İlham Kərimli, peşəkar rəqqas

Əgər qadın olsaydım, mənə hər yerdə yer olacaqdı

71
Məşhur rəqqas İlham Kərimli: "Rəqslərimin hamısını sevirəm və onlar mənimlə gedəcək."

BAKI, 23 fev-Sputnik. Azərbaycanda rəqs sənətinə öz möhürünü vurmuş müasir kişi rəqqaslar barmaqla sayılası qədər azdır. Onlardan biri də, İlham Kərimlidir. Sputnik-in əməkdaşı İlham Kərimli ilə müasir Azərbaycan rəqs sənəti və rəqqasların sosial durumu ilə bağlı söhbətləşib.

- Hazırda Azərbaycanda sizin kimi məşhur və tanınan kişi rəqqas yoxdur. Buna səbəb nədir?

— Əslində rəqqaslar var. Sadəcə işləməkdən asılıdır. Hər insan peşəsindən asılı olmayaraq öz üzərində işləməlidir ki, nəticədə uğurunu görsün. Bilmədiklərimizi özümüzdən yaşca böyük olan müəllimlərdən öyrənməliyik. Həm media, həm də sosial şəbəkələr vasitəsilə sənətimizi tanıtmağa, gələcək nəsillərə ötürməyə çalışırıq.

- Gələcəkdə sizin sənətinizi davam etdirəcək oğlan tələbələriniz var?

— Mən 20 ildir müəllim işləyirəm. Bu müddət ərzində hamısı olmasa da, çox tələbələrim rəqsi davam etdirir. Mən bir müəllim kimi həmişə onlara dəstəyəm. Müəllimin işi pul alıb dərs deməklə bitmir. Onlara seçdikləri yolda kömək etmək də müəllimin üzərinə düşən öhdəliklərdən biridir. Artıq valideynlər özləri oğullarını rəqsə qoyurlar. Hazırda rəqsə maraq çoxdur. Bu da sevindirici haldır.

- Siz çoxlu rəqslər (hind, ərəb, latın və s.) bilirsiz. Bu qədər fərqli ruhda olan rəqsləri bir rəqqas necə oynaya bilər? Bu iş üçün aktyorluq bilgiləri də tələb olunur?

— Öncəliklə onu deyim ki, mən Mədəniyyət və İncəsənət Universitetinin Teatr kollektivi fakültəsini, sonra Kinorejissorluq fakültəsini bitirmişəm. Hazırda Baletmeysterlik fakültəsinin III kurs tələbəsiyəm. Tutduğum yol incəsənətlə bağlıdır və mən öz sahəmlə məşğulam. Rəqqas gərək rəqsi sevsin və ona bağlansın.

- "Oriental" rəqslə sənətə gəlib özünə rəqqas deyənləri peşəkar rəqqas (yaxud rəqqasə) sayırsınız?

— Qalmaqal axtarırsız? (gülür) Əgər bir rəqqasə rəqsin yolunu tutub onunla ömrü boyu məşğul olursa, əlbəttə onu peşəkar saymaq olar. Yox əgər pul naminə oynayırsa, yəni hər hansı məclisdə oynayaraq masalara yaxınlaşıb pul yığırsa, o zaman belələrini peşəkar saya bilmərəm. Bütün rəqsləri gözəl təqdim etməyi bacarmaq lazımdır, istər milli olsun, istər el dili ilə desək, "göbək rəqsi" adlandırdığımız ərəb rəqsləri olsun. Vacib deyil ki, açıq saçıq geyimdə rəqs edəsən. Əksinə bağlı paltarda klassik hərəkətlərlə rəqs edə bilərsən və tamaşaçı səni belə də sevər. O zaman tamaşaçıların beynində başqa bir düşüncə formalaşdırmırsan. Kim deyir ki, ərəb ölkələrində hamı göbəyiaçıq rəqs edir?! Əsla belə deyil.
Bir də rəqqasələr bilmədiklərini peşəkarlardan öyrənsinlər. Təbii, peşəkarlar da bacardığını cavan nəsillərə öyrətməlidir. Yoxsa verlişlərdə oturub cavan rəqqasələri, rəqqasları bəyənmirlər. Adama deyərlər, ay ağsaqqal, ay ağbirçək, bilmir, çək kənara, başa sal, öyrət! Pisə pis deməyə nə var ki. Çalışmaq lazımdır ki, pisi yaxşı edəsən.
Əgər mən qadın olsaydım, inanın, mənim üçün hər yerdə yer olacaqdı. Hər kəs mənə başqa hörmətlə yanaşacaqdı, başqa cür qəbul edəcəkdi. Onda heç bu qədər əziyyət də çəkməyəcəkdim. Kişi rəqqas olmaq isə fərqlidir. Özün öz sponsorun olmalısan. Bu günə kimi dünyanın bir çox ölkələrinə gedərək rəqsləri öyrənmişəm. Bunların hamısı öz maddi imkanım hesabına olub. Özüm-özümə sponsorluq etmişəm.
İndiki dövrdə efirə çıxmaq, tamaşaçı sevgisi qazanmaq çox asandır. Mənim dövrümdə isə bu çox çətin idi. İndiki uğurumun səbəbi illərin əziyyətidir.

