Kamal Abdulla, multikulturalizm və dini məsələlər üzrə Dövlət müşaviri

Dünya "Kitabi Dədə Qorqud"u tanımağa başlayıb

33
(Yenilənib 19:01 22.01.2016)
Kamal Abdulla: "Əsər dünyada 25 dilə - Çin dilindən tutmuş, alman, italiyan, rus. bununla yanaşı yerli etnik qruplardan olan talış, avar, xınalıq dillərinə tərcümə edilib"

BAKI, 22 yan — Sputnik. "Prezident İlham Əliyevin keçən il, Azərbaycan dastanı olan "Kitabi Dədə Qorqud"un 200 illiyinə həsr olunan sərəncamı olub. 1815-ci ildə alman alimi Hanrix Fridrix Fondits ilk dəfə "Basatın təpəgözü öldürdüyü" boyu və bu boya yazdığı ön sözü çap etdirib, bununla da "Kitabi Dədə Qorqud" dastanının dünyaya tanınmasına başlanıb".

Sputnik xəbər verir ki, bunu bu gün jurnalistlərə Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdulla deyib. Onun sözlərinə görə, bundan sonra dastan dünyanın bir çox dillərində çap olunub.

"Bu məsələ ilə bağlı beynəlxalq konfranslar keçirdik. Həm ölkədə, həm də dünya üzrə bir çox ölkələrdə bu layihəni genişləndirdik", —deyə müşavir bildirib.

Amma K. Abdulla hesab edir ki, ən uğurlu iş olan Fridrix Fonditsin həmin o yazısı 25 dildə — Çin dilindən tutmuş, alman, italiyan, rus. bununla yanaşı yerli etnik qruplardan olan talış, avar, xınalıq dillərinə tərcümə edilib: "Bu kitaba ad qoyulsaydı, mən belə ad qoyardım: "Milyardarın dili olan Çin və bir kiçik kəndin dili olan Xınalıq dilində". Hətta bu kitab erməni dilində də çap olunub. Bu da bir daha sübüt edir ki, bizdə ermənifobiya yoxdur. Biz ermənifobiyanın olmadığını hər addımınızda deməklə deyil, işlərimizlə sübüt etməliyik və edirik də".

33
Teqlər:
Multikulturalizm, Kamal Abdulla, Hanrix Fridrix Fondits, "Kitabi Dədə Qorqud"
Əlaqədar
Azərbaycan multikulturalizminə dair silsilə kitablar dərc olunacaq
İlham Əliyev 2016-cı ili Azərbaycanda multikulturalizm ili elan etdi
"Azərbaycanda multikulturalizm və dinlərarası dialoq" mövzusu Berlində
Mədəniyyət naziri Anar Kərimovun  İstanbulda azərbaycanlı incəsənət xadimləri ilə görüşü

Anar Kərimov İstanbulda azərbaycanlı incəsənət xadimləri ilə görüşüb - FOTO

228
(Yenilənib 13:41 04.03.2021)
İstanbul şəhəri Maltepe Bələdiyyəsinin Türkan Saylan Mədəniyyət Mərkəzində mədəniyyət nazirinin Türkiyədə yaşayan və fəaliyyət göstərən bir qrup azərbaycanlı incəsənət xadimi ilə görüşü keçirilib.

BAKI, 4 mart — Sputnik. Azərbaycan Respublikasının mədəniyyət naziri Anar Kərimovun rəhbərlik etdiyi nümayəndə heyətinin Türkiyəyə səfəri İstanbulda davam edir.

Sputnik Azərbaycan xəbər verir ki, İstanbul şəhəri Maltepe Bələdiyyəsinin Türkan Saylan Mədəniyyət Mərkəzində mədəniyyət nazirinin Türkiyədə yaşayan və fəaliyyət göstərən bir qrup azərbaycanlı incəsənət xadimi ilə görüşü keçirilib.

