Merlin Monro

Seks-simvol olmaq istədilər, amma...

1772
(Yenilənib 12:12 19.04.2016)
Hanı o bəxt ki, bizim ulduzlarımızın içində bir-iki nəfər Merlin Monro kimi dəli olaydı? O zaman bizim filmlərimizdən gələn gəlir neft-qaz sektorunu ötüb keçərdi.

BAKI, 19 apr — Sputnik. Əgər söhbət seks-simvol olmaqdan gedirsə, heç şübhəsiz, dünyanın ən böyük seks-simvolu Merlin Monronu xatırlamamaq olmaz. Amma əvvəlcə, bizim seks-simvol olmaq istəyib, "Tükəzban" olan bir sıra dırnaqarası ulduzlarımızdan yazmaq istəyirəm. Onların içində modellər də var, müğənnilər də, aktrisalar da, rəqqasələr də…

Onların seks-simvol olmaq iddiası çılpaq fotosessiyalardan, gecələrinə pul sayan kişilər haqqında açıqlamalardan o yana keçə bilmədi. Səbəb isə sadədir: ortada sənət yox idi. O sənət ki, özündə həm istedadı, həm biliyi, həm sevgini, həm gözəl görünüşü — dəblə geyinməyi, baxımlılığı, ideal bədən quruluşunu, həm də zəngin təfəkkürü ehtiva edən nəhəng bir anlayışdır. Bunlardan biri olmazsa, olmaz!

Dünyanın ən böyük seks-simvolu Merlin Monronun ulduzu bir şəkillə parlamışdı. Tamam təsadüf: bir fotoqraf 19 yaşlı qızın şəklini çəkir, o qızın gözlərindəki və dodaqlarındakı təbəssümü, artıq bir əsrdir hafizələrdən silinməyən o məşhur duruşu xalq o qədər sevir ki, həmin 19 yaşlı qız qəfildən bir Hollivud ulduzuna çevrilir.

Merlin Monro bütün dünyanın seks-simvolu olmasına rəğmən, öz gözəlliyinə heç vaxt güvənməyib. O, kamera önünə keçməzdən əvvəl saatlarla təkrar-təkrar makiyaj edərmiş. Saçlarını müxtəlif rənglərə boyadıb özünə ən çox yaraşanı seçərmiş.

Di gəl ki, bizim seks-simvol olmaq iddiasına düşənlərimiz iri göbəkləri, kobud budları, zövqsüz geyimləri, slikon yanaq və dodaqları ilə gözəllikdən, gecələrinə pul sayan kişilərdən, seksual maraqlarından danışır. Hələ xəbər portalları da onları seks-simvol kimi təqdim edir.

Bu yaxınlarda gördüm ki, gözəlliyi dillərə əzbər olan bir aktrisamız uzun qara donun üstündən bir sarı kürk atıb pərəstişkarları ilə şəkil çəkdirib. Ümumiyyətlə, efirə mətbəx paltarı ilə, kənd çadır toylarının dəbdənkənar geyimləri ilə çıxan tanınmış simalarımız kifayət qədər çoxdur. Bunun bir sıra səbəbləri var…

Bizdə peşəkar modelyer həddən artıq azdır. Onlar da başqa ölkələrin sənət adamları ilə əməkdaşlıq edir. Bizim müğənnilərimiz, aktrisalarımız, modellərimiz həmin peşəkar modelyerlərlə işləməyə pul tapmır. Buna pul tapsa, həmin modelyerlərin təklif etdiyi açıq-saçıq geyimlə efirə çıxa bilməzlər. Çünki əxlaqıyla silahlanmış tipik kütlə onları ataşə tutar.

Bir halda ki, bu ölkənin dəb müsabiqəsində münsif kürsüsünə Bərdə ləhcəsi ilə danışan teleaparıcı oturur, o ölkənin dəb anlayışı da Bərdədən qırağa çıxa bilməz. Əslində, bu hadisə Azərbaycanın sənət adamlarının dəblə ayaqlaşma səviyyəsini mükəmməl təsvir edir.

Əlbəttə, stereotipləri qıran, kütlə qarşısına yarıçılpaq çıxa bilən modellər, müğənnilər, aktrisalar da bir anda özlərini seks-simvol zənn edirlər. Bu önlüyü əskik mətbəx geyimli sənət adamlarının içində özlərini Hollivud ulduzu kimi görürlər. Amma özlərinin çirkin görünüşləri və həqiqi mənada pozğun açıqlamaları ilə "vitrin"ə qoyulmuş fahişəyə çevrilirlər.

Anlaşılandır. Sənətə sevgisi olmayan dövlətdə və sənəti çərçivələrə salan cəmiyyətdə bir Merlin Monro olmaq və onun həyatını yaşamaq mümkünsüzdür. Çünki kameranı sevməyən rejissorun aktyorunu, aktrisasını kamera sevməz.

Gözəl olsa belə, kamera onu çirkin göstərəcək. Axı bu zaman kamera sənətə yox, şəxsi mənafelərə, maddi mənfəətə xidmət edir və çəkiliş vasitəsi yox, vitrin kimi istifadə olunur.

Merlin Monro deyirdi: "Mən dəli olmayacağam, çünki dəliyəm!" Hanı o bəxt ki, bizim ulduzlarımızın içində bir-iki nəfər Merlin Monro kimi dəli olaydı?… O zaman bizim filmlərimizdən gələn gəlir neft-qaz sektorunu ötüb keçərdi. Bəlkə Di Kaprio, Monika Belluççi də həyəcanla gözləyərdi ki, onlara Azərbaycanda filmə çəkilmək təklifi gəlsin. Nə gözəl xəyaldır!?

