Sevinc Məmmədova, müəllimə

İzlənmə rekordu qıran filmin qəhrəmanı danışdı: "Cəsarətləri varsa..."

3294
(Yenilənib 16:30 03.02.2016)
"Ucqar kəndin gənc müəllimi" adlı qısa film az müddət böyük izləmə rekordu vurub. Filmin yaradıcı heyəti və baş rol ifaçısı bunun səbəblərindən danışıblar.

BAKI, 3 fev — Sputnik. Sosial şəbəkələrdə "Ucqar kəndin gənc müəllimi" adlı qısa film böyük izləmə rekordu vurub. Sputnik-in əməkdaşı layihənin rəhbəri, filmin rejissoru və baş rolda oynayan müəllimə ilə, bu layihənin ideyası və həyata keçirilməsi barədə həmsöhbət olub.

Qalib Kazımlı, filmin layihə rəhbəri
© Photo : Galib Kazimli
Qalib Kazımlı, filmin layihə rəhbəri

Layihə rəhbəri Qalib Kazımlı əvvəlki iş yerində regionlarla daha çox işlədiyi üçün və regionlara səfəri çox olduğuna görə hər zaman rayon, kənd sakinləri müəllim çatışmamazlığından gileylənirdilər: "Mən gəncləri bu sahədə həvəsləndirmək məqsədilə bu layihəni həyata keçirmək qerarına gəldim. Və mənə elə gəlir ki, az da olsa, bu məqsədə catdım. Çünki paylaşımlar zamanı yazılan rəylərdə, ən azından 20 nəfər gənc yazıb ki,"mən qorxurdum, ucqar kənddə işləməyə getməyə, sizin bu filmdən sonra Sevinc müəllimənin bu cür qəhrəmanlığından sonra qərara gəldım ki, gedim, mən də ucqar kənddə işləyim". Bu da mənim üçün layihənin məqsədinə çatmaq deməkdir".

Q. Kazımlı bu cür layihələri digər regionlarda da həyata keçirməyə çalışacaqlarını bildirdi: "Hətta bununla bağlı danışıqlar da gedir. Çox güman ki növbəti mini film cəbhə zonasına yaxın yerdə lentə alınacaq".

O, layihənin həyata keçməsində maliyyə dəstəyinə görə Gənclər Fonduna, təşkilati dəstəyə görə isə Təhsil Nazirliyinə, İsmayilli rayon İcra Hakimiyyətinə və Sabunçu rayon Gənclər Evinə təşəkkürünü ifadə etdi: "Xüsusi təşəkkürlərimi müəllimə Sevinc Məmmədovaya və rejissor Cavanşir Eladisoya bildirirəm".

Kənd məktəb müəlliməsi və filmdə rol alan Sevinc Məmmədova da Sputnik-ə öz təsuratlarını bölüşüb: "Mənə bələdiyyə müavini Qüdrət bəy zəng etdi və bildirdi ki, belə bir layihə var, sizdən müsahibə almaq istəyirlər. Mən də Qüdrət bəyə zəng edib, kömək edə biləcəyimi söylədim. Amma açığı, mən çəkiliş gözləmirdim. Elə bilirdim, sadəcə suallar olacaq. Mən də heç düşünmədim ki, çəkiliş var, səhər məktəbə gələndə təəccübləndim, amma geri çəkilmədim, söz vermişdim axı".

"Çəkiliş bəlkə də Cavanşir, Qalib kimi mehriban və səmimi insanlarla aparılmasaydı, mən sıxılardım, daha pis danışardım və məncə, heç hazırlaşmadan olduğu üçün və çəkiliş də əla olduğu üçün çox insanlar tərəfindən bəyənilib, sunilik yoxdur", —deyir müəllimə.

O, gənc müəllimləri ucqar kəndlərdə dərs deməyə səsləyib: "Əgər cəsarətləri və iradələri varsa, onlar da bu yolu seçə bilər, çünki fərqlilikdir və uşaqlar o qədər saf, təmizdirlər ki, müəllimlik peşəsini elə məhz uşaqları sevdiyim üçün seçmişəm desəm, yanılmaram".

