Sevinc Məmmədova, müəllimə

Azərbaycanlı gənclərin rekord qıran filmi qalmaqala səbəb oldu

6049
(Yenilənib 18:01 04.02.2016)
Bir jurnalist "Ucqar kəndin gənc müəllimi" layihəsinin müəlliflərini oğurluqda ittiham edir, qarşı tərəf isə ittihamı rədd edir. Problem məhkəmə müstəvisinə çıxarıla bilər.

BAKI, 4 fev — Sputnik. Gənclər Fondunun maliyyə dəstəyi ilə, Qalib Kazımlının layihəsi olan "Ucqar kəndin gənc müəllimi" adlı qısa metrajlı film hər kəsin marağına səbəb olub. Sosial şəbəkələrdə ən çox izlənilən və paylaşılan layihələrdən olan "Ucqar kəndin gənc müəllimi" ilə bağlı qalmaqal meydana çıxıb. Belə ki, modern.az saytının jurnalisti Aytən Bağırzadə Qalib Kazımlını layihə oğurluğunda ittiham edib.

O, özünün "Facebook" səhifəsində bildirib ki, layihə bir ildir həyata keçirilir və bu layihəni məhz onlardan oğurlayıblar: "Artıq iki ilə yaxındır ki, Modern.az-ın "Ucqar kəndin gənc müəllimi" layihəsi start götürüb. Məqsəd ölkəmizin ucqar kəndlərində çalışan gənc müəllimləri təbliğ etməkdir. Şəhər mühitinə alışmış gənc pedaqoqların kənddə hansı şəraitdə yaşadıqları, o şəraitə necə uyğunlaşdıqları, çətinlikləri, problemləri bu layihə çərçivəsində ictimaiyyətə təqdim olunur".

"Bu layihə çərçivəsində indiyə kimi ucqar kənddə işləyən onlarla müəllimdən müsahibələr götürülüb, onların problemləri, arzu və istəkləri, pedaqoji fəaliyyətləri, təhsildəki çatışmazlıqlar mətbuat səhifələrinə gətirilib", —yazır jurnalist.

A. Bağırzadə indiyədək Gədəbəy, Astara, Lənkəran, Qazax, Qəbələ, Tovuz, Quba, Qusar və s. rayonların ən ucqar kəndlərində işləyən müəllimlərlə həmsöhbət olduqlarını bildirir: "Bu layihə Təhsil Nazirliyinin hər zaman diqqətini çəkib. Onu demirik ki, buna görə nazirin xüsusi təşəkkürü bizə çatdırılıb. Amma bu qədər müddətdə çəkdiyimiz zəhməti başqaları bir göz qırpımında mənimsəməyə çalışır. İndi kimlərsə layihəni öz adlarına çıxırlar".

Jurnalist xanım Gənclər Fondunu ünvanına da sərt ismarıclar ünvanlayıb: "Məsələ ilə bağlı Gənclər Fondu ilə əlaqə saxlamağa çalışsaq da, bu, mümkün olmadı. Fondun ünvanında olan telefon nömrələrinin heç biri cavab vermədi. Belə olan təqdirdə təbii ki, icraçı direktor Fərhad Hacıyevlə əlaqə saxlamaq cəhdlərimiz alınmayacaqdı və alınmadı da. Görünür Fond hansısa layihə üçün vəsait ayıranda hər hansı araşdırma aparmadan, ağına-bozuna baxmadan pul paylayır. Hələ bunu demirik ki, bəlkə ortada tapşırıq-filan da var… Axı hər yoldan ötənin oğurluq layihəsinə pul ayrılmaz".

