Sarımsaq, arxiv şəkli

Sarımsaqdan zəncəfilə kimi: antiseptik ədviyyələr qədər effektlidir?

1399
(Yenilənib 11:50 02.04.2020)
Ədviyyələrdən doğru-düzgün istifadə immuniteti gücləndirir, insanı bir sıra dərddən qoruyur. Amma ciddi xəstəlikdə ədviyyə ilə müalicə olunmaqdansa, həkimə müraciət etmək məsləhətdir

BAKI, 1 aprel — Sputnik. Sarımsağın iki dəfə bahalaşmasından sonra zəncəfil də bahalaşdı. Qiyməti 6-7 manat olan ədviyyə bəzi yerlərdə birdən-birə 45-50 manata qalxdı.

Heç bir zaman koronavirusa tutulmazsınız

Zəncəfilin bu qədər bahalaşması internetdə yayılan videonun fonunda baş verdi. Rusiyalı virusoloq Oleq Torsunov öz paylaşımında zəncəfilin koronavirusla mübarizədə effektli olduğundan danışır. Video Azərbaycanın “WhatsApp” qruplarında yayıldıqdan sonra əhali zəncəfili marketlərdən böyük miqdarda almağa başladı. Videoda gün boyu ara-sıra zəncəfili çeynəmək məsləhət edilir. Üstəlik, virusoloq sarıköklə balın dəmləməsinin də faydalı olduğunu deyir. “Bu, vasitələrdən istifadə etsəniz, heç bir zaman koronavirusa tutulmazsınız”, - deyə alim iddia edir.

Bəzi marketlərdə zəncəfil elə də bahalaşmayıb, yəni 10 manata almaq olar, amma yarım kiloqram məhdudiyyəti var. Buna bənzər xəbərlər əvvəl də çox yayılıb. Məsələn, heç bir tibbi təhsili olmayan, italyan dili üzrə tərcüməçi olan bir ukraynalı bloqçu da zəncəfilin effektli olduğunu iddia edib, gündə ən azı 3 dəfə çeynəməklə koronavirusdan qurtulmağın yolu kimi məsləhət bilib. Bloqçu həm də sarıkökün də eyni dərəcədə faydasından məlumat yayıb.

Virusu yalnız və yalnız immunitet məhv edir

Sarımsaqdan bezən millət indi də zəncəfilə üz tutub, xilas yolunun bunda olduğunu düşünür. Ümumdünya Səhiyyə Təşkilatı da bu tip xəbərlərin yayılmasından narahatlıq ifadə edib. “Bəzi ənənəvi və ev şəraitində hazırlanan vasitələr insana rahatlıq gətirə və "COVID-19"-un simptomlarını yüngülləşdirə bilər. Lakin hər hansı bir müasir dərman vasitələrinin xəstəliyin qarşısına almaq və ya sağaltmaq xassəsinə malik olduğunu sübut edən faktlar yoxdur. "COVID-19"-un profilaktika və ya müalicəsində ÜST hər hansı dərman, həmçinin antibiotikin köməyilə özünü müalicə etməyi məsləhət bilmir”, - deyə təşkilatın yaydığı xəbərdə bildirilir.

Zəncəfil, sarıkök və ya hər hansı bir başqa ədviyyənin köməyi ilə koronavirusu və ya başqa bir infeksiyanı qabaqlamaq və ya müalicə etmək olarmı? Belə bir iddianı irəli sürmək üçün əslində dünya alimləri illərlə təcrübə aparmalıdırlar. 

Laboratoriya şəraitində keçirilən təcrübələrdən sonra isə bunu təsdiqləyən digər eksperimentlər insanların üzərində aparılmalıdır. Əgər virusa tutulmuşuqsa, çox çətin bizi hər hansı türkəçarə ilə müalicə etmək mümkün olsun. Virusu yalnız və yalnız immunitet məhv edir. Əlavə vasitələr isə yardımçı rolunu oynayır.

Aktiv insanlara isə ədviyyə terapiyası da müsbət təsir göstərə bilər

Sağlam həyat tərzi insanı hər gün müşayiət etməlidir. Yəni düzgün qidalanmayan, qeyri-sağlam həyat sürən, az hərəkət edən, siqaret, içki və narkotik aludəçisi olanların zəncəfil və ya sarımsaqla müalicə olacağına ümid etmək mənasızdır. Axı, zəif immunitetdən nə gözləyə bilirik? Əsas orqanlar normal işləmirsə, zəncəfil min dərdə dərmanmı olacaq? Şəkərli diabeti, ürək-damar xəstəliklərini, xərçəngi, böyrək və qaraciyər problemlərini həll edəcək? Koronavirus elə ilk növbədə ağır xəstəliyi olan insanları aparır.