Cavanşir Eladisoy, filmin rejissoru
© Photo : Java Eladisoy
Cavanşir Eladisoy, filmin rejissoru

Filmin rejissoru Cavanşir Eladisoy da uğurlu layihə haqqında fikirlərini bildirib: "Bir rejissor kimi, işin keyfiyyətinə cavabdeh ola bilərdim, mən burada işə, əsl azərbaycançılığı açıq şəkildə təbliğ edən bir Azərbaycan gənci kimi yanaşmışam. Bu tip layihə indiyə qədər olmamışdı. Yəni bir müəllimin təbliğatı, sağlam təbliğatı indiyə qədər layihə şəkilində aparılmamışdı, Layihə Rəhbəri Qalib Kazımlı layihə haqqında mənimlə görüşəndə çox sevindim. Məni tanıyanlar necə vətənpərvər biri olduğumu bilir və bu hisslərin də verdiyi əlavə stimuldan yararlanıb, iki əlli qəbul etdim".

"Bilirdim ki, bu işi elə etməliyəm, elə çəkməliyəm ki, baxan bir də baxsın, şüuraltı bezib, psixoloji olaraq yorulmasın. Rejissorluq təhsilimi Türkiyədə aldığım üçün sosial mesajları bir filmlə necə ötürmək lazım olduğunu da gözəl bilirdim", —deyir rejissor.

Onun sözlərinə görə, film sadə formada olsa da, amma təsirli alınıb: "Ona görə də artıq ikinci "kruq" paylaşımlar gedirdi sosial şəbəkədə, hətta televiziyalar qeyri-peşəkarlıq göstərib, bizdən icazəsiz efirə də verdilər".

Xatırladaq ki, Dövlət Gənclər Fondunun maliyyə dəstəyi ilə hazırlanan "Ucqar kəndin gənc müəllimi" adlı qısametrajlı film Azərbaycan rayonlarında müəllim çatışmazlığından bəhs edir və gənc müəllimlərin rayon məktəblərində dərs demələri üçün motivasiya xarakteri daşıyır. Film gənc müəllimənin rayonda müəllimlik həyatından bəhs edir.

3294
Teqlər:
kənd müəllimi, Cavanşir Eladisoy, Sevinc Məmmədova, Qalib Kazımlı, "Ucqar kəndin gənc müəllimi", rejissor, film
Əlaqədar
"Azərbaycana gəlib, orada film çəkmək istərdim..."
Azərbaycan filmi Paris festivalında mükafat qazandı
"Bəyin oğurlanması" filminin Ələsgəri dünyasını dəyişdi
Biz onun filmləri ilə böyüdük
“Bakı, mən səni sevirəm” filminin təqdimat mərasimi keçirilib
Məktub, arxiv şəkli

UNESCO-ya müraciət etmiş rusiyalı mədəniyyət xadimlərinə məktub göndərilib

18
(Yenilənib 20:24 02.12.2020)
UNESCO-ya göndərilən müraciət bir sıra tanınmış şəxslər və mədəniyyət xadimləri tərəfindən də birmənalı qarşılanmayıb və çoxsaylı tənqidə məruz qalıb

BAKI, 2 dekabr — Sputnik. Məlum olduğu kimi, Rusiya Federasiyasının bir qrup mədəniyyət xadimi Qarabağda yerləşən xristian irsinin qorunmasına və bu irsin UNESCO-nun Dünya irsi siyahısına salınmasına köməklik göstərilməsi ilə bağlı UNESCO-ya müraciət edib.

Dağlıq Qarabağda və ətraf rayonlarda erməni işğalı zamanı çoxsaylı müsəlman irsi abidələrinin dağıdılmasına baxmayaraq, müraciətdə yalnız xristian irsi haqqında bəhs edilməsi, eləcə də Azərbaycan ərazisindəki bütün tarixi, mədəni, dini irsin heç bir ayrı-seçkilik qoyulmadan dövlət tərəfindən qorunması və hökumətin bu məsələyə çox ciddi yanaşması nəzərə alınmayaraq, müraciətin birbaşa UNESCO-ya ünvanlanması onun qərəzli və məqsədli şəkildə hazırlandığını və ölkəmizə qarşı qarayaxma kampaniyasının bir hissəsi olduğunu göstərir.