1772
Teqlər:
"Tükəzban", seks-simvol, aktrisa, müğənni, rejissor, aktyor
Əlaqədar
İlk opera müğənnimiz
Müğənniyə "şəhid" demək Allahın şəhidlərinə qarşı haqsızlıq, İslama görə günahdır
Türkiyədə tanınmış müğənni intihar edib
Rihanna dünyanın ən çox sinql satan müğənnisi olub
Müğənni Azərinə xalq artisti adı verildi
Təranə Qumral və Musa Musayev, arxiv şəkli

Müğənni izləyicilərini hədələdi - "Hünəriniz var, bir də..." - VİDEO

29
(Yenilənib 12:34 19.01.2021)
"Götürüb nəsə yazsam, deyəcəksiniz, Təranə Qumral izləyicisini təhqir etdi. Amma sizin məni hər cür təhqir etməyə haqqınız var? Qarğışlarınız öz canınıza tökülsün".

BAKI, 19 yanvar — Sputnik. Müğənni Təranə Qumral sosial şəbəkədə yayımladığı video ilə müzakirələrə səbəb olub.

Sputnik Azərbaycan xəbər verir ki, sənətçinin görüntüdə işlətdiyi qeyri-etik ifadələr bir yana, onun istifadə etdiyi effekt ələ salınıb.

Посмотреть эту публикацию в Instagram

Публикация от Terane_Musa (@terane_musa)

Bir neçə gün əvvəl qızları ilə rəqs edən videosunu yayımlayan ifaçı ünvanına yazılan tənqidlərə cavab verib. O: "Bir ildir efirə çıxmıram, özümlə bağlı sosial şəbəkəyə video qoymuram. O gün bir video yayımladım, altına oturub nə qarğışlar, söyüşlər yazmısız. Öz başınıza tökülsün. Götürüb nəsə yazsam, deyəcəksiniz, Təranə Qumral izləyicisini təhqir etdi. Amma sizin məni hər cür təhqir etməyə haqqınız var? Qarğışlarınız öz canınıza tökülsün. Hünəriniz var, bir də qarğış yazasınız", - deyə bildirib.

Təranə daha sonra paylaşımındakı şərh bölümünü bağlayıb.

29
Teqlər:
hədə, video, Instagram, müğənni
Jan-Pyer Bakri, arxiv şəkli

Dünya şöhrətli aktyor xərçəngə məğlub oldu

16
(Yenilənib 11:25 19.01.2021)
Qeyd edək ki, Jan-Pyer Bakri 1951-ci il mayın 24-də Əlcəzairdə yəhudi ailəsində doğulub. 1962-ci ildən sonra aktyorun ailəsi Fransaya mühacirət edib.

BAKI, 19 yanvar — Sputnik. Fransanın tanınmış aktyoru və ssenarist Jan-Pyer Bakri vəfat edib. Sputnik Azərbaycan xarici mediaya istinadən xəbər verir ki, 69 yaşlı aktyor ötən gün xərçəng xəstəliyindən dünyasını dəyişib.

Qeyd edək ki, Jan-Pyer Bakri 1951-ci il mayın 24-də Əlcəzairdə yəhudi ailəsində doğulub. 1962-ci ildən sonra aktyorun ailəsi Fransaya mühacirət edib. Mərhum aktyorun kinoya ilk gəlişi "Hərbi həkim" filmində olub. Həmin filmdə Alen Delon və Veronik Janno ilə tərəf-müqabili olan Jan-Pyer Bakri 1985-ci ildə Lyuk Bessonun "Zirzəmi" filmində çəkilib.

Mərhum aktyor 70-dən çox kino və telelayihələrin ssenari müəllifi olub. "Ən yaxşı ssenari"yə görə dörd dəfə "Sezar" mükafatına layiq görülüb. Həmçinin Kann Festivalının mükafatçısı olub.

16
Hövsanda çirkli ərazi

Xəzərə tullantıların atılması azalıb

0
"ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

BAKI, 19 yanvar — Sputnik. Xəzər dənizinə tullantı sularının axıdılması halları xeyli azalıb.

Sputnik Azərbaycan xəbər verir ki, bu barədə Ekologiya və Təbii Sərvətlər Nazirliyinin Ekoloji Siyasət şöbəsinin müdiri Rasim Səttarzadə "Ekspert saatı" proqramında bildirib.

Onun sözlərinə görə, ötən dövr ərzində həm Xəzərə axıdılan tullantı sularının həcmi, həm də axarların sayı azalıb: "Lakin təkcə Abşeron yarımadasından Xəzərə gün ərzində 1 milyon kub metr su axıdılır. Bunun qarşısının alınması üçün tədbirlər görülür".

O qeyd edib ki, Bakı şəhərində tullantıların idarəedilməsi ilə bağlı əksər problemlər həll edilib. Belə ki, regionlarda bu problem hələ qalmaqda davam edir. O, bu problemin həlli üçün strategiya təsdiqləndiyini də nəzərə çatdırıb: "ETSN sadəcə tullantıların idarəedilməsinə nəzarət edir, amma bələdiyyələr həmin tullantıların yığılmasını və atılmasını təmin etməlidirlər".

0