Qalib Kazımlı, filmin layihə rəhbəri
© Photo : Galib Kazimli
Qalib Kazımlı, filmin layihə rəhbəri

"Ucqar kəndin gənc müəllimi" layihəsinin rəhbəri Qalib Kazımlı Sputnik-ə açıqlamasında oğurluq məsələsinə belə münasibət bildirdi: "İlk olaraq onu bildirmək istəyirəm ki, hər yazılan yazı və hər verilən müsahibəni layihə adlandırmaq olmaz, əgər elə olarsa, o zaman görün gün ərzində neçə minlərlə layihə keçirilir. Layihə yazmaq o demək deyil ki, onu təkcə sən edəsən, biz hamımız bir ölkəyə qulluq edirik, ölkənin problemi hamımızın problemidir, şəxsən mənim üçün sevindirici hal olar ki, bu təşəbbüslə başqa bir gənc də Gənclər Fonduna müraciət elesin. Əsas odur ki problemi hell eləməyə çalışaq".

Filmin rejissoru Cavanşir Eladisoy Sputnik-ə açıqlamasında əziyyəti ilə ərsəyə gələn layihə haqqında oğurluq ittihamı səslənməsini qəbul etmədiyini bildirib. Onun sözlərinə görə, bir günə bütün Azərbaycanı əhatə edən, telekanalların gündəmini zəbt edən layihənin, heç kimin xəbəri belə olmadığı bir yazıdan oğurluq adlandırılmasının bir səbəbi var — özünüreklam.

"Adamlar şou-biznes xəbərlərinin təsirindən rahat reklam yolu tapıblar. O şəxslər başa düşməlidirlər ki, etdikləri sadəcə etdiyiniz müsahibədir. Deyən gərək, biz niyə sizdən oğurlamalıyıq? Biz Azərbaycan gənci olaraq bilmirik ki, ölkənin ən yaralı yeri təhsil, təhsilin də ən yaralı yeri ucqar kəndlərdəki müəllim çatışmamazlığıdır? İnsanlarda bu aşırı paxıllıq hissi belə yüksək səviyyədə olmasa, bilirsiniz necə inkişaf etmiş olarıq?! Heyf ki, hamı anlamır bunu və sonda bu cür nəticələrlə üzləşirik", —deyir rejissor.

Onun sözlərinə görə, dünya kino tarixində də bu cür yanaşma yoxdur: "Kimsə mafiya, futbol, maşın yarışları, rinqdəki boksçu haqqında kino çəkdisə, başqası çəkə bilməz? Sən gəl müsahibə al, sonra denən ki, eynidir. Gülməlidir, vallah. Tamam, əsas gətirsinlər, əsaslandırsınlar ittihamlarını. Əsaslandırmasalar amma, bizim Azərbaycan Respublikasının Qanunvericiliyinə əsasən rahat şəkildə onları əsassız oğurluq ittihamına və ictimaiyyətin gözündə yalnış rəy formalaşdırdıqlarına görə məhkəməyə vermək ixtiyarımız var".

Cavanşir Eladisoy, filmin rejissoru
© Photo : Java Eladisoy
Cavanşir Eladisoy, filmin rejissoru
Gənclər Fondunun icraçı drektoru Fərhad Hacıyev də Sputnik-ə açıqlamasında məsələyə aydınlıq gətirib: "Biz bu layihəni maliyələşdirmişik. Ona görə ki, maraqlı layihədir. Biz layihə haqqında müəllif hüquqlarından soruşmuşuq, orada belə bir layihənin qeydiyyatdan keçməsi haqqında heç bir sənəd yoxdur. Sənəd yoxdursa, belə iddia yersizdir. Həm onlar müsahibə janırında keçiriblər bu layihəni, bizim maliyyə ayırdığımız layihə isə qısametrajlı filmdir".

