Moskvada bazar, arxiv şəkli

"Food City", “beşinci təkər” Rəhim Qazıyev

300
(Yenilənib 20:36 20.07.2020)
Həftənin ən yaddaqalan hadisələrindən biri Tovuz döyüşlərinə dəstək məqsədilə Bakıda keçirilən izdihamlı yürüş idi.

BAKI, 20 iyul — Sputnik. 7x7 həftənin ən yaddaqalan hadisələrini şərh edir.

Tovuz döyüşləri

Tovuzda Ermənistan silahlı qüvvələrinin təxribatı qarşı tərəfə ağır başa gəldi. Azərbaycan raketləri düşmənin cəbhəyanı hərbi məntəqələrinə sarsıdıcı zərbələr endirdi, infrastrukturu darmadağın etdi, qarşı tərəf məlumatları gizlətsə də, onlarla itki verdi. Düzdür, ermənilər generalımızın vurulmasını öz qələbələri kimi təqdim etməyə çalışırlar, ancaq bu fakt onu göstərir ki, Azərbaycanın ən yüksək rütbəli zabitləri belə ön cəbhədədir, əsgərin arxasında gizlənməyib. 

Yürüş və təxribat

Həftənin ən yaddaqalan hadisələrindən biri Tovuz döyüşlərinə dəstək məqsədilə Bakıda keçirilən izdihamlı yürüş idi. Emosional anlarla yadda qalan aksiya xalqın orduya dəstəyini ifadə edirdi, bu məzmunda çağırışlarla müşayiət olunurdu. Təəssüf, aksiya iştirakçılarının içindəki təxribatçılar ona başqa rəng verməyə çalışdılar, onların provokasiyası ilə bir qrup mitinqçi Milli Məclisin şüşələrini sındıraraq binanın içərisinə daxil oldu. Bu hadisələr zamanı ən diqqətçəkən məqamlardan biri polisin olduqca soyuqqanlı davranışı idi.

İstənilən halda, təxribatçılar ermənilərin “əlinə oynadılar”, hadisəni erməni mətbuatı öz maraqlarına uyğun məharətlə interpretasiya etməyə başladı. Ancaq fakt faktlığında qalır – minlərlə insan siyasiləşmiş provokatorların ardınca yox, generalının, ordusunun, milli maraqlarının ardınca getdi.

Diplomatik cəbhədə yeni sima

Ötən həftənin ən mühüm hadisələrindən biri xarici işlər naziri vəzifəsindəki dəyişiklik idi. Evdən işləyən E.Məmmədyarovun yola salınması gözlənilən idi. Dəyişiklik Azərbaycan diplomatiyasını dövlətin həyata keçirdiyi xarici siyasət strategiyasının “beşinci təkər” ampluasında çıxarmaq məqsədinə xidmət edir. Beləliklə, nəhayət, Azərbaycan diplomatiyasının dili topuq vurmaqdan, Dağlıq Qarabağ münaqişəsinin ruhuna uyğun olmayan mənasız təbəssümdən xilas olacaq. Xarici siyasət prioritetlərinin həllində hansı dəyişikliklər olacaq, tezliklə müşahidə edəcəyik.

Koronavirus bəlası

Bu həftə “taclı bəla” bir qədər arxa planda qaldı. Amma hər halda, o, qlobal təhdid olaraq qalır. Pandemiyanın sirləri ilə bağlı mülahizələr, versiyalar isə acı bağırsaq kimi uzanır. Bəziləri infeksiyanın təbiətin cəzası, bəziləri insanın səhvi, bəziləri isə böyük güclər tərəfindən idarə olunan proses kimi şərh edir. Bütün versiyalar ağlabatandır. Amma istənilən halda nəticə kimlərinsə maraqlarına xidmət edəcək, kimlərsə qlobal bazarın küncünə sıxılacaq, bir sözlə, dünya düzəni əvvəlki kimi olmayacaq. Tarixin dərinliklərində belə faktlar var: 1888-1897-ci illərdə mal-qara vəbası virusu Afrikadakı heyvanların böyük miqyasda məhvinə səbəb oldu və bu yerli icmaları iqtisadi cəhətdən seytnot vəziyyətə saldı. Yaranmış sosial-iqtisadi problemlər sonrakı dövrdə Afrikanın böyük ərazilərinin Avropa ölkələri tərəfindən ilhaqına imkan yaratdı.

