Deli, arxiv şəkli

Popkorn, Hindistanın narahatlığı, paxıl qərblilər “Forsaj”ın "dirilişi"

523
“Hirslən, görüm kimsən”. İnsan psixologiyasının olduqca vacib detalını açır bu fraza. Yəni əslində, hər birimiz içimizi, əsl simamızı fors-majorla, çətin vəziyyətlə üzləşdikdə göstəririk

Anons

Azərbaycan əsgəri Qarabağı məmurlar zəbt etsin deyə azad etməyib. Prezident ötən həftənin əvvəlində AzTV-yə verdiyi müsahibədə bu kontekstdə bir neçə qurumun rəhbərini yaş yuyub, quru sərdi. Bu, yalnız bəzi məmurların Şuşada iqamətgah tikmək arzusuna ali səviyyədə göstərilən reaksiya deyildi, ictimai rəy o qənaəti hasil edib ki, bu, kadr islahatların davam edəcəyinə dair anons idi. Popkorn alıb hazır qoyun, ola bilsin ki, tezliklə “qara maskalı” oğlanların iştirakı ilə yeni qısametrajlı filmlər izləyək. Baxmayaraq ki, ötən həftə həbs olunan sabiq nazir Səlim Müslümovla bağlı “film” hələ ekranlara çıxmayıb. 

Peyvənd müharibəsi?!

© Official website of President of Azerbaijan Republic

“Hirslən, görüm kimsən”. İnsan psixologiyasının olduqca vacib detalını açır bu fraza. Yəni əslində, hər birimiz içimizi, əsl simamızı fors-majorla, çətin vəziyyətlə üzləşdikdə göstəririk. Eyni deyimi dövlətlərə proyeksiya etsək, böhranlar da dövlətlərin kimliyini açır. Pandemiya bu baxımdan olduqca yaxşı “fürsət”ə çevrildi. Bir çox dövlətlər özünəqapanmanın onları qoruyacağını düşündü, zəngin ölkələrin bir çoxu beynəlxalq mübarizədə, sadəcə, seyrçi idi. İkinci “ifşa” peyvəndləmə dövründə baş verdi. Bir çox kasıb ölkələr vaksini ala bilmədiyi halda, bəziləri görməmişliklə kütləvi peyvəndləməyə başladı. Faktlara baxın: dünya əhalisinin 14 faizini təşkil edən inkişaf etmiş ölkələr ümumilikdə istehsal olunmuş vaksinlərin 53 faizini sifariş ediblər. “Moderna” vaksininin 98 faizini, “Pfizer” vaksininin 96 faizini zəngin ölkələr sifariş ediblər. 38 milyon əhalisi olan Kanada isə 154 milyon əhaliyə vaksin almaq üçün müraciət edib və s.

Go on!

İngilislər demiş, “go on”! Britaniyalılar da peyvəndə hərisliklə girişmiş xalqlar sırasındadır. Amma nə qədər fatalist yanaşma olsa da, pandemiyanın tezliklə, bu vaksinasiya dövründə başa çatacağına inam böyük deyil. Koronavirus pandemiyasının başa çatması üçün dünya əhalisinin 3/4 hissəsi peyvənd olunmalıdır. “Bloomberg” informasiya agentliyinin hesablamasına görə, bu qədər insanın vaksinasiya prosesindən keçirilməsi üçün yeddi il vaxt lazımdır. Hələ nəzərə alsaq ki, skeptik yanaşmalar üzündən hamı peyvənd vurdurmaq fikrində deyil. Məsələn, ABŞ-da aparılmış sorğuya görə, hər dörd amerikalıdan biri koronavirusa qarşı peyvənd olunmaq istəmir. Və budur daha bir xəbər: İngilis alimlər ölkədə müəyyən edilən koronavirusun daha sürətlə yayılan variantında dəyişikliklər olduğunu açıqlayıb.

Səfirlər və səfərlər

Azərbaycandakı xarici diplomatlar Cəbrayıl və Zəngilana gediblər. Diplomatlar azad olunmuş ərazilərdə erməni vandalizminin nəticələrini gözləri ilə görüblər. Liviyanın Azərbaycandakı müvəqqəti işlər vəkili Əşrəf Adəm isə Zəngilan məscidində namaz qılıb. Əgər oraya məscid demək olarsa. Ermənilər Allahın evini xarabalığa çeviriblər.