6049
Teqlər:
Cavanşir Eladisoy, Qalib Kazımlı, Aytən Bağırzadə, "Ucqar kəndin gənc müəllimi", Gənclər Fondu
Əlaqədar
Ən populyar əcnəbi cizgi filminin qadağan edilməsi təklif olunur
"Azərbaycana gəlib, orada film çəkmək istərdim..."
Azərbaycan filmi Paris festivalında mükafat qazandı
"Bəyin oğurlanması" filminin Ələsgəri dünyasını dəyişdi
Biz onun filmləri ilə böyüdük

Azərbaycanlı məşhurlar vaksinasiyadan sonra özlərini necə hiss edirlər

750
(Yenilənib 22:34 07.03.2021)
"İndi sakitcə öz işlərimlə məşğul ola bilərəm, qorxu hissi azalıb, bununla belə, maska taxmağa davam edirəm. Peyvənddən qorxmaq lazım deyil".

BAKI, 7 mart — Sputnik, Kəmalə Əliyeva. Azərbaycanlı məşhurların bir qismi həm ölkədə, həm də xaricdə könüllü şəkildə koronavirusa qarşı peyvənd olunublar. Onların hamısı özlərini yaxşı hiss edir və məsləhət görürlər ki, bu təhlükəli virusa yoluxmamaq üçün hər kəs peyvənd olunsun. Onlar Sputnik Azərbaycan-a verdikləri müsahibədə bu barədə daha ətraflı danışıblar.

Türkiyədə yaşayan məşhur azərbaycanlı bəstəkar, Xalq artisti Cavanşir Quliyev fevralın 4-də Çinin "Sinovac" şirkətinin "CoronaVac" peyvəndi ilə vaksinasiya olunub. Peyvəndin ikinci dozası isə ona martın 4-də (fevral ayının 28 gündən ibarət olduğu nəzərə alınaraq) tətbiq ediləcək. Bəstəkar deyir ki, nə peyvənd vurulan vaxt, nə də sonra ciddi bir dəyişiklik hiss etməyib. Quliyev özünü çox yaxşı hiss etdiyini bildirir.

"Hətta dostlarımla zarafat da elədim ki, bəlkə mənə adi su məhlulu vurublar? Peyvəndə şübhə ilə yanaşanlara bir məsəlini xatırlatmaq istəyirəm, öz təyinatına görə vaksin insanın ölümünə səbəb ola bilməz, ancaq virus insanları öldürür. Ən pis halda nə ola bilər – əgər insan çox güclü dərmanlar qəbul edirsə (xərçəng xəstələri, auto-immun xəstəliklərindən əziyyət çəkənlər və. s), bu zaman peyvəndin təsiri bir az azala bilər. Məsələn, əgər tamamilə sağlam insanda 100 faizlik müdafiə yaranırsa, belə xəstələrdə həmin göstərici 90 faiz olur.

Bəstəkar onu da əlavə etdi ki, hər şey insanın seçimindən asılıdır: kim xəstələnmək istəmirsə, peyvənd olunsun.

Azərbaycanın Xalq artisti Röya Ayxan ölkənin şou-biznes nümayəndələri arasında COVID-19-a qarşı ilk peyvənd olunan şəxsdir. O, rəsmi təmsilçisi olduğu özəl xəstəxananın həkimləri tərəfindən vaksinasiya olunub. Müğənni deyir ki, peyvənddən sonra orqanizmində heç bir dəyişiklik hiss etməyib, əksinə işləmək üçün enerjisi bir az da artıb.

"Vaksinasiyadan sonrakı gün dərhal işə başladım, özümü yaxşı hiss edirdim. Düzünü deyim ki, koronavirusa yoluxmaqdan çox qorxurdum, çünki dostlarımın, tanışlarımın əksəriyyəti artıq xəstələnmişdi. Allaha şükür ki, bəxtim gətirdi. Xəstələnməmək üçün peyvənd olunmaq qərarına gəldim. İndi sakitcə öz işlərimlə məşğul ola bilərəm, qorxu hissi azalıb, bununla belə, maska taxmağa davam edirəm. Peyvənddən qorxmaq lazım deyil", – deyə müğənni vurğulayıb.

