Məhərrəm Şirinov

Şah əsərlər yarada bilərdi - bu gününə baxın

606
(Yenilənib 10:00 19.04.2016)
Hazırda şəraitsizlik üzündən heç sifariş də götürə bilmir. Yalnız kiçik işlər görür, o da yarı otaqda, yarı eyvanda. Ümid qalıb gözləməyə...

İlham MUSTAFA, Sputnik Azərbaycan

BAKI, 19 apr — Sputnik. İnsanlar bəzən ömründə bir, bəzən də bir neçə dəfə həyata sıfırdan başlamalı olurlar. Belə zamanlarda bəziləri intihara əl atır, bəziləri həyatdan küsərək tərkidünyalığa keçirlər.

Lakin elə güclü insanlar var ki, bütün çətinliklərə sinə gərərək, usanmadan, yorulmadan, ən azından sevdikləri üçün, itirdiklərini yenidən qaytarır. Təbii ki, bu itirilənləri qaytarmaq onun imkanı daxilindədirsə…

Qonağı olduğumuz Məhərrəm Şirinov da belə insanlardandır. Amansız müharibə onu da minlərlə kəlbəcərli kimi evindən-eşiyindən didərgin salıb. Canlarından başqa heç nə götürə bilməyiblər, ölkəmizin ən dilbər guşələrindən olan kəndləri İstisudan.

Gənc yaşlarında isə normal qayğısız həyatı olub. Bakıda rəssamlıq məktəbi oxuyub, bu sənətin sirrlərini öyrənib. Təhsil aldıqdan sonra Kəlbəcərə qayıdaraq rayonun diyarşünaslıq muzeyində kiçik elmi işçi kimi çalışıb. Lakin Ermənistanın ölkəmizə qarşı apardığı işğalçılıq müharibəsi onu da bir milyona yaxın soydaşımız kimi, hər şeyi yenidən başlamaq məcburiyyətində qoyub.

  • Məhərrəm Şirinov
    Məhərrəm Şirinov
    © Sputnik / Ilham Mustafa
  • Rəsm üç günə hazır olursa, belə əl işinə 10-15 gün vaxt sərf olunur
    Rəsm üç günə hazır olursa, belə əl işinə 10-15 gün vaxt sərf olunur
    © Sputnik / Ilham Mustafa
  • Taxta üzərində yandırma üsulu çəkilmiş rəsm
    Taxta üzərində yandırma üsulu çəkilmiş rəsm
    © Sputnik / Ilham Mustafa
  • Naxışlı masa
    Naxışlı masa
    © Sputnik / Ilham Mustafa
1 / 4
© Sputnik / Ilham Mustafa
Məhərrəm Şirinov

Məhərrəm Şirinov köçkünlük həyatının böyük bir hissəsini Naftalan rayonunda, Mil sanatoriyasında, 6 nəfər ailə üzvü ilə bir otaqda yaşamalı olub. İkinci qrup əlil olmasına baxmayaraq, öz gücünə ailəsinin korluq çəkməsinə imkan verməyib. Sanatoriyanın həkimlərinin birinci mərtəbədə kiçik bir otaq ayırması onun yaradıcılıqla məşğul olmasına yardımçı olub. Burada həm bacardığı işlərdə insanların köməyinə çatıb, həm də rəssamlıqla məşğul olub.

Lakin rəsm əsərləri yaratmaq üçün vəsait çatışmazlığı onu yeni bir sahəyə — ağac üzərində yandırma ilə əsərlər yaratmağa sövq edib. "Rəsm çəkmək üçün yağlı boya almalısan, kətan almalısan ki, bu da əlavə xərc tələb edir" —deyir Məhərrəm usta.

Ehtiyac üzündən bu sənətə üz tutan rəssam, belə əsərlərin çox çətinliklə başa gəldiyini bildirir: "Rəsm üç günə hazır olursa, buna 10-15 gün vaxt sərf olunur. Lakin buna baxmayaraq, bu işin sifarişçisini, alıcısını tapmaq daha rahatdır".

Dəfələrlə əsərləri sərgilərdə nümayiş olunub. 2009-cu ildə əlillərin sərgisində əsəri birinci yerə çixib. Ondan sonra daha həmin sərgiyə qatılmayıb: "Mən görünən əlil deyiləm, orada əlsiz-ayaqsız insanlar iştirak edirlər. Ona görə də bir daha ora getməmək qərarına gəldim".

