Aygün Kazımova

Xalq artistinin ölkədən çıxışına qadağa qoyuldu

149
Xalq artisti Natəvan Həbibinin erməni milliyyətinə mənsubluğu barədə yaydığı məlumatı və işlətdiyi təhqiramiz ifadələri təkzib etməli, ondan üzr istəməlidir.

BAKI, 17 dek-Sputnik. Xalq artisti Aygün Kazımovanın ölkədən çıxışına qadağa qoyulub.

Sputnik APA-ya istinadən xəbər verir ki, bu barədə məlumatı müğənni Natəvan Həbibinin vəkili Fərid Həsənov verib.

Vəkil bildirib ki, bir müddət əvvəl Bakı Apellyasiya Məhkəməsində xalq artisti Aygün Kazımovanın apellyasiya şikayətinə baxılıb. Məhkəmənin qərarı ilə A. Kazımovanın şikayəti təmin edilməyib. Həmin qərardan isə A. Kazımova kassasiya şikayəti verməyib: "Artıq iş üzrə məhkəmə prosesləri başa çatdığı üçün Aygün Kazımovanın ölkədən çıxışı rəsmən qadağan edilib. Dövlət Sərhəd Xidməti tərəfindən onun ölkədən çıxışına qadağa qoyulub".

Vəkil bildirib ki, A. Kazımova məhkəmə qətnaməsini icra etdikdən sonra qadağa götürülə bilər.

Aygün Kazımova isə məsələ ilə danışmaq istəmədiyini bildirib.

Qeyd edək ki, müğənni Natəvan Həbibi A. Kazımovaya qarşı iddia ilə Nəsimi rayon Məhkəməsinə müraciət edib. N. Həbibi iddia ərizəsində A. Kazımova tərəfindən şərəf və ləyaqətinin təhqir olunduğunu, işgüzar nüfuzuna xələl gətirildiyini bildirib. Bunun üçün A. Kazımovanın N. Həbibidən üzr istəməsi tələb olunub. Məhkəmə N. Həbinin iddiasını təmin edib. Belə ki, məhkəmənin qətnaməsinə görə, xalq artisti Natəvan Həbibinin erməni milliyyətinə mənsubluğu barədə yaydığı məlumatı və işlətdiyi təhqiramiz ifadələri təkzib etməli, ondan üzr istəməlidir. Həmin qətnamədən A. Kazımovanın verdiyi apellyasiya və kassasiya şikayətləri isə təmin edilməyib.

Lakin həmin qətnamə A. Kazımova tərəfindən icra olunmadığı üçün N. Həbibi yenidən məhkəməyə müraciət edib. A. Kazımova məhkəmə qərarını icra etmədiyi üçün onun ölkədən çıxışına qadağa qoyulması istənilib. Məhkəmə A. Kazımovanın ölkədən çıxışının məhdudlaşdırılması barədə qərar qəbul edib. Bundan sonra A. Kazımova həmin qərardaddan apellyasiya şikayəti verərək məhdudiyyətin götürülməsini istəyib. Lakin məhkəmə onun şikayətini təmin etməyib.

149
Teqlər:
Azərbaycan, Aygün Kazımova, xalq artisti, Natəvan Həbibi, vəkil, vəkil Fərid Həsənov, Nəsimi rayon Məhkəməsi, apellyasiya şikayəti, kassasiya
Kinolent, arxiv şəkli

Bakıda 12-ci Beynəlxalq Qısa Filmlər Festivalı keçiriləcək

8
(Yenilənib 15:39 03.08.2021)
Yaşı 35-ə qədər olan rejissorlar 35 dəqiqədən çox olmayan qısa filmlərini festivala təqdim edə bilərlər.

BAKI, 3 avqust — Sputnik. Bakıda keçiriləcək 12-ci Beynəlxalq Qısa Filmlər Festivalına yerli və əcnəbi rejissorlardan film qəbulu elan edilib.

Festivalın Təşkilat Komitəsindən Sputnik Azərbaycan-a verilən məlumata görə, 12-16 noyabr tarixlərində Bakıda baş tutacaq festivala filmlərin qəbulu avqustun 25-nə kimi davam edəcək.