Посмотреть эту публикацию в Instagram

Публикация от Röya (@royaofficial)

SSRİ Xalq rəssamı Tahir Salahovun qızı, Moskvada yaşayan rəssam Aydan Salahova Rusiyanın koronovirus əleyhinə ilk peyvəndi olan "Sputnik V" ilə vaksinasiya olunub. O, işi ilə əlaqədar tez-tez xarici ölkələrə səfər etdiyindən COVID-19-a yoluxmamaq üçün risk etmək qərarına gəlib və peyvənd vurdurub. Rəssama artıq preparatın ikinci dozası da vurulub və o, özünü çox yaxşı hiss edir. Düzdür, əvvəl bir az üşütmə və hərarət müşahidə olunsa da, sonra vəziyyəti yaxşılaşıb.

Azərbaycanın Xalq artisti, müğənni Faiq Ağayev "CoronaVac" peyvəndinin birinci dozasını vurdurub. Müğənninin sözlərinə görə, hamı əvvəlki həyat tərzinə qayıtmaq istəyir və uşaq bağçalarının, məktəblərin, ali təhsil müəssisələrinin açılması tezliklə digər məhdudiyyətlərin də aradan qaldırılacağına inam hissi yaradır.

"Bu dəfə hər şey insanların özündən asılıdır. Arzularımızı gerçəkləşdirmək, sağlamlığımızı qorumaq istəyiriksə, peyvənd olunmalıyıq. Yaxın günlərdə "Sinovac" şirkətinin "CoronaVac" vaksininin ikinci dozasının vurulması üçün yenidən tibb müəssisəsinə müraciət edəcəyəm. Beləliklə, həm özümü, həm də yaxınlarımı yoluxmaqdan qoruyacağam. Peyvənd vurdurun – sağlam yaşayın!" – deyə Ağayev qeyd edib və öz pərəstişkarlarını sağlam gələcək naminə vaksinasiya olunmağa çağırıb.

Xatırladaq ki, Azərbaycanda SARS-CoV-2 əleyhinə vaksinasiya prosesi yanvarın 18-də başlayıb. "2021-2022-ci illər üçün Azərbaycan Respublikasında COVID-19-a qarşı peyvənd strategiyası"na uyğun olaraq ilk növbədə həkimlərin və tibb işçilərinin vaksinasiya olunması nəzərdə tutulmuşdu. Bundan sonra 65 yaşdan yuxarı insanlar vaksinasiya prosesinə cəlb olundu. Hazırda yaşı 50-dən yuxarı olan ölkə vətəndaşlarına peyvənd vurulması davam edir. 18 yaşınadək şəxslər, hamilə qadınlar və allergiya xəstələri istisna təşkil edir. Vaksinasiya prosesi Çinin "Sinovac" şirkətinin istehsalı olan "CoronaVac" preparatı ilə həyata keçirilir.

Vaksinasiyada iştirak etmək üçün https://randevu.its.gov.az/ linki vasitəsi ilə onlayn növbə əldə etmək lazımdır. Bunun üçün şəxsiyyət vəsiqəsinin nömrəsi və FİN-kodu daxil edərək "Yoxla" düyməsinı sıxmaq lazım gəlir. Sonra təklif olunan siyahıdan peyvənd məntəqəsini, tarixi və saatı seçib mobil telefon nömrənizi daxil etməlisiniz. Qeydiyyat tamamlandıqdan sonra həmin nömrəyə növbəyə alındığını bildirən mesaj göndərilir. Mesajda peyvəndin ilk dozasının vurulacağı tarix, vaxt və yer göstərilir. Tibb müəssisəsində qeydiyyatdan keçən vaxt şəxsiyyət vəsiqəsini təqdim etmək vacibdir. 28 gündən sonra peyvəndin ikinci dozası tətbiq olunan vaxt təkrar qeydiyyatdan keçmək tələb olunmur.