Bütün çətinliklərə baxmayaraq, övladlarının ali təhsil almasını təmin edib. Yandırma üsulu ilə rəsmlər çəkib, onları sataraq dolanışıqlarını çıxarıb. Elə də baha satmadığını deyir əl işlərini. Ən yaxşı halda, 200-300 manata satıb.

"Bəzən elə olub, iki həftə əziyyət çəkdiyim əsəri 50 manata da vermişəm. Müharibə, məcburi köçkünlük olmasaydı, çox şeylər yarada bilərdim. Şah əsərlər yarada biləcəyim halda, gündəlik tələbatı ödəmək üçün işləyirəm", —deyir.

Lakin rəssam artıq beş ildir ki, sənətdən ayrı düşüb. 2011-ci ildə Goranboy şəhərində köçkünlər üçün yaşayış kompleksinə köçməsi ilə sənətinə ara verməli olub. Düzdür, geniş, ikiotaqlı təmirli ev veriblər. Çox razıdır. Amma işləmək üçün burada bir otaq tapa bilmir ki, emalatxana kimi istifadə etsin.

Hazırda şəraitsizlik üzündən heç sifariş də götürə bilmir. Yalnız kiçik işlər görür, o da yarı otaqda, yarı eyvanda. Bura köçən gündən Kəlbəcər Rayon İcra Hakimiyyətindən onun üçün yer ayrılmasına söz versələr də, hələlik real nəticə yoxdur. Nəhayət, ərazidə tikiləcək olan xeyir-şər evində onun üçün emalatxana olaraq bir otaq ayrılacağına söz verilib. Ümid qalıb gözləməyə…

606
Teqlər:
əsər, Məhərrəm Şirinov, rəsm, rəssam, Kəlbəcər
Əlaqədar
“Dünya rəssamları”nın əsərləri Bakı metrosunda
Şəkili sənətkarlar həyəcan təbili çalırlar
Rusları heyran edən azərbaycanlı: bu adam min illik tarixi yaşadır
Salyandan Təbrizə qədər yeganə teatr
Xalça Muzeyi

Sabah muzeyə gedin, amma ayaqla yox - əyləncə seçimi var

10
Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə xalqlar arasında mədəni mübadilə və əməkdaşlığın inkişafına kömək məqsədilə təsis olunub. Bu il Beynəlxalq Muzeylər Gününün devizi "Muzeylərin gələcəyi: dirçəliş və yeni baxış"dır.

BAKI, 17 may — Sputnik. Azərbaycan Milli Xalça Muzeyi Beynəlxalq Muzeylər Gününü silsilə tədbirlərlə qeyd edəcək. Sputnik Azərbaycan xəbər verir ki, bu münasibətlə mayın 18-də müxtəlif icma nümayəndələri ilə onlayn görüşlər keçiriləcək. Ayrı-ayrı icmalarla əməkdaşlıq əlaqələrini daim inkişaf etdirən Azərbaycan Milli Xalça Muzeyi bu dəfə də müxtəlif sənət sahələri üzrə mütəxəssislər, sənətkarlar arasında ünsiyyət körpüsü yaradacaq. Görüş zamanı Mədəniyyət Nazirliyinin dəstəyi ilə həyata keçirilən "Kreativ Azərbaycan" proqramları ilə bağlı məlumat veriləcək, bu istiqamətdə müxtəlif icmaların fəaliyyəti müzakirə olunacaq. Onların rifahının yüksəldilməsi məqsədilə öz potensiallarını üzə çıxarması, yerli yaradıcı məhsulları və xidmətləri ölkə daxilində, həmçinin xarici bazarlarda tanıtması və s. mövzularda fikir mübadiləsi aparılacaq.

Sağlamlıq imkanları məhdud şəxsləri birləşdirən ictimai təşkilatların rəhbərləri ilə görüş zamanı indiyədək birgə həyata keçirilən uğurlu layihələrdən və gələcək planlardan söhbət açılacaq. Ölkəmizin ilk inklüziv muzeyi kimi Azərbaycan Milli Xalça Muzeyi ilə bu istiqamətdə qarşılıqlı fəaliyyətin genişləndirilməsi məsələlərinə toxunulacaq.