Şübhəsiz, bu səfərlərin təşkili informasiya müharibəsində olduqca vacibdir. Düşmənin yalan maşınını müharibədə texnikalarını dağıtdığımız kimi dağıtmalıyıq.

Bu arada Ermənistandan Xankəndiyə getmək istəyən Fransadan olan keçmiş merlərdən birinin rəhbərliyi ilə bir qrup jurnalisti sülhməramlılar pərt ediblər: "Əgər getmək istəyirsinizsə, Azərbaycanda akkreditasiyadan keçin”.

Qeyri-rəsmi məlumata görə, Fransa səfiri C.Lakot Nikol Paşinyanla əlaqə yaradır və nə baş verdiyini anlamağa çalışır. Nikol isə yanvarın 11-də beynəlxalq mətbuat nümayəndələrinin Azərbaycanda akkreditasiyadan keçməli olması barədə razılıq əldə olunduğunu bildirir və ümumiyyətlə, bu məsələyə qarışmamağı tövsiyə edir.

Bir sözlə, bu həftə həm də səfirlər və səfərlər həftəsi idi. Bütün hallarda Azərbaycanın xeyrinə!

Hindistan mədəniyyətinə itki

Tanınmış kinorejissor Vaqif Mustafayevin “Space” telekanalının rəhbəri vəzifəsindən istefa verməsi (ya da azad olunması) həftənin ən yaddaqalan mədəniyyət hadisəsi idi. 

Bəli, bu, ilk növbədə mədəniyyət hadisəsidir, çünki “Space” illər ərzində izləyicilərinin zövqünə hücum etməkdə, mədəni inkişafına badalaq vurmaqda davam etmişdi. Bütün məsuliyyəti rəhbərin boynuna qoymaq nə qədər doğru olmasa da, müzakirələrdən belə aydın olur ki, ictimiayyətin böyük kəsimi məhz bundan sonra telekanalın dəyişəcəyinə ümid edir. Hindistanlıların isə kanaldakı dəyişiklikdən narahat olduqları bildirilir.

Dağılan stereotiplər

ABŞ-ın keçmiş prezidenti Donald Trampın qızı İvanka və əri Cared Kuşner 2020-ci ildə gəlirlərinin əhəmiyyətli hissəsini itiriblər. Cütlük 2020-ci il və 2021-ci ilin ilk 20 günü üçün ümumi gəlirlərinin təxminən 120 milyon dollar olduğunu bildiriblər. Bu, ötən ilin eyni dövrü ilə müqayisədə 20 faizdən çox zərər deməkdir. Görəsən, Tramp ailəsi üçün Donaldın prezidentliyi lazım idimi?! Yəqin ki, yox.

Tramp çoxumuz üçün ABŞ cəmiyyətinə yad olduğunu düşündüyümüz bir sıra stereotipləri dağıtdı: birincisi, Qərbdə insanların vəzifəyə can atmadığı haqqında fikir Trampla deformasiyaya uğradı. İkincisi, qeyri-standart qərarlar, komanda daxilində avtoritar lider siması ilə özünü sistemdənkənar siyasətçi kimi apardı. Nəhayət, Tramp biznesdə qazandığı xarakteri və davranışları siyasətdə tətbiq etdi, ABŞ-ın beynəlxlaq siyasətində gözlənilməz dəyişikliklərə getdi.

Sumqayıtda “Forsaj”

Filmlərdən izlədiyimiz görüntüləri Sumqayıtda avtobusu qaçıran keçmiş məhkum canlı izləməyə imkan yaratdı. 1977-ci il təvəllüdlü C.Quluyev sərxoş vəziyyətdə idarə etdiyi “Daewo” markalı avtobusla işıqforun qırmızı işığında hərəkətini davam etdirib, həmin ərazidə xidmət aparan yol polisi əməkdaşlarının saxla işarəsinə isə tabe olmayıb. Film də bundan sonra başlayıb. Şəhər küçələrində şütüyən avtobus və arxasınca düşən DYP əməkdaşlarının avtomobilləri...

Amma baş verənlərə görə müəllifin yaşadığı Sumqayıt məsuliyyət daşımır: sərxoş sürücü Qaradağdan gəlib, hüzurlu şəhərin sükutunu pozub. Dəmir barmaqlıqlar arasında hüzur olmasa da, sakitlik və düşünmək üçün vaxt mütləq olur.

