Ilham Əsgəroğlu

"Ahıska türklərinin marşını yazmışam"

121
(Yenilənib 11:16 26.01.2016)
İlham Əsgəroğlu: ""Səs Azərbaycan"ın münsiflər heyətində əyləşənlərin çoxu mənim tələbə yoldaşlarımdır. Mən necə o verilişə çıxıb, öz tələbə yoldaşlarıma "bu, mənəm" deyə bilərəm?!"

BAKI, 25 yan — Sputnik. "O səs Türkiyə"də Azərbaycanı bu il təmsil edənlərdən biri də İlham Əsgəroğludur. Sputnik-in qonağı olan ifaçının müsahibəsini təqdim edirik:

— Musiqiyə, aktyorluq sənətinə marağım məni 1992-ci ildə Azərbaycan Dövlət Mədəniyyət və İncəsənət Universitetinə gətirib çıxardı. Lütfiyar İmanov, Nobel Əhmədov, Məlik Dadaşov, Şəfiqə Məmmədova, Mikayıl Mirzəyev kimi sənətkarlardan dərs aldım. Nobel Əhmədov özü Bülbülün tələbəsi olduğundan, bizə Bülbülün oxuma texnikasını öyrədirdi. Universiteti bitirəndən sonra Tiflisdə konservatoriyanı ikinci təhsil olaraq bitirdim. Tovuz rayonunda dünyaya gəldiyimdən, saza-sözə marağım da az deyildi. Sazda çalıb — oxumağı da bilirəm, amma daha çox vokal sənətinə üstünlük verirəm.

Universiteti bitirəndən sonra Azərbaycan Musiqili Komediya Teatrının solisti olaraq işləməyə başladım. "Subaylarınızdan görəsiniz" tamaşasında Fəqan roluna dəvət edildim. Orada bir çox sənətkarlarla işlədik. Hacıbaba Bağırov o zaman rəhbər idi. Nəsibə Zeynalova tez-tez teatra gedib-gəlirdi. Belə sənətkarlarla işləmək mənim üçün xoşbəxtlikdir. Bununla eyni zamanda Filarmoniyada Mahni rəqs ansanblında da paralel olaraq çalışdım.

- Mügənni kimi solo fəaliyyətiniz var. Nə vaxtdan başladınız bu fəaliyyətə?

— İlk dəfə oxumağa 7-ci sinifdən başladım. O vaxt "Sevimli nəğmələrim" adlı musiqi yarışması olurdu. Komissiyanın sədrləri dahi drejorumuz Niyazi, əvəzolunmaz sənətkarlarımız Arif Babayev, İslam Rzayev, Habil Əliyev, Sövkət Ələkbərova idi. Belə sənətkarların qarşısında biz şagird idik. Biz belə sənətkarlardan dərs alaraq sənətə gəldik.

- Türk dünyasına böyük maraq göstərirsiniz və tez-tez türk dövlətlərində olub orada çıxışlar edirsiniz. Hansı uğurlarınız olub?

— 1998-ci ildə Filarmoniyada işləyərkən ilk getdiyim ölkə Türkiyə oldu. Sonra bir çox təkliflər gəldi və beləliklə türk dünyasına səfərlərim başladı. Qazaxıstan, Tacikistan, Özbəkistan və s. ölkələrdə iştirak etməyə başladım. Bu zaman 10 dildə mahnılar öyrəndim. Türkiyənin 81 vilayətindən 50-sini gəzmişəm, konsertlər vermişəm. Hətda Qırğızıstan opera teatrında "Arşın mal alan" operasında Əsgər obrazını canlandırdım. Ahıska türklərinə marş yazdım. Musiqisi mənə, sözləri Zəlimxan Yaquba məxsusdur.

- Bu qədər işlər görürsünüz, amma TV məkanında kifayət qədər görünmürsünüz. Bunun səbəbi nədir?

— Mən sadəcə işimi görürəm. Mətbuat da maraqlansa, gözəl olar. Mən mətbuata gedib bu işləri görürəm deyə bilmərəm.

- O Səs Türkiyədə iştirakçı oldunuz. Öncə belə sual verim: Niyə "Səs Azərbaycan" yarışması qala-qala, "O səs Türkiyə"ni seçdiniz?