Amma ümumi olaraq düzgün qidalanan, aktiv həyat tərzi sürən insanlara isə ədviyyə terapiyası da müsbət təsir göstərə bilər. Bəzi ədviyyələr doğrudan da antiseptik xüsusiyyətlərə malikdirlər. Onları bir-bir qeyd etməyinə dəyər.

Zəncəfil

Zəncəfil çoxdan immuniteti gücləndirən vasitə kimi tanınıb. Qrip və soyuqdəymədə dəmləməsindən yararlanırlar. Ən sadə formada hazırlanan çay 3 komponentdən ibarət olur: zəncəfil, limon və bal. Bir qədər zəncəfil və limonu fincana əlavə edib üzərinə bir qaşıq bal tökürük, sonra qaynar su töküb üstünü örtürük. Bir qədər sonra müalicəvi məhlul alınır. Çox dadlı və faydalıdır. Zəncəfili çeynəmək də yaxşıdır, amma çox yandırır, uşaqlara yedizdirmək qeyri-mümkündür. Zəncəfilin tərkibində çoxlu maqnezium (Mg) elementi var. O da toksinlərin orqanizmdən xaric olmasına şərait yaradır. Tərkibində çoxlu C və B vitaminləri aşkarlanıb. Burun tutulmasında çox fayda verir. Təzə kökümsovu hazırda bütün marketlərdə satılır. Əvvəllər çətin tapıldığından Azərbaycanda daha çox qurumuş, üyüdülmüş formada satılırdı. Mətbəximizdə zincilfərəc və səməni halvasının hazırlanmasında istifadə edilir. Başqa adı “ağ kök”dür.

Sarıkök

Sarıkök də zəncəfillə eyni fəsiləyə aid edilir. Başqa adı “kurkuma”dır. Əgər zəncəfil ağ kökdürsə, bu sarıkökdür. Adətən qurudulmuş və üyüdülmüş halda satılır. Sarıkökün faydalı tərəflərindən çox danışmaq olar. Ən güclü təbii antibiotik sayılır. Antivirus xüsusiyyətləri var. Hətta xərçəng və Altsheymer xəstəliyində faydalıdır. Tərkibində C vitamini və bol miqdarda minerallar var. Əsas elementi olan kurkumin güclü antioksidant sayılır. Dərman vasitəsi kimi dəmləməsi təklif olunsa da, içmək çox çətindir. Azərbaycan mətbəxinin yeməklərində gen-bol istifadə olunur.

Zəfəran

Zəfəran dünyanın ən bahalı ədviyyələrindən biridir. Onun müalicəvi faydasından çox yazılıb. Həm ürəyin, həm də qaraciyərin dərmanıdır. Əhvalı yaxşılaşdıran və serotonini yüksəldən vasitədir. Antiseptik xüsusiyyətləri özünü məhz orqanizmi toksinlərdən təmizləməkdə ifadə edir. Qaraciyərin işi yaxşılaşır deyə patogen floranın inkişafını bloklayır. Dəmləməsi çox faydalıdır. Sarıkökdən qat-qat güclü ədviyyədir. Əl altda zəfəranı olmayan xanımlar plovda onu sarıköklə əvəzləyirlər. Zəfəranın qəbulu immuniteti çox gücləndirir.

Kəklikotu

Kəklikotunun bir sıra müalicəvi xüsusiyyəti var. Antibakterial və göbələk əleyhinə vasitə kimi xeyirlidir. Tərkibindəki tinolun antiseptik təsiri var. İmmuniteti gücləndirir. Bir sıra vitamin və turşunun daşıyıcısıdır. Onu adətən çayların tərkibinə əlavə edirlər. Dünya mətbəxində bir sıra xörəklərə vurulur.

Mixək

Olduqcə güclü tərkibi var. A, B, C, E və K vitaminləri, omeqa 3 və 6, dəmir və marqanes kimi elementlərin daşıyıcısıdır. Bakterisid xüsusiyyəti var və göbələk əleyhinə faydalıdır. Şirniyyatda və mətbəxin bir sıra yeməklərində istifadə edilir. Ağrıkəsicidir.