-Toylara rəqqas kimi gedirsiniz?

— Əlbəttə gedirəm. Toylar bizim əsas gəlir mənbəyimizdir. Müəyyən yaşa kimi gedəcəm.

-Devalvasiya sizə də təsir edib?

— Çox təsir edib. Amma optimist olmaq lazımdır. Müvəqqəti çətinlikdir, onu da keçməliyik. Düşünürəm ki, hər şey yaxşı olacaq.

- Devalvasiya sizə təsir edibsə, demək ki, toy qiymətlərini aşağı salmısız….

— Toy var ki? Əvvəl ayda 15-20 toy var idisə, indi aya heç 1-2 toy yoxdur.

- İlham bəyin özünü tapdığı və ruhunu oxşayan rəqsi hansıdır?

— Çox çətin sualdır. Məşhur hind aktrisası Xema Malininin bir sitatı var: "Mənim həyatımın sonuna kimi, qəbr evinə qədər ayrılmaz bir sevgim var. O da rəqsdir. Və o rəqslər də mənimlə gedəcək." Elə mən də rəqslərimin hamısını sevirəm və onlar mənimlə gedəcək. Bütün ifa etdiyim rəqslər mənə övladım qədər əzizdir və ayrıseçkilik edə bilmirəm. Amma dərindən düşünsəm, mənə milli rəqslərimiz daha doğmadır.

71
Leyla Məcnun serialı

"Netflix" ilk dəfə Azərbaycanda film çəkdi - VİDEO

29
(Yenilənib 14:17 15.01.2021)
"Netflix Indonesia" tərəfindən lentə alınan layihədə Leyla və Samirin sevgi həyatından bəhs edilir. Çəkilişlər İndoneziya və Bakıda baş tutub. Filmin baş qəhrəmanlarını aktrisa Aça Septriasa və aktyor Reza Rahadian canlandırıblar.

BAKI, 15 yanvar — Sputnik. Dünyaca məşhur "Netflix" platforması ilk dəfə Azərbaycanla bağlı film çəkib.

Sputnik Azərbaycan xəbər verir ki, ekran işi məşhur yazıçımız Nizami Gəncəvinin "Leyli və Məcnun" poeması əsasında ərsəyə gətirilib.

"Netflix Indonesia" tərəfindən lentə alınan layihədə Leyla və Samirin sevgi həyatından bəhs edilir. Çəkilişlər İndoneziya və Bakıda baş tutub. Filmin baş qəhrəmanlarını aktrisa Aça Septriasa və aktyor Reza Rahadian canlandırıblar.

"Layla və Majnun"un premyerası fevralın 11-də baş tutacaq.

 

29
Teqlər:
Netflix şirkəti
Netflix

İndoneziyalı Leyla ilə azərbaycanlı Məcnunun eşqi Netflix-də - VİDEO

56
(Yenilənib 01:06 15.01.2021)
İndoneziyalı müəllim qıza elçi gəlir, o isə oğlan evinin qarşısında iki şərt qoyur: müəllimlik peşəsini davam etdirmək və Azərbaycana gəlmək

BAKI, 15 yanvar - Sputnik. Netflix İndoneziya istehsalı olan "Leyla-Məcnun" filminin anonsunu paylaşıb.