Rusiya bazarları

Rusiya bazarları minlərlə azərbaycanlı üçün dolanışıq yeridir. Ancaq bu bazarlar Ermənistan üçün oksigen balonu kimi bir şeydir. Bu həftə Rusiyada yaşayan azərbaycanlı milyonçular bu balondan gələn oksigenin həcmini azaltdılar. İndi ermənilər tənginəfəsdir. Belə ki, bu günlərdə Rusiyanın paytaxtı Moskvanın ən böyük meyvə-tərəvəz bazarı olan "Food City"də Ermənistan məhsullarının satışına qadağa qoyuldu. Bazara ermənilərə məxsus 50-ə yaxın TIR-ların daxil olmasına icazə verilmədi ki, nəticədə erməni iş adamlarına külli miqdarda zərər dəydi. Qeyd edək ki, ticarət mərkəzinin rəhbərləri Qod Nisanov, Zarax İlyev və həmçinin professor İlham Rəhimovdur. Tovuzlu İ.Rəhimov müsahibəsində bildirib ki, ermənilərin ayağı bundan sonra həmin bazara dəyə bilməz.

Bəli, güclü diasporun nə qədər əhəmiyyətli olduğu bir daha təsdiqini tapır.

Qapqara statistika

Həftə ərzində müxtəlif kriminal və bədbəxt hadisələr baş verdi. Ancaq onlardan üçü xüsusilə diqqətçəkən idi. Saatlıda 1990-cı il təvəllüdlü R.Qəmbərov ehtiyatsızlıq edərək ov tüfəngi ilə anası T.Qəmbərovanı vurdu və qadın dünyasını dəyişdi.

Goranboyda isə yaylaqda saxladığı ev quşlarının arasına tülkünün girdiyini görən çoban - 1984-cü il təvəllüdlü Afət Həsənquliyev ona ov tüfəngindən atəş açıb. Atəş nəticəsində yaxınlıqdakı iki çoban – Telman Quliyev gözündən, İslam Əliyev isə bədəninin müxtəlif hissələrindən xəsarət alıb.

Tovuzda isə dayısını sakitləşdirməyə gələn bacıoğlu, sakitləşdirmək əvəzinə onu öldürüb. M.Əsgərov onun evinə gəlib bildiriş yazan "Azərişıq"ın əməkdaşına əsəbiləşib, onun avtomobilinə hücum edib və maşına ciddi ziyan vurub. "Azərişıq" əməkdaşı hadisə yerindən uzaqlaşdıqdan sonra M.Əsgərovun bacısı oğlu V.Səfərov dayısını sakitləşdirməyə gəlib. Bu zaman dayısı oğlu bacısı oğlunu söyüb və nəticədə V.Səfərov bıçaqla onu ürəyindən vurub. M.Əsgərov hadisə yerində keçinib.

Şuşasız Rəhim

Ötən həftə keçmiş müdafiə naziri Rəhim Qazıyev saxlanıldı. O, Tovuz döyüşlərinin getdiyi günlərdə sosial şəbəkələrdə təxribat xarakterli çağırışlar edib. İndi psevdopatriot bəyanatlar səsləndirən R.Qazıyevi hər kəs “Şuşa getsə, başıma güllə sıxacam” açıqlaması ilə xatırlayır. Yəqin, Şuşanın 28 ildir işğal edildiyini ondan gizlədirlər, yoxsa bu vaxta qalmazdı...

