Stiven Sakur, arxiv şəkli

"Hard talk", distant təhsil, "Google map" təklənən Ev

830
(Yenilənib 15:30 17.08.2020)
Zəif ingilis dili və səbatsızlığı ilə digər cavabları zamanı da Paşinyan özünü təkcə beynəlxalq ictimaiyyətə güldürmədi, həm də daxili auditoriya qarşısında vəziyyətini ağırlaşdırdı.

7x7 həftənin ən yaddaqalan 7 hadisəsini şərh edir

Çox hard

Ötən həftənin ən çox müzakirə olunan mövzusu Ermənistanın baş naziri Nikol Paşinyanın BBC-nin "Hard talk" verilişinə müsahibəsi idi. Müsahibə boyu aparıcının arqument dolu sualları qarşısında çırpınan Paşinyan sərsəmləmələri ilə özünü faktiki labirintə saldı. Baş nazir etiraf etdi ki, münaqişə başlanan zaman Dağlıq Qarabağ əhalisinin 18 faizi erməni olub. Zəif ingilis dili və səbatsızlığı ilə digər cavabları zamanı da Paşinyan özünü təkcə beynəlxalq ictimaiyyətə güldürmədi, həm də daxili auditoriya qarşısında vəziyyətini ağırlaşdırdı. İndi ona qarşı daxildə BBC-nin aparıcısından da daha qəddar olacaqlar...

Regional təhlükəsizlik

Ötən həftə regionun təhlükəsizliyi ilə bağlı narahatlıqlar artdı. Rusiyanın Ermənistana silah göndərməsi faktı rəsmi Bakının açıq etirazı ilə qarşılandı. Bəli, işğalçının silahlandırması Dağlıq Qarabağ münaqişəsinin beynəlxalq hüquq normaları çərçivəsində həllinə mane olmaqla yanaşı, Kremlin vasitəçilik missiyasına da kölgə salır.

Türkiyə və Azərbaycanın hərbi-texniki sahədə əməkdaşlığının yeni fazaya daxil olması isə ölkəmizin təhlükəsizliyi baxımından əhəmiyyətlidir.

Bu gün regionda hərbi ritorikanın önə çıxmasının tək günahkarı isə Ermənistandır. İşğal etdiyi torpaqları azad etməməklə bu dövlət təkcə özünü risk altında qoymur, inkişafdan saxlamır, həm də bölgənin təhlükəsizliyi üçün "barıt çəlləyi" olaraq qalmaqda davam edir.

Məktəb olacaqmı?

Ali məktəbələrə qəbul imtahanları keçirildi. Təhsilin hansı formada davam etdiriləcəyi də həftənin müzakirə mövzuları sırasında idi – ancaq ona aydınlıq gəlmədi, çünki yekdil qərar hələ ki, yoxdur.

Təhsil onlayn formada davam etsə, biz buna hazırıqmı? Yəqin ki, yox! Distant təhsil çoxtərəfli təhsil formasıdır. Onun keyfiyyətli təşkili məktəblərin maddi-texniki bazasından, müəllimin və şagirdin (və ya tələbənin) texnoloji biliklərindən, eləcə də tərəflərin keyfiyyətli internetə çıxış imkanlarından asılıdır. Bütün bunlar isə təəssüf ki, yetərincə mövcud deyil. Faktdır ki, bəzi müəllimlər komputeri heç açıb-yandıra bilmir, şagirdlər dərsdən yayınmağa bəhanə axtarır, valideyn məsuliyyəti bölüşməyə can atmır və s.

Amma bəlkə də ənənəvi təhsildən uzalaşmağın əsl vaxtıdır. "Kiçik yaşlarımdan məktəbə getməli oldum deyə, təhsilimə ara verdim" - Bernard Şounun məşhur bir replikasında deyilir.

Keçmiş prokuror məhkəmə qarşısında

Azərbaycanın Serbiya, Monteneqro və Bosniya və Herseqovinadakı səfiri, sabiq Baş prokuror Eldar Həsənov saxlanıldı, məhkəmə onun barəsində həbs qərarı çıxardı. Məlumata görə, maliyyə yoxlamaları zamanı E.Həsənov tərəfindən xeyli miqdarda büdcə vəsaitinin təyinatı üzrə istifadə edilməməsi və digər qanun pozuntularının törədilməsi müəyyən edilib.