Darçın

Darçın immuniteti gücləndirən ən faydalı ədviyyələrdən biridir, çox vaxt soyuqdəymədə istifadə edilir. Aybaşı zamanı ağrıları olan qadınlara da dəmləməsi məsləhət görülür. Azərbaycan mətbəxində quymaq, südlü sıyıq və şirniyyata vurulur. Hazır formada alınıb evdə üyüdülməsi məsləhətdir.

Ədviyyələrdən doğru-düzgün istifadə immuniteti gücləndirir, insanı bir sıra dərddən qoruyur. Amma ciddi xəstəlikdə ədviyyə ilə müalicə olunmaqdansa, həkimə müraciət etmək məsləhətdir.

1399
5G K9 robotu, arxiv şəkli

Qazandığımızı tam itirə bilərik: təşəbbüsü robotlara verməklə...

896
(Yenilənib 11:19 13.08.2020)
Bu gün dünyada işsizlikdən əziyyət çəkən, gündəlik çörək tapa bilməyin milyonlarla insan var. Hər yeni robotlaşdırılmış sistem onların sayını birə-on artırır.

Rusiyada robotlar üçün gəlir vergisinin tətbiq edilməsi ideyası gündəmə gəlib. Rusiyanın Mütərəqqi Təhsil İnstitutu belə bir təkliflə Maliyyə Nazirliyinə müraciət edib. Analitiklərin fikrincə, süni intellektin inkişafı yaxın 15-20 ildə 20 milyon rusiyalını işsiz qoya bilər. Vergidən gələn məbləği satıcı, kassir, analitik, mühafizəçi peşələrində çalışan insanların başqa yöndə təhsil almasına yönəltmək mümkün olacaq.

“Terminator” filminin ilk versiyası nə qədər fantastik görünürdüsə...

Süni intellektin, robotların, “ağıllı əşyaların”, androidlərin tədricən insanı bir sıra sahələrdən sıxışdırıb çıxaracağı barədə yüzlərlə bədii və sənədli film çəkilib. 1984-cü ildə ekranlara çıxan, milyonların sevimlisinə çevrilən “Terminator” filminin ilk versiyası nə qədər fantastik görünürdüsə, müasir dövrün prizmasından bir o qədər də primitiv təsir bağışlayır. Bu gün artıq robotlaşdırılmış və avtomatlaşdırılmış zavodlar, internet və onun yaratdığı informasiya mühiti, evi tam idarə edən avadanlıq və yüzlərlə texnoloji yenilik reallaşıb.

Robotlar insanı, sözün əsl mənasında, sıxışdırıblar. Həyatını daha rahat və komfortlu görməyə can atan insan onu hər yerdə əvəzləyə biləcək texnologiya yaradıb, bu barədə hər gün bəh-bəhlə danışır da. Analitiklər robotların bəşəriyyətin gələcəyinə nə cür təsir edəcəyi ətrafında dayanmadan mübahisə edirlər. Tərəqqinin qarşısını almaq mümkünsüzdür, hər gün yeni texnologiya yaradılır və hər yeni texnologiya dünənin köhnəlmiş avadanlığını əvəzləyir. Hər yeni nəsil robotları daha mükəmməl və funksional fəaliyyət göstərir.

Fantastik filmlərdə gördüyümüz səhnələr reallaşa biləcəkmi?

Robotların insanı tam sıradan çıxarması, Yer üzündə milyardlarla insanı işsiz qoymağı mümkündürmü? Fantastik filmlərdə gördüyümüz səhnələr reallaşa biləcəkmi? Adətən yeni avadanlıq, texnologiya istehsal edən şirkətlər, bu sahədə çalışan insanlar tarixə istinad etməyi sevirlər. Antik dövrdə gəmi qulların vasitəsilə hərəkət edirdi, bir müddət sonra taqətdən düşənlərin yerini digərləri tuturdular. Tədricən yelkənli gəmilər meydana gəldi, onları buxarla işləyən gəmilər əvəzlədi. Hazırda atom enerjisi ilə hərəkət edən gəmilər yaradılıb. Okeanda üzən kiçik bir şəhərcikdir sanki.