300
Artilleriya atəşi, arxiv şəkli

Həftənin ən mühüm hadisəsi Layiqli cavab

256
(Yenilənib 01:05 29.09.2020)
Həftənin ən mühüm hadisəsi, heç şübhəsiz, Azərbaycanın cəbhədəki uğurlu əks-hücum əməliyyatları idi. Nəhayət, Ermənistan başa düşdü ki, Azərbaycan hərbi gücünü göstərmək istəsə, onlar ən azı İrəvana qədər qaçmalı olacaq.

BAKI, 28 sentyabr — Sputnik. 7x7 həftənin ən yaddaqalan hadisələrini şərh edir

Döyüş davam edir

Həftənin ən mühüm hadisəsi, heç şübhəsiz, Azərbaycanın cəbhədəki uğurlu əks-hücum əməliyyatları idi. Nəhayət, Ermənistan başa düşdü ki, Azərbaycan hərbi gücünü göstərmək istəsə, onlar ən azı İrəvana qədər qaçmalı olacaq.

Ermənilərin təxribatlara hazırlaşdığı, danışıqların formatını dəyişdirmək və yeni təcavüz planları üzərində işlədiyini son dövrlərdə bu ölkənin hərbi-siyasi ritorikası da aydın ifadə edirdi. "Qarabağ Ermənistandır, nöqtə" bəyanatından tutmuş qondarma "Dağlıq Qarabağ respublikası"nda seçkilər, Şuşadakı andiçmə, Paşinyanın bölgəyə səfəri, erməni hərbi rəhbərliyinin "yeni ərazilər uğrunda yeni müharibə" açıqlaması və Gəncəni vurmaqla təhdid etməsi, bölgəyə muzdlu döyüşçülərin gətirilməsi və nəhayət, yeni hərbi doktirinada Azərbaycanafob məqamların əksini tapması bu ölkənin təcavüzkar mahiyyətini və planlarını ifadə edir.

Bu da layiqli cavab!

© AR Ministry of Defence
Artilleriya bölmələrinin döyüş atəşi

Mövqe(sizlik)

Baş verən hadisələr zamanı ən çox diqqətçəkən məqamlardan biri də beynəlxalq təşkilatların daha çox neytral mövqe nümayiş etdirməsi idi. Hətta işğala son qoyulmalı olduğunu tələb edən 4 qətnamə qəbul etmiş BMT-nin baş katibi də katiblik etdiyi təşkilatın qətnamələrini xatırlatmır, birmənalı mövqe ortaya qoymur – soyuqqanlı şəkildə tərəfləri danışıqların davam etdirməyə çağırır. Eynilə də digər bir çox ölkələrin xarici işlər nazilrikləri və beynəlxalq təşkilatlar. Maraqlıdır, onlar bu 30 ildə harda idilər?!

Koronavirus?!

Cəbhədə baş verənlər bütün digər mövzuların aktuallıq dərəcəsini azaldıb. Məsələn, indi bizi heç qlobal bəla – koronavirus da bizi maraqlandırmır. Məsələn, dünənki infeksiyaya yoluxma sayı barədə məlumat yayıldığı kimi də "zibil qutu"suna düşdü.

Azərbaycan oxucusu tezliklə manşetlərdə, məsələn, bu xəbəri arzulayır: "Şuşada modul tipli xəstəxananın açılışı olub".

© Sputnik / Murad Orujov
Modul tipli xəstəxana

Korona məktəblərdə

Ötən həftənin hadisələrindən biri də koronavirusun məktəblilər və müəllimlər arasında yayılmağa başlaması idi. Təhsilin qismən bərpasından sonra bu, nisbətən gözlənilən idi. Hazırda Təhsil Nazirliyi TƏBİB modunda işləyir, statistikalar da bu nazirlik tərəfindən açıqlanır.