Bundan bir neçə gün sonra isə Baş nazirin sabiq birinci müavini Abbas Abbasov həbsi barədə bəzi saytlarda məlumat yayıldı. Fakt təsdiqini tapmasa da, kifayət qədər müzakirə edildi.

A.Abbasovu son illərdə Ümumrusiya Azərbaycan Təşkilatları İttifaqı, "Milyarderlər ittifaqı"ilə xatırlayırıq. Hansı ki, bu təşkilat Azərbaycanda siyasi hakimiyyətin dəyişdirilməsi planları üzərində səylə işləyirdi, amma sonda bu sevda, gözlənildiyi kimi, daşa dəydi...

ABŞ nüvəsi sülhməramlıdır?!

ABŞ-ın İrana silah embarqosunun uzadılması barədə qanun layihəsini BMT Təhlükəsizlik Şurası qəbul etmədi. Xatırladaq ki, nüvə sazişinin şərtlərinə görə, İrana silah idxalına qoyulan məhdudiyyət oktyabrın 18-də başa çatır.

Belə görünür ki, beynəlxalq siyasi münasibətləri yeni dizayn alır. Xüsusilə Avropanın ABŞ-la münasibətlərində soyuq meh hiss olunur. Əksinə, Avropanın Çin-Rusiya qütbünə yaxınlaşdığını söyləmək olar. Ekspertlər Ağ Evin BMT Təhlükəsizlik Şurasında təkləndiyini qeyd edirlər.

Və əsas sual: nəyə görə ABŞ özü nüvə silahına malik olmalıdır, ancaq İran yox?! Sual ritorikdir, cavab tələb olunmur.

Hakobyanın həqiqəti

Erməni baş nazirin arvadı Anna Hakobyan işğal altında olan Davidvəng abidəsindən paylaşım edib. Hakobyan guya Ermənistana məxsus belə bir abidə olduğunu göstərməyə çalışıb. Ancaq di gəl ki, "Google Map" onu ifşa edib – paylaşımda ərazini işarələyən zaman ünvan olaraq Azərbaycan göstərilib. Beləliklə, o da öz paylaşımı ilə bir daha təsdiqləyib ki, ora tarixi Azərbaycan ərazisidir. Belə görünür ki, ər-arvad öz səbatsızlıqları ilə Azərbaycanın haqlı mövqeyini bir qədər də gücləndirirlər.

Sürət həddi

Həftəsonu hər 3 xəbərdən biri yol qəzaları ilə bağlı idi. Əksəri isə "Mercedes" və "Jiquli"lərin öz ölçülərinə adekvat olmayan daşıyıcılarla toqquşması ilə baş verib. Samuxda "Mercedes" minik avtomobili ilə kombayn maşını toqquşdu, qəza nəticəsində biri polis əməkdaşı olmaqla 2 nəfər həyatını itirdi. Yenə Samuxda günabaxan plantasiyalarında işləyənləri daşıyan mikroavtobus aşıb. "Mercedes" markalı mikroavtobus hərəkətdə olan zaman önünə çıxan uzunqulağa quşulmuş qoşquya çırpılıb, daha sonra idarəetmədən çıxaraq yol kənarına aşıb.Hadisə nəticəsində mikroavtobusda olan 11 nəfər xəsarət alıb.

Sumqayıt şəhərində isə "Mercedes" markalı minik avtomobili və "İkarus" avtobusu ilə toqquşub, bir nəfər həlak olub.

Bərdədə isə "VAZ 21 07" markalı avtomobillə qarşıdan gələn "Jeep" markalı minik avtomobili toqquşub. Nəticədə "VAZ 2107" markalı avtomobildə olan xanım sərnişin avtomobilin on şüşəsindən çıxaraq yol kənarında səkiyə çırpılıb. Masallıda isə "VAZ 21011" markalı avtomobil iki "KamAZ" arasındakı qoşquya çırpılıb. Nəticədə 2 sərnişin hadisə yerində vəfat edib.