Yaşı 35-ə qədər olan rejissorlar 35 dəqiqədən çox olmayan qısa filmlərini festivalın beynəlxalq, yerli və "Cinemobil" bölmələrinə təqdim edə bilərlər.

Yerli müsabiqədə "Ən yaxşı bədii film", "Ən yaxşı sənədli film", "Ən yaxşı animasiya filmi", "Ən yaxşı sosial çarx" nominasiyaları üzrə qaliblərə festivalın əsas mükafatı "Qızıl Nar" və pul mükafatı təqdim ediləcək.

Festivalın yerli müsabiqəsinin ümumi mükafat fondu 5 000 AZN təşkil edir.

Göndərilən filmlər Seçim Komissiyası tərəfindən seçilərək müsabiqəyə buraxılacaqlar. Kinoforumun rəsmi proqramı 1 noyabrda açıqlanacaq.

Xatırladaq ki, Bakı Beynəlxalq Qısa Filmlər Festivalına hər il dünyanın müxtəlif ölkələrindən 2000-dən çox film göndərilir. Onların arasında Kann, Venesiya, Berlin Film Festivallarında, "OSKAR"da mükafat və uğur qazanmış filmlər də yer alır. Festivalın müsabiqə bölümündə isə fərqli yanaşma tərzi ilə seçilən filmlər yarışır.

Eləcə də oxuyun:

8
Teqlər:
film, festival, Bakı, beynəlxalq, qisas, Rejissor
Vətən müharibəsinin iştirakçısı Ruslan Kərimov

Müharibəni canlı görmək onu filmdə yaratmaq: Gənc rejissorun xəyalı gerçək olub

3859
(Yenilənib 22:03 02.08.2021)
Azərbaycanlı gənc rejissor hesab edir ki, heç bir dünya şöhrətli film oradakı hadisələri tam təsvir edə bilməz, tamaşaçıya müharibəni çatdıra bilməz.

BAKI, 2 avqust — Sputnik. Uşaq vaxtlarımdan müharibə filmlərinə, müharibə ilə bağlı əsərlərə böyük marağım olub. Müharibəni hərtərəfli araşdırırdım. Necə olur müharibə? Hansı proseslər baş verir müharibədə? Düşünməzdim ki, özüm də bir gün müharibənin canlı şahidi olacam...

Bu sözləri gənc rejissor, İkinci Qarabağ müharibəsi iştirakçısı Ruslan Kərimov deyib. Azərbaycan tarixinin ən şanlı səhifələrindən olan 44 günlük müharibənin canlı şahidi Ruslan Kərimov müharibə haqqında xatirələrini Sputnik Azərbaycan-la bölüşüb:

"O filmlərin, əsərlərin təsirindən mən rejissor oldum. Həmin həvəs məni bu istiqamətə yönəldib. Tale elə gətirdi ki, hərbi xidmətimi də düşmənlə sərhəd olan bölgədə keçirdim. 2017-ci ildə Azərbaycan Dövlət Mədəniyyət və Universitetini bitirdim, hərbi xidmətə getdim. Getdim düşdüm ön xətt briqadasına, Tərtər rayonunun Taqpqaraqoyunlu istiqamətinə. Düşmənlə məsafəmiz 60 metr idi. Artıq anlayırsan ki, cəbhə bu imiş. Onda anladım ki, müharibə heç də kinoda gördüyümüz deyilmiş. Heç bir dünya şöhrətli film oradakı hadisələri tam təsvir edə bilməz, tamaşaçıya müharibəni çatdıra bilməz. Əvvəllər müharibə filmi çəkmək istəyirdim. O vaxt müharibəni təsvir etmək istəyim başqa idi, indi isə müharibə barədə fikirlərim tam dəyişib".