 

523
İmtahan

DİM-in səriştəsizliyi yaxud imtahanda biznes maraqları

1241
(Yenilənib 23:34 02.03.2021)
Nəqliyyatın işləmədiyi günə imtahan təyin edən DİM, iştirakçıların imtahan verilən binalara necə və nə ilə gedəcəyi ilə bağlı qətiyyən düşünməyib.

Dövlət İmtahan Mərkəzinin ötən bazar magistratura pilləsi üçün keçirdiyi qəbul imtahanın sualları sosial şəbəkələrdə müzakirə edilir.

Bəzi imtahan suallarına lağ edənlər, sualların məzmunu ilə əylənənlər də var.

Əslində suallar elə tərtib olunmuşdu ki, iştirakçılar lazım olan balı toplaya bilməsin və növbəti mərhələdə iştirak etsin.

DİM-in bu məsələdə maraqlı olduğunu aşağıda izah etməyə çalışacağam.

Məncə DİM, ölkəmizdə fəaliyyəti qənaətbəxş olan qurumlardan biridir. Daha doğrusu pandemiyaya qədər belə idi. Pandemiya bütün sahələrə, xüsusilə təhsilimizə təsir etdiyi kimi, DİM-in fəaliyyətinə kifayət qədər mənfi təsir edib.

Ötən il keçirilən buraxılış və qəbul imtahanlarıyla bağlı kifayət qədər narazılıqlar var idi.

Bu il magistratura pilləsi üçün keçirilən imtahan isə ümumiyyətlə bərbad idi.

Bəli, nələrsə yolunda getmir və buna görə müxtəlif bəhanələr səsləndirilir.

Düşünürəm ki, heç bir səbəb DİM-in magistratura imtahanlarının təşkilində yol verdiyi səriştəsizliyə haqq qazandırmır.

***

Həfətəsonu, nəqliyyatın işləmədiyi günə imtahan salmaq və imtahan keçiriləcək binalarının əksəriyyətini şəhər mərkəzindən kənara təyin etmək imtahanda iştirak edənlər üçün olduqca ciddi problem yaradırdı.

Şəxsən bu çətinliyi yaşadım və bununla bağlı irad bildirənlərlə tamamilə razıyam.

Pandemiya dövründə valideyinlərin, imtahan verənlərin yaxınlarının imtahan binası qarşısında izdiham yaratması da, məhz DİM-in səriştəsizliyinin göstəricisidir.

Ümumiyyətlə 28 fevral 2021-ci il tarixində magistratura pilləsinə təşkil edilən imtahan, təhsildən daha çox biznes layihəsi abu-havası yaradırdı.

Rəsmi məlumata görə bu il imtahanda iştirak üçün 19885 bakalavr ərizə təqdim edib. İmtahanda iştirak ödənişli (50 AZN) olduğu üçün, DİM-nin büdcəsinə qısa müddət ərzində 994 250 AZN vəsait daxil olub. Müxtəlif səbəblərdən imtahanda iştirak edə bilməyənlərin vəsaitinin geri qaytarılmadığını da düşünsək, bu imtahanda DİM-in kommersiya maraqlarının daha qabarıq olduğunu düşünə bilərik.

Şübhəsiz ki, toplanan vəsaitlə imtahanın təşkilati işlərini daha yüksək səviyyədə təşkil etmək olardı.

Təssüf ki, nəqliyyatın işləmədiyi günə imtahan təyin edən DİM, imtahan iştirakçılarının imtahan verilən binalara necə və nə ilə gedəcəyi ilə bağlı qətiyyən düşünməyib.

Düzdür, rəsmi xəbərlərdə qeyd olunub ki, DİM-də operativ qərargah fəaliyyət göstərib. Ancaq bu fəaliyyət nədən ibarət olduğu prosesdə aydın olmadı.

Dolayısıyla təşkilati işlər bu qurumu ümumiyyətlə narahat etməyib. Məhz bu problemlərə görə DİM məsuliyyət daşıyır. DİM-in yarıtmaz təşkilatçılığı səbəbindən imtahanda iştirak edə bilməyənlərin vəsaiti onların şəxsi hesabına qaytarılmalı, növbəti imtahanda məhz bu vəsaitlə iştirak etmələrinə şərait yaradılmalıdır.