Bu həftənin yalnız sonunda baş verən hadisələrdən bir neçəsidir. Yol qəzalarının əksəriyyətinin baş vermə səbəblərini təhlil etsək, görəcəyik ki, onlar sürət həddinin aşılması üzündən baş verib. Gəlin, unutmayaq, "sürət həyatda inkişaf, yolda təhlükədir!"

P.S. Yox, yox, qəti səni unutmadıq, koronavirus! Bu həftə dünyada virusa yoluxanların sayı 21 milyon 630 mini ötdü.

830
Artilleriya atəşi, arxiv şəkli

Həftənin ən mühüm hadisəsi Layiqli cavab

274
(Yenilənib 01:05 29.09.2020)
Həftənin ən mühüm hadisəsi, heç şübhəsiz, Azərbaycanın cəbhədəki uğurlu əks-hücum əməliyyatları idi. Nəhayət, Ermənistan başa düşdü ki, Azərbaycan hərbi gücünü göstərmək istəsə, onlar ən azı İrəvana qədər qaçmalı olacaq.

BAKI, 28 sentyabr — Sputnik. 7x7 həftənin ən yaddaqalan hadisələrini şərh edir

Döyüş davam edir

Həftənin ən mühüm hadisəsi, heç şübhəsiz, Azərbaycanın cəbhədəki uğurlu əks-hücum əməliyyatları idi. Nəhayət, Ermənistan başa düşdü ki, Azərbaycan hərbi gücünü göstərmək istəsə, onlar ən azı İrəvana qədər qaçmalı olacaq.

Ermənilərin təxribatlara hazırlaşdığı, danışıqların formatını dəyişdirmək və yeni təcavüz planları üzərində işlədiyini son dövrlərdə bu ölkənin hərbi-siyasi ritorikası da aydın ifadə edirdi. "Qarabağ Ermənistandır, nöqtə" bəyanatından tutmuş qondarma "Dağlıq Qarabağ respublikası"nda seçkilər, Şuşadakı andiçmə, Paşinyanın bölgəyə səfəri, erməni hərbi rəhbərliyinin "yeni ərazilər uğrunda yeni müharibə" açıqlaması və Gəncəni vurmaqla təhdid etməsi, bölgəyə muzdlu döyüşçülərin gətirilməsi və nəhayət, yeni hərbi doktirinada Azərbaycanafob məqamların əksini tapması bu ölkənin təcavüzkar mahiyyətini və planlarını ifadə edir.

Bu da layiqli cavab!

© AR Ministry of Defence
Artilleriya bölmələrinin döyüş atəşi

Mövqe(sizlik)

Baş verən hadisələr zamanı ən çox diqqətçəkən məqamlardan biri də beynəlxalq təşkilatların daha çox neytral mövqe nümayiş etdirməsi idi. Hətta işğala son qoyulmalı olduğunu tələb edən 4 qətnamə qəbul etmiş BMT-nin baş katibi də katiblik etdiyi təşkilatın qətnamələrini xatırlatmır, birmənalı mövqe ortaya qoymur – soyuqqanlı şəkildə tərəfləri danışıqların davam etdirməyə çağırır. Eynilə də digər bir çox ölkələrin xarici işlər nazilrikləri və beynəlxalq təşkilatlar. Maraqlıdır, onlar bu 30 ildə harda idilər?!

Koronavirus?!

Cəbhədə baş verənlər bütün digər mövzuların aktuallıq dərəcəsini azaldıb. Məsələn, indi bizi heç qlobal bəla – koronavirus da bizi maraqlandırmır. Məsələn, dünənki infeksiyaya yoluxma sayı barədə məlumat yayıldığı kimi də "zibil qutu"suna düşdü.

Azərbaycan oxucusu tezliklə manşetlərdə, məsələn, bu xəbəri arzulayır: "Şuşada modul tipli xəstəxananın açılışı olub".

© Sputnik / Murad Orujov
Modul tipli xəstəxana

Korona məktəblərdə

Ötən həftənin hadisələrindən biri də koronavirusun məktəblilər və müəllimlər arasında yayılmağa başlaması idi. Təhsilin qismən bərpasından sonra bu, nisbətən gözlənilən idi. Hazırda Təhsil Nazirliyi TƏBİB modunda işləyir, statistikalar da bu nazirlik tərəfindən açıqlanır.