27 sentyabr 2020-ci ildə İkinci Qarabağ müharibəsi başladı. Ruslan da könüllü olaraq cəbhəyə yola düşüb:

"Mən Murovdağda postda idim. Düşmən bizdən 150 metr yüksəklikdə idi. Bilirdik ki, hücum etsək, çox böyük itki verəcəyik. Çox çətin mövqelər idi. Sıldırım qayalar və dəhşətli şaxta var idi. Mən ora gedəndə yay geyimində getmişdim. Çünki burada havalar hələ də isti idi. Getdim gördüm ki, orada hava həddindən artıq şaxtalıdır. Mənim üçün fərqli bir keçid oldu. Dəhşət içində idim ki, 30 ildir ki, əsgərlərlərimiz, hərbiçilərimiz burada vuruşublar".

Müharibə başladı və o bütün arzularının, sənətinin, doğmalarının üstündən xətt çəkib diqqətini ancaq müharibəyə yönəldib: "Çünki, sağ qalmaq şansı çox az idi. Ora elə idi ki, ora nə top, nə də minamyot qalxa bilirdi. 3200 metr yüksəklikdə düşmən postu idi. Biz də təxmini 3000 metr yüksəklikdə idik. Ora yalnız piyada qalxa bilirdik. Silahla bərabər bütün əşyalarımız 32-33 kq idi. Hər gün də qar yağırdı. Mən qayıdanda artıq dizdən yuxarı idi qar. Artıq Bakıya gələcəyimə inamım qalmamışdı. Orada ölüm ən adi bir şey idi. Mənə atılmış, məndən yan keçmiş snaryad güllələrini sonradan bir neçə dəfə saymışam. İstədim o güllələri özümlə götürüm, xatirə kimi saxlayım. Amma komandirlərim icazə vermədilər ki, yolda problem ola bilər. Bu, hərbi sursatdır, mülki həyata keçməməlidir".

© Sputnik / Shahperi Abbasova
Vətən müharibəsinin iştirakçısı Ruslan Kərimov

Ruslan deyir ki, komandirləri bir neçə dəfə onun həyatını xilas ediblər: "Güllələr atılırdı, güllə yanımdan keçəndə komadir mənim sinəmdən tutub qayanın arxasına atdı. Orada bizim mövqeyimiz qayaların arxası və qazılmış xəndəklər idi. Müharibə başlayanın 3-cü ya da 4-cü günü idi. Çoxdan qurulmuş mövqe var idi, üzərində dəmir var idi. Düşmən öncə oranı vurdu. Biz oradan bir neçə dəqiqə ərzində çıxdıq. Tez səpələndik qayaların arxasına. Qarın üstündə oturmalı olduq. Həmin yerdə ocaq da yandıra bilməzdik. Çünki, yandırsaydıq, həmin yeri artilleriya ilə bombalayardılar. Qida bizim üçün fantastik bir şey idi. Çünki biz qayaların başında idik. Yeməkləri qayaların arxasında gizlədirdilər. Təkcə gedib həmin qidanı alıb-qayıtdıqda 4-5 saat keçirdi. Mən həmin postda 65 gün oldum. Müharibə bitdi. Biz düşdük briqadaya. Dekabrın 31-i evə qayıtdıq". 

Nə qədər həyatımız üçün riskli də olsa hər bir azərbaycanlı kimi qəhrəmanımızın da ən böyük arzusu idi ki, 30 il həsrətini çəkdiyimiz o torpaqlara ayaq bassın: "O həvəs, o həyəcan artıq bizdə düşmən qorxusunu da, güllə qorxusunu da, ölüm qorxusunu da məhv etmişdi. Çox mistik bir hisdir, sənin torpağındır və sən ora ayaq basa bilmirsən. Orada Ömər aşırımı postu var. Çox dəhşətli post idi. Oradan Kəlbəcərə keçdik. Oradan bizi, yəni könüllüləri Prezidentin sərəncamına əsasən tərxis etməyə başladılar".