— "O səs Türkiyə"nin "Səs Azərbaycan"dan fərqli olaraq daha çox izləyicisi var. O verlişə nəinki Türkiyədə, hətta bütün türk dövlətlərində baxırlar. Məqsədim Azərbaycanımın səsini Türkiyədə göstərmək idi. "Səs Azərbaycan" da gözəl proqramdır. Sadəcə orada münsiflər heyətində əyləşənlərin çoxu mənim tələbə yoldaşlarımdır. Mən necə o verilişə çıxıb, öz tələbə yoldaşlarıma "bu, mənəm" deyə bilərəm?!

- Necə oldu ki, "O səs Türkiyə"yə getməyi qərara aldınız?

— Keçən il mən qeydiyyatdan keçərək proqrama qatılmışdım. Sadəcə nömrədə problem olub və mənimlə əlaqə qura bilməyiblər. Bu il də Türkiyədə dünya Ahıska türklərinin qurultayı keçirilirdi. Elə o zaman xəbər aldım ki, İstanbulda verlişə seçim turlarına qeydiyyat var. Getdim, yenidən qoşuldum və tez bir zamanda dəvət elədilər, gedib çıxış elədim.

- Gəlin etiraf edək ki, birinci turda çıxışınız sizə görə zəif idi. Amma buna baxmayaraq, bir münsifi özünüzə tərəf döndürə bildiniz. İstədiyiniz nəticəni ala bildiniz, yoxsa istədiyiniz münsif dönmədi?

— Mən 4 münsifin dönməsini gözləyirdim. Sadəcə 6 saat təyyarədə yol gəlmişdim və yatmamışdım, həm də məşq də çox az olmuşdu. Yuxusuzluq səsə çox ziyandır və beləliklə çıxışım zəif alındı. Sadəcə Allaha dua edirdim ki, bir münsif çevrilsin. Bütün gücümü göstərə bilmədim. İkinci tur isə tamaşaçısız keçdi. Sadəcə bu, məni açmadı. Doğrudur, 3-cü tura keçdim, amma tamaşaçısız, sms-siz yarışma olması bir qədər məni razı salmadı.

- Seçim turunda siz Hakan və Gökhan qardaşlarının komandasında oldunuz. Amma musiqi, janr etibarilə fərqlisiniz. Siz daha çox Ebru Gündəş tərzinə yaxınsınız. Belə olan halda Gökhan və Hakan qardaşları ilə işləmək sizə rahatsızlıq vermədi?

— Düzü, mən də Ebru Gündeşin dönməsini istəyirdim. Amma belə alındı. Stilimiz tam fərqlidir. Amma gələcəkdə duet eləsəm, Ebru Gündeş, Sibel Can, Sərtap Erener kimi sənətçilərlə edə bilərəm. Bu sənətçilərin səsi mənim səsimə uyğundur. Qismət…

- Yarışmanın tən ortasındasınız. İlham Əsgəroğlunun 6-cı hissi nə deyir: yarışma necə bitəcək?

— Mənim 6-cı hissim deyir ki, var gücünü göstərməlisən, İlham, bütün türk dünyasına nəyə qadir olduğunu göstərməlisən. Gərək birinci turda sazımı da səhnəyə çıxarıb sənətimin nəyə qadir olduğunu göstərəydim. Heyf ki, edə bilmədim.

- Gələcəkdə başqa bir yarışmaya qatılmaq istəyirsiniz?

— Yaşımız imkan versə, Azərbaycanda ciddi, şou xətrinə olmayan yarış olarsa, niyə də yox?! Qatıla bilərəm. Gələcəkdə türk dünyası musiqi yarışma layihəsi olarsa, mütləq iştirak edərəm.

121
Teqlər:
"Səs Azərbaycan", sənət, Filarmoniya, İlham Əsgəroğlu, Azərbaycan Dövlət Mədəniyyət və İncəsənət Universiteti, "Sevimli nəğmələrim", "O səs Türkiyə", teatr, musiqi
Əlaqədar
Təyyarədə canlı musiqi keyfi
Dünyanın üç ən zəngin musiqiçisi
Musiqi uşaqların yaradıcı təfəkkürünü və yaddaşını inkişaf etdirir
Nazirlik: Kamança Azərbaycanın musiqi aləti kimi qeydiyyatdan keçib
Musiqişünaslar kamançanın Azərbaycana məxsus olduğunu iddia edirlər
Fransa Senatının binası, arxiv şəkli

Fransadan mükafat almış elm mədəniyyət xadimləri bu ölkənin mövqeyinə etiraz ediblər

2
(Yenilənib 20:19 01.12.2020)
Azərbaycan Respublikasının bir sıra elm və mədəniyyət xadimləri Fransanın qərəzli mövqeyinə etiraz ediblər.

