Əlində krem tutan qız, arxiv şəkli

Koronavirus fırıldaqları: fleş kart, krem gözmuncuğu da təklif oluna bilər

211
(Yenilənib 21:15 27.06.2020)
Möcüzə” təklifləri nə bir xəstəliyi müalicə edə, nə də hər hansı bir şüalanmanın qarşısına ala bilər. Fırıldaqdan qorunmağın yolu elə ehtiyatlı davranışdan keçir

BAKI, 27 iyun — Sputnik. Koronavirus dövrü və bununla bağlı yaranan karantin şəraiti dünyanın hər yerində fırıldaqçıların meydanını genişləndirb. İnformasiya mühitində yayılan hər feyk xəbər yeni bir fırıldaq mexanizminin yaranmasına şərait yaradır.

Guya qurğu 5G şüalanmasından qorumaq iqtidarındadır

 Koronavirusla 5G şəbəkəsinin bağlılığından sosial şəbəkədə və dünyanın ən nüfuzlu mətbuat orqanlarında çox yazıblar. Bu 5G insanları qorxuya salıb, onlarda müəyyən kompleksləri formalaşdırıb. Nəticədə Niderland, Polşa, Böyük Britaniyada onlarla yeni qurulan 5G qülləsi yandılırıb. Bir sıra konspiroloqların fikrincə, bu şəbəkə koronavirusun yayılmasına kömək etməlidir. Hələlik 5G şəbəkəsi böyük mənada aktiv olmasa da, yeni texnologiyanın əleyhdarları bu faktoru nəzərə almayıblar. Yəni doğru olsa belə, koronavirusu bu gün yaymaq üçün bu şəbəkədən hələlik istifadə etmək mümkünsüzdür. 5G-nin dünya üzrə yayılması və tətbiqi 2020-ci ilə nəzərdə tutulmuşdu. Koronavirus pandemiyası bu planları pozdu, yəni nəinki 5G-nin vasitəsilə virusu yaymaq mümkün oldu, həm də bu texnologiyanın tətbiqi xeyli ləngidi.

Amma bunlar qorxuya düşmüş insanlar üçün heç bir əhəmiyyət təşkil etmir. Ayrı-ayrı fərdlər bu “dəhşətli” 5G-dən necə qorunmağın yoluna arayırlar. Fırıldaqçılar da bundan məharətlə yararlanırlar. Böyük Britaniyada artıq 5G-dən “qoruyan” xüsusi fleş kartlar da hazırlanıb. İstehsalçılar bu fleş kartı 350-400 ABŞ dollarına təklif edirlər. Alan da tapılır. Guya burada “holloqrafik kvant katalizator”u texnologiyasından istifadə edilib və qurğu 5G şüalanmasından qorumaq iqtidarındadır.

 “Pen Test Partners” şirkətinin araşdırması bu fleş kartın Çində istehsal edilmiş adi qurğu olduğunu, heç bir gücə malik olmadığını təyin edib. Həcmi 128 meqabayt, qiyməti isə 6 dollar olan fleş kartı istənilən dükandan almaq olar. Fırıldaqçılar malı qiymətə mindirmək üçün üzərinə xüsusi holoqram işarə həkk ediblər.

Bu cür müdafiə qurğusunu elə  “Huawei” səviyyəli şirkət yaratmalıdır

5G şəbəkəsindən böyük bir elektromaqnit dalğası gəldiyini belə qəbul etməli olsaq, onun qarşısını adi bir fleş kartla almaq mümkünsüzdür. Bu, ən azı hər-hansı bir ciddi cihaz olmalıdır. Amma insanlar nədənsə aldanmağa meyllidirlər. Böyük Britaniyanın Qlastonberri şəhərinin 5G üzrə ekspert şurasının üzvü Toni Holl bu fleş kartın təsirli bir vasitə olduğunu iddia edir. O, bu qurğunu aldıqdan sonra daha rahat yatdığını və yaxşı yuxular gördüyünü bildirib. Hollun fikrincə, qurğunun yaradıcıları Qlastonberri şəhərini 5G-dən qoruya biləcək bir sistem yarada biləcəklər.