Ümid edək ki, məktəblərin yenidən bağlanmasına lüzum olmayacaq. Hərçənd, bunun da faydaları istisna edilə bilməz: distant təhsil dövründə valideynlər, şagirdlər və müəllimlər texnoloji biliklərini artırdılar.

ABŞ çökür?

ABŞ-ın Demokrat partiyasından prezidentliyə namizəd Co Bayden Rusiyanı seçkilərə müdaxilədə ittiham edib və bildirib ki, seçkilərdə qalib gələcəyi təqdirdə bu ölkəni ağır nəticələr gözləyir. Qeyd edək ki, Rusiyanın ABŞ-da keçirilən prezident seçkilərinə müdaxiləsi 2016-ci ildən gündəmdədir.

Co Bayden, arxiv şəkli
© AFP 2020 / ROBERTO SCHMIDT
ABŞ-ın Demokrat partiyasından prezidentliyə namizəd Co Bayden

Bu günlərdə isə Tramp Rusiya Prezidenti Vladimir Putinlə "yaxşı anlaşdığına" görə tənqid olunduğuna təəccübləndiyini söyləmişdi.

Norveçəli professor var - Johan Galtung. Bir çox hadisələrə dəqiq proqnoz verməsi ilə ad çıxarıb. O 2000-ci ildə ABŞ-ın qlobal güc kimi 2025-ci ilədək çökəcəyini bəyan etmişdi. Və bir neçə gün öncəki daha bir məlumat: BMT Baş katibi Antonio Quterres deyib ki, BMT ABŞ-ın İrana qarşı sanksiya tələbini nəzərdən keçirmir. Son dövrlərdə Avropa Birliyi ölkələrinin rəsmi Tehranla, türklər demiş, daha sıcaq ilişkiləri də Ağ Evin təklənməyi kimi şərh olunur.

Su böhranı

Hazırda ölkədə su istehlak edən 1 milyon 523 min əhali abonentinin 227 mini sayğacla təmin olunmayıb. Bunu ötən həftə "Azərsu" açıqlayıb.

Uşaq əllərini yuyur, arxiv şəkli
© AFP 2020 / DANIEL LEAL-OLIVAS
Kişi əllərini yuyur

Cənubi Qafqazın ən az içməli su resurslarına malik, su ehtiyatlarının böyük həcmi düşmən ölkənin daxilində formalaşan ölkə kimi suya qızıl kimi baxmalıykən, onu amansızcasına israf edirik. Dövlət başçısının bu sahə ilə bağlı xüsusi müşavirə keçirməsi də dövlət səviyyəsində narahatlıqdan irəli gəlirdi. Gələcək müharibələrin su hövzələri uğrunda olacağından artıq yalnız dövlət yox, hamımız narahat olmalıyıq.

Hələlik isə müharibə Qarabağdadır – Azərbaycan öz torpaqlarını azad edir!

256
Televizora baxan adam, arxiv şəkli

Rəsmi məlumat gözləyərkən: Uşağın məktəbi də, koronavirus da, maska da əhəmiyyətini itirib

224
(Yenilənib 19:37 28.09.2020)
Çoxdan işlətmədiyi radiosunu işə salan, internet gələndən kənara atdığı antenanı quraşdıran nə qədər insan var. İllərlə arzuladığı bir qırıq sözü eşitmək arzusu ilə hərə bir yolla məlumat almaq istəyir.

Müharibə asan görünən işləri çətinləşdirir. Bir anda görə biləcəyin hər hansı məsələ bəzən çətin problemə çevrilir. Bir anda narahatlıq yaranır, istəyirsən yaxın bir adamına zəng edəsən, görürsən şəbəkə yüklənib. Hamı sənin kimi zəng etmək istəyir deyə heç yerə siqnal çatmır.