***

Və daha bir önəmli məqamı qeyd edək.

Məhz bu məqam da DİM-in məsələyə səriştəsizcəsinə və laqeyid yanaşdığını sübut edir.

İmtahan zamanı qarşılaşdığımız absurd məqamlardan biri də suallarla bağlıdır.

Təsəvvür edin, riyaziyyatçı və dilçi eyni məntiq suallarına cavab verməlidir.

Bəli, hamı eyni suallara cavab verib, müxtəlif ixtisaslarda təhsil alacaq. Bir qədər qəribə görünür, deyilmi?

Riyaziyyatçı xarici dildən imtahan verir, dilçi informatika və riyaziyyala bağlı məntiq suallarını cavablandırır.

Məsələn, tərcümə sahəsi üzrə magist təhsili almaq istəyən şəxs, öz sahəsindən bircə suala belə cavab vermir.

Bunun nə dərəcədə məntiqli olduğuna yəqin ki, müstəqil təhsil ekspertləri cavab verə bilər.

Hər halda heç də məntiqli görünmür.

***

Yuxarıda qeyd etdiyim kimi, pandemiya nəticəsində təhsilimiz ciddi problemlərlə üz-üzədir. Hamımız övladlarımızın gələcək taleyindən, onların təhsilindən narahatıq.

Dövlət İmtahan Mərkəzinin bu səriştəsizliyi, daha doğrusu laqeyidliyi təhsilimiz üçün ciddi problemdir və gəncliyi elmdən, təhsildən uzaqlaşdırır. Ümid edirəm ki, DİM rəsmilərinin ağlabatan və məntiqli izahı olacaq.

Təhsilə bu şəkildə yanaşmaq gələcəyimizə biganəlikdir…

1241
Teqlər:
Dövlət İmtahan Mərkəzi (DİM) Direktorlar Şurası, DİM
İsgəndər M raket kompleksi

İntiharlar, meşələr, "İsgəndər"lər, sumqayıtlılar tramvaylar…

79
(Yenilənib 11:28 01.03.2021)
Separatçılara "rus dili" bayrağı da kömək etməyəcək, onlar üçün vəziyyət "rusca"dan da pisə, təxminən "Erməni budaq cümlələri"nə doğru gedir.

7x7 həftənin ən yaddaqalan hadisələrini şərh edir

Mətbuat konfransı

4 saat, 35 media nümayəndəsinin 50-dək sualını bir qurtum su içmədən cavablandırmaq. Və niyə məhz indi? Ermənistandakı revanşist qüvvələrin çağırışları, sülhməramlıların bir neçə naqolay davranışı, status məsələləri ilə bağlı müxtəlif manipuliyasiyaların müşayiət olunduğu indiki məqam, görünür, təsadüfən seçilməmişdi.

...Separatçılara "rus dili" bayrağı da kömək etməyəcək, onlar üçün vəziyyət "rusca"dan da pisə doğru, təxminən "Erməni budaq cümlələri"nə doğru gedir. Regiondakı indiki situasiya Ermənistanın düşdüyü çuxurdan xilası üçün şansdır. Bunu qanmamaq oturduğun budağı kəsmək kimi bir şey olacaq. Bunu şüursuzluqdan edəndə axmaqlıq, şüurlu edəndə adı intihardır.

İntiharlar həftəsi

Həftə ərzində intihar hadisələri gündəm oldu. Gənc qızın özünü 20-ci mərtəbədən atması valideyn-övlad münasibətlərindəki boşluqları da bir daha aktuallaşdırdı. Ancaq bu, yeganə suisid faktı deyildi. Ceyranbatan qəsəbəsində 20 yaşlı M.Məmmədhəsənov özünü yaşadığı evdə asdı. Onun bir neçə gün əvvəl sevdiyi qızdan ayrıldığı, qızın isə başqası ilə nişanlandığı bildirildi. Srağagün isə İdman Akademiyasının tələbəsi Seymur Əsgərovun intihar xəbəri yayıldı... ötən həftə də bir tələbə intihar etmişdi. Dünən isə Abşeron rayonunda 15 yaşlı qız intihara cəhd etdi və s.

