Elza Seyidcahan, arxiv şəkli

Elza Seyidcahan poeziyası, yaxud bir şairənin manifesti

1133
(Yenilənib 19:45 23.09.2019)
Elza Seyidcahan kimdir? Təəssüf ki, bu sualların cavabını kütlənin böyük əksəriyyəti bilmir və xanım sənətkarı bayağı şou qalmaqalları və şeirləri ilə tanıyırlar

BAKI, 23 sentyabr — Sputnik. Azərbaycan coğrafi olaraq kiçik əraziyə və əhali olaraq nisbətən çox olmayan insan sayına malik olsa da, içindən xeyli istedadlı, qeyri-adi, zamanı qabaqlayan, mədəni tarixi dəyişəcək qədər inqilabi bacarıqlara sahib olan insanlar çıxır. Tarixə baxanda buna nümunə üçün çox sayda adam adı çəkmək olar, amma mən hamınızın bunu bildiyini düşünüb yazı ölçüsünü uzatmaq istəmirəm.

Bir neçə il əvvəl bəstəkar-müğənni Elza Seyidcahan bədii yaradıcılığa, daha dəqiq desək, poeziyaya qədəm qoydu. O zamanlar bir az gənclik havasına, bir az da emosional xarakterimə yenik düşüb xanım sənətkarın yazılarını dərindən düşünmədən, təhlil etmədən, ilk baxışda qulağıma cəfəngiyat kimi göründüyü üçün qəfil cəldliklə sərt bir yazı da yazmışdım haqqında. Özümə borc bilib, əvvəlcədən üzr istəyirəm bütün ifadələrim üçün.

Elza Seyidcahan kimdir? Azərbaycan mədəniyyəti üçün nə qədər əhəmiyyətlidir? Təəssüf ki, bu sualların cavabını kütlənin böyük əksəriyyəti bilmir və xanım sənətkarı bayağı şou qalmaqalları və şeirləri ilə tanıyırlar. Bu səbəbdən vacib bilirəm ki, əvvəlcə, Elza Seyidcahan imzasının Azərbaycan mədəniyyətində önəmi barədə bir qeyd edim.

Elza Seyidcahanın bioqrafiyası və ölkəsi üçün etdikləri barədə Vikipediyada geniş məlumat var. Eyni şeyləri təkrarlamayım deyə, bu yazını oxuyan hər kəsdən xahişim odur ki, həmin materialı oxusun və kiçik bir müqayisə ilə düşünsün ki, eyni bioqrafiyaya başqa hansı Azərbaycan sənətkarında rast gələ bilər? Daha sonra da xanım sənətkarın həm bəstələdiyi, həm də ifa etdiyi “Bu gecə”, “Sənsiz”, “Son vida”, “Yarpaq”, “Mən aktyoram”, “Gözəllik” və digər mahnılarını dinləyin. Sonra Elza Seyidcahanın mədəniyyətimizdəki əhəmiyyəti barədə özünüz vicdan və insafla qərar verin.

Gələk sənətkarın poeziyasına. Əvvəlcədən qeyd edim ki, onun şeirlərini ilk oxunuşda, ilk dinləyişdə anlamayacaq, hətta, güləcək və ya əsəbiləşəcəksiniz. Onsuz da xanım sənətkarın tərzi, üslubunun əsas mahiyyəti də budur: oxucunu (dinləyicini, tamaşaçını) qıcıqlandıraraq düşündürmək. Belə ki, xüsusi ilə tibb alimlərinin “insan beyni əsəbi halda daha dərindən düşünür” iddiasından sonra, bütün dünya mədəniyyətində ötən əsrin ortalarından etibarən, bu səpkidə müxtəlif yaradıcılıq cərəyanları formalaşıb. Azərbaycan mədəniyyətinə də həm bir sıra musiqiləri ilə (məsələn, Mikayıl Müşfiqin “Yenə o bağ olaydı” şeirinə bəstələdiyi mahnı ilə), həm də şeirləri ilə bu cərəyanı Elza Seyidcahan gətirib.

“Psixasof” şeiri Elza xanımın məşhur yaradıcılıq nümunələrindən biridir. Lakin şeiri bütünlükdə təhlil edəsi olsam, yeni bir kitab yazmağım lazım olacaq. Xanım sənətkarın bütün şeirlərini təhlil etmək üçün isə bir silsilə ensiklopedik kitablar yazılmalıdır. Ona görə də hələlik, “Pixasof” şeirinin bir hissəsini təhlil edəcəyəm. Diqqətinizi çəkərsə, zaman-zaman digər hissələri və digər şeirlərini də təhlil edə bilərəm.