Avtomobil, dəmir yolu, aviasiya nəqliyyatı inkişaf etdikcə bir çox peşələr sıradan çıxdı. Orada-burada nadir hallarda faytonlara rast gələ bilərik, o da elə-belə gözəllik üçündür. Robototexnikanın sürətli inkişafı bir tərəfdən bəşəriyyətə nə qədər xeyir versə də, bir o qədər də özü ilə problem gətirməkdədir. Bəzən problemin kökünü hələ də anlamırıq. Vaxtilə hər yeni yaranan texnologiya əsasən insanı ağır fiziki zəhmətdən azad edib. Əgər bir neçə əsr öncə dünya əhalisinin 90 faizi kənd təsərrüfatında çalışırdısa, hazırda bu göstərici 3-5 faizə enib. Yəni əvvəllər bu qədər insanın gördüyü işi hazırda müxtəlif növ texnikanın köməyi ilə reallaşdırırıq. Məhsulu da bazara çatdırmaq problem deyil, hər cür sürətli nəqliyyat növü icad olunub.

Robotlar insanı hansı sahələrdən uzaqlaşdırır? 

Ağır, fiziki əməkdən azad olan insan gücünü elmin, ədəbiyyatın, incəsənətin inkişafına yönəldib. Minlərlə böyük şəhər və meqapolisdə dünya əhalisinin böyük hissəsinin toplanmasına şərait yaradılıb. Amma robotlar bəşəriyyət üçün daha təhlükəlidir, çünki artıq insan həm fiziki əməkdən azad olub, həm də düşünmək funksiyasını süni intellektin idarə etdiyi sistemlərə ötürməklə məşğuldur. Robotlar insanı hansı sahələrdən uzaqlaşdırır? 

Sənaye miqyasında robotlar olduqca geniş istifadə edilir, zavod və fabriklərin bir çoxunda avtomatlaşdırılmış xətlər fəaliyyət göstərir. Hərdən reklamda da tez-tez “insan əli dəymədən istehsal edilib” ifadəsini eşidirik. Qida və alkoqol sənayesində, avtomobil, mobil telefon, smartfon, kompüter istehsalında çoxdan robotlar insanı əvəzləyib. Hətta son dövrlərdə sənaye müəssisələrini ABŞ-a qaytarmaq ideyasını dəstəkləyən Tramp administrasiyası ölkədə tam robotlaşdırılmış zavodların quraşdırılması üçün münbit şərait yaradıb, Çinin “Huawei” şirkətini ABŞ bazarından uzaqlaşdırmaqla İsveçin “Ericsson” şirkətinə ölkə daxilində tam robotlaşdırılmış müəssissə tikməyə imkan verib. Texas ştatında 2020-ci ildə fəaliyyətə başlayan bu “ağıllı fabrik” artıq 5G stansiyaları buraxır. 

Müasir robotlar nəyisə öyrənməkdə insanı qabaqlayır

Geyim istehsalı adətən dünyanın bir çox yerində milyonlarla insanı işlə təmin edirdi. Hazırda robotlar bu sahəni də tədricən ələ alırlar. Almaniyanın “Adidas” şirkəti dünyaca məşhur idman geyimi və ayaqqabılarını artıq Avropada robotların köməyi ilə istehsal etməyə başlayıb. ABŞ-da tam avtomatlaşıdırılmış geyim fabrikləri də fəaliyyət göstərir.

Robotlar insanı supermarket kassasında, avtomobil sükanı arxasında, təyyarənin idarə edilməsində, hərbi döyüş zonalarında əvəzləməkdədir. Özü də insanın yol verə biləcəyi səhvlərin heç birini etməz, etsə də, cəmi bir dəfə. Müasir robotlar nəyisə öyrənməkdə insanı qabaqlayır, gün-gündən mükəmməlləşirlər. Amma problem daha dərindir, çünki robotlar insanın məhz düşünmək imkanını əlindən alırlar. Bu, bəşəriyyət üçün sözün əsl mənasında təhlükədir. Belə olan halda insanın deqradasiyası, onun həm fiziki imkanlarının, həm də intellektual potensialının aşağı enməsi qaçılmazdır. Biliyi bir nəsildən digərinə ötürmək də zamanla əhəmiyyətsiz olacaq, süni intellektin qurduğu dünyada, onun yaratdığı sistemdə yaşamalı olacağıq. Heç bir fəaliyyət üçün səbəb olmayacaq.

Bəşəriyyətə nə qədər yazıçı, rəssam, heykəltəraş, bəstəkar lazımdır?

Həkimlər, hüquqşünaslar, jurnalistlər, tərcüməçilər, ümumiyyətlə, ofis işçilərinin əksəriyyəti işsiz qalacaq. Cərrahlıq edən robotlar, hüququ mükəmməl mənimsəyən, hər gün mətbuat üçün yüzlərlə xəbər yazan proqramlar yaradılıb. İnsana müəyyən dərəcədə özünü yaradıcılıqda ifadə etmək mümkün olacaq. Amma bəşəriyyətə nə qədər yazıçı, rəssam, heykəltəraş, bəstəkar lazımdır? Bəs qalan insanlar nə işlə məşğul olacaqlar?