Kərimov "Kəlbəcərin azad olunmasına görə" medalı ilə təltif olunub: "Açığı, gözləmirdim. Mən ora nəyəsə görə getməmişdim. Xəbəri komandirim çatdırdı mənə. Görəndə çox sevindim. Müəyyən müddət keçməsinə baxmayaraq hələ də o ab-havadan çıxmamışam. Tez-tez yuxularıma girir müharibə, şəhid olmuş döyüş yoldaşlarım. Müharibənin 3-cü günü mayor Rahib Babayev bizə dedi ki, hərə boynundan bir patron assın. Güllənin içini boşaltsın, ad-soyadınızı və əlaqə nömrəsi yazıb ondan boyunbağı hazırlasın. Boynunuzdan asırsınız, müharibə bitənə qədər boynunuzdan çıxarmayın onu. Birdən şəhid olsanız, tanınmaz halda olsanız, həmin boyunbağı vasitəsi ilə sizin ailənizlə əlaqə saxlaya bilərik. Orada anladım ki, bizim yaşadığım adi həyatdan tam fərqlənir müharibə.

Orada mütləq özünü hazırlamalısan. Soyuqqanlı olmaq lazımdır mütləq. Orada məndən də yaşca balaca əsgərlər var idi. Onlara görə, həm də özümə görə maksimum soyuqqanlı olmağı öyrəndim. Orada soyuqqanlı idim. Amma müharibədən sonra mənə hər şey təsir etməyə başlayıb. Oradakı hadisələr sanki indi-indi mənə təsir edir".

"Müharibədən əvvəlki Ruslanla, müharibədən sonrakı Ruslan arasında fərq böyükdür. Müharibə insanı tamamilə dəyişir" deyir həmsöhbətimiz:

"Müharibə ölümlə yaşam arasında çox incə bir xəttdir. Hansı ki, sən o xəttin üstündə yerimək məcburiyyətindəsən. Adi həyatda biz bu xəttə çox uzağıq. Amma müharibədə belə deyil. Bu hisləri sözlə əvəz edə bilmərəm. Orada gördüyüm dəhşətləri heç vaxt unutmayacağam, yəqin ki. Tək məndə yox, müharibədə bir gün belə olan insan o anları unuda bilməz. Əvvəl cəmiyyətə, təbiətə və ümumi bəşəriyyətə başqa cür baxırdımsa, indi o baxışların daha da dərinləşdi. Müharibədən qayıdandan sonra 1 ay yuxusuz qaldım. İndiyə qədər də yuxuda müharibəni görürəm. Döyüş dostları da fərqli olur. Onların yeri ayrı olur. Oradakı dostluqlar da adi həyatdakından fərqlənir. Çünki, onlar da səninlə birlikdə eyni həyatı yaşayır. Elələri var mənimlə birlikdə qayıdıb. Elələri də var ki, onlar hələ də oradadır. Hərbi xidmətləri hələ bitməyib".

© Photo : Courtesy of Ruslan Kerimov
Vətən müharibəsinin iştirakçısı Ruslan Kərimov

Gənc rejissor bildirir ki, Qarabağ müharibəsini əks etdirən çox az sayda film var. Onun fikrincə, həmin filmlər orada baş verənlərin heç 1 faizini belə, tamaşaçıya çatdıra bilmir: "Düşünürəm ki, bundan sonra olacaq. Müharibədən sonra da dəqiq, real hadisələrə söykənərək filmlər çəkiləcək. İstəyirəm müharibə filmləri çəkim. Bilirəm ki, çox çətindir. Qısametrajlı da olsa, film çəkmək istəyirəm. Başıma gələn hadisələrdən, müharibənin görünən və görünməyən tərəflərini vermək istəyirəm. Öz başıma gələn hadisələri toplayıb film kimi təqdim etmək istəyirəm. Oradakı qaranlıq məqamları göstərmək istəyirəm. Hansı ki, onu ancaq müharibəni görən insan bilir. Çox güman ki, adi müharibə filmlərindən fərqlənəcək".