Elza Seyidcahan yazır:

“Psixasofdu, ofofofdu, safdı, sofudu,

Soxa, sofdu,

Soxa, soxdu.

Ufudu, tfudu,

Pikovaya fleytadu,

Dodekafondu, şerim fondu,

Amma, çoxdu.

Yazan var ki,

Pis gözlərə oxdu!

Polifonikdi?

Sizinki mikdi?!”

Psixosof – bir teatr metodudur. (Nəzərinizə çatdırım ki, bu yeni teatr metodu Azərbaycanda Vaqif İbrahimoğlu tərəfindən “Yuğ” teatrı ilə yaradılıb). Hansı ki, insanın ruh halı, psixologiyasının kvant fizikası ilə ifadəsi uğrunda çalışır. İnsan anlayışının atomaltı quruluşuna enir, ruhumuzun və psixologiyamızın protonlarla, elektronlarla, kvarklarla, sicimlərlə əlaqəsini, ən kiçik zərrələrimizin bizim şəxsiyyətimizə və taleyimizə təsirini izah edir.

Və Elza xanım məlum etmək istəyir ki, bu psixosof içində “ofofofdu”. Yəni, hamı ah çəkir, nalə çəkir, fəryad edir, köks ötürür. Hamı bezir, usanır. Üstəlik, bunların arasında “saf” olanlar da var, “sofu” olanlar da. Saf olanı anladınız, “sofu” isə radikal dindar deməkdir. Yəni dini dəyərlərə qatı bağlı olan və dinin bütün qaydalarına kəskin riayət edən şəxs mənasındadır.

Oxucuları ən çox güldürən “soxa-soxdu” ifadəsidir. Hansı ki, bu ifadə nəinki bugünkü Azərbaycanı, bütün müasir dünyamızı qısa izah edir. Texnoloji inkişafın tən ortasında, qlobal problemlərin - müharibənin, terrorun, savaşın, ağır xəstəliklərin, istiləşmənin, kütləvi intiharların, mənəvi tənhalıqların və saymaqla bitməyən bütün digər bəlaların içində, dünyamızın yeni dövrə keçid mərhələsində avara qalmış hər bir fərdin bütün ağrılarının yeganə və unikal təsvir formasıdır.

“Ufudu” – mükəmməl ifadədir! Elza xanım içimizdəki uşağa işarə ilə ürəyimizin və ruhumuzun yanğılarını ifadə etmək üçün “ufu” sözünü tapıb. Barmağı yanan, dizi yaralanan uşaqların “uf oldu”, “ufu-ufu” kimi ilkin danışıq dili ilə böyük ağrıları izah etməyə çalışıb. Və ardınca “tfudu”! Yenə mükəmməldir! Bəlalara tüpürmək hirsimizi soyutmağın ən gözəl yolu deyilmi?

“Pikovaya fleytadu” – Aleksandr Puşkinin “Pikovaya dama” adlı qısa hekayəsinə Çaykovski qardaşı ilə birlikdə libretto yazaraq “Maça qızı” operasını bəstələyir. Çox dərinlərə getsəm, gərək bu hekayənin və operanın məzmunundan da yazım. Bu, uzun olar, qısa izah edim ki, Elza xanım bütün baş verənləri “Pikovaya dama” kimi bir hekayədən yaranmış Çaykovski operasını bir fleytada ifa etməyə bənzədir. Bütün bu böyük bəlalar bir insanın içinə və kiçik bir dünyaya sığmış kimi...

“Dodekafondu, şeirim fondu” deməklə, Elza xanım öz poeziyasını qısa və konkret təsvir edə bilib. Dodekafoniya musiqinin tonal sistemdən, atonal sistemə keçməsidir. Ötən əsrin əvvəllərindən başlayaraq bu yeni musiqi növü bütün dünyada şöhrət qazandı. Dodekafon musiqidə 12 xrammatik səsdən istifadə edilir və bu səslər əsla təkrar olunmur. Modern musiqi tamamilə dodekafoniya ilə təşəkkül tapıb. 

Elza Seyidcahan bildirir ki, yazdıqlarım eyni ilə musiqidə dodekafoniyanın yeni inqilab olduğu kimi, poeziyada da inqilabdır və sizə yad deyil, sizin fonunuzdur, hər şey sizin fonunuzda baş verir.