Qarabağ muzeylərinin direktorları ilə onlayn görüş zamanı isə işğaldan azad olunmuş torpaqlarda vaxtilə fəaliyyət göstərmiş muzeylərin mövcud problemləri və onların həlli yolları müzakirə ediləcək. Həmin muzeylərin kolleksiyalarının öz vətəninə qaytarılması məqsədilə Beynəlxalq Muzeylər Şurasının (ICOM) müvafiq komitələri ilə həyata keçirilən danışıqlar, toplanmış yeni məlumatlar ətrafında fikir mübadiləsi aparılacaq.

© Photo : Azerbaijan National Carpet Museum
Afişa

Bununla yanaşı, mayın 18-də, saat 19:00-da muzeylər içərisində ilk dəfə Azərbaycan Milli Xalça Muzeyi "Nə? Harada? Nə zaman?" intellektual oyununu keçirəcək. Azərbaycan dilində baş tutacaq oyunda qeydiyyatdan keçən ilk 20 komanda iştirak edəcək, digər komandalar isə gözləmə siyahısında yer alacaq. Oyun muzeyin "Facebook" səhifəsindən canlı yayımlanacaq.

Qeyd edək ki, iştirakçılara ünvanlanacaq sualların mövzusu incəsənət sahəsini əhatə edəcək, o cümlədən dünya muzeyləri, xalçaçılıq sənəti və Azərbaycan Milli Xalça Muzeyi ilə bağlı olacaq. Qaliblər isə müxtəlif hədiyyələr qazanacaqlar.

Odur ki intellektual və yaradıcılıq imkanlarını sınamaq istəyən hər kəsi oyuna qatılmağa dəvət edirik. Bunun üçün aşağıdakı linkdən qeydiyyatdan keçə bilərsiniz: https://form.jotform.com/211223719513448

Silsilə tədbirlərin yekunu olaraq isə saat 21:00-da Azərbaycan Milli Xalça Muzeyində "Muzeylər gecəsi" keçiriləcək. Azərbaycan Milli Xalça Muzeyi və Beynəlxalq Muğam Mərkəzinin birgə təşkilatçılığı ilə baş tutacaq gecədə yeni fəaliyyətə başlayan rok, caz qrupları və ifaçıları maraqlı konsert proqramı ilə çıxış edəcəklər. Sənətdə yeni addımlarını atan istedadlı yaradıcı gənclərə dəstək olmaqla yanaşı, onların pərəstişkarlarının muzeylərə marağının artırılması məqsədilə keçirilən konsertdə "The Etude Band", "Ayna Band", "Diqqət", "Caz Band" qrupları, həmçinin Milan, Mixail Altuxov, Joseph Abbas ifa edəcəklər.

Həm əylənmək, həm də zövqlü musiqi dinləmək istəyirsinizsə, muzeyin "Facebook" səhifəsindən canlı yayımlanacaq konserti izləməyi unutmayın!

Qeyd edək ki, 18 may Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə xalqlar arasında mədəni mübadilə və əməkdaşlığın inkişafına kömək məqsədilə təsis olunub. Bu il Beynəlxalq Muzeylər Gününün devizi "Muzeylərin gələcəyi: dirçəliş və yeni baxış"dır.

Eləcə də oxuyun:

* Mərhum kraliçanın alt paltarı hərraca çıxarılacaq

* Londonda azərbaycanlı rəssamın sərgisi açılıb

 

10
Teqlər:
onlayn, tədbir, Xalça Muzeyi
İsfar Sarabski

Almaniyanın məşhur radiosu azərbaycanlı ifaçı haqda veriliş hazırladı

156
Qeyd olunur ki, Azərbaycan cazı Almaniyada hələ ki, kifayət qədər tanınmayıb. Bu xüsusda yalnız pianoçu Vaqif Mustafazadənin qızı Əzizə Mustafazadə istisna təşkil edir.

BAKI, 17 may — Sputnik. Almaniyanın NDR radiosunun "Gecəyarı vaxtı: "Planet"-Azərbaycanın füsunkar cazı" (Round Midnight: "Planet" - Mitreißender Jazz aus Aserbaidschan) başlıqlı, azərbaycanlı caz ifaçısı İsfar Sarabskinin yaradıcılığından bəhs edən veriliş yayımlanıb.