Türkiyə Türkiyə Prezidenti Rəcəb Tayyib Ərdoğan Qarabağ Zəfəri və Xocalı qətliamı haqqında serial çəkilməsi barədə tapşırıq verib. Bununla bağlı Azərbaycanın Mədəniyyət naziri Anar Kərimov türkiyəli həmkarı Mehmet Nuri Ərsoyla görüşüb. Nazir Anar Kərimov bildirib ki, Qarabağ Zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi Azərbaycan və Türkiyə dostluq və qardaşlığın simvolu olacaq. Ruslan hesab edir ki, rejissor və ssenari müəllifi mütləq azərbaycanlı olmalıdır. Çünki o hisləri bizdən yaxşı heç kəs çatdıra bilməz: "Türkiyə qardaşımızdır, bu, öz yerində. Amma onları biz yaşamışıq, onu ancaq azərbaycanlı rejissor ssenarist və aktyor çatdıra bilər. Texniki baxımdan razılaş bilərəm. Texniki baxımdan kömək edə bilərlər".

Qeyd edək ki, Ruslan Kərimov müharibədən qayıtdıqdan sonra "İnilti" adlı ikihissəli qısa 3D animasiya film çəkib. Rejissorun verdiyi məlumata görə, film Xocalı soyqırımı haqqındadır: "Film Xocalı faciəsi zamanı ailəsi və bütün kənd əhalisi ermənilər tərəfindən vəhşicəsinə öldürülmüş bir uşaqdan bəhs edir. Bütün bu dəhşətləri o görür. Filmdəki hadisələr real faktlara əsaslanır. Bu, heç də mənim təxəyyülümün məhsulu olmasa da, hər kəsə məlumdur ki, Xocalıda baş verənlər filmdəki hadisələrdən daha dəhşətli olub".

Ruslanın dediyinə görə, film 2 aya, müxtəlif fasilələrlə çəkilib: "Zəif texnologiya ilə, adi bir noutbukda çəkmişəm. Əgər yüksək keyfiyyətli kompüter olsa idi, daha yaxşı görüntü, daha yaxşı keyfiyyətə render almaq imkanım olardı. Bu, ikihissəli olacaq. Bu, birinci hissəsidir. Əgər bəyənilərsə, 2-ci hissəsini davam edəcəm. Filmin heç bir büdcəsi yoxdur. Filmin çəkilişinə ayırdığım vaxt isə sadəcə işdən evə gəldikdən sonra bir neçə saatlıq məşğul olmağa imkanım olurdu. Mən də bu qısa vaxtlardan istifadə edərək təxəyyülümdəki hadisəni canlandırdım".

P.s. Azərbaycan Respublikası Kinematoqrafçılar İttifaqı bu gün Milli Kino mükafatını təqdim edib. Bu mükafatı 2 avqust Milli kino günü münasibətilə təşkil edilən tədbirdə Əməkdar incəsənət xadimi Rafael Qənbərova təqdim edilib. Mükafatın məbləği 2 min manatdır.

Qeyd edək ki, Milli Kino Mükafatı 2012-ci ildən Azərbaycan Respublikası Kinematoqrafçılar İttifaqının İdarə Heyətinin qərarı ilə təsis edilib və Azərbaycanda ən yüksək kino mükafatıdır.

Bu gün sözügedən tədbirdə “Qarabağ Azərbaycandır” ssenari müsabiqəsinin qalibləri də mükafatlandırılıb. Mükafatlar qaliblərə təqdim olunub:

Ən yaxşı tammetrajlı film ssenarisi – “Xəzər dalğası”: Rzayev Elnur Vahid oğlu. (Mükafatı – 5000 manat)

Ən yaxşı qısametrajlı film ssenarisi – “Xarı bülbül”: Nəsibli Leyla Eyvaz qızı. (Mükafatı – 3000 manat)

Qeyd edək ki, müsabiqəsnin qalibləri Nəsibli Leyla Eyvaz qızı ixtisasca həkim-pediatr, Rzayev Elnur Vahid oğlu isə iqtisadçıdır.

3859

Burgerlə ölçülən valyutalar: əslində dollar neçəyədir

0
(Yenilənib 21:24 03.08.2021)
"Big Mac İndeksi"ni 1986-cı ildə "The Economist" zarafat kimi icad edib. Ancaq indi bu, mahiyyət etibarilə alıcılıq qabiliyyəti paritetini təyin etmək üçün qeyri-rəsmi bir üsuldur - analoji məhsulların qiymətinə əsasən iki valyutanın bir-birinə nisbəti təyin edilir.