BAKI, 1 dekabr — Sputnik. Fransa Respublikasının mükafatlarını almış Azərbaycanın elm və mədəniyyət xadimləri Fransanın qərəzli mövqeyinə etiraz ediblər.

Mədəniyyət Nazirliyindən Sputnik Azərbaycan-a daxil olan bəyanatda deyilir:

"Biz - fərqli illərdə Fransanın mükafatlarına layiq görülmüş Azərbaycanın mədəniyyət xadimləri və təhsil işçiləri - bu mükafatlarla fəxr edirdik, çünki bu mükafatlar bizim üçün dünyaya bu qədər gözəllik bəxş edən bir ölkənin simvolu idi!

Biz Rable, Molyer, Volter, Hüqo və s. bu kimi dahi yazıçı və filosofların təmsil etdikləri fransız ədəbiyyatının şərəf, bərabərlik, sülh və ədalət kimi ən ali və ümdə məfhumlar uğrunda mübarizə apardığını həmişə xatırlamışıq.

Xüsusilə qeyd etmək istərdik ki, bu dəyərlərə olan hörmətimiz təsadüfi deyil, belə ki, Azərbaycanda ədalət və bərabərlik prinsipləri, hörmət və sülh, şərəf və ləyaqətin qorunması yaşam tərzinin təməlidir. Əsrlər boyu Azərbaycan bütün bölgənin mədəniyyət mərkəzi, eləcə də bir çox millət və din mənsublarının yüzilliklər boyu yanaşı yaşayaraq dinc şəkildə, çiyin-çiyinə fəaliyyət göstərdikləri ev olmuşdur. Məhz bu mədəniyyətlərin sintezi ölkəmizin misilsiz mədəni irsinin yaranmasına səbəb olmuşdur və bu gün Azərbaycan dünyanın ən çoxmədəniyyətli və çoxkonfessiyalı ölkələrindən biridir. Təsadüfi deyil ki, 2016-cı ilin oktyabrında Roma Papası Fransisk Azərbaycana səfəri zamanı Azərbaycanı dini tolerantlıq baxımından dünyada nümunəvi ölkə kimi yüksək qiymətləndirmişdi. BMT Baş Assambleyasının qərarına əsasən, 2017-ci ildə hər iki ildən bir Bakıda keçirilən Ümumdünya Mədəniyyətlərarası Dialoq Forumunun mədəniyyətlərarası dialoq üçün əsas qlobal platforma hesab edilməsi də bunu bir daha sübut edir.

Müsəlman icması ilə yanaşı, ölkəmizdə xristian və yəhudi icmaları da cəmiyyətimizin ayrılmaz və fəal hissəsidir Ölkəmizdəki bütün abidələr və dini binalar, eləcə də məscid və kilsələr Azərbaycan dövləti tərəfindən tam qorunur və mütəmadi olaraq restavrasiya olunur. Ölkəmizdə məscidlər, kilsələr və sinaqoqlar yan-yana fəaliyyət göstərir.

Azərbaycan təkcə ölkə daxilində deyil, həm də bütün dünyada mədəni irsin qorunmasına öz töhfəsini verib. Azərbaycanın maliyyə dəstəyi ilə həyata keçirilən işlər arasında Luvr və Versal sarayında aparılan renovasiya işlərini, Fransanın Orne departamentinin Sen-İler, Frene-o-Sovaj, Sen-İler-la-Jerar, Tanvil, Kurjo, Reveyon və Mal yaşayış məntəqələrində yerləşən X-XII əsrlərə aid yeddi kilsənin bərpasına dəstəyi, həmçinin Fransada XIV əsrə aid Strasburq Kafedral kilsəsinin vitraj hissələrinin, o cümlədən Vatikandakı Müqəddəs Sebastyan, Müqəddəs Marsellino və Müqəddəs Pyetro katakombalarının bərpasını qeyd etmək olar.

