Simfonik orkestr

Bakıda VIII Beynəlxalq Rostropoviç Festivalı keçiriləcək

1
(Yenilənib 19:38 21.05.2015)
Festival çərçivəsində Azərbaycan Dövlət Akademik Opera və Balet Teatrında məşhur İtaliya bəstəkarı R.Leonkavallonun “Payatsı” operası nümayiş olunacaq

BAKI, 16 may — Sputnik. Heydər Əliyev Fondu, Azərbaycan Mədəniyyət və Turizm Nazirliyi və Mstislav Rostropoviç Fondunun təşkilatçılığı ilə mayın 17-dən 24-dək Bakıda VIII Beynəlxalq Rostropoviç Festivalı keçiriləcək.

Nazirlikdən verilən məlumata görə, festivalda xarici ölkələrdən dünya şöhrətli musiqiçilər və kollektivlər – Luici Kerubini Gənclər Simfonik Orkestri, Qalina Vişnevskayanın Opera İfaçılığı Mərkəzi, Rikkardo Muti, İqor Butman, Aleksandr Solovyov, Arseni Çubaçin, habelə Azərbaycanın tanınmış musiqiçiləri Rauf Abdullayev, Ü.Hacıbəyli Azərbaycan Dövlət Simfonik Orkestri, Azərbaycan Dövlət Xor Kapellası və solistlər Azərbaycan Dövlət Filarmoniyası, Heydər Əliyev Sarayı, Kamera və Orqan Musiqisi Zalı, Milli İncəsənət Muzeyinin səhnəsində çıxış edəcəklər.

Festival çərçivəsində Azərbaycan Dövlət Akademik Opera və Balet Teatrında Qalina Vişnevskayanın Opera İfaçılığı Mərkəzinin truppası tərəfindən məşhur İtaliya bəstəkarı R.Leonkavallonun “Payatsı” operası nümayiş olunacaq.

1