Ümid edək ki, məktəblərin yenidən bağlanmasına lüzum olmayacaq. Hərçənd, bunun da faydaları istisna edilə bilməz: distant təhsil dövründə valideynlər, şagirdlər və müəllimlər texnoloji biliklərini artırdılar.

ABŞ çökür?

ABŞ-ın Demokrat partiyasından prezidentliyə namizəd Co Bayden Rusiyanı seçkilərə müdaxilədə ittiham edib və bildirib ki, seçkilərdə qalib gələcəyi təqdirdə bu ölkəni ağır nəticələr gözləyir. Qeyd edək ki, Rusiyanın ABŞ-da keçirilən prezident seçkilərinə müdaxiləsi 2016-ci ildən gündəmdədir.

Co Bayden, arxiv şəkli
© AFP 2020 / ROBERTO SCHMIDT
ABŞ-ın Demokrat partiyasından prezidentliyə namizəd Co Bayden

Bu günlərdə isə Tramp Rusiya Prezidenti Vladimir Putinlə "yaxşı anlaşdığına" görə tənqid olunduğuna təəccübləndiyini söyləmişdi.

Norveçəli professor var - Johan Galtung. Bir çox hadisələrə dəqiq proqnoz verməsi ilə ad çıxarıb. O 2000-ci ildə ABŞ-ın qlobal güc kimi 2025-ci ilədək çökəcəyini bəyan etmişdi. Və bir neçə gün öncəki daha bir məlumat: BMT Baş katibi Antonio Quterres deyib ki, BMT ABŞ-ın İrana qarşı sanksiya tələbini nəzərdən keçirmir. Son dövrlərdə Avropa Birliyi ölkələrinin rəsmi Tehranla, türklər demiş, daha sıcaq ilişkiləri də Ağ Evin təklənməyi kimi şərh olunur.

Su böhranı

Hazırda ölkədə su istehlak edən 1 milyon 523 min əhali abonentinin 227 mini sayğacla təmin olunmayıb. Bunu ötən həftə "Azərsu" açıqlayıb.

Uşaq əllərini yuyur, arxiv şəkli
© AFP 2020 / DANIEL LEAL-OLIVAS
Kişi əllərini yuyur

Cənubi Qafqazın ən az içməli su resurslarına malik, su ehtiyatlarının böyük həcmi düşmən ölkənin daxilində formalaşan ölkə kimi suya qızıl kimi baxmalıykən, onu amansızcasına israf edirik. Dövlət başçısının bu sahə ilə bağlı xüsusi müşavirə keçirməsi də dövlət səviyyəsində narahatlıqdan irəli gəlirdi. Gələcək müharibələrin su hövzələri uğrunda olacağından artıq yalnız dövlət yox, hamımız narahat olmalıyıq.

Hələlik isə müharibə Qarabağdadır – Azərbaycan öz torpaqlarını azad edir!

274
Televizora baxan adam, arxiv şəkli

Rəsmi məlumat gözləyərkən: Uşağın məktəbi də, koronavirus da, maska da əhəmiyyətini itirib

226
(Yenilənib 19:37 28.09.2020)
Çoxdan işlətmədiyi radiosunu işə salan, internet gələndən kənara atdığı antenanı quraşdıran nə qədər insan var. İllərlə arzuladığı bir qırıq sözü eşitmək arzusu ilə hərə bir yolla məlumat almaq istəyir.

Müharibə asan görünən işləri çətinləşdirir. Bir anda görə biləcəyin hər hansı məsələ bəzən çətin problemə çevrilir. Bir anda narahatlıq yaranır, istəyirsən yaxın bir adamına zəng edəsən, görürsən şəbəkə yüklənib. Hamı sənin kimi zəng etmək istəyir deyə heç yerə siqnal çatmır.

İnsanı bir vahimə bürüyür. Hətta adi telefonla da zəng edə bilməyəndə, düşünürsən, bunun axırı necə olacaq, görəsən. Kimsə tez əlinə bir zənbil alıb qaçır dükana, lazım gəldi, gəlmədi əlinə keçəndən alıb atır zənbilinə. Düşünür, sabah bir çətinlik olsa, evində bir ehtiyatı olar.