Bu gün Azərbaycan öz inkişafının ən vacib və tarixi mərhələlərindən birini yaşayır. İkinci dünya müharibəsi zamanı Fransa başqa bir ölkənin işğalı altında olduğu kimi, bizim ərazilərimizin də bir hissəsi 28 il idi ki, Ermənistan tərəfindən işğal edilmişdi. On minlərlə insan öldürülüb, bir milyona yaxın Azərbaycanlı etnik təmizləmə nəticəsində daimi yaşayış yerlərini itirib və qaçqına çevrilib. BMT Təhlükəsizlik Şurasının BMT Nizamnaməsində ifadə edilmiş ölkələrin ərazi bütövlüyünə əsaslanan 822, 853, 874 və 884 saylı qətnamələrində Ermənistan işğalçı qoşunlarının Azərbaycan Respublikasının beynəlxalq müstəvidə tanınmış ərazilərindən dərhal çıxarılması tələb edilmişdir. Lakin 30 ilə yaxın idi ki, bu qətnamələrin heç biri yerinə yetirilmirdi.

Bütün bu işğal illərində hər gün insanlarımız həlak olur, qədim mədəniyyət abidələrimiz qərəzli şəkildə məhv edilir, neçə-neçə şəhər büsbütün xarabalığa çevrilir, bizim dünya ictimaiyyətinə kütləvi mədəni soyqırımın dayandırılması barədə etdiyimiz çoxsaylı müraciətlərimiz isə cavabsız qalırdı.

1992-ci il fevralın 25-dən 26-na keçən gecə erməni təcavüzkarları Xocalı şəhərinin sakinlərinə qarşı soyqırım törədib və bir gecədə 106 nəfəri qadın, 63 nəfəri uşaq və 70 nəfəri qoca olmaqla, 613 mülki şəxsi vəhşicəsinə qətlə yetirərək param-parça ediblər. 1275 mülki şəxs əsir götürülüb (onlardan 150 nəfərin taleyi hələ də məlum deyil), 475 vətəndaş əlil olub, 8 ailə tamamilə məhv edilib, 25 uşaq hər iki valideynini, 130 uşaq isə iki valideyndən birini itirib. Xocalı şəhəri yerlə yeksan edilib. Artıq bir sıra dünya ölkələri dinc əhaliyə qarşı törədilmiş Xocalı soyqırımını tanımışdır.

Bu günlərdə isə ədalət zəfər çalıb və Fransa İkinci dünya müharibəsi əsnasında etdiyi kimi, biz də torpaqlarımızı erməni işğalından azad edib BMT, ATƏT, Avropa Şurası, Avropa Parlamenti, İslam Əməkdaşlıq Təşkilatı və Qoşulmama Hərəkatı da daxil olmaqla, bütün nüfuzlu beynəlxalq təşkilatlar və dünyanın bütün ölkələri tərəfindən tanınan ərazi bütövlüyümüzü bərpa edə bildik. Müharibənin ilk günlərindən Azərbaycan öz dövlət sərhədlərini bir santimetr də keçməmiş və bütün döyüş əməliyyatları birbaşa ölkəmizin ərazisində aparılmışdır.

27 sentyabr 2020-ci il tarixindən başlayaraq, şəhər və kəndlərimizin bütün dünyada qadağan edilmiş silah növləri ilə bombardman edilməsinə və ərazilərimizin atəşə tutulmasına baxmayaraq, müzəffər Azərbaycan Ordusu əks-hücum əməliyyatları nəticəsində işğal altında olan ərazilərimizin böyük hissəsini, o cümlədən Azərbaycan mədəniyyətinin incisi, tarixi-memarlıq qoruğu, muğamın və Azərbaycanın görkəmli mədəniyyət xadimlərinin doğulduğu yer - Şuşa şəhərini azad etməyə müvəffəq oldu.

1992-ci ildə Ermənistan silahlı qüvvələri tərəfindən işğal olunana qədər Şuşa sakinlərinin 98%-ni Azərbaycanlılar təşkil edirdi. Noyabrın 10-da Azərbaycan Respublikasının Prezidenti, Ermənistanın Baş naziri və Rusiya Federasiyasının Prezidenti arasında sülh bəyannaməsi imzalanmışdır. Bu bəyannamənin şərtlərinə əsasən, işğalçı qüvvələr öz qoşunlarını Azərbaycanın beynəlxalq səviyyədə tanınmış ərazilərindən tədricən çıxarmaq barədə öhdəlik götürməyə məcbur oldu. Mülki insanlar isə artıq öz evlərinə qayıtmaq şansı əldə ediblər.