 Nə qədər gülməli görünsə də, belə fikirlər internetdə yayılaraq yaşamağa davam edir. 5G şəbəkəsi elə-belə fəaliyyət göstərə bilməz. Onun normal işləməsi üçün xüsusi avadanlıq, olduqca güclü qüllələr quraşdırılmalıdır. Bu prosesdə Çinin “Huawei” şirkəti dünya üzrə lider mövqedədir. ABŞ-Çin qarşıdurması, ticarət müharibəsi və şirkətə qarşı tətbiq etdiyi sanksiyalar 5G-nin yayılmasının qarşısını alır. Hətta bu ilin yanvarında Britaniya xüsusi xidmət orqanlarının baş nazir Boris Consona təqdim etdiyi hesabatda Çin şirkəti ilə əməkdaşlığı bərpa etmək təklif olunub. Bu baş verməsə, 5G şəbəkəsinin yaradılması illərlə uzana bilər.

 Böyük Britaniya öz gücü ilə bu qüllələri quraşdırmaqda çətinlik çəkdiyini açıqlayır. Belə olan halda hansısa bir fleş kartın köməyi ilə belə bir güclü texnologiyanı təsirsizləşdirmək olarmı? Əlbəttə, yox. Bu cür müdafiə qurğusunu elə “Huawei” səviyyəli şirkət yaratmalıdır. Amma düşünmək qabiliyyətini itirən insanlara bunu izah etmək çətindir. Fırıldaqçılar isə məharətlə bu qorxuların üzərində biznes qururlar.

Fırıldaqçıların təsirinə düşən insanlar nədənsə bu “müdafiə kremindən” alırlar

Rusiyada isə fırıldaqçılar 5G şəbəkəsindən qorunmaq üçün xüsusi krem təklif ediblər. Guya bu krem 5G “şüalanmasından” insanı müdafiə edə bilər. Müştərilərə nəinki krem, həm də müxtəlif yağ və losyonlar da təklif edilib, uşaq və böyükləri 5G-nin ziyanlı təsirindən qoruya biləcək vasitələrin Kanadada istehsal edildiyi bildirilib. Bu vasitələrin hətta 5G şüalarını geri qaytardığı da iddia edilir. Hər-hansı bir kremin və ya mayenin elektromaqnit dalğasını neytrallaşdırmaq imkanı olsaydı, bu qədər müdafiə kostyumuna nə ehtiyac duyulardı? Hətta günəş şüalarından qorunmaq üçün satılan kremlərin effektli müdafiəsindən danışmaq olmur. Krem bir müddət təsirli olur, sonra yenə də çəkməlisən. Ya ağcaqanada qarşı xüsusi krem və aerozoldan istifadə edirsən, təsiri olur. Amma bir neçə saat sonra həşəratlar yenidən hücuma keçir.

 Fırıldaqçıların təsirinə düşən insanlar nədənsə bu “müdafiə kremindən” alırlar. Bəzi əldən cəld “iş adamları” hətta xüsusi tərkibi olan su satmaqla pul qazanırlar. Belə su 5G şəbəkəsinin təsirini guya neytrallaşdırır. Tilsimli amulet də təklif edən az deyil, belə “gözmuncuğu” da guya 5G-ni zərərsizləşdirirmiş.

Karantin şəraiti ilə bağlı onlayn rejimdə çalışan insanlara onlarla virtual xidmət təklif edən yüzlərlə yalançı internet mağaza da yaradılıb. Sanballı və tanınan internet platformalardan fərqli olaraq bu fırıldaq üzərində qurulmuş şəbəkələr maska, dezinfeksiya vasitələri, koronavurusa qarşı dərman preparatları, hətta virusu aşkarlaya bilən testləri də təklif edirlər. Alış-veriş etdikdən sonra müştəri nəinki sifariş etdiyi malı ala bilir, həm də bank hesabından pulların çəkildiyinin də şahidi olur.