Görüşə Xalq artisti, dirijor, İstanbul Konservatoriyasının müəllimi Ramiz Məlikaslanov, Xalq artisti, tanınmış balaban ifaçısı Əlixan Səmədov, Əməkdar incəsənət xadimi, rəssam, İstanbul Yeditəpə Universitetinin müəllimi Teymur Rzayev, Əməkdar incəsənət xadimi, aktrisa, İstanbul Şəhər Bələdiyyə Teatrının rejissoru Məlahət Abbasova, Əməkdar incəsənət xadimi, rəssam Rafiq Əziz, Əməkdar rəssam Yaşar Zeynalov və digər sənətçi soydaşlarımız qatılıb.

Görüşdə Azərbaycanın Türkiyədəki səfiri Xəzər İbrahim, ölkəmizin İstanbuldakı baş konsulu Nərminə Mustafayeva da iştirak ediblər.

Tədbirdə çıxış edən Anar Kərimov nazir kimi ilk səfərinin qardaş Türkiyəyə təşkil edilməsinin xüsusi əhəmiyyət kəsb etdiyini bildirib. Ölkələrimizin çoxtərəfli sıx əlaqələrinin mədəniyyət sahəsini də əhatə etdiyini vurğulayan nazir bu əməkdaşlığın daha da inkişaf etdirilməsi üçün böyük imkanların olduğu bildirilib.

Səfər zamanı keçirilən görüşlərdə iki ölkə arasında birgə layihələrin həyata keçirilməsi, o cümlədən kino sahəsində əməkdaşlıq məsələlərinin gündəmə gəldiyini diqqətə çatdıran nazir bu mövzunun Türkiyənin kino sənayesi nümayəndələri ilə ətraflı müzakirə olunacağını deyib.

Görüş zamanı azərbaycanlı incəsənət xadimlərinin qardaş ölkədə yaradıcılıq və pedaqoji fəaliyyəti, Azərbaycan mədəniyyəti və incəsənətinin təbliği istiqamətində görülən işlər, Azərbaycanın Mədəniyyət Nazirliyinin də dəstəyi ilə reallaşa biləcək layihələr barədə fikir mübadiləsi aparılıb.

Nazir azərbaycanlı incəsənət xadimlərinin fikir və təkliflərini dinləyib, ortaya çıxan bəzi problemlər və onların həlli yolları barədə müzakirələr aparılıb.

Qeyd edək ki, martın 3-də Türkan Saylan Mədəniyyət Mərkəzində Azərbaycanın Xalq rəssamı Mikayıl Abdullayevin 100 illiyinə həsr olunmuş sərginin açılışı, böyük ədib Əbdürrəhim bəy Haqverdiyevin 150 illiyi münasibətilə "Mask-Kara" teatrı tərəfindən hazırlanmış "Kimdir müqəssir" tamaşasının premyerası da keçirilib.

Nazir Anar Kərimov və nümayəndə heyətinin üzvləri tədbirlərdə iştirak edib. Mədəniyyət Nazirliyi nümayəndə heyətinin Türkiyəyə səfəri davam edir.

https://www.facebook.com/mct.gov.az/posts/1113886482385746

228
Xudafərin körpüsü yaxınlığında Azərbaycan bayrağı, arxiv şəkli

"Qarabağ. İnsan. Qələbə" ssenari müsabiqəsinin növbəti turuna keçənlər bəlli oldu - Siyahı

11
(Yenilənib 11:49 04.03.2021)
Ssenarilər qiymətləndirilərkən peşəkarlıq səviyyəsi ilə yanaşı onun xarici tamaşaçının diqqətini çəkməsi amili əsas rol oynayıb.

 

BAKI, 4 mart — Sputnik. "Qarabağ. İnsan. Qələbə" ssenari müsabiqəsinin növbəti turuna keçən ssenarilərin siyahısı açıqlanıb.

Sputnik Azərbaycan xəbər verir ki, Azərbaycan Kinematoqrafçılar İttifaqının Qarabağ həqiqətlərini kinoda ifadəsi və dünya tamaşaçısına çatdırmaq məqsədi ilə elan etdiyi "Qarabağ. İnsan. Qələbə" ssenari müsabiqəsinin növbəti mərhələsinin iştirakçıları elan edilib.