“Amma, çoxdu. Yazan var ki, pis gözlərə oxdu! Polifonikdi? Sizinki mikdi!” – buna xeyli gülmüşəm. Və mən bunların fərqinə vardıqca Elza Seyidcahan istedadına, zəkasına, dərinliyinə daha çox heyran oluram. Əvvəllər telefon melodiyaları monofonik – təksəsli musiqi ilə qurulurdu. Daha sonra polifonik – çoxsəsli musiqi ilə qurulan melodiyalar istifadəçiləri daha çox təsirləndirməyə, çox hallarda isə qıcıqlandırmağa başladı. Elza xanım bildirmək istəyir ki, “mənim yazdıqlarım polifonikdir, hə? Siz axı monofonik olan hər şeyə alışmısınız, qəliblərdə, çərçivələrdəsiniz, mən isə rəngarəngəm, çoxsəsliyəm”. Və “sizinki mikdi!” – burasını mən izah etməyim, özünüz tapın, həyəcanlı və təsirli olacaq, əmin olun!

1133
Yazı yazan kişi, arxiv şəkli

Rafiq Tağı 70: Unudulmaz dost, böyük yazıçı, şəfqətli həkim

1168
Qatilləri tapılmadı. Onun qətlə yetirilməsinə görə heç kəs cəza almadı. Burada da qəribə bir simvolika var.

Bu il avqust ayının 5-i tanınmış yazıçı, ədəbiyyatımızın görkəmli və sevilən nümayəndəsi, bıçaqlanaraq qətlə yetirilən Rafiq Tağının 70 yaşı tamam olur.

Yaşasaydı onun üçün təbdəbəli yubiley tədbiri keçirilməyəcəkdi.

Çox güman ki, hər hansı təltif, diplom, medal, mükafat da qəbul etməyəcəkdi.

Uzaqbaşı ailəsi, dostları ilə bu günü qeyd edib, üzündə işıqlı, həlim təbəssümlə növbəti yaşıyla vidalaşacaqdı.

Ona görə yox ki, Rafiq Tağı yazıçı olaraq mükafata layiq deyil, sadəcə dəbdəbəni sevməzdi ustad. Yeri gəlmişkən onun şəxsiyyəti bütün mükafatlardan, bütün təltiflərdən üstün idi. Sağlığında hətta "tanınmış yazıçı" ifadəsini belə, qəbul etmirdi – kifayət qədər tanınsa da, sevilsə də....

Təxminən 9 il əvvəl mənimlə söhbətində demişdi: "Azərbaycanda "titul" haçansa baş vermiş yaltaqlığın nişanəsidir. Titulsuzluq bunun əksidir. Saxta ad və san insana ləzzət eləməsin gərək".

O saxta ad-sandan ləzzət almayacaq qədər böyük şəxsiyyət idi!

Rafiq Tağı həyatda mülayim, yazıda sərt, bəzən acımasız bir imza sahibi idi. Yazısında, müsahibəsində bir nöqtənin, bir hərfin, ən sadə bir fikirin davasını aparan adam, çayxana söhbətlərimizdə necə bu qədər mülayim ola bilirdi? Üzündəki həlim və şəfqətli ifadə ğmrümün sonuna qədər məni izləyəcək! Və tam səmimiyyətimlə düşünürəm ki, Rafiq Tağı mənim ilk ən böyük itkim idi...

Rafiq Tağı
© Photo : Azpolitika
Rafiq Tağı

Bu xoşxasiyyət, mehriban, ipək kimi adamın mətnləri od-alov, üsyan, başdan-başa etiraz idi. Yazılarını oxuyanda, onunla üz-üzə oturub söhbət etməyə, polemikaya girməyə çəkinirdin. Ancaq, əslində böyüklə-böyük, uşaqla-uşaq idi. Azacıq ədəbiyyat işığı gördüyü adamla oturub söhbət etməyə, polemikaya girməyə, bildiklərini bölüşməyə üşənməzdi. O qədər canayaxın, mehriban, gülərüz insan idi ki, insan özündən asılı olmadan bütün dərdini-sərini onunla bölüşməyə qeyri-iradi başlayırdı. Qəfil ayılırdın ki, illərin doğması kimi dərdləşirsən, içini açıb-tökürsən...

Bəlkə də onun sevilməsinin, sayğı görməsinin səbəbi bu sadəlövhlüyü, canayaxınlığı və qayğıkeşliyi idi.

Rafiq Tağı yorulmaz maarifçi idi. Hər söhbətində, hər yazısında oxumağın, mütaliənin faydasını xüsusi vurğulayır, bəzən fikirlərini sərt şəkildə ifadə etməkdən də çəkinmirdi.