 “Möcüzə” təklifləri hər-hansı bir şüalanmanın qarşısını ala bilməz

Azərbaycanda da koronavirus fırıldaqçıları peyda olub. “Nur Foundation” adlanan təşkilatın nümayəndələri sosial şəbəkədə müxtəlif insanlara guya yardım göstərdikləri barədə fotolar paylaşıblar. Ehtiyacı olan şəxslərə humanitar yardım məqsədilə vəsait toplamaqla məşğul olan fond hətta rəsmi sayt da yaradıb. Məqsəd isə vətəndaşlardan toplanan ianə pullarını mənimsəməkdir.

Fırıldaq sxemlərinin sayı hər böhran dövründə birə-on artır. İnsanların problemlərindən qazanc əldə etmək perspektivi fırıldaqçıları ən ağlasığmaz təklifləri tətbiq etməyə stimullaşdırır. Hər halda çox sadə qaydalara əməl etməklə bir çox problemdən uzaq durmaq olar. Nəyi bilməliyik?

 İlk növbədə fırıldaqçılardan gələn təklif olduqca şirnikləndirici olur. Hansısa xəstəlikdən möcüzəli müalicə, özünü və ailəni qorumaq üçün qurğu, hər bəladan müdafiə edən amulet, radiasiyanı azaldan krem kimi təkliflərin kökündə fırıldaq sxemi durur. Belə halda olduqca ehtiyatlı olmalı, hər-hansı pul vəsaitini deyilən hesaba köçürmək lazım deyil. Fırıldaqçıları həm də insanların şəxsi məlumatı, bank hesabı da maraqlandırır. Heç bir fərdi məlumatı  naməlum ünvana yollamaq, ianə toplayana vermək olmaz. Qarşı tərəfin məqsədi ya pul qopartmaq, ya pul əldə etmək üçün hansısa məlumatı əldə etməkdir. Bu imkanlar kəsilərsə, heç bir onlayn fırıldaqçıdan ziyan gələ bilməz. 

“Möcüzə” təklifləri nə bir xəstəliyi müalicə edə, nə də hər hansı bir şüalanmanın qarşısına ala bilər. Fırıldaqdan qorunmağın yolu elə ehtiyatlı davranışdan keçir.

211
Əlaqədar
Azərbaycan koronavirusla mübarizədə Gürcüstan təcrübəsini tətbiq edə bilər - Gec deyilmi
Təhlükəli qan qrupu təsdiqləndi – Koronavirusa yoluxanlar arasında onlar daha çoxdur
Koronavirus üzərində qələbənin əsas şərti açıqlandı
ÜST koronavirusla mübarizə üçün istədiyi məbləği açıqlayıb
"Koronavirusun ikinci dalğası bir sıra sahələrə sarsıdıcı zərbə vuracaq"
Bakıda yanğının nəticəsi

"Bu, bir oyundur" dediyimiz COVİD-19 artıq başımıza oyun açır

592
(Yenilənib 11:22 07.07.2020)
Görünən odur ki, bu gün xəstələrin sayı, kimin xəstələnməsi xəbər kimi qarşılanırsa, sabah xəstələnməyənlərin sayı, kimin xəstələnməməsi xəbər olacaq.

BAKI, 7 iyul — Sputnik. 7x7 ötən həftənin ən yaddaqalan hadisələrini şərh edir

Su böhranı

Bu gün dünyada 50-dək ölkə ciddi su böhranı yaşayır. BMT-nin proqnozlarına görə, 2030-cu ildə su çatışmazlığı səbəbindən təxminən 700 milyon insan qaçqına çevrilə bilər. Bu gün dünyada iki milyarddan çox insan çirkli su içir, 4,5 milyard insan sanitariya sahəsində lazımi xidmətlərdən məhrumdur.