Sputnik Azərbaycan xəbər verir ki, məsələ ilə bağlı Azərbaycan Respublikası Mədəniyyət nazirinin birinci müavini, nazirin vəzifələrini müvəqqəti icra edən Anar Kərimov tərəfindən müraciəti imzalayan mədəniyyət xadimlərinə məktub göndərilib.

Məktubda öncə Ermənistan tərəfindən uzun müddət işğal altında saxlanılmış Azərbaycan ərazilərində mədəni irsimizin dağıdılması, əksər hallarda həm müsəlman, həm də xristian irsinin məhv edilməsi haqqında məlumatlar əks olunub. Eyni zamanda Azərbaycanın müxtəlif şəhərlərində yerləşən həm dini (müsəlman, xristian, yəhudi), həm də mədəni irsin dövlət tərəfindən qorunması ilə bağlı faktlar diqqətə çatdırılıb.

Bundan əlavə, rusiyalı mədəniyyət xadimlərinə qeyd etdikləri narahatçılıqla bağlı Azərbaycan Hökumətinə deyil, birbaşa UNESCO-ya müraciət ünvanlamalarına görə irad bildirilib və onlara erməni təbliğatının qurbanı olmamaq tövsiyə edilib.

Məktubun sonunda müraciəti imzalamış mədəniyyət xadimləri işğaldan azad olunmuş ərazilərdə 30 ilə yaxın davam etmiş dağıdıcılıq və talançılığın nəticələrini, həmçinin ölkəmizdə mədəni irsə necə qayğı göstərildiyini görmək üçün Azərbaycana dəvət olunublar.

Qeyd etmək lazımdır ki, UNESCO-ya göndərilən müraciət bir sıra tanınmış şəxslər və mədəniyyət xadimləri tərəfindən də birmənalı qarşılanmayıb və çoxsaylı tənqidə məruz qalıb.

18
Teqlər:
irs, mədəniyyət xadimləri, Rusiya, Dağlıq Qarabağ, UNESCO
Qərənfil

İranın məşhur aktyoru vəfat edib

15
(Yenilənib 12:54 02.12.2020)
İranlı aktyor 98 yaşında dünyasını dəyişib. Yaxınlarının verdiyi məlumata görə, Əli Əsgər ürək tutmasından həyatını itirib.

BAKI, 2 dekabr — Sputnik. İranlı aktyor Əli Əsgər Şahbazi vəfat edib.

Sputnik Azərbaycan xəbər verir ki, Əli Şahbazi İranın "Oskar" qazanan "Ayrılıq" filmindəki Nadir obrazı ilə tamaşaçıların böyük rəğbətini qazanmışdı.

Ə.Əsgər Şahbazi 1922-ci ildə Tehranda anadan olub. Karyerası boyunca bir çox ekran işində rol alıb. Məşhurlaşdığı "Ayrılıq" filmi orta sinif cütlüyünün ayrılmasından bəhs edir, 2011-ci ildə lentə alınıb. Əsgər Ferhadinin rejissorluğu ilə çəkilən film bütün dünyada səs-küy yaratdı və film festivallarında onlarla mükafat qazandı. Şahbazi 61-ci Berlin Beynəlxalq Film Festivalında "ən yaxşı aktyor" nominantlarına verilən "Gümüş Ayı" mükafatını qazanıb.

15
Teqlər:
Oskar, İran, vəfat, aktyor
Türkiyə Prezidenti Rəcəb Tayyib Ərdoğan, arxiv şəkli

Ərdoğan gələn həftə Bakıya gəlir Hərbi paradda iştirak edəcək

6
(Yenilənib 12:35 03.12.2020)
Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb.

BAKI, 3 dekabr — Sputnik. Türkiyə Prezidenti Rəcəb Tayyib Ərdoğan gələn həftə Azərbaycana səfər edəcək. Sputnik Azərbaycan xəbər verir ki, bunu "RİA Novosti"-yə mənbə bildirib.

Türkiyə Prezidentinin dekabrın 10-u Bakıda baş tutacaq hərbi paradda iştirak edəcəyi gözlənilir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılır və tam atəşkəs elan olunur.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

6