Müsabiqəyə 40 iş təqdim edilib, 37 ssenari müsabiqəyə buraxılıb, 15 ssenari növbəti mərhələyə buraxılıb. Katiblikdən qeyd edilib ki, ssenarilər qiymətləndirilərkən peşəkarlıq səviyyəsi ilə yanaşı ssenarinin xarici tamaşaçının diqqətini çəkməsi amili əsas rol oynayıb. Çünki müsabiqə təşkilatçıları üçün Qarabağ həqiqətlərinin dünyaya çatdırılması əsas məqsəddir.

Müsabiqənin 5 müəlifdən ibarət "Qısa siyahı"sı 10 mart, müsabiqənin qalibləri 18 mart tarixində elan ediləcək. Qərar qəbul etmiş münsif üzvlərinin adları da həmin tarixdə açıqlanacaq.

"Qarabağ.İnsan.Qələbə" ssenari müsabiqəsinin növbəti turuna keçən ssenarilərin siyahısı, müəlliflərin soyadının əlifba sırası ilə göstərməklə təqdim edilir:

Abdullayev Elvin – Kapitan Fərhadın Odisseyası

Abramov Yefim, Leyla Bəyim – Qara qardələnlər

Ağayev Namiq – Müharibə qapımızı döyəndə

Dadaşov Nicat – Sahibin evi

Heydərova Ülviyyə – Qazax çölü

Hüseynova Türkan – Axırıncı palata

Haqverdiyev Vüqar – Xilaskar

İskəndərov Rövşən – Özgə ağrı

İsa Nihad – Tələ

Məmmədov Elcan – Söyüd ağacı

Rəsulzadə Çingiz – Daima birlikdə

Rzayev Elnur Paşa – Xəzər dalğası

Səfərov Hacı – Kaş

Səlimli Mirbala, Marina Malaşenka – Yaddaşın o tayı

Tarıverdiyeva Lalə – Qarabağ. 4 gün.

Azərbaycan Kinematoqrafçılar İttifaqı ssenari müsabiqəsində iştirak edən bütün müəlliflərə təşəkkürünü bildirir və onlara yaradıcılıq uğurları arzulayır.

11
Türkiyə Prezidenti Rəcəb Tayyib Ərdoğan, arxiv şəkli

Ərdoğan: "Azərbaycan bölgədə yeni mərhələnin qapılarını açıb"

1
(Yenilənib 16:07 04.03.2021)
Türkiyə prezidenti: Bu müddətdə təşkilat olaraq Azərbaycan ilə tam həmrəy olacağımıza inanıram. Ermənistanın da atacağı addımlara regional sabitliyin yanında olacağına ümid edirik

BAKI, 4 mart — Sputnik. Qardaşımız Azərbaycan erməni işğalı altındakı torpaqlarını dastanlara yazılacaq zəfərlə azad etdi.

Sputnik Azərbaycan xəbər verir ki, bunu Türkiyə Prezidenti Rəcəb Tayyib Ərdoğan İqtisadi Əməkdaşlıq Təşkilatının (ECO) videokonfrans formatında keçirilən Zirvə toplantısında çıxışı zamanı bildirib.

O qeyd edib ki, Azərbaycan bununla da bölgədə yeni mərhələnin qapılarını açıb:

"Təşkilat olaraq Azərbaycanla tam həmrəylik içərisində olacağımıza inanıram. Bundan sonra başlıca hədəfimiz Qarabağda sülh və təhlükəsizliyin təmin olunmasına yardımçı olmaq, 30 illik işğalın yaratdığı fəsadları birlikdə aradan qaldırmaqdır. Bu müddətdə təşkilat olaraq Azərbaycan ilə tam həmrəy olacağımıza inanıram. Ermənistanın da atacağı addımlara regional sabitliyin yanında olacağına ümid edirik".

1