750
Çəkiliş, arxiv şəkli

Türkiyə ilə birgə təcrübə milli kinomuzun inkişafına verəcək - Fikirlər müxtəlifdir

996
(Yenilənib 10:06 07.03.2021)
Cabbarov: "Heç kəsdə təəssürat olmamalıdır ki, Qarabağ müharibəsini Azərbaycan xalqından başqa hansısa qüvvə udub. Bizə hansısa uğurlu türk filminin nüsxəsi lazım deyil".

Şahpəri Abbasova, Sputnik Azərbaycan

BAKI, 7 mart — Sputnik. Türkiyə Türkiyə Prezidenti Rəcəb Tayyib Ərdoğan Qarabağ Zəfəri və Xocalı qətliamı haqqında serial çəkilməsi barədə tapşırıq verib. Bunula bağlı Azərbaycanın Mədəniyyət naziri Anar Kərimov türkiyəli həmkarı Mehmet Nuri Ərsoyla görüşüb. Mədəniyyət naziri Anar Kərimov bildirib ki, Qarabağ Zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi Azərbaycan və Türkiyə dostluq və qardaşlığın simvolu olacaq. Birgə əməkdaşlığın Azərbaycan kinematoqrfiyasının inkişafına nə kimi təkan verə bilər? Elə bu sualımızı kinematoqrafçılarımıza yönəldirik.

"Kino-televiziya sənətləri" kafedrasının müdiri, professor Rafiq Quliyev Sputnik Azərbaycan-a verdiyi açıqlamasında bu addımı müsbət qiymətləndirdiyini söylədi: "Türkiyə kinematoqrafçıları tarixi filmlərin çəkilişində, batal səhnələrin (Batal janrı — təsviri sənətdə müharibə və hərbi həyat mövzularına həsr olunan janr – red) quruluş verməsi baxımından daha təcrübəlidirlər. Bizim təcrübəmizlə Türkiyə təcrübəsinin sintezindən maraqlı filmlər ərsəyə gələ bilər. Digər tərəfdən, Türkiyə kinematoqrafiyası dünya modelini mənimsəyib və uğurla təkmilləşdirir. Ən azı bizim kinematoqrafçılarımız Türkiyə həmkraları ilə təcrübə mübadiləsi edərək daha ciddi işlər ortaya qoya bilərlər. Onlar kino sənayesində inkişaf etmiş ölkələrin modelinə əsaslanıb istehsalat münasibətləri baxımından daha irəlidədirlər. Bu baxımdan da bizim kadrlar təcrübə yığa bilərlər və ciddi nəticələr əldə edə bilərlər".

Kinooperatorun sözlərinə görə, bu təcrübə 90-cı illərdə də olub: "Türkiyənin istehlak bazarı tamaşaçı nöqteyi-nəzərindən daha genişdir. Bu, müştərək bir iş olacaq. Bu filmlərin təbliğatı və yayımında onların da marağı olacaq. İstehlak bazarının inkişafı baxımından Azərbaycan kinosuna yeni şanslar verəcək. Filmlərin ideoloji marağı bir yana, kammersiya və bazara çıxışına da böyük təkan verəcək. Bu, ilk deyil. 90-cı illərin əvvəllərində Türkiyə ilə müştərək filmlər çəkirdik. 1993-cü ildə türkiyəli rejissor Kuban Uğur İlhanla "Laçın dəhlizi" filmini çəkdik. Bu, ilk "qaranquş" idi. Sonradan nədənsə bu münasibətlər səngidi".