Bu gün bütün dünya otuz illik erməni işğalının dəhşətli nəticələri ilə əyani şəkildə tanış ola və vəhşicəsinə məhv edilmiş şəhər və kəndləri, yandırılmış meşələri və dağıdılmış torpaq sahələrini, eləcə də dünya mədəni irsinin nümunələri olan tarixi mədəniyyət və memarlıq abidələrini, habelə xarabalığa çevrilmiş dini binaları görə bilər.

Azad edilmiş ərazilərdə demək olar ki, bütün məscidlər, hətta pravoslav kilsəsi belə dağıdılıb və ya murdarlanıb.

Azərbaycan Respublikasının rəhbərliyi (konfessional mənsubiyyətlərindən asılı olmayaraq) dağıdılmış bütün ərazilərin, şəhər və kəndlərin, eləcə də mədəniyyət abidələrinin və dini obyektlərin bərpa ediləcəyini bəyan edib.

Azərbaycana qarşı 30 ilə yaxın davam edən təcavüzə daha əvvəl heç bir şəkildə reaksiya verməyən Fransa Senatının və onun elitasının mövqeyi, habelə kukla rejiminin müstəqilliyini tanımağın zəruriliyinə dair birmənalı şəkildə qərəzli qərar qəbul etməsi bütün Azərbaycan ictimaiyyətində qəzəb və hiddətə səbəb olmuşdur.

Xüsusilə təəccüblüdür ki, Fransa BMT Təhlükəsizlik Şurasında erməni işğalçı qüvvələrinin Azərbaycan ərazisindən qeyd-şərtsiz çıxarılmasını tələb edən 4 qətnaməyə səs verən ölkələrdən biridir.

Biz səmimi qəlbdən inanırdıq ki, Fransa Respublikasının dəyərləri yalnız bu ölkənin yaxın müttəfiqlərinə deyil, həm də dünya ölkələrinə şamil olunur. Lakin qəbul edilmiş bu qərar ikitərəfli münasibətlərimizin uğurlu gələcəyi üçün ciddi təhlükə yaradır. İndi Azərbaycanın mədəniyyət xadimləri üçün ölkə ictimaiyyətini Fransa ilə əlaqələrimizi inkişaf etdirməyin məqsədəuyğun olduğuna inandırmaq çətin olacaq.

Xüsusi olaraq qeyd etmək istərdim ki, Azərbaycan şərqin ilk demokratik respublikasıdır və yeri gəlmişkən, ölkəmiz Fransadan çox əvvəl qadınlara səsvermə hüququ verib.

Respublikamızın himninin müəllifi, Qarabağda dünyaya göz açmış Üzeyir bəy Hacıbəyov Şərqdə ilk operanın müəllifidir. Onun "Arşin Mal Alan" operettası 4 iyul 1925ci il tarixində Parisin Yelisey sarayındakı "Femina" teatrında fransız dilində səhnələşdirilib. İlk balet, eləcə də Şərqin ilk balerinası da məhz Azərbaycan səhnəsinə çıxıb. Bu siyahını sonsuza qədər uzatmaq olar.

Biz başa düşürük ki, Fransada güclü erməni diasporunun olması vacib amildir, lakin Fransa kimi bir dövlətin rəsmi mövqeyi beynəlxalq hüququn norma və prinsiplərinə, eləcə də ədalət və dövlət məsuliyyəti prinsiplərinə əsaslanmalıdır.

Fransanın mədəniyyət xadimləri tərəfindən imzalanmış müraciətlə tanış olduqdan sonra belə görkəmli sənət nümayəndələrinin lazımi tədqiqatlar aparmadan erməni təbliğatının alətinə çevrilməsi bizi kədərləndirir. Təəssüf ki, belə qeyri-peşəkar yanaşma onların nüfuz və qərəzsizliyinə də kölgə salır.

Biz Fransanın hakimiyyət orqanlarının nümayəndələrini və mədəniyyət xadimlərini Azərbaycanın işğaldan azad edilmiş ərazilərini ziyarət etməyə və erməni işğalçıları tərəfindən törədilən dağıntıları və vandalizmin miqyasını yerində görməyə çağırırıq. Güman edirik ki, o zaman sizin fikrinizin ümumbəşəri dəyərlərə və beynəlxalq hüquq prinsiplərinə söykənəcək.