Təəssüf ki, Azərbaycan da "risk zonası"nda olan ölkələrdəndir. Cənubi Qafqazın su ehtiyatlarının cəmi 10 faizi Azərbaycanın payına düşür. Və üstəgəl ölkəmizin transsərhəd sulardan asılılığı ümumi su istifadəsinin 74%-ni təşkil edir. Nəzərə alsaq ki, bu asılılıq həm də Ermənistan sərhədlərindən formalaşan su mənbələrinə aiddir, onda məsələnin ciddiliyi aydınlaşır.

Bu arada Kür çayında yaşanan ekoloji problem su böhranı məsələsini bir daha aktuallaşdırır. Belə ki, Kürdə suyun səviyyəsi kritik səviyyəyə düşüb, hazırkı vəziyyətdə Kür Xəzərə yox, Xəzər kürə axır. Bu isə böyük bir ərazidə suvarma problemi yaradır.

Beləliklə, suya qənaəti təmin edə biləcək suvarmada damcı sisteminin ən qısa zamanda tətbiqi qaçılmazdır. Ancaq bu xüsusda fərdi məsuliyyət də əhəmiyyətlidir. Nəzərə almalıyıq ki, karbohidrogen ehtiyatlar uğrunda savaşlar dövrü geridə qalır, indi su hövzələri daha strateji xarakter daşıyır.

Ümid edək ki, "Sputnik" reportyorunun Kür yatağından çəkdiyi bu foto gələcəyin fotosu deyil:

© Sputnik / Murad Orujov
Kür

"Barıt çəlləyi"

Ötən həftə Ermənistan "Metsamor" Atom Elektrik Stansiyasının fəaliyyətini təmir işləri ilə əlaqədar olaraq dayandırdı. 11 ballıq zəlzələ zonasında tikilmiş, ömrünü illər öncə başa vurmuş stansiyanın təmirə dayandırılması rəsmi İrəvanın nəinki bölgə, qlobal miqyasda təhlükəli siyasət həyata keçirdiyini təsdiqləyir. Ekspertlər bildirir ki, stansiyada baş verə biləcək qəza təkcə Ermənistanın özünü deyil, Türkiyə, Azərbaycan, Gürcüstan, Rusiya, İran, Orta Şərq, Orta Asiya və Şərqi Avropa ölkələrini də fəlakətlə üz-üzə qoyacaq. Azərbaycan elə indiki halda da radioaktiv çirklənmənin təsirlərini yaşayır. Ermənistan bu stansiyanın tullantılarını Araz çayına axıtmaqda davam edir.

Od tuturuq

Ötən həftə Bakının Binəqədi rayonunda "Sobsan" boya fabrikində yanğın baş verdi. Yanğının sexlərdən birində olmuş partlayışdan başladığı bildirildi.

Pandemiyanın bütün biznes sahələrini küncə sıxdığı indiki dönəmdə bu cür hadisə də bir tərəfdən iş adamının vəziyyətini ağırlaşdıracaq. Binəqədinin bəxti isə yanğın baxımından heç gətirmir – dünən "Eurohome", bu gün "Sobsan".

Daha bir nazirlikdə

"Qara maskalı"lar bizi çox darıxmağa qoymadılar. Bir neçə həftə fasilədən sonra onları ötən həftə Xarici İşlər Nazirliyində görüblər. Məlumata görə, DTX-nın bu nazirlikdəki anti-korrupsiya əməliyyatında nazirliyin İşlər İdarəsinin müdiri Fərhad Mollazadə həbs olunub. Yəqin siyahıda başqa adlar da olacaq. Belə işləri bir adam tək bacarmır, komanda lazımdır.