BAKI, 3 avqust — Sputnik. Rusiya və ABŞ-dakı "McDonald's" restoranlarında "Big Mac"ın qiymətinə əsasən, bir dollar 30 rubla başa gəlməlidir. Bu, 2013-ci ildəki göstəricidən azdır. Amerika iqtisadi jurnalının indikatoru nə qədər obyektivdir və niyə faktiki "burger" kotirovkaları bu qədər fərqlənir - RİA Novosti-nin materialında.

İqtisadçının zarafatı

"Big Mac indeksi"nə görə, Rusiya rublu, dəyərsizləşmə baxımından Livan funtundan sonra ikinci yerdədir. Burger eyni qiymətə satılmalıdır. Harada ki, onun qiyməti ABŞ-dakından daha ucuzsur, deməli, oradakı yerli valyutanın dəyərdən salınıb.

Rusiyada "Big Mac"ın qiyməti 169 rubldır, ABŞ-da isə 5.65 dollardır. Belə çıxır ki, ədalətli məzənnə 30-dur. Lakin real məzənnə - 74,53-dür. Yəni rus valyutası olduğundan təxminən 60 faiz aşağı qiymətləndirilir. Avro - 11,1, Britaniya funtu - 15,5% aşağı qiymətləndirilir.

Dörd pul vahidinin dəyəri isə olduğundan artıqdır. Venesuela bolivarı daha çox seçilir, o, 47,7 faiz ucuz olmalıdır. İsveçrə frankı - 24,7, Norveç və İsveç kronu - 11,5 və 9,6% dəyərindən artıqdır.

"Big Mac İndeksi"ni 1986-cı ildə "The Economist" jurnalı zarafat kimi icad edib. Ancaq indi bu, mahiyyət etibarilə alıcılıq qabiliyyəti paritetini təyin etmək üçün qeyri-rəsmi bir üsuldur - analoji məhsulların qiymətinə əsasən iki valyutanın bir-birinə nisbəti təyin edilir. İldə iki dəfə hesablanır.

Hər yerdə satıldığı üçün etalon kimi "McDonald's" hamburgerini seçdilər. Artıq 1980-ci illərdə fast-food restoranları şəbəkəsi qlobal biznesə çevrilmişdi. Xaraklterik "M" hərfi Bermud adalarında, İran, Makedoniya, Yəmən, Monteneqro, Şimali Koreya, Zimbabve, Boliviya, Ermənistan və İslandiyada yoxdur.

Əsas odur ki, klassik "Big Mac" hər yerdə eynidir və əlçatan məhsullardan ibarətdir: çörək, pendir, kotlet, tərəvəz.

Son iyul reytinqinə görə, əksər ölkələrdə "Big Mac" ABŞ-a nisbətən daha ucuzdur. Xüsusilə Avstraliyada, Səudiyyə Ərəbistanında və Qətərdə. Siyahının sonlarında Azərbaycan, Türkiyə, Cənubi Afrika da var.

Məşhur, lakin qeyri-obyektiv

Rubla lazımi dəyər verilməməsindən on illərdir ki, danışılır. Lakin "Big Mac indeksi" ilə yanaşı, bir çox digər amillər də var və burger müxtəlif ölkələrdə eyni qiymətə ola bilməz. Məsələn, Rusiyada əməkhaqqı və icarə pulu ABŞ-a nisbətən xeyli aşağıdır. Ona görə də qiymət daha aşağı olur. Üstəlik, məişət elektronikasından və ya smartfonlardan fərqli olaraq biqmakları heç kim idxal etmir, onları yerindəcə istehsal edirlər. "İPod indeksi"nə görə, rublun dəyərinin çox olduğu ortaya çıxır və biqmak daha ucuz satılmalıdır.