Tahir Salahov, "Fəxri Legion" ordeni (Zabit dərəcəsi)

Fərhad Bədəlbəyli, "İncəsənət və ədəbiyyat" ordeni (Kavaler dərəcəsi)

Ramiz Abutalıbov, "Fəxri Legion" ordeni (Kavaler dərəcəsi)

Sevda Məmmədəliyeva, "İncəsənət və ədəbiyyat" ordeni (Zabit dərəcəsi)

Fərhad Xəlilov, "İncəsənət və ədəbiyyat" ordeni (Kavaler dərəcəsi)

Çingiz Fərzəliyev, "İncəsənət və ədəbiyyat" ordeni (Kavaler dərəcəsi)

Səməd Seyidov, "Fəxri Legion" ordeni (Kavaler dərəcəsi)

Hicran Hüseynova, "Fəxri Legion" ordeni (Zabit dərəcəsi)

Fəxriyyə Xələfova, "İncəsənət və ədəbiyyat" ordeni (Kavaler dərəcəsi)

Çəmən Babaxanova, "Akademik palma" ordeni, (Kavaler, Zabit dərəcələri)

Azelma Həsənova, "Akademik palma" ordeni, (Kavaler, Zabit dərəcələri)

Röya Tağıyeva, "İncəsənət və ədəbiyyat" ordeni (Zabit dərəcəsi)

Zöhrə Əliyeva, "Akademik palma" ordeni, (Kavaler dərəcəsi)

Gülbəniz Camalova, "Akademik palma" ordeni, (Kavaler dərəcəsi)

Afaq Quliyeva, "Akademik palma" ordeni, (Kavaler dərəcəsi)

Murad Hüseynov, "İncəsənət və ədəbiyyat" ordeni (Kavaler dərəcəsi)

Gülnarə Sadıxova, "Akademik palma" ordeni, (Kavaler dərəcəsi)

Reyhan Hüseynova, "Fəxri Legion" ordeni (Kavaler dərəcəsi)

Tahirə Cabbarova, "Akademik palma" ordeni, (Kavaler dərəcəsi)

Elmira Fərəcullayeva, "Akademik palma" ordeni, (Kavaler dərəcəsi)

Soylu Xəlilova, "Akademik palma" ordeni, (Kavaler dərəcəsi)

Məhərrəm Orucov, "Akademik palma" ordeni, (Kavaler dərəcəsi)

Rəfiqə İsayeva, "Akademik palma" ordeni, (Kavaler dərəcəsi)".

2
Azərbaycan bayrağı, arxiv şəkli

ƏSA Teatrının kollektivi xalqımızı belə təbrik etdi - VİDEO

2
(Yenilənib 20:16 01.12.2020)
ƏSA Teatrının kollektivi videoçarx vasitəsilə şanlı qələbəmizdə əməyi olan vətəndaşlarımıza, jurnalistlərimizə, polislərimizə, həkimlərimizə, müharibənin əsas qəhrəmanı olan hərbçilərimizə və Ali Baş Komandanımıza təşəkkür ediblər.

BAKI, 1 dekabr — Sputnik. Əlilliyi olan və olmayan aktyorlardan ibarət Azərbaycanın ilk inklüziv teatrı olan ƏSA Teatrı Azərbaycan xalqının İkinci Qarabağ müharibəsindəki tarixi qələbəsi münasibətilə növbəti sosial videoçarx hazırlayıb. Videoçarxda teatrın aktyor heyəti iştirak edib.

Sputnik Azərbaycan xəbər verir ki, İkinci Qarabağ müharibəsi başlayan gündən vətənpərvərlik istiqamətində layihələr həyata keçirən ƏSA Teatrının kollektivi budəfəki videoçarx vasitəsilə şanlı qələbəmizdə əməyi olan vətəndaşlarımıza, jurnalistlərimizə, polislərimizə, həkimlərimizə, müharibənin əsas qəhrəmanı olan hərbçilərimizə və Ali Baş Komandanımıza təşəkkür edərək, qələbə sevincini bölüşüb.

2
Teqlər:
xalq, təbrik, ƏSA Teatrı