Çoxkoloritli günlər

Ötən həftə də ənənəmizə sadiq qaldıq: oğlu əsgərlikdən qayıdan ata qonaqlıq verdi, yas mərasiminin keçirilmə qaydaları pozuldu, kafedə yeyib-içənlər saxlanıldı, icazəsiz işləyən dərzi sexləri aşkarlandı, Bakıda Qəbələyə qanunsuz getmiş şəhərlilər isə qaldıqları yerdəcə yaxalandılar. Ən maraqlısı isə SMS-lə icazə alıb, oğurluğa gedənlər idi.

Karantin qaydalarını yaxşı ki, hamı eyni cür pozmur. Bu, çoxkoloritlilik həyatımızın monoton günlərinə rəng qatır.

Qədim daşlar və tramvay

Balaxanı qəsəbəsinin yeni turizm marşrutu kimi müəyyənləşdirilməsi və turizm məkanına çevrilməsi üçün işlərə başlanılıb. Artıq qəsəbədə qədimi məhəllələrin bərpasına başlanılıb. Məşədi İbada və hambala qoyulan heykəl xüsusi maraqla qarşılanıb. Eyni zamanda, küçələrə daş döşənir. Hələ 1800-cü illərin ortalarında Bakının məşhur Xəzri küləyi əsdiyi zaman küçələrdə tozanaqdan göz açmaq olmurmuş. Məhz o zamanlar tozanağın qarşısını almaq küçələrə daş döşəməyə başlayıblar. İndi qəsəbənin turistik zonaya çevriləcək hissəsində bu daşlar düzülür. Ümid edək ki, bu daşlar kimi biz şəhərimizdə "keçmişin qalığı kimi" ləğv edilən tramvayları da görə biləcəyik… Hər bir böyük, müasir şəhərdə olduğu kimi…

Baş epidemioloqumuz

Respublikanın baş epidemioloqu, professor İbadulla Ağayevin son açıqlaması gündəmə çevrildi. Sitat bu cür idi: "Mən Bakıda deyiləm, rayondayam. Heç nədən də xəbərim yoxdur. Kənddə oturmuşam. Nə televizorum, nə də internetim var. Mən baş epidemioloq olanda nə olar? Mən də adamam da. Mənim də rayonda qohumum, əqrəbam var. Siz Səhiyyə Nazirliyinə, TƏBİB-ə zəng edin".

Açıqlama ilə bağlı birinci yanaşma o idi ki, İ.Ağayev baş epidemioloq kimi yox, laqeyd vətəndaş kimi danışır. İkinci baxış: onun vəziyyətə təsir imkanları yoxdur, jurnalist bu səs yazısını yaymaqla peşə etikasına riayət etməyib.

İstənilən halda, "bu, bir oyundur" dediyimiz COVİD-19 artıq başımıza oyun açır. Görünən odur ki, bu gün xəstələrin sayı, kimin xəstələnməsi xəbər kimi qarşılanırsa, sabah xəstələnməyənlərin sayı, kimin xəstələnməməsi xəbər olacaq.

592
Qadın kitab oxuyur, arxiv şəkli

Ədəbsiz “ədib”lər...

1211
(Yenilənib 20:40 06.07.2020)
Bu türkcədəki "üyə" sözü həm də ürəyimiz bulanarkən çıxardığımız o qəribə səsə bənzəyir. Birliyin bizə yaşatdığı bu ədəbi öyümənin ən gözəl təsviri də ancaq "üyə" ola bilərdi