İntihar elə bir aktdır ki, ani emosional hissdən yaranır, əgər həmin anda onun qarşısını almaq mümkün olsa, bəlkə də bir neçə dəqiqə sonra peşmançılıq hissi insana hakim kəsilər. İstənilən halda, gənclərin intihar faktı bir neçə problemi bir daha nəzərdən keçirməyə vadar edir: valideynlərin övladının dostu ola bilməməsi, məktəb psixoloqlarının sadəcə, ştat kimi mövcud olduğunu, cəmiyyətin empatiya hissini itirməsi, sosial şəbəkələrin real ünsiyyəti azaltması ilə özünəqapanma hallarının artması...

Bu arada 2020-ci ildə ölkədə 597 intihar faktı qeydə alınıb. Bu, 2019-cu illə müqayisədə 32 nəfər çoxdur.

Dünyanın bəzi ölkələrində isə vəziyyət daha kritikdir. Məsələn, intiharların artdığı Yaponiyada "Tənhalıq Nazirliyi" yaradılıb. Koronavirus təkcə öz virusu ilə öldürmür, psixoloji affekt halını da artırır. Britaniyanın "Lancet Psychiatry" nəşrinin pandemiyanın yeni başladığı dönəmlərdə məqaləsi bu mənada SOS siqnalı verirdi - Glasgow Universitetinin professoru Rori O'Connorun proqnozu belə idi: "Heç bir tədbir görülməyəcəyi təqdirdə həyəcan və depressiya kimi halların, eləcə də spirtli içkilər, narkotik və qumar oyunlarına müraciət edənlərin və evsiz qalanların sayının və bu kimi digər fəsadların sayının çoxalması riski artacaq".

Meşə: kriptovalyuta

Böyükşor və Zığ gölləri İqtisadiyyat Nazirliyindən alınıb, Ekologiya və Təbii Sərvətlər Nazirliyinə verildi. Göllərin niyə bu vaxtadək ETSN-də olmadığını müzakirə etmədən, maraqlı bir faktı diqqətinizə çatdırım – bir vaxtlar ölkədə meşələrin banklara verilməsi təşəbbüsü olub. İdeyanın özəyi ondan ibarət imiş ki, banklar meşələri təxminən kriptovalyuta kimi qoruyur, satır, alır və bu, onun kapitalı kimi qiymətləndirilir. Nəticədə, meşələrin qırılmasının qarşısı alınır.

Bu arada Amazonun tropik meşə sahələri qeyri-qanuni şəkildə "Facebook" üzərindən satışa çıxarılıb. Ərazisində meşələr və çaylar olan bu sahələr əslində yerli xalqlara məxsusdur. İstənilən şəxs "meşə", "cəngəllik" kimi açar sözlərin köməyilə, yaxud da yerləşmə ərazisi olaraq Amazon meşələrini göstərməklə "Facebook Marketplace"dəki həmin elanları görə bilər.

İntiharlardan meşələrə keçmişkən, Yaponiyada "İntihar meşəsi var": Aokigahara. 60-cı illərədən özünü öldürmək istəyən bir çox sayda insan bu meşəyə üz tutur. Seicho Matsumoto adlı yapon yazıçının 1960-cı ildə yazdığı "Black sea of trees" adlı romanının sonunda iki sevgili intihar etmək üçün Aokigahara meşəsinə gedib özlərini asırlar. O tarixdən etibarən meşə yaponların intihar etmək üçün getdikləri məskən halına gəlir. Ancaq meşədə onları intihardan yayındırmaq üçün çağırış edən plakatlar var, bəzən bu, onları ayıldır, bəzən isə, təəssüf ki, yox...

Təbiətə təslim olmaq

Təbiətdən söz düşmüşkən, bu həftə Bakı qara təslim oldu. Düzdür, bu, uzun çəkmədi, amma hər halda, bir gün ərzində yolar buz bağladı, nəqliyyatın işi əksər ərazilərdə yarıiflic vəziyyətə düşdü. Qınamalı deyil, qar artıq bizim üçün qeyri-adi təbiət hadisəsinə çevrilib, yağıntısı təxminən 10 ildən bir baş verir, belə fors-majora hazır olmamağımızı anlayışla qarşılayaq.