İnsanı bir vahimə bürüyür. Hətta adi telefonla da zəng edə bilməyəndə, düşünürsən, bunun axırı necə olacaq, görəsən. Kimsə tez əlinə bir zənbil alıb qaçır dükana, lazım gəldi, gəlmədi əlinə keçəndən alıb atır zənbilinə. Düşünür, sabah bir çətinlik olsa, evində bir ehtiyatı olar.

Çoxdan kənara atdığı qaz balonu da aktuallaşır, bir də baxırsan, vurub qoltuğuna düz yönlənir qazdoldurma məntəqəsinə. Doldurur, qayıdır evinə, atır bir küncə. Evində xəstəsi olan qaçır aptekə, olan dərmandan bir az artıq alıb yığır. Amma interneti yüklənəndə və ya kəsiləndə lap müdafiəsiz olur müasir insan, nə ödəmə, nə taksi sifariş edə bilir. Elə belə qalır vakuumda. Nə edəsən, hara qaçasan, kimlə danışasan? Bu sualların əlində də aciz qalır.

Komfort şəraitə öyrəşmiş insanın çətin durumda atacağı addımları da qabaqcadan proqnozlaşdırmaq olmur. Elə oradan bura, buradan ora xaotik hərəkət etməklə bir yol axtarır. İnternet olmasa da, hamı bir yolla internetdədir. Hamı xəbər gözləyir, xəbər izləyir. Sosial şəbəkəyə giriş olmasa da, hamı şəbəkədədir. Hər kiçik yeniliyə ya sevinir, ya kədərlənir hər birimiz.

Uşağın məktəbi də, koronavirus da, maska da əhəmiyyətini itirib. Çoxdan işlətmədiyi radiosunu işə salan, internet gələndən kənara atdığı antenanı quraşdıran nə qədər insan var. İllərlə arzuladığı bir qırıq sözü eşitmək arzusu ilə hərə bir yolla məlumat almaq istəyir. Sosial mediada müzakirə mövzuları sırasında elə antena axtaranları da görmək olar. Elə hey soruşurlar, bu işə yarayar ya yox?

"Yaralanan yaxud itki var?", "övladlarımız doğma nənə-baba torpağını ziyarət edəcək", "Rəsmi olmayan məlumatları yaymayın", "Allah rəhmət eləsin...", "Füzuli deyirlər, rəsmi məlumat gözləyirik" – şəbəkədə belə postlar hələ çox paylaşılacaq.

Hamı öz aləmində, öz Qarabağındadır bu gün. Kimi döyüş meydanında, kimi də virtual məkanda. İrəli getmək var, geri dönmək yoxdur.

224
Vladimir Putin və Emmanuel Makron

Makron Putinə zəng edib: Qarabağda gedən hərbi əməliyyatlar pislənib

0
(Yenilənib 01:57 01.10.2020)
Rusiya və Fransa prezidentləri Dağlıq Qarabağ münaqişə bölgəsində vəziyyətin kəskin hal almasını pisləyiblər.

BAKI, 1 oktyabr — Sputnik. Rusiya Prezidenti Vladimir Putinlə Fransa Prezidenti Emmanuel Makron arasında telefon danışığı olub.

Sputnik Azərbaycan Kremlin mətbuat xidmətinə istinadla xəbər verir ki, söhbət zamanı dövlət başçıları Dağlıq Qarabağda, həmçinin Belarus Respublikasında yaranan son vəziyyəti müzakirə ediblər.

Telefon danışığı Fransa tərəfinin təşəbbüsü ilə baş tutub. Hər iki prezident Dağlıq Qarabağ münaqişə bölgəsində vəziyyətin kəskin hal almasını pisləyiblər. Onlar davam edən hərbi əməliyyatlardan narahatlıq keçirdiklərini ifadə ediblər.

0
Teqlər:
hərbi əməliyyatlar, Dağlıq Qarabağ bölgəsi, Dağlıq Qarabağ problemi, Dağlıq Qarabağ, Rusiya prezidenti Vladimir Putin, Fransa prezidenti Emmanuel Makron