BAKI, 6 iyul — Sputnik. Bu sənət, ədəbiyyat mühiti ki var, hansı ki içində çox nəhəng istedadlar da tapılar, sənətə təsadüfi gələnlər də. Hə, elə onları deyirəm. Vəziyyətləri yaxşı deyil. Gah uzun müddət işsiz qalır, gah çox kiçik məvaciblərin müqabilində çalışmalı olurlar. Əsas məsələ isə bilirsiniz, nədir? Buna o qədər layiqdirlər ki! Əminliklə deyirəm! Baxırsan ki, istedadı zirvədədir. Sənəti də az qala Stella Adler, Erik Moris qədər bilir. Amma iki kəlmə danışanda görürsən ki, şüuru, düşüncəsi mühitin çirkabı içində batıb qalıb. Bəzən hətta düşüncə tərzi baxımından tipik məhəllə uşaqlarından fərqlənmir. Bir istedad, bir savad öz mühitini hansısa yeniliyə uğratmazsa, nəyə və kimə lazımdır? Adam hər şeyə nifrət edir. Niyə də, niyə? Bu cür istedad, bu cür savad niyə ənənəvi cəfəngiyyatlar toplusu içində məhv olub getməlidir?

Çox şey sayaram. Birini əqidədən, birini ləyaqətdən, birini cəsarətdən və sair. Amma məşhur şeirdəki kimi: desəm öldürərlər, deməsəm, ölləm! Yanlış anlamayın, mən nə ölməkdən, nə də öldürülməkdən qorxan adamam! Sadəcə mən sənəti həmişə öz ailəm bilmişəm və ailəmin içindəki söhbətləri mühitə aşkar edə bilmirəm. Amma bir məkan olsa, bütün yerli sənət mühiti yığılsa və mən də o sözləri bağırsam...

Onları da keçdim. Bir də var ki, sənətdən zərrə də qanmır, ümumiyyətlə, sənət adına heç bir anlayışı yoxdur, hansısa sənət mühitindən üç-beş söhbət oğurlayıb, sənətə dair hansısa kitabdan da üç-beş cümlə əzbərləyib, hər yerdə sənət adına yekə-yekə danışır, ehkam kəsir, hökm oxuyur. Bunlar daha çox təhlükəlidirlər. Birincilər istedadlı, savadlı, amma qorxaq və səriştəsizdirlər və heç bir uğur da qazana bilmirlər, ikincilər isə istedadsız, savadsız, şəxsiyyətsiz, amma publikaya işləmək səriştələri sayəsində öz səfsətələrini geniş kütləyə çatdıra bilənlərdir və xeyli də uğur qazanırlar.

Çağırılmadığı yerə gedən, hələ həyasızcasına niyə çağırılmadığının davasını döyən, həmişə boşboğazlıqları ilə gündəmə gələn, insanların yaddaşında, dilində bir bədii nümunəsi belə olmayan adamlar durub sənət və şəxsiyyət xırdalayırlar. Mən çağırıldığım yerlərin onundan doqquzuna getmirəm ki, birdən şəxsinə və sənətinə hörmətim olmayan biri ilə yanaşı gələrəm, birdən özümə qarşı laqeydlik görərəm, birdən getdiyim yer sənətdən daha çox, başqa məqsədlərə hesablanar və s. Öz mənfəətləri, pulu və şöhrəti uğruna şəxsiyyətini də, sənətini də qurban verən adamlar hələ arada durub mənə də dil uzatmağa çalışırlar.

Onların xalqdan da nəsə ummağa üzü olmamalıdır. Özünə, mənəvi dəyərlərinə, zahiri görünüşünə belə hörmətləri olmayanların içinin tör-töküntüsü görünüşlərinə də yansıyıb. Bir də ki, ortada sənətin, ədəbiyyatın adını batırmaqları adamı yandırır. Onların səfehliklərinin ucbatından yazıçı-şair adı eşidənlər üz turşudurlar. Hələ özlərini sənətə meyar da bilirlər. Bu qədər rəzilliyin yanına kin-nifrət də qoyub xalqa sunurlar, sonra da özlərinə qarşı hörmət, ehtiram gözləyirlər. Nə sanırlar? Tarixə çevriləcəklərini? İnqilab edəcəklərini? Aləmi özlərinə güldürmək xoşlarına gəlir? Anlaya bilmirəm.