İsgəndər-şou

Ermənistanda ara qarışıb, məzhəb itib. Baş Qərargah rəisi Paşinyanı istefaya çağırıb, o da bunu dövlət çevrilişinə cəhd kimi qiymətləndirərək, rəisi istefaya göndərib, ancaq prezident bu istefanı təsdiqləməyib. Ölkədə etiraz aksiyaları davam edir.

Serj Sarkisyan Paşinyanı başlarının əzildiyi müharibədə "İsgəndər" raketlərindən lazımi anda istifadə etməməkdə ittiham edib, baş nazir də təxminən deyib ki, utanmasan, oynamağa nə var ki..., bu raketləri sən özün almısan, biz onları istifadə etdik, ancaq 10 faizi işlədi, yəni partlamadı. Başqa sözlə, büdcəni yeyib, talamısınız, aldığınız raketlər kukruznik kimi bir şeymiş.

Prezident İlham Əliyev jurnalistlər üçün mətbuat konfransında bildirdi ki, ümumiyyətlə, Azərbaycana bu raketdən atılmayıb.

ABŞ prezidentini sumqayıtlılar seçir

İroniya filan deyil. Sumqayıtın intellektual gənclər şəhəri olması çoxdan məlum idi. İndi ABŞ Federal Təhqiqatlar Bürosunun axtarış siyahısına baxanda bir daha buna əmin olursan. 2016-cı ildə keçirilən prezident seçkilərinə qeyri-qanuni müdaxilə etməsi ittihamı ilə 13 Rusiya vətəndaşını rəsmi axtarışa verib. Axtarışa verilənlərdən biri də 1990-cı ildə Sumqayıtda anadan olan Ceyhun Aslanovdur. C.Aslanovun 2014-cü ilin sentyabrından 2018-ci ilin 16 fevralınadək ABŞ-da sosial media platformalarında əməliyyatlar aparan İnternet Tədqiqat Agentliyində Tərcümə layihəsinin rəhbəri vəzifəsində çalışdığı bildirilir. FTB C.Aslanovun yeri haqqında məlumat verən şəxsə 75000 dollar mükafat vəd edib.

Sumqayıtla belə danışmaq olmaz, o xaraktersiz şəhər deyil. 1963-cü ildə Oktyabr inqilabı ilə bağlı şəhər tədbirində fəhlələrin şəhərdəki çörək qıtlığına və qiymətlərin bahalaşmasına etiraz olaraq Xuruşovun plakatını cıraraq etiraz aksiyasına başlaması bütün SSRİ-də şəhəri məşhurlaşdırmışdı. İndi "delavoy" gənclər şəhərini ABŞ-da da tanıyırlar.

Tramvaylar qayıdır?

BNA-nın mətbuat katibi Mais Ağayev Bakıda tramvayların bərpası ilə bağlı iş aparıldığını söylədi. Yaşıl enerji ölkəsinə çevrilmək istəyiriksə, ekoloji cəhətdən səmərəli olan tramvayların dönüşü arzuolunandır. Tramvay həm də nostaljidir axı. Yaşı 30-dan yuxarı olub, köhnə tramvayların şəklini görəndə köks ötürməyən çox az adam tapılar yəqin ki... Tramvaylar indi hər bir müasir şəhərin vacib atributlarından birinə çevrilib. Bakımıza da yaraşar. Elə Sumqayıta da.

79
Asteroid

Yer kürəsi təhlükədə - beş asteroid birdən yaxınlaşır

0
(Yenilənib 23:28 05.03.2021)
Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

BAKI, 5 mart - Sputnik. Bu gecə Yer kürəsinə sərnişin təyyarəsi ölçüsündə asteroid yaxınlaşacaq. Sputnik Azərbaycan Report-a istinadla xəbər verir ki, bu barədə NASA JPL Elmi Tədqiqat Mərkəzi bildirib.

Saytdakı hesablamalara əsasən 2021 CF8 asteroidinin Yerdən ən yaxın məsafəsi 4,4 milyon kilometr təşkil edəcək. Göy cisiminin diametri 52 metrə bərabərdir.

Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

Növbəti 3 gündə Yer kürəsinin yaxınlığından növbəti həmçinin daha üç asteroid keçəcək. Onlardan ən böyüyü 2021 EB-dir. Onun diametri 43 metrə malikdir və planetimizdən 2,7 milyon kilometr məsafədə keçəcək.

0