Bundan əlavə, "McDonald's" qiymətləri əhalinin real gəlirlərinə və alıcılıq qabiliyyətinə əsaslanaraq təyin edir. Vergi və rəqabəti də unutmaq  olmaz. Buna görə də "Big Mac indeksi" qeyri-obyektivdir. Daha mürəkkəb və şəffaf müqayisə üsulları da var. Məsələn, ilkin ehtiyac  məhsulları, xammal, yarımfabrikatların qiyməti əsasında. Onların qiymətini kommersiya sirri kimi saxlayan bir özəl şirkət deyil, bazar formalaşdırır.

İş "Big Mac"da deyil

Milli valyutanın məzənnəsini ölkənin uzunmüddətli ödəniş balansının və pul kütləsinin dinamikası müəyyən edir ki, bu da öz növbəsində inflyasiyaya təsir göstərir.

Mərkəzi banklar beynəlxalq və daxili valyuta bazarında əhəmiyyətli oyunçulardır. Tənzimləyicilər milli valyutanın kəskin düşməsinin qarşısını ala, yaxud da əksinə, möhkəmlənməni məhdudlaşdıra bilərlər.

Ölkələr arasında ticarət rəqabətində əsas metodlarından biri olduğu üçün valyuta məzənnəsi onların mütləq nəzarəti altındadır. Nəticədə pulun dəyəri çox vaxt təhrif olunur.

Üstəlik, sərbəst ticarət olunan hər hansı bir aktiv kimi, kotirovkalara bazar iştirakçılarının gözləntiləri daxil edilir.

Beləliklə, "biqmaq indeksi"nə etibar etmək olmaz.

"Qiymətləndirilməmiş onluğa əsasən dünyada yayılma baxımından ilk yüzlüyə düşməyənlər daxildir. Bunun bariz nümunəsi Livan funtudur. Buraya Rusiya rublu da daxil olub. Bununla yanaşı, ən çox qiymətləndirilən - ABŞ-dan bütün mümkün sanksiyaları "qazanmış" və dəhşətli inflyasiyanın hökm sürdüyü Venesuela bolivarıdır", - "CMS Institute"nun iqtisadi və maliyyə tədqiqatları departamentinin əməkdaşı Nikolay Pereslavski qeyd edib.

Onun sözlərinə görə, rubla son yeddi il ərzində geosiyasət təsir edib: Rusiya əleyhinə sanksiyalar, onların genişlənməsi riskləri. Neft kotirovkaları da ənənəvi olaraq vacib rola malikdir. Qara qızılın qiyməti artarkən Maliyyə Nazirliyinin valyuta almasının büdcə qaydası da təsir göstərir. Beləliklə, rublun həddən artıq möhkəmlənməsinin qarşısı süni şəkildə alınır. Ümumiyyətlə, məzənnə formalaşdırılması siyasəti rublun güclənməsinə kömək etmir. İş bundadır ki, orta dərəcədə zəif olan rubl xaricə tədarüklərdən büdcə gəlirlərini artırır. Bu, iqtisadiyyatda üstünlük təşkil edən ixracatçıların da marağındadır.

Dolayı amillər - daxili siyasət və qlobal maliyyə bazarlarının atmosferidir. "Sanksiyalar olmasaydı, Rusiya valyutasının kotirovkasının ən azı 1.5 dəfə baha olması ehtimalı çox yüksəkdir", – deyə ekspert bildirib.

Hər halda, ilin sonuna qədər dolların məzənnəsi 70 rubldan aşağı düşməyəcək. Ancaq siyasi risklərə görə 80-ni keçməsi də olduqca realdır. Çox güman ki, məzənnə dollar üçün 73-77, avro üçün isə 85-90 rubl civarında qalacaq.

Eləcə də oxuyun:

  • Dönüşü olmayan nöqtəyə gəldilər: ABŞ iqtisadiyyatı analitikləri məyus edib

  • Milyardlarla avronun dəfni: Merkelin gedişi çox şeyi dəyişə bilər

  • Rusiya və ABŞ Avropa bazarını bölüşdürürlər: qaz anbarlarını kim dolduracaq?

  • Az yeyəndə arıqlayır məsəli: Rusiyaya çox baha neft gərək deyil

0
Teqlər:
rubl, dollar, Rusiya, indeks