R.Quliyev əlavə edir ki, Türkiyə kinematoqrafçıları da bizim təcrübələrimizdən yararlanacaqlar: " Sovet kinosundan bizə miras qalan istehsal münasibətləri var. Həmin təcrübədən götürülməli maraqlı nüanslar var. Çünki, yadımdadır ki, biz Türkiyədə olanda, kinolent və rəqəmsal daşıyıcılarla bağlı müzakirələrimiz olurdu. Onlar buna təəccüb edirdilər ki, Azərbaycan kino məktəbinin nümayəndələri rus-sovet məktəbinin ənənələrini yaşatmaqla yanaşı, peşə biliklərinə daha fundamental səviyyədə yiyələniblər. Bizim bir çox sənətkarlarımız 90-cı illərdən bu yana professor kimi fəaliyyət göstərirlər, bizim əldə etdiyimiz bilikləri oradakı tələbələrlə bölüşüblər".

"Azərbaycanfilm" kinostudiyasının direktoru Fariz Əhmədov bildirir ki, Türkiyə ilə ortaq istehsal bizim üçün də faydalı ola bilər:

"Türkiyə kinematoqrafiyası dünyada sözün həqiqi mənasında səs salıb. İstər serialları, istərsə də filmləri son 20 ildə sürətli şəkildə inkişaf edib. Dünyanın hər bir ölkəsində yayımlanır. Hətta açıq yayımlarda onların kinolarına, seriallarına rast gələ bilərik. Ümid edirik ki, biz də nələrisə öyrənə biləcək. Onlar da bizdən nələrisə öyrənə bilərlər. Bu əlaqələr nəticəsində keyfiyyətli işlər ortalığa qoya bilərlər".

Azərbaycan Kinematoqrafçılar İttifaqının katibi Əli İsa Cabbarov digər həmkarlarından fərqli düşünür. Cabbarovun fikrincə, Qarabağ mövzusunda olan filmlərimizin təbii və təsirli alınması üçün azərbaycanlı rejissor çəkməlidir: "Mən bütün xarici ölkələrlə əməkdaşlığa ikiəlli razıyam. Amma bir şeyi bilmək lazımdır ki, Qarabağ mövzusunda olan filmlərimizin təbii və təsirli alınması üçün azərbaycanlı rejissor çəkməlidir. Bizim texniki investisiyaya, prodüserə və senari dəstəyinə ehtiyacımız var. Amma senaridə müəllif kimi yox, məsləhətə ehtiyacımız var. Rejissorlara, aktyorlara, bəstəkarlara, montajçılara bizim ehtiyacımız yoxdur. Bunların hamısı bizdə var. Filmin milliliyini qorumaq üçün burada yaşayan, bu dərdləri hiss edən adam olmalıdır. Ona görə də aludə olmaq lazım deyil ki, Türkiyədən kinematoqrafçı çağırmaqla, hər şey yaxşı olacaq".

"Məsələn Türkiyə ilə bizim iş birliyimiz olan Elçin Əfəndiyevin əsəri əsasında lentə alınmış "Mahmud və Məryəm" filmi ürəyimizcə olmadı. Yəni, hələ Türkiyəni iştirakı uğurlu işin qarantiyası deyil. Necə ki, Qarabağı azərbaycanlılar azad edib, Qarabağ haqqında filmi də azərbaycanlılar çəkə bilər. Necə ki, "Dolu"nu, "Fəryad"ı, "Hər şey yaxşılığa doğru"nu çəkiblər, bundan sonra da çəkəcəklər".

Cabbarov vurğuladı ki, bu məsələdə son dərəcədə diqqətli olmaq lazımdır: "Heç kəsdə təəssürat olmamalıdır ki, Qarabağ müharibəsini Azərbaycan xalqından başqa hansısa qüvvə udub. Bizə hansısa uğurlu türk filminin nüsxəsi lazım deyil. Türkiyə dünyada tanınmış festivallarında yer tutublar, amma onlar müharibə filmləri ilə qazanmayıblar. Ona görə də onların bizə bu cəhətdən köməyi yoxdur. Biz marketinq baxımdan geridəyik, amma yaradıcılıq baxımından yox. Ona görə də Azərbaycan filmini Azərbaycan ruhunu daşıyan sənətkarlar çəkməlidir. Digər mövzularda türklər çəkə bilərlər, amma müharibə mövzusunda yox".