Sputnik Azərbaycan-ın məlumatına görə, təxminən 2 saat sürən romantik dram fevralın 11-də göstəriləcək. 

Filmin müəyyən hissələri İndoneziyada, bir qismi də Bakıda çəkilib. İndoneziyalı müəllim qıza elçi gəlir, o isə oğlan evinin qarşısında iki şərt qoyur: müəllimlik peşəsini davam etdirmək və Azərbaycana gəlmək. Bakıya gələrkən isə burada Samir adlı oğlana aşiq olur.

Filmin rejissoru və ssenaristi Monti Tiua, həmsenaristi Alim Sudiodur. Leyla rolunu Aça Septriasa, Samir (Məcnun) rolunu Reza Rahadian, Leylanın nişanlısı İbnunu (İbn-Salam) isə Baim Uonq ifa edirlər. 

56
Teqlər:
anons, video, Netflix şirkəti, Leyli və Məcnun, film, Azərbaycan, İndoneziya
Şimal axını – 2 qaz kəmərinin tikintisi, arxiv şəkli

ABŞ yenə "Şimal axını-2"-yə cəlb olunan şirkətlərə qarşı tədbirləri gücləndirdi

0
(Yenilənib 19:44 15.01.2021)
"Qazprom" təqribən 150 kilometr boru çəkməlidir: Danimarkada 120, Almaniyada 30 kilometrdən bir qədər çox. Qaz kəmərinin inşası 94% tamamlanıb.

BAKI, 15 yanvar — Sputnik. Media xəbər verir ki, "Şimal axını-2" layihəsinin iştirakçısı olan Danimarkanın "Ramboll" şirkəti Vaşinqtonun sanksiyalarından qorxaraq geri çəkilib. Həqiqətən də, 1 yanvar tarixindən etibarən ABŞ layihəyə cəlb olunan şirkətlərə qarşı tədbirləri gücləndirib. Bununla belə, kəmərin inşası davam etdirilir.

Avropada bu məsələdə yenidən ehtiraslar qızışır: almanların sanksiyalardan qorunmaq üçün fond yaratdıqları bir vaxtda, ingilislər amerikalılardan nümunə götürmək istəyirlər, isveçlilər isə "təbii qaz müharibəsi"nin başlamasından ehtiyat edirlər. Bəs bütün bunlardan sonra qaz kəmərinin taleyi necə olacaq? Bu sualın cavabı RİA Novosti-nin növbəti materialında.

Norveç də geri çəkildi

"Şimal axını-2" layihəsinin Rusiyadan kənardakı quru hissəsinin inşası uğurla başa çatdırılıb. Hazırda Almaniyanın su hövzələrində boru döşənməsi prosesi gedir, daha sonra növbə Danimarkaya çatacaq. Layihə finiş nöqtəsinə yaxınlaşmaq üzrədir. Ancaq Vaşinqton bunu görməzdən gəlir. 1 yanvar tarixindən etibarən bu ölkədə Rusiya qaz kəmərinə qarşı əlavə sanksiyaların nəzərdə tutulduğu müdafiə büdcəsi haqqında yeni qanun qüvvəyə minib.

Əsasən test, yoxlama və ya sertifikatlaşdırma xidmətləri göstərən təşkilatlardan söhbət gedir. Norveçin DNV GL şirkəti artıq boru kəmərini yoxlamaq üçün bütün fəaliyyətini dayandıracağını və layihəni sertifikatlaşdıra bilməyəcəyini bəyan edib.

Bir qədər əvvəl ABŞ Senatında respublikaçıların lideri Mitç Makkonnel əvvəllər müdafiə büdcəsi qanununun milli təhlükəsizlik üçün vacib olduğunu, "Çin və Rusiya kimi rəqib super güclərin qarşısını aldığını" bildirmişdi. Onun sözlərinə görə, bu sənəd ABŞ-ın "dənizdə, quruda, havada, kiberməkanda və kosmosda" üstünlüyünü möhkəmləndirəcək.

