Tərlan Rəsulov, Yuğ teatrının direktoru

"Qərb idman növlərində fəlsəfə yoxdur"

58
Tərlan Rəsulov: "Aktyorların idmanla məşğul olması lazımdır. Bu zaman koordinasiya düzəlir, səhnədə hərəkətin təbiiliyi təmin olunur. Digər tərəfdən, idman ruhu təmizləyir, artıq aqressiyanı götürür"

İdman özündə böyük bir mədəniyyəti ehtiva edir. Mədəniyyəti də bəzən idmandan kənar təsəvvür etmirlər. Yəni, bu iki sahə bir-birindən nə qədər uzaq olsa da, bir o qədər yaxındır. Sputnik-in əməkdaşı Yuğ Teatrının direktoru Tərlan Rəsulovla bu və digər mövzular ətrafında həmsöhbət olub.

- İdman və incəsənət: bu iki sahəni nə dərəcədə bir-birinə yaxın hesab edirsiniz?

— Əgər söhbət Şərq, xüsusilə yapon döyüş növlərindən gedirsə, sözsüz ki, böyük yaxınlıq var. Bu idman növlərinin özündə mədəniyyət var. Şərq idman növləri mədəniyyətin bir hissəsini özündə daşıyır.

- Bəziləri iddia edirlər ki, mədəniyyət işçilərinin, xüsusilə teatr aktyorlarının idmanla məşğul olması mütləqdir…

— Mütləq olmasa da, arzuolunandır. Bu zaman, öncəliklə koordinasiya düzəlir. Səhnədə hərəkətin təbiiliyinə xidmət edir. İkincisi, ruhu təmizləyir, artıq aqressiyanı götürür.

- Digər idman növləri buna aid edilə bilməz?

— Qərb idman növlərində dərin fəlsəfə yoxdur, onlar daha çox tətbiqi xarakter daşıyır. Şərqdə isə ruh ilk sırada gəlir.

- Məsələn bədii gimnastikada, su oyunlarında və digər idman növlərində incəsənət var, gözəllik və zövq var. Bunlar incəsənətə yaxın deyil?

— Əlbəttə, bu sadaladıqlarınız özü-özlüyündə incəsənətdir, mədəniyyətin bir hissəsidir.

- Aktyor hansı idman növü ilə məşğul olsa, daha məqsədəuyğundur?

— Əzələləri çox şişirtməyən, bədən plastikasına xələl gətirməyən istənilən növlə.

- O zaman özünüz niyə karateni seçdiniz?

— Mən onunla çoxdan məşğul olmuşam. Bir də ki, mən onu yox, o, məni seçib. Mən ümumiyyətlə yapon mədəniyyətini çox sevirəm. Ona görə də, o döyüş növlərinə çox rəğbətim var. Təbii, bunu seçəndə o qədər də anlamırdım. Sonradan məşqlər əsasında bunları ruhən anlamağa başladım.

Mədəniyyəti daha dərindən öyrəndikcə, artıq həmin idman növünə də münasibətim dəyişdi. Və son zamanlar da cui-citsuya vuruldum. 5 ildir, bu idman növü ilə məşğul oluram. Mədəniyyət işçilərini də idmanla məşğul olmağa səsləyirəm.

58
Teqlər:
incəsənət, Tərlan Rəsulov, Yuğ Teatrı, idman, mədəniyyət
Əlaqədar
"Xalq artisti öz mədəniyyətini cəmiyyətin mədəniyyətinə uyğunlaşdıra bilmirsə..."
Azərbaycanlı aktyor böyrəyini satışa çıxardı
Tanınmış iki aktyor ölümdən döndü
"Təki, o teatrların fəaliyyəti kağız üzərində qalmasın..."
"Yuğ" teatrının binası sökülə bilər
Ceyla Seyidova, arxiv şəkli

"Sarı gəlin"dən xəbər var

227
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

227
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Kinorejissor Elxan Cəfərov

Vətənpərvərlik mövzusunda seriallarımız niyə yoxdu kinorejissorun şərhi

29
(Yenilənib 08:19 19.10.2020)
Kinorejissor Elxan Cəfərov deyir ki, serialların bədii dəyərini saxlaması üçün onun maliyyə imkanları geniş olmaldır
Elxan Cəfərov: “Maddiyatın yüksəlməsi serialın da yüksəlməsinə imkan yaradır”

Azərbaycan televiziyalarında nümayiş etdirilən serialların əksəriyyəti məişət mövzuları əsasında çəkilir. Bəs ölkəmizdə vətənpərvərlik mövzusunda serialların çəkilməsinə nə mane olur?

Bununla bağlı Sputnik Azərbaycan-a danışan kinorejissor Elxan Cəfərov deyir ki, seriallar üçün qeyri-dövlət maliyyə mənbələri tapılmadıqca onlar yüksək səviyyəyə gəlib çatmayacaq:

“Seriallar hazırda inkişaf dövrünü yaşayır. Serialların bədii dəyərini saxlaması üçün onun maliyyə imkanları geniş olmaldır. Bu gün vətənpərlik mövzusunda da işlər görülür. Maddiyatın yüksəlməsi serialın da yüksəlməsinə imkan yaradır. Hazırda serialların özünü  təsdiqetmə dövrüdür. Bu mərhələ başa çatdıqdan sonra bu və ya digər mövzuları tələb etmək olar”.

Elxan Cəfərovun geniş şərhinə audiofaylda qulaq asa bilərsiniz

29
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0