Elə bu gün dünyada işsizlikdən əziyyət çəkən, gündəlik çörək tapa bilməyin milyonlarla insan var. Hər yeni robotlaşdırılmış sistem onların sayını birə-on artırır. Geyim hazırlamağın, smartfon və ya kompüter istehsal etməyin də mənası qalmayacaq. Bunu ala bilən insan yoxdursa, düzəltməyə dəyərmi? Bəşəriyyət artıq bu gün texnologiyanın yarada biləcəyi fəsadları aradan qaldırmaq yollarını araşdırmalıdır. Təşəbbüsü robotlara verməklə qazandığımızı tam itirə də bilərik.

896
Səhnədə müğənni, arxiv şəkli

Hüznlü manıslar xalqın əndişəsi

1199
(Yenilənib 21:08 12.08.2020)
Toyların, el şənliklərinin qadağan edilməsi böyük bir kültürü iflic vəziyyətinə salıb. Böyük bir industriya çökür və müxtəlif peşə sahibləri bu dağıntıların altında qalırlar.

BAKI, 12 avqust — Sputnik. Bir tərəfdən pandemiya sıxır canımızı, bir yandan işsizlik kəsir nəfəsimizi, bir az da manıs-müğənni əhlinin ah-naləsindən pəjmürdəyik. Niyə onları xatırladım? Çünki bəzənib-düzənib, kreditə avtomobillər, bahalı evlər alıb lüks həyat yaşamağa alışanların çətinliyi daha çoxdur. Bizə nə var? Bir tikə çörəyi ümidlə yavanlıq etməyə öyrənmişik. Çətini zəngin yaşamağa çalışan, zənginliyi imitasiya edən manısların güzəranıdır. Aylardır, yeganə qazanc yeri toylar olan bu şən-şaqraq insanlar intəhasız bir hüznə qərq olublar. Karantin acı bağırsaq kimi uzandıqca, efirlərdə görünən müğənnilərin üzündəki kədər və iztirab dərinləşir. Əvvəl çağırıldığı proqramdan üzrxahlıq edib yayınan, toyda oxumağı daha vacib hesab edənlər indi çağırıldıqları proqramların bitməsini istəmirlər...

Düşünürəm ki, toyların, el şənliklərinin qadağan edilməsi böyük bir kültürü iflic vəziyyətinə salıb. Böyük bir industriya çökür və müxtəlif peşə sahibləri bu dağıntıların altında qalırlar.

...Hər gün oxşar xəbərlərlə oyanıb, eyni ümidlə başımızı atırıq yastığa. Az qala, beş aydır yekrəng, yeknəsək bir ömür xırıd edirik fələyin oyununda. Nə qapımızı döyən var, nə hansısa qapını döyməyə üzümüz, imkanımız. Hər sabah internetdən axışıb bizi ağuşuna alan xəbərləri oxuyub, bir ovuc antidepressant nuş edib, bir siqaret yandırırıq qayğılı-qayğılı. Hər gün həyəcanla statistikanı izləyirik. Sağalan sayı yoluxan sayından artıq çıxanda, əlinə “üç tuz” gəlmiş hiyləgər qumarbaz kimi, bığaltı qımışırıq ki, “hə, bir az ümid var...”  Əslində isə “ümid bağlı qapılar arxasında, ruzimiz qurd ağzındadır”.

Təcridimiz orta əsrlər sufi şeyxinin təcridi kimi uzanır: canımız çiləyə təşnədir. Qadağalar azaldıqca, dükan-bazar, dəniz-çimərlik açıldıqca üzümüzə təbəssüm qonur. Amma heyhat! Nə dükan-bazara getməyə imkanımız, nə dənizə getməyə taqətimiz var. Dənizdə, dükan-bazarda sıxlıq yaradan da biz deyilik, bizim nəfsimizdir. Azadlığa təşnə, sərbəstliyə həsrət nəfsimiz özünü qumsallığa verib dincəlmək istəyir. Aylardır, tamarzı qaldığımız azadlığın, sərbəstliyin dadını çıxarırıq. Şükürlər olsun ki, “birinci dalğa” dedikləri hər nədirsə sahillərimizə çırpılıb, ala bildiyi qədər can alıb, geri çəkilir. Biz binəvalar da “birinci dalğa”dan xilas olmamış “ikinci dalğa”nın müjdəsini alırıq.