"Qazprom" təqribən 150 kilometr boru çəkməlidir: Danimarkada 120, Almaniyada 30 kilometrdən bir qədər çox. Qaz kəmərinin inşası 94% tamamlanıb. Vaşinqtonun Avropanın beş böyük enerji şirkəti tərəfindən maliyyələşdirilən layihənin tamamlanmasının qarşısını almaq cəhdlərinə baxmayaraq, Almaniyanın ərazi sularında iş bir illik fasilədən sonra yanvarın 11-də bərpa edilib. Yanvarın 15-dən etibarən Danimarka sularına boru döşənməsinə başlanılacaq.

Fortuna boru kəmərinə Rusiya Dəniz Xilasetmə Xidmətinin "Murman", "Baltiyskiy İssledovatel" və digər təchizat gəmiləri dəstək verəcək. Dənizdə boru döşəmə xəttinin hər iki tərəfində 200 metr enində müvəqqəti təcrid zonası yaradılacaq.

"Gazprom Export"-un baş direktoru Yelena Burmistrovanın bir qədər əvvəl qeyd etdiyi kimi, layihənin dəniz hissəsinin inşasının bitmə tarixi bir sıra amillərdən, xüsusən də hava şəraitindən asılıdır.

Müdafiə mexanizmi

Bu arada, Vaşinqton layihədə Rusiyaya kömək etdiklərini düşündüyü Avropa şirkətlərini yenidən təhdid edib. Reuters ABŞ Dövlət Departamentindəki mənbəyə istinadla bildirir: "Biz onları risk barədə xəbərdar etməyə və çox gec olmadan iş birliyindən imtina etməyə çağırırıq". Agentliyin məlumatına görə, yaxın günlərdə Ağ Ev "arzu olunmayan" şirkətlərin siyahısını açıqlayacaq.

Rusiya Xarici İşlər Nazirliyi isə vurğulayır: "Vaşinqton "Qazprom"un Qərbi Avropa tərəfdaşlarına nə qədər təzyiq göstərir-göstərsin, Moskvanın "Şimal axını-2" layihəsinin uğurla tamamlanacağına şübhəsi yoxdur".

Almaniya "Şimal axını-2"ni hələ də iqtisadi layihə hesab etdiyindən, ABŞ-dan kənar ərazilərə şamil olunan sanksiyaları qəbul etmir. Bu məsələni Almaniya Nazirlər Kabinetinin rəsmi nümayəndəsinin müavini Ulrike Demmer da bu günlərdə yada salıb.

Üstəlik, yanvarın əvvəlində Almaniyanın Meklenburq federal əyalətinin parlamenti regional hökumətin "İqlim və Ətraf Mühitin Mühafizəsi " ətraf mühit fondunun yaradılması ilə bağlı təşəbbüsünü səs çoxluğu ilə dəstəkləyib.

Əslində bu fond ABŞ-ın sanksiyalarından yayınmaq üçün qurulub. Qurum tikinti üçün lazım olan avadanlıqları ala biləcək. İlk növbədə, boru kəmərinin ətraf mühit üçün vacib olduğunu qəbul edəcək. Almaniyanın "Bild" qəzetinin yazdığına görə, bu "Şimal axını-2" layihəsini "ətraf mühitin qorunmasının əsas elementi" kimi təsnif etməyə imkan verəcək.

Fond istisnasız olaraq "Şimal axını-2" layihəsinə cəlb olunan kommersiya şirkətlərini qeydiyyata almaq niyyətindədir. Sanksiyalarla təhdid olunan şirkətlər Rusiya tərəfi ilə həmin kommersiya qurumlarının təqdim etdiyi iqtisadi alətlər vasitəsilə qarşılıqlı əlaqədə olacaq.

Vaxt çatacaqmı?

Bəs almanlar özlərini sanksiyalardan qorumaq üçün vaxt tapacaqlarmı? Bu məsələdə ekspertlərin fikri ikiyə haçalanır. "TMT"-nin direktoru Daniil Rostovtsev bildirir ki, bir tərəfdən, fondun Vaşinqtonun sanksiyalarını nəzərə almamaq üçün kifayət qədər sərmayə və gücü var.