Xaricdə Azərbaycan ədəbiyyatından seçmələr şəklində çap olunan biabırçı bir kitabdakı imzaların siyahısına baxıb dəhşətə gəldim. Həyasızlıqları, sırtıqlıqları ilə hər yerə özlərini soxan bu adamlar sənət adına ərsəyə gətirdikləri məzmunsuz-qayəsiz, çəkisiz-mizansız zay məhsulları ilə ölkə ədəbiyyatını xaricdə təmsil etməyə iddialıdırlar.

Mən hesab edirəm ki, müasir Azərbaycan ədəbiyyatı artıq müəyyən uğurlu bir dönəmə qədəm qoyub. Amma bu ədəbiyyatın ətəklərində dolanan nə qədər mağar toyu tamadaları varsa, toplayıb Azərbaycan ədəbiyyatı adı ilə Türkiyədə çap ediblər. 100-ə yaxın imzanın içində 10-a yaxın həqiqi ədib var. Onlar da buna necə razılıq veriblər, bilmirəm. Bəlkə də xəbərləri olmadan dərc edilib. Hər halda, onların adının bu kitabda olması digərlərindən pul toplaya bilmək üçün yaxşı vasitə olub. Yaxşı ki, mən vaxtında adımın istənilən yerdə çəkilməsinə qadağa qoymuşam. Əgər belə bir kitaba məndən xəbərsiz adım salınsaydı, şübhəsiz ki, bunu edənlərə təzminat davası açardım. Bu nalayiq siyahı, bu bərbad tərcümə təkcə şərəf və ləyaqətin təhqiri deyil, həm də yaradıcılığa vurulan zərbə, bioqrafik utancdır.

Kitabda ən uğurlu, ən sevdiyim məqam isə bəzi müəlliflərin bioqrafiyalarında yazılan "Azerbaycan Yazarlar Birliğinin üyesidir" cümləsi oldu. Bu türkcədəki "üyə" sözü həm də ürəyimiz bulanarkən çıxardığımız o qəribə səsə bənzəyir. Birliyin bizə yaşatdığı bu ədəbi öyümənin ən gözəl təsviri də ancaq "üyə" ola bilərdi.

1211
Dərslərini etdən məktəbli, arxiv şəkli

Sizin əlinizdədir! Uşaqların riyazi bacarıqları valideynlərin davranışından asılıdır

0
(Yenilənib 00:35 10.07.2020)
Alimlər uşaqların hansı şəraitdə yaşadığını və valideynləri ilə münasibətlərinin necə olduğunu araşdırıb və bu infomasiyaları riyazi testlərin nəticələri ilə uyğunlaşdırıb.

BAKI, 9 iyul — Sputnik. Böyük Britaniyanın Uels universitetinin nümayəndələri uşaqların elmə, eyni zamanda riyazi elmlər üzrə bacarıqlarını artırma yollarını müəyyən edib.

Sputnik Azərbaycan xarici mətbuata istinadla xəbər verir ki, araşdırmaya 1991-ci il aprelin 1-dən 1992-ci il dekabrın 21-nə qədər doğulan uşaqlar cəlb edilib.

Müəyyən edilib ki, öyrənmə bacarığına ailə vəziyyəti birbaşa təsir edir.

Alimlər uşaqların hansı şəraitdə yaşadığını və valideynləri ilə münasibətlərinin necə olduğunu araşdırıb və bu informasiyaları riyazi testlərin nəticələri ilə uyğunlaşdırıblar.

Araşdırma müəllifləri müəyyən ediblər ki, uşaqları ilə harmoniya ilə işləməyi bacaran valideynlərin uşaqları böyük nailiyyətlər əldə edə bilirlər. Buna validyenlərin təhsil səviyyəsi də təsir edir.

Daha əvvəl isə alimlər ətirli çubuqların daha effektiv təhsil almağa təsir etdiyini açıqlamışdı. Müəyyən edilmişdi ki, məşğələ zamanı məkanın qızılgül ətirli olması uşaqlara daha çox motivasiya verir.

0