TƏBİB bir yandan, Operativ Qərargah digər tərəfdən xəbərdarlıq edirlər ki, “bəs hazır olun, gigiyenik olun, məsafəli olun - “ikinci dalğa” gələcək”. Xub! Gəlsin bu dənizin nə qədər dalğası varsa, bir təhər dözərik, səbr edərik. Amma, ancaq, lakin...

Pandemiyadır, karantindir, təcriddir, sosial məsafədir, yarıtmaz səhiyyədir – bunları birtəhər anlayırıq, ya da zor-bəla anlamağa, dərk etməyə çalışırıq. Bəs bizim sosial vəziyyətimiz, külfətimizin və millətimizin dolanışığı, yaşayışı necə olacaq? Körpə övladlarımıza nə qədər nağıl danışaq? Nə qədər aldadaq özümüzü?

Bütün qayda-qadağaya tabe olub, kədərli bir həyat yaşayırıq. Gün üzünə, doğmaların, yaxınların camalına həsrət qalmışıq aylardır. Şəxsən mən bir yazıçı kimi bu çətin məqamlarda dövlətimin dəstəyini hiss etmək, övladlarımın güvəndə olduğunu düşünmək istəyirəm. Ancaq narahatam, əndişəliyəm. Bir qarın çörək dərdi deyil qorxum. Bu il birinci sinifə getməli olan qızımın, liseyə qəbul olub, həvəslə dərslərin başlamasını gözləyən oğlumun təhsilindən nigaranam. Yaşlı valideynlərimin səhhətindən, aylardır işsiz qalan dost-tanışımın dolanışığından narahatam.

190 manata ümid edən, ehtiyac içində olan həmvətənlərimi düşünürəm. Sonuncu ehtiyatını da xərcləyib bitirmiş onlarla adam tanıyıram. Hər gün yardım üçün müraciət edənlərə, marketlərin qarşısında əl açanlara aylardır işsiz olduğumu deməyə utanıram.

Sosial problemlər, işsizlik və sıxıntılar ortaq dərdimizdir. “Ellə gələn toy-bayramdır” deyirik, amma yaxın qonşumuz Gürcüstana və uzağımız Avropaya baxanda görürük ki, əslində “toy-bayram” onlardadır. Səhiyyədən tutmuş, əhaliyə edilən sosial dəstəyə qədər nümunə götürməli olduğumuz çox şey var.

Biz, sadəcə, səriştəsiz, əhli-kef məmurların ümidinə qalmış qoca Şərqin atılmış və unudulmuş binəvalarıyıq.

Bundan sonra ümidimiz yalnız koronavirusun insafına qalıb. Bu zaval, bu mərəz özü könüllü çəkilib getməsə, bizim sonumuz heç də yaxşı görünmür...

1199
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Baba nəvəsinə ad günü təşkil etdi, qonaqlar hədiyyə əvəzinə cərimə ödədilər
"Bilmədiyimiz bir şeydən qorxmağın mənası yoxdur" - Psixiatr
Koronavirusdan daha təhlükəli: Qəzəb, aqressiya və gərginlik...
Hökumətdən kafe və restoranlarla bağlı yeni qərar
Birlik, həmrəylik məqamı və keçməməli olduğumuz "qırmızı xətt"
Bakı məktəblərin birində, arxiv şəkli

Məktəblərin açılması ilə bağlı suallar hələ açıq qalır

0
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

BAKI, 15 avqust — Sputnik. "Son günlər rəqəmlərdə azalmalar qeydə alınsa da, bəzi günlər üzrə rəqəmlərdə artım qeydə alınıb. Bu da insanların aktivliyi ilə əlaqədardır". Sputnik Azərbaycan xəbər verir ki, bu sözləri Azərbaycan Respublikası Prezidentinin Administrasiyasının xarici əlaqələr şöbəsinin rəhbəri Hikmət Hacıyev deyib.

O təhsillə bağlı məsələyə də toxunub: "Təhsil müəssisələrinin açılması məsələsi müzakirə olunur. Bu gün Təhsil Naizrliyiin nəzdində fəaliyyət göstərən institutlar tərəfindən digər ölkələrin təcrübələri öyrənilir. Bütün təhsil müəssisələri üzrə ayrılıqda müvafiq qərar qəbul edilməlidir. Bu gün qonşu ölkələrdə də məsələ ciddi müzakirə olunur. Hətta həmin ölkəərdə təhsilin növbəti aylarda açılması da müzakirə edilir".

0