Çoxdan kənara atdığı qaz balonu da aktuallaşır, bir də baxırsan, vurub qoltuğuna düz yönlənir qazdoldurma məntəqəsinə. Doldurur, qayıdır evinə, atır bir küncə. Evində xəstəsi olan qaçır aptekə, olan dərmandan bir az artıq alıb yığır. Amma interneti yüklənəndə və ya kəsiləndə lap müdafiəsiz olur müasir insan, nə ödəmə, nə taksi sifariş edə bilir. Elə belə qalır vakuumda. Nə edəsən, hara qaçasan, kimlə danışasan? Bu sualların əlində də aciz qalır.

Komfort şəraitə öyrəşmiş insanın çətin durumda atacağı addımları da qabaqcadan proqnozlaşdırmaq olmur. Elə oradan bura, buradan ora xaotik hərəkət etməklə bir yol axtarır. İnternet olmasa da, hamı bir yolla internetdədir. Hamı xəbər gözləyir, xəbər izləyir. Sosial şəbəkəyə giriş olmasa da, hamı şəbəkədədir. Hər kiçik yeniliyə ya sevinir, ya kədərlənir hər birimiz.

Uşağın məktəbi də, koronavirus da, maska da əhəmiyyətini itirib. Çoxdan işlətmədiyi radiosunu işə salan, internet gələndən kənara atdığı antenanı quraşdıran nə qədər insan var. İllərlə arzuladığı bir qırıq sözü eşitmək arzusu ilə hərə bir yolla məlumat almaq istəyir. Sosial mediada müzakirə mövzuları sırasında elə antena axtaranları da görmək olar. Elə hey soruşurlar, bu işə yarayar ya yox?

"Yaralanan yaxud itki var?", "övladlarımız doğma nənə-baba torpağını ziyarət edəcək", "Rəsmi olmayan məlumatları yaymayın", "Allah rəhmət eləsin...", "Füzuli deyirlər, rəsmi məlumat gözləyirik" – şəbəkədə belə postlar hələ çox paylaşılacaq.

Hamı öz aləmində, öz Qarabağındadır bu gün. Kimi döyüş meydanında, kimi də virtual məkanda. İrəli getmək var, geri dönmək yoxdur.

226

Politoloq: “Minsk qrupu Ermənistanı işğalçılıq niyyətindən çəkindirməlidirlər”

0
(Yenilənib 09:58 01.10.2020)
Politoloq İlqar Vəlizadə deyir ki, Ermənistan indi itirdiyi möveqləri qaytarmağa çalışır, amma bu mövqelərin olduğu ərazilər Azərbaycan-a məxsusdur
İlqar Vəlizadə: “Bizim üçün nəticə torpaqların ermənilərdən azad edilməsidir”

“Beynəlxalq təşkilatlar, xüsusən də Minsk qrupu tərəfləri təkcə atəşkəsi bərpa etməməyə çağırmaqla kifayətlənməli deyil. Onlar eyni zamanda Ermənistanı işğalçılıq niyyətindən çəkindirməlidirlər”. Bunu Sputnik Azərbaycan-a açıqlamasında politoloq İlqar Vəlizadə deyib.

Politoloq qeyd edib ki, Ermənistan indi itirdiyi möveqləri qaytarmağa çalışır, amma bu mövqelərin olduğu ərazilər Azərbaycan-a məxsusdur: “Azərbaycan da sülhün tərfdarıdır. Ancaq sülh danışıqlarında yeni hərbi-siyası reallıqlar nəzərə alınmalıdır. Danışıqlar prosesi konkret mövzular ətrafında davam etdirilməlidir və nəticə verməlidir. Bizim üçün nəticə işğal edilmiş torpaqların ermənilərdən azad edilməsidir”.

Qeyd edək ki, 27 sentyabr 2020-ci il tarixində Ermənistan silahlı qüvvələri atəşkəs rejimini kobud şəkildə pozaraq, təmas xətti boyunca Azərbaycan Respublikasının mövqelərini iriçaplı silahlar, minaatanlar və müxtəlif çaplı artilleriya qurğularından atəşə tutaraq, Azərbaycana qarşı növbəti təcavüzə əl atıb.

İlqar Vəlizadənin geniş şərhinə audiofaylda qulaq asa bilərsiniz

0