996
Teqlər:
Türkiyə, Azərbaycan, kino, film, müharibə, Qarabağ, Rejissor
Əlaqədar
Azərbaycan və Türkiyə Qarabağ zəfəri barədə film çəkəcək
Qarabağda vacib film çəkilir: Şuşada kino şəhərciyi olsa... - VİDEO
Dünya kinosu dəyişir, çünki yalançı uğur modeli artıq insanları cəlb etmir
Portuqaliyanın məşhur kino şirkəti Xocalı haqda film çəkib - VİDEO
Ərdoğan Qarabağ Zəfəri və Xocalı qətliamı haqqında serial çəkilməsi barədə tapşırıq verib
Türkiyə hərbi helikopter, arxiv şəkli

Amerika Türkiyə ilə Pakistanın işinə qarışdı, müqaviləyə qadağa qoydu

0
(Yenilənib 13:54 08.03.2021)
2018-ci ilin iyulunda Türkiyə ilə Pakistan 30 ATAK zərbə vertolyotunun tədarükü barədə razılaşma imzalamışdı. Bu, müdafiə sənayesi sahəsində birdəfəlik tədarük üzrə Türkiyənin ən böyük müqavilələrindən hesab olunurdu

BAKI, 8 mart - Sputnik. ABŞ Türkiyənin 30 ədəd ATAK zərbə vertolyotunun Pakistana tədarükünə mane olub. Böyük ehtimalla həmin vertolyotları Çin alacaq. 

S-400 zenit-raket sistemi, arxiv şəkli
© AFP 2021 / DIMITAR DILKOFF

Sputnik Azərbaycan bildirir ki, bu barədə Türkiyə Prezidenti Rəcəb Tayyib Ərdoğanın sözçüsü İbrahim Kalın Bloomberg-ə Rusiyadan alınan S-400 ZRK-ya görə ABŞ-ın Türkiyəyə tətbiq etdiyi sanksiyalar barədə danışarkən deyib. 

2018-ci ilin iyulunda Türkiyə ilə Pakistan 30 ATAK zərbə vertolyotunun tədarükü barədə razılaşma imzalamışdı. Bu, müdafiə sənayesi sahəsində birdəfəlik tədarük üzrə Türkiyənin ən böyük müqavilələrindən hesab olunurdu. Dəyəri 1,5 milyard dollar qiymətləndirilən müqavilə Türkiyənin Rusiyadan S-400 ZRK aldığına görə ABŞ-ın qardaş ölkəyə mühərriklərin ixracına lisenziya verməkdən imtina etməsi səbəbilə gerçəkləşməyib. Türkiyə hazırda vertolyot mühərriklərinin işlənib-hazırlanması üzrə iş aparır.

"ABŞ bizim Pakistana vertolyot satmaq planımızı yarıda qoydu. Bunun nəticəsində, tender, çox güman ki, Çinə qismət olacaq, uduzan isə ABŞ olacaq", - Kalın söyləyib.

Kalın xatırladıb ki, Türkiyə ABŞ-ın Patriot sistemini almaq istəsə də, ABŞ-dan təsdiq cavabı gəlməmişdi. Türkiyənin NATO-dakı digər tərəfdaşı Fransa isə Еurosаm fransız-italyan konserninin HHM sistemi üzrə Ankarayla aparılan danışıqları Suriya məsələsinə görə dondurmuşdu.

"Türkiyə Rusiya ilə fikir ayrılıqlarını konstruktiv dialoq sayəsində həll edir, eyni işi ABŞ-la da görə bilərik", - Türkiyə Prezidentinin sözçüsü deyib.

 

0
Teqlər:
İbrahim Kalın, sanksiya, müqavilə, tədarük, vertolyot, helikopter, Pakistan, Türkiyә, ABŞ