"Kitabı nə üçün oxuyurlar: estetik baxışları formalaşdırmaq, incələşdirmək və heyvan səviyyəsindən çıxmaq üçün. Kim dediyim səviyyədə qalmaq istəyirsə, oxumasın – məcbur edən yoxdur." – Onun fikirləridir. Bəzən mütaliənin faydasını, oxumağın önəmini bu cür sərt şəkildə ifadə edir, oxumağın xalqın inkişafı üçün önəmini, dəyərini hər zaman xüsusi vurğulayırdı.

Rafiq Tağı imkansız xəstələrinin müalicəsi üçün dərman alan, xəstəsinin evinə əlidolu – bazarlıq edib gedən tək-tük həkimlərimizdən idi. Bəlkə də onun canayaxınlığı və qayğıkeşliyi, şəfqətli davranışları peşəsindən irəli gəlirdi.

Qətlə yetirilməsi, bıçaqlanması qəfil, gözlənilməz olsa da, özü sanki bunu öncədən duymuşdu və başına gələcəkləri yazıçı həssaslığı ilə həsr etmişdi. Onu hər dəfə xatırlayanda gündəliyimə qeyd etdiyim söhbətləri, ondan aldığım müsahibələri yenidən xatırlayıram, təkrar-təkrar oxuyuram. Qətlə yetirilməsindən təxminən on ay öncə aldığım müsahibəsində bir fikir səsləndirib. Və ölümündən keçən doqquz il ərzində mən hər dəfə bu fikiri xatırlayanda dəhşətə gəlirəm: "Başında Allah ideyası olmayan, humanizmdən bixəbər, ideyalar dünyasından yan keçmiş insandan nə desən gözləmək olar. Durduğum yerdə bıçağı qarnıma soxsalar, şəxsən mən təəccüblənmərəm."

Bəli, o sanki cəhalətin bıçaq zərbəsi ilə həyatını itirəcəyini, qətlə yetiriləcəyini, güzəştə getmədiyi bu savaşda şəhid olacağını öncədən duyurdu. Onu məhz "durduğu yerdə", heç bir səbəbsiz, gözlənilmədən qətlə yetirdilər. Ancaq cəhalət əlindəki bıçağı üzbəüz, gözlərinin içinə baxaraq qarnına soxmağa cəsarət etmədi. Rafiq Tağı ilə birlikdə ədəbiyyatımızı da, mədəniyyətimizi də kürəyindən bıçaqladılar...

Onu Allahsızlıda suçlayırdılar, ancaq Rafiq Tağı Allaha bütün dindarlardan bir köynək daha yaxın idi. Özü etiraf edirdi ki; "həyatımı İsa peyğəmbərin əxlaqına uyğun tərzdə qurmağa çalışıram."

Bu gün yana-yana xatırladığım böyük dost, böyük yazıçı, böyük şəxsiyyət Rafiq Tağı cəhalətin qurbanıdır. Onun işığı qarşısında gözü qamaşanlar bu işığı söndürmək üçün ən ləyaqətsiz yolu seçdi. Və biz öz sevimli yazıçımızı, əziz dostumuzu, ağsaqqalımızı qoruya, mühafizə edə bilmədik.

Qatilləri tapılmadı. Onun qətlə yetirilməsinə görə heç kəs cəza almadı. Bu məqamı düşünəndə sarsılıram. Burada da qəribə bir simvolika var. Çünki, onun qatili konkret bir adam deyil, cəhalət, savadsızlıq və nadanlıq idi. Və cəhaləti cəzalandırmağın yeganə yolu bu cəmiyyəti, bu toplumu maarifləndirmək, onun işığının, bilgisinin artmağına, çoxlamasına çalışmaqdır. Oxunan hər kitab, yazılan hər cümlə, gələcəyə ümidlə və arzuyla addımlayan hər bir gənc, alıb evimizə apardığımız hər bir kitab, Rafiq Tağının qatilindən aldığımız qisas, cəhalətə meydan oxumağımızsa o qatilə verdiyimiz ən böyük cəzadır.

Sənin ruhun qarşısında baş əyirəm dəyərli ustad, əziz dost...və ümid edirəm ki, hökmən görüşəcəyik!

1168
ABŞ-da epidemioloji vəziyyət

Mayk Pompeo, ərəblərin gecikmiş atomu, sosial lift xoşbəxtlik

888
(Yenilənib 20:16 03.08.2020)