Sputnik Azərbaycan xəbər verir ki, verilişdə Azərbaycan cazı barədə ətraflı məlumat verilir. Qeyd olunur ki, Azərbaycan cazı Almaniyada hələ ki, kifayət qədər tanınmayıb. Bu xüsusda yalnız pianoçu Vaqif Mustafazadənin qızı Əzizə Mustafazadə istisna təşkil edir. Belə ki, o, 1990-cı illərdə özünü beynəlxalq səviyyədə qəbul olunan pianoçu və müğənni kimi sübut edə bilib. Hazırda isə 31 yaşlı azərbaycanlı caz musiqiçisi İsfar Sarabskinin yüksək səviyyəli ifası diqqəti cəlb edir.

Посмотреть эту публикацию в Instagram

Публикация от Pianist | Composer | Producer (@isfarsarabski)

Verilişdə bildirilir ki, İsfar Sarabski hazırda Bakıda yaşayır. Onun musiqi yaradıcılığında cazın, ənənəvi Azərbaycan musiqisi olan muğamın, eləcə də klassik musiqinin müxtəlif elementləri ecazkar şəkildə birləşir. Bildirilir ki, Sarabski yaradıcılığına piano ifaçısı kimi başlayıb, klassik musiqini dərindən öyrənib, cazla tanışlıqdan sonra isə gələcəyinin bu musiqi sahəsi ilə bağlı olduğunu anlayıb. O, Berkli Musiqi Kollecinin təqaüdçüsü olaraq Bostonda təhsilini davam etdirib və orada cazla bağlı biliklərini daha da dərinləşdirib. Verilişdə həmçinin İsfar Sarabskidən alınmış müsahibədən parçalar təqdim olunur. Sarabski Azərbaycanın mədəniyyətlə zəngin ölkə olduğunu, musiqinin orada yaşayan hər bir insanın həyatında müəyyən rol oynadığını qeyd edir. O, Bakının sovet dövründə SSRİ-nin caz paytaxtı olaraq tanındığını vurğulayır. Verilişdə azərbaycanlı caz ifaçısı "Planet" adlı ilk albomu, onun ərsəyə gəlməsinin təfərrüatları barədə dinləyicilərə ətraflı məlumat verir. Veriliş boyu sözügedən albomda yer alan musiqi parçaları dinləyicilərin diqqətinə təqdim olunur.

Eləcə də oxuyun:

* Arslan Növrəsli: Uşaqlar yaşıdları ilə oynayanda, biz zamanımızı musiqiyə həsr edirdik

* Cavanşir Quliyev: Musiqimiz də, dinləyicimiz də keyfiyyətsizləşir

 

Əfsanəvi Vaqif Mustafazadənin evindən qeydlər

 

156
Liberal Demokrat Partiyasının lideri Vladimir Jirinovski

Jirinovski: "Onların üzünə tüpürüb, daşa basacaqlar"

0
Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz!

BAKI, 18 may — Sputnik. Rusiya liberal-demokrat partiyasının (RLDP) sədri rəhbərlik etdiyi təşkilatın "siyasi səhnədə bakirə" olduğunu bəyan edib. Sputnik Azərbaycan Rusiya mediasına istinadən xəbər verir ki, partiya sədri RLDP-nin hələ heç bir partiya ilə siyasi ittifaqa girmədiyini dilə gətirib.

""Yedinaya Rossiya" vətəndaşların qarşısına nə ilə çıxacaq? Onlardan soruşacaqlar: niyə siz heç bir şey etməmisiniz? Axı 20 ildir ki, hökumət partiyasısınız. Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz! Onların heç birinin təklif edəcəyi bir şey yoxdur. Seçicilər onların hamısına yalançı və fırıldaqçı kimi nifrət edirlər", - partiya lideri qeyd edib.

Jirinovski bildirib ki, RLDP isə təmizdir: "Əgər məişət dilində müqayisə aparsaq, RLDP siyasi səhnədə bakirədir. Biz heç kimlə nikaha, siyasi ittifaqa daxil olmamışıq. Bunların hamısı isə elə qurcuxurlar", - deyə Jirinovski bildirib.

Eləcə də oxuyun: 

* Jirinovski Rusiya prezidenti vəzifəsinin adının dəyişdirilməsini təklif edir

* Jirinovskidən xaricdə yaşayan ruslara RF pasportlarının verilməsini sadələşdirmək təklifi

* Köklərə məhdudiyyət qoyun, arıqlar yaşaya bilmirlər

 

0
Teqlər:
partiya, Rusiya, Vladimir Jirinovski