film 2011-ci ildə çəkilib) sakitləşib.

"2020-ci ilin əvvəllərində Çində baş verənlər barədə informasiyalar ortaya çıxanda və virus yayılmağa başlayanda bunun nə olduğunu anladım. Təəssüf ki, çox təəccüblənmədim", - deyə aktyor əlavə edib.

Qeyd edək ki, bəşəriyyətin ölümcül virusla mübarizəsindən bəhs edən filmdə o, baş rollardan birini – bloger Alan Krumvyedanı oynayıb.

Filmdə həmçinin Mett Deymon, Keyt Uinslet, Lourens Fişbern, Marion Kotiyar, Qvinet Peltrou və digər aktyorlar iştirak ediblər.

16

"Qafqazın Xirosiması" - fransız kanalı Ağdamı belə adlandırdı

0
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

0
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam