Qoruyucu maskada olan insanlar

Saat kimi dəqiq işləyən sistem: o, ölkənin birliyini təmin etməlidir

67
Torpağı geri aldıqsa, deməli, bu yerləri Azərbaycanın digər bölgələrilə nəqliyyat infrastrukturu ilə birləşdirməyi də bacarmalıyıq. 

Dünyanın bir çox inkişaf etmiş ölkəsində yaşayan millətlərin birliyini yalnız adət-ənənə, ümumi dil, mədəniyyət, iqlim şəraiti təmin etmir. Mükəmməl təhsil və səhiyyə sistemi, genişzolaqlı və sürətli internet, istənilən qədər etibarlı internet resursunun olması, bazarda dəqiq və dolğun məlumat paylaşan KİV-in bolluğu da hələ tam mənada cəmiyyətin birliyindən xəbər vermir.

Bakıdakı həyatı bir əyalət şəhərinin ritminə bənzətmişdi

London, Paris, Tokio, Nyu-York kimi nəhəng şəhərlərin həyat ritmi olduqca yüksəkdir. Hətta koronavirus pandemiyası bu sürətli axını, hərəkəti dayandırmaq gücündə deyil. Moskva kimi meqapolisdə artıq 5 dairəli nəqliyyat sistemi qurulub. Hətta metrosu da həmin dairəlik prinsipini gözləyir. Bir-biri ilə birləşən metro xətlərində hərəkət artıq dairə boyu reallaşır. Daha sonuncu dayanacaq anlayışı yoxdur.

Londonda uzun müddət yaşamış bir həmyerlimiz geri döndükdən sonra Bakıdakı həyatı bir əyalət şəhərinin ritminə bənzətmişdi. London Bakıdan xeyli sürətli şəhərdir. Nəqliyyat sistemi bir an belə dayanmır, gecə-gündüz hərə bir tərəfə dayanmadan hərəkət edir.

Texnoloji gücü, qüvvəsi olan istənilən ölkə ilk növbədə öz şəhərlərində həmin sürətli axını təmin etmək barədə düşünür. Ölkə daxilində birliyi və həmçinin xarici bazarlara çıxışı təmin etmək üçün ilk növbədə sürətli nəqliyyat infrastrukturunun yaradılması barədə düşünülür. Avropa Birliyinin istənilən ölkəsində sürətli qatarlar və metro şəbəkəsinin qurulması işi daima diqqətdədir. Dünyanın texnoloji nəhənglərindən olan Çin, Cənubi Koreya, Yaponiyada elə sürətli elektrik qatarları və metro bir sistemdə birləşdirilib. Bu başdan min, neçə yüz kilometr yolu qısa zamanda qət edərək o biri başda düş, necə deyərlər.

Sürətli, tıxacdan azad olan nəqliyyat infrastrukturu Avropanın birliyini tam mənada təmin edə bilib. İşə gecikmək, harasa vaxtında yetişməmək anlayışı yoxdur, qatarlar dəqiq və bilinən qrafiklə mənzil başına yetişirlər. Bu, həm də nəqliyyatın digər növlərinə dəqiq bir nizamla çalışmağa da şərait yaradıb. Məsələn, Finlandiyada harasa gecikmək anlayışı yoxdur. Səbəbi isə məhz dəqiqliklə işləyən nəqliyyatın olmasıdır. Bunu yarada bildinsə, həm meqapolisdə, həm də şəhərətrafı qəsəbələrdə sıxlıq, tıxac problem müşahidə olunmayacaq.

Şəkidə yaşayan insanla Astarada yaşayan vətəndaşı axı nə birləşdirir?

Azərbaycanda da artıq neçə müddətdir nəqliyyat infrastrukturunun mükəmməlləşməsi üçün layihələr həyata keçirilir. Ara-sıra Bakıda metro stansiyaları açılır, Bakının bəzi kənd və qəsəbələrindən keçərək Sumqayıta doğru sürət qatarları hərəkət edir. Hətta Bakını dairəvi formada əhatə edəcək tramvay xətlərinin inşası layihəsi də var. Hətta tramvay xərlərinin Gəncədə də inşa ediləcəyi barədə qərar var.

Bu cür nəqliyyat sistemi istənilən şəhər və qəsəbəyə tam normal qaydada yaşamağa imkan yaradır. Sürət qatarına, metroya və ya tramvaya mindinsə, daha tıxac probleminə birdəfəlik yox deyə bilərsən. Sürət elektrik qatarları həm də bir psixoloji sabitliyin göstəricisidir. Belə bir təmiz, rahat nəqliyyatla hərəkət etməklə insanda işə gedib-gəlmək həvəsi yaranır. Qatara mindin, 20-25 dəqiqəyə mənzil başına çatdın. İki saat ağzınacan dolu bir avtobusda yol gəlmək, tıxacda nəyisə gözləmək insanı elə işə çatmamış yorur. Axşam da eyni mənzərə: saatlarla evinə dönmək üçün zaman sərf etməlisən.

Ölkədə bu istiqamətdə iş gedir, amma bu prosesin tempi elə də ürəkaçan deyil. Metro tikintisi, elektrik qatar və tramvay xətlərinin inşası daha intensiv sürətlə getməlidir. Azərbaycanda yaşayan hər bir vətəndaş ölkənin istənilən regionuna da səfər etməyi rahatlıqla reallaşdırmalıdır. İlk növbədə böyük şəhərlər arasında sürətli qatarların hərəkəti təmin edilməlidir. Bu, olduqca vacib məsələdir. Şəkidə, Saatlıda, Bərdədə yaşayan insanla Lənkəran və Astarada yaşayan vətəndaşı axı nə birləşdirir? Əgər şəkili Lənkəranda, lənkəranlı Bərdədə, bərdəli isə Astarada heç vaxt olmayıbsa, onda milli birlik haqqında danışmağına belə dəyməz. Hərə öz regionunda, öz problemi ilə yaşayır.

Qarabağı Azərbaycana məhz yeni nəqliyyat sistemi birləşdirməlidir

İşğaldan azad olunmuş Azərbaycan ərazilərində köhnə nəqliyyat infrastrukturu tam sıradan çıxarılıb. Hərbi əməliyyat dövründə isə sərhədyanı ərazilərə də ciddi ziyan dəyib. Tərtər şəhəri yarıdağılmış vəziyyətdədir. Qarabağı Azərbaycana məhz yeni nəqliyyat sistemi birləşdirməlidir. Tam dağılmış şəhərləri yenidən tikmək lazım gələcək deyə nəqliyyat infrastrukturunu dünya standartlarına tam uyğun olaraq quraşdırmaq olar. Deyək, Ağdamda əvvəllər tramvay xətləri olmayıb, amma şəhər yenidən tikiləndə bu nəqliyyat növünün yaradılmasını layihələrə daxil etməyinə dəyər. Dəmiryol xətləri inşa ediləndə burada sürətli qatarların hərəkəti mütləq nəzərə alınmalıdır. Azərbaycanın hər bir yerindən digərinə ən minimal zaman sərf etməklə hərəkət etməyi rahatlaşdırmalıyıq. 

Yeni nəsil illərdir Qarabağ və işğala məruz ətraf rayonlar barədə yalnız KİV və internet vasitəsilə məlumat əldə edə bilib. Ərazilər bərpa olunduqca insanlar bu yerləri görmək istəyəcəklər, oraya bir dönüş olacaq. Sürət qatarları bu imkanı verə bilər. Tam mənada yeni nəqliyyat infrastrukturu qurulmalıdır.

Saat mexanizmi kimi dəqiq işləyən nəqliyyat sistemi hər bir ölkənin birliyini, tamlığını təmin edən vasitədir. Belə bir imkanı olan ərazidə dünya birliyinə inteqrasiya olmağa, turizm imkanlarını genişləndirməyə, yüklərin asanlıqla daşınmasına şərait yaradır. Torpağı geri aldıqsa, deməli, bu yerləri Azərbaycanın digər bölgələrilə nəqliyyat infrastrukturu ilə birləşdirməyi də bacarmalıyıq. 

67

Soyuq Moskva, isti Şuşa “Puşkin” restoranı

26
Belə hadisələri eşitdikcə əmin olursan ki, dünya koronvirusdan daha artıq faciəyə də layiq görülə bilər.

Onlar üçün soyuq Moskva

Ermənistanın kapitulyasiyasından sonra ilk dəfə Azərbaycan və Ermənistan prezidentlərinin görüşü baş tutdu. Moskvada keçirilən görüş bölgənin kommunikasiya xətlərinin bərpasını özündə ehtiva edən sənədin imzalanması ilə yadda qaldı. Ancaq yadda qalan daha bir neçə detal var idi – Rusiya prezidentinin qalib liderlə daha səmimi qucaqlaşması, Paşinyanın içindən heç nə çıxarmadığı, ancaq yanında saxladığı və bir dəfə qurdaladığı çantası, bədən dilindəki gərginliyi, “status” məsələsini yenidən qabartması, amma ona heç kimin əhəmiyyət verməməsi...

İsti Şuşa

İlham Əliyev Şuşada
© Official website of President of Azerbaijan Republic

Ötən həftənin ən yaddaqalan hadisələrindən biri Ali Baş Komandan İlham Əliyevin Şuşaya səfəri idi.

Ermənilər Şuşanın işğalına “Dağlarda toy” adı vermişdilər. 28 il sonra Azərbaycan əsgəri qəsbkara elə toy tutdu ki, yəqin ki, əsrlər boyu unudulmayacaq.

Qalib sərkərdə “dəmir yumruğu” Ermənistanda revanş arzusuna düşənlərə bir daha xatırlatdı.

Şuşa səfəri hər kəsə Anna Hakopyanın Mehriban xanımı Şuşaya muğama dəvət etməsini də xatırlatdı. “Əgər muğam adı altında onlar müharibə istəyirlərsə, onda bu arzu elə arzu olaraq da qalacaq. Əgər müharibə başlasa, onda muğama qulaq asmaq istədikləri yerlərin sayı da artacaq…” deyən Anna və qızları “Köhnə Yeni il”i Moskvadakı “Puşkin” restoranında qeyd etdilər. Həmin vaxt Mehriban Əliyeva qalib sərkərdə ilə Şuşada Cıdır düzündə çay süfrəsində əyləşmişdi.

Peyvəndləmə və açılma

Dünya vaksinləmə dövrünü yaşayır. Azərbaycan da iki milyon əhali üçün dörd milyon dozada vaksin sifariş edib.

Karantinimizi də bir qədər yumşaltdıq. İctimai iaşə obyektləri, eləcə də restoran, kafe və çay evləri və bu kimi digər məkanlarda yerində xidmətlər bərpa olunmasını xüsusi emosiya ilə qarşılayırıq.

Dünyanın normal həyata qayıdacağına ümidləndiyimiz bu həftə də bəzi maraqlı, amma həm də narahatlıq yaradan açıqlamalar var. Məsələn, ABŞ-ın dövlət katibi Mayk Pompeo koronavirusun Çinin dövlət laboratoriyalarından çıxmasını iddia edib. Peru məhkəməsi isə “Microsoft” şirkətinin qurucusu Bill Qeytsi, amerikalı iş adamı Corc Sorosu və Rokfeller ailəsini koronavirus istehsalında günahlandırıb.

ABŞ alimləri isə növbəti on il üçün koronovirusla bağlı proqnoz tərtib ediblər. Onların fikrincə, SARS-CoV-2 pandemiyası tezliklə endemik dərəcəyədək azalacaq, ancaq virus insanlar arasında baza səviyyəsində daimi olaraq yaşayacaq.

Beləliklə, ola bilsin ki, bu vaxtadək adi tərzdə dediyimiz, eşitdiyimiz “bir az qripləmişəm” ifadəsi kimi “bir az koronaviruslamışam” da qulağa tezliklə sıradan gələ bilər.

İnformasiya savaşı

Müharibə bitdi, amma həm də davam edir. İnformasiya savaşı heç vaxt bitməyəcək. İrəvandakı revanşist əhval-ruhiyyə də, Qarabağa edilən qanunsuz səfərlər də belə deməyə əsas yaradır. Odur ki, informasiya mənbələrimiz də yeni savaşa hazır olmalıdır. Bu həftə imzalanan “Azərbaycan Respublikasında media sahəsində islahatların dərinləşdirilməsi haqqında” Fərman da, Medianın İnkişafı Agentliyinin yaradılması da, görünür, yeni dövrə hazırlığın tərkib hissəsidir.

Türkiyənin Xarici İşlər naziri Mövlud Çavuşoğlu
© Fatih Aktas / Turkish Foreign Ministry via AP, Pool

Bu həftə KİVDF də tarixin arxivinə qovuşdu, rəhbəri Vüqar Səfərlinin taleyi isə qaranlıq görünür - yol verdiyi yeyintilərə görə onu dəmir barmaqlıqlar arasına aparıblar.

ABŞ deqradasiyası?

Prezident Trampı dəstəkləyən bəzi qruplar demokrat Co Baydenin andiçmə mərasiminin keçiriləcəyi yanvarın 20-də 50 ştatda silahlı nümayiş keçirəcəyini elan ediblər. ABŞ Ordusu isə Vaşinqtona göndərdiyi 8500 nəfərlik Milli Qvardiya personalının sayını əvvəlcə 21000-ə, daha sonra 25000-ə çatdıracağını açıqlayıb.

Nəhəng, xarizmatik Amerika 90-cı illərin bəzi sovet ölkələrini xatırladır. Amma əslində ABŞ-da baş verənlər bütün dünyanı qayğılandırmalıdır: bu ölkədə baş verən istənilən hadisə qlobal təsirə malikdir. Ümid edək ki, bu olanlardan sonra, məsələn, neftin qiymətində kəskin ucuzlaşma baş verməyəcək.

Alman və bizim bərbərlər

O qədər əhəmiyyətli olmasa da, ölkəmizdə bərbərxanaların yanvarın 25-dən açılması da nəzərdə tutulub (müəllifin saç düzümü onun bu qərara münasibətini müəyyən edir).

Bu arada futbolçuların saç düzümünə görə alman bərbərlər ayağa qalxıblar. Mərkəzi Bərbərlik Dərnəyindən Futbol Assosiasiyasının prezidentinə ünvanlanan məktubda pandemiya səbəbiylə təxminən 80 000 salonun bağlı olmasına baxmayaraq, idmançıların meydana yalnız xüsusi avadanlıqların köməyi ilə peşəkar bərbərlər tərəfindən düzəldilməsi mümkün olan saç düzümləri ilə çıxdığı bildirilir.

Deməli, nizam-intizamı ilə nümunə göstərilən almanlar da arxa qapıdan tanış bərbərin yanına gəlib, tellərinə əl gəzdirirlərmiş?!

Dünyanı yandırmaq

Bu həftə dünyada ilk dəfə qorillalarda koronavirusa yoluxma qeydə alındı. ABŞ-ın San-Dieqo şəhərində zooparkda səkkiz heyvanda virus aşkarlandı. Bundan əvvəl isə Danimarkada su samurlarında koronavirus müəyyən edilmişdi və hökumət 17 milyon su samurunun məhv edilməsi barədə qərar vermişdi. Ancaq qətl qeyri-humanist üsulla həyata keçirilmişdi. Belə ki, heyvanların çoxu qaz kamerasında sağ qaldığından diri-diri yandırılmışdı.

Belə hadisələri eşitdikcə əmin olursan ki, dünya koronvirusdan daha artıq faciəyə də layiq görülə bilər.

Hə, bu arada Çində koronavirusa yoluxanların sayı artıb, xəstəxanalar bərpa olunub.

26
Redaktorun iş masası, arxiv şəkli

İslahatlar dalğası mediamıza çatdı: bizi gözləyir?

56
(Yenilənib 09:44 16.01.2021)
"Cidanı çuvalda gizlətmək" mümkün olmadığı kimi, mediamızın inkişafından məsul olan, bir zamanlar Vüqar Səfərli kimi laqeyd, jurnalistikadan xəbərsiz bir məmurun rəhbərlik etdiyi AR Prezidenti yanında KİVDF-nin qanunsuz əməlləri də gizli qalmadı.

Nəhayət ki, media sahəsindəki boşluqlar dövlətin diqqətini çəkdi.

Şəxsən mən dəfələrlə bu mövzuda yazsam da, səsimi lazımı şəxslərə eşitdirə bilmirdim.

Çünki, səsimizi eşitməli və eşitdirməli olan kəslər, səsimizi batırmaq üçün çabalayırdılar.

Bəli, mediamızın “başbilənləri” problemdən, haqsızlıqdan, qanun pozuntularından danışan şəxsləri ciddiyə almırdı, imkan olduqca səsimizi batırırdılar.

Onlar ancaq öz ətraflarındakı şəxsləri dinləyir, onlara “ləbbeyk” deyənlərin yolunu açırdılar.

Mediamızın vəziyyəti barədə uzun-uzadı yazmağa ehtiyac görmürəm, aidiyyatı olan hər kəs, hər şeyi bilir.

İllərdir baş alıb gedən ədalətsizliklər, mənimsəmələr, korrupsiya və israf nəhayət ki, dövlətin diqqətini çəkdi.

“Cidanı çuvalda gizlətmək” mümkün olmadığı kimi, mediamızın inkişafından məsul olan, bir zamanlar Vüqar Səfərli kimi laqeyid, jurnalistikadan xəbərsiz bir məmurun rəhbərlik etdiyi Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun qanunsuz əməlləri də gizli qalmadı. İslahatlar dalğası mediamıza da gəlib çatdı.

***

Ölkə prezidenti “Azərbaycan Respublikasında media sahəsində islahatların dərinləşdirilməsi haqqında” fərman imzalayıb. Fərmana əsasən, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu ləğv edilib və onun bazası əsasında “Azərbaycan Respublikasının Medianın İnkişafı Agentliyi” publik hüquqi şəxs yaradılıb.

Mediamıza, jurnalistlərimizə, zəhmətkeşlərimizə xeyirli, uğurlu olsun.

Baş verəcək hadisələri qabaqlamaq istəməzdim, ancaq dünən efirlərin birində illərdir media sahəsində hər cür qanun pozuntusu, korrupsiya ilə məşğul olmuş “başbilənlərdən” birinin ölkə prezideninin yeni fərmanını şərh etdiyini görəndə dalağım sancdı.

Nədənsə mənə elə gəlir ki, rüşvətə, korrupsiyaya, KİVDF-nin maxinasiyalarına bulaşmış insanlar bu sahədən uzaqlaşmadıqca, mediamız rahat nəfəs ala bilməyəcək.

İllərdir mətbuatın nəfəsini kəsən bu adamların indi islahatları dəstəkləməsi, yeni yaranan quruma təsir imkanları, ağız dolusu ədalətdən danışması məni çox narahat edir.

***

Düşünürəm ki, “Kütləvi İnformasiya Vasitələri haqqında” qanuna ediləcək dəyişikliklər ictimaiyyətin geniş müzakirəsinə çıxarılmalıdır.

Bu günə qədər edilən dəyişikliklər qənaətbəxş olmadığı üçün, bundan sonrakı proseslərdə ictimai fikir nəzərə alınmalıdır.

İndi diqqət daha çox KİV-nin qeydiyyatı məsələsinə çəkilir, jurnalistikaya aidiyyatı olmayan şəxslərin bu sahədə olmasından narahatlıq bildirir. Halbuki, mətbuatımızın yüzlərlə həll olunması vacib, aktual problemləri var.

Sosial şəbəkələrin, vətəndaş jurnalistikasının, blogerliyin geniş yayıldığı cəmiyyətdə, medianın inkişaf perispektivləri müasir texnologiyalardan kənarda müzakirə olunmamalıdır.

Qanunvericilikdə ediləcək dəyişikliklər medianın reklam bazarının formalaşmasına geniş dəstəyi də nəzərdə tutulmalı, mətbuata mümkün azadlıqlar verilməlidir.

Heç bir funksionallığı olmayan qəzetlərə dövlətin maddi dəstəyi dayandırılmalıdır.

Azad fikrə, azad sözə şərait yaradılmalı, ölkədə ciddi, dövlətçilik maraqlarını düşünən müxalif mətbuatın formalaşmasına imkan verilməlidir.

Şəxsən mən media sahəsindəki islahatların müsbət nəticələrini tezliklə görmək istəyirəm.

56
Çarpayıda gənc cütlük, arxiv şəkli

Hüquqşünas: "Yataq otağından çıxandan sonra söhbət ediləcək mövzu yoxdursa..."

0
(Yenilənib 15:15 19.01.2021)
"Kişilər unutmamalıdırlar ki, qadınla ailə həyatı quran zaman o, atası evindən çıxanda əxlaqsız olmur ki?! Əxlaqsız idisə, niyə alırdın? Deyildisə, deməli, sənin əlində əxlaqsız olub"

İradə Cəlilova, Sputnik Azərbaycan

BAKI, 19 yanvar — Sputnik. Pandemiya dövründə daha əvvəl müşahidə edilməyən qaydalar tətbiq edildiyi üçün vətəndaşlar bu dönəmdə müxtəlif qayda pozuntuları ilə qarşılaşdılar. Karantin rejimi, SMS-icazə, evdə qalmaq kimi məhdudiyyətlər yenilik olduğu üçün bir çox vətəndaşlar bu vəziyyətlə barışmaqda çətinlik çəkdilər.

Bəs bu dövrdə vətəndaşlar hüquqşünaslara daha çox hansı hüquq pozuntusu ilə müraciət ediblər?

Hüquqşünas Tağı Hüseynov Sputnik Azərbaycan-ın suallarını cavablandırıb.

© Sputnik / Irade JELIL
Hüquqşünas Tağı Hüseynov

- Pandemiya dövründə vətəndaşları hüquqi istiqamətdə daha çox nə narahat edib?

- Pandemiya dövründə əsas hüquq pozuntuları iki istiqamətdə olub. Yəni şəxslərin bizə müraciətləri boşanma və inzibati orqanların tətbiq etdiyi cərimələrlə bağlı olub. Bir müddət əvvəl, sərt karantin rejimində evdə qalmaq tələbi, kafe və restoranların bağlı olması ailələri, demək olar ki, bir yerə topladı. Bu müddət ərzində mehriban olan ailələr daha da mehribanlaşdı. Problemli ailələrin problemi isə böyüyərək boşanma ilə nəticələndi.

İkinci istiqamətdə olan hüquq pozuntuları əsasən polisin yazdığı cərimələrlə bağlı olub. Belə ki, müraciət edən vətəndaşlar müxtəlif səbəblərlə polisin yazdığı cərimələrlə razılaşmadıqlarını dilə gətirirdilər. Bəziləri qeyd edirdilər ki, SMS müddətinin bitməsindən 2 dəqiqə sonra cərimə yazılıb, bəziləri evinin qapısında ona cərimə yazıldığını bildirirdilər. Bu problemlə qarşılaşan vətəndaşların 99 faizi məhkəməyə müraciət etmir. Düşünürlər ki, 100 manata görə məhkəmələrə vaxt ayırmağa dəyməz.

Ancaq bəzi prinsipial insanlar var ki, axıra qədər davam edirlər. Mən vətəndaşlara izah edirdim ki, məhkəməyə arayış yazmağa 50 manat vəkilə verməkdənsə, cəriməni tətbiq edən quruma müraciət ünvanlasınlar.

- Boşanma müraciətləri ilə bağlı vətəndaşlar səbəb kimi nəyi vurğulayırlar?

- Düzünü desək, son dövrlədə kişilər öz məsuliyyətlərini unudublar. Bir müddət əvvəl qadınlar hüquq bərabərliyi istəyirdilər. Bu da sizə hüquq bərabərliyi. Ailədə kişi və qadınların vəzifələri yazılı şəkildə müəyyən edilmədiyi üçün ailə daxilində ər və arvad ailədə öz vəzifəsini bilmir. Ərzaq, əmlak, yemək almaq və s. kimin vəzifəsidir? Heç kim bilmir. Çox qəribədir, ailədə kişi yeyib-yatanda, işləməyəndə məsuliyyətə cəlb edilmir, amma ayrılandan sonra aliment ödəməyəndə cəlb edilir.

Boşanmaların digər səbəbi isə xəyanətdir.

Sosial şəbəkələr xəyanətlərin artmasına səbəb olur. Qadın və ya kişi sosial şəbəkədə kimləsə tanış olur və düşünür ki, ərim, arvadım onsuz da bilməyəcək. Amma artıq texnologiya inkişaf edib. Bütün şəbəkələrin mesajlarını tutmaq mümkündür.

Kişilər unutmamalıdırlar ki, qadınla ailə həyatı quran zaman atası evindən çıxanda əxlaqsız olmur ki?! Əxlaqsız idisə, niyə alırdın? Deyildisə, deməli, sənin əlində əxlaqsız olub.

Qadınlar da ailə həyatına müvəqqəti baxırlar. Yəni ərə sadəcə ərə getmək, ana olmaq xatirinə gedirlər. Düşünmürlər ki, həyat yoldaşı olmaq da özü də gözəl statusdur.

Qızlar oğlanı tanımadan ailə həyatı qururlar. Bəzən olur ki, onlar yataq otağından çıxandan sonra yarım saat söhbət edə biləcək mövzu tapa bilmirlər.

Bu səbəbdən də ailələr uzun müddətli olmur.

- "Aliment Fondu"nun yaradılması müzakirə edilir.

- Fondun yaradılması bir neçə il əvvəl də müzakirə edilmişdi. Ancaq bu müzakirələr reallaşmadı. Çünki bu fondun yaradılması boşanmaların artmasına səbəb ola bilərdi. Məsələn, qadınlar onu incidən həyat yoldaşları ilə birlikdə yaşamaqdan imtina edəcəkdilər. Düşünəcəkdilər ki, əgər fond varsa, heç kişini aliment üçün məhkəməyə də verməyə ehtiyac qalmayacaq. "Aliment Fondu" uşağa aliment ödəyəcək.

Ancaq bu gün qadınlar düşünürlər ki, boşansalar, aliment də ala bilməsələr, uşağa tək baxa bilməyəcəklər. Məcburən güzəştə gedib, ailə həyatını davam etdirməli olurlar.

Bu səbəbdən də fondun müzakirəsi dayandırıldı.

Hesab edirəm ki, uşaq pulunun verilməsi müzakirə edilməlidir. Məsələn, hər uşağa 100 manat uşaq pulu ayrılsa, boşanma olsa belə, kişi öz payına düşən 75 manatı ödəməli olar.

Ölkədə hamı 2000 manat maaş almır. Normal maaş 500 manatdır. Əgər bu maaşı alan kişinin iki uşağı varsa, uşaqlara 350 manat ödənilməlidir. Bu da təbii ki, kişiyə də sərf etmir. Mən hesab edirəm ki, kişilərə güzəşt etmək lazımdır. Aliment verməyən kişi Azərbaycan üçün üz qarasıdır. Ancaq kişilərin gəlirləri də nəzərə alınmalıdır.

0
Teqlər:
müsahibə, problemlər, kişi, qadın, hüquqşünas