"Bununla belə, fondun təşəbbüsü cəmiyyətdə, xüsusən də "yaşıl siyasəti" dəstəkləyənlərdə narazılıq doğurur. Ekoloqlar belə hesab edirlər ki, layihənin bu şəkildə təbliği qeyri-etikdir və hiddət doğurur, eyni zamanda, ətraf mühit üçün təhlükəlidir", – deyə analitik vurğulayır. Onun sözlərinə görə, indi əsas məsələ "Şimal axını-2" layihəsinin tərəfdarlarının cəmiyyətlə dil tapıb-tapmayacağıdır.

Müstəqil sənaye mütəxəssisi Leonid Xazanov isə belə hesab edir ki, hər bir halda, Berlin Vaşinqtona güzəştə getməyəcək: Almaniyaya Amerikanın maye qazından xeyli ucuz olan Rusiyanın "mavi yanacağı" lazımdır. Üstəlik, Rusiya ilə iqtisadi əlaqələri qoruyub saxlamaq Almaniya üçün çox vacibdir. Çünki Rusiya bazarı alman şirkətləri üçün strateji əhəmiyyət daşıyır.

"Əlbəttə ki, fond sanksiyalara məruz qalacaq, amma bu effekt verməyəcək. Çünki onun podratçılarına qarşı yeni bir qanun layihəsi hazırlanmalı, Konqresdən keçirməli və prezidentin imzalamasını gözləməlidirlər. Bu isə ümumilkdə yarım il vaxt tələb edir ki, həmin müddətə qədər layihə tamamlanacaq", – deyə mütəxəssis qeyd edir.

Bununla belə, Xazanov kəmərin istismara verilmə ərəfəsində, özü də məhz ABŞ-ın müdafiə büdcəsində nəzərdə tutulan sanksiyalar səbəbindən.çətinliklərlə qarşılaşacağını istisna etmir.

Qorxu və nifrət

İngilislər də amerikalılardan nümunə götürmək fikrindədirlər. Britaniyanın Mühafizəkarlar Partiyasından olan parlament üzvü Deniel Koçinski bəyan edib ki, Rusiyanın qaz kəməri həddən artıq təhlükəlidir, çünki NATO ölkələri ərazisində yerləşən bütün qaz və neft şəbəkələrini adlayaraq "birbaşa Rusiyaya" aparır.

Onun sözlərinə görə, böyük britaniyalılar artıq Avropa Şurasının üzvü olmadıqlarından, "amerikalı dostlarının yolu ilə gedərək "Şimal axını-2" qaz kəmərinin inşasına cəlb olunmuş istənilən şirkətə qarşı sanskiya tətbiq etməlidirlər.

Bu arada, İsveçdə Co Baydenin prezidentliyi dövründə "qaz müharibələri"nin başlayacağından ehtiyat edirlər. Svenska Dagbladetin vurğuladığı kimi bu amerikalı demokrat məsələyə öz rəqibi Donald Trampdan da sərt yanaşa bilər.

Baydenin prezidentliyinin "Qazprom" üçün mənfi aspekti onun yaşıl enerji siyasətini dəstəkləməsidir. Demokratlar 2035-ci ilə qədər təmiz enerjiyə keçmək üçün 2 trilyon dollar xərcləməyi planlaşdırır. 2050-ci ilə kimi isə atmosferə sıfır tullantı hədəfinə nail olmaq nəzərdə tutulur. Ancaq "yaşıl enerji" siyasəti də Rusiyaya əl verir. Çünki "Şimal axını-2" kəməri ilə yalnız təbii qaz deyil, həm də hidrogen ötürmək mümkündür. Avropanın hidrogen yanacağına tələbatı isə potensial olaraq çox yüksəkdir.

Digər tərəfdən, ABŞ-ın özündə belə Ağ Evin "rus kəmərinə" vəd etdiklərini yerinə yetirə biləcəyinə şübhə ilə yanaşırlar. Virciniya ştatının keçmiş senatoru Riçard Blek əmin edir ki, Bayden tikintinin səssizcə başa çatdırılması barədə Moskva ilə razılığa gəlməyə üstünlük verəcək. Bunun müqabilində isə Rusiya ilə Vaşinqton üçün bəzi faydalı sövdələşmələrə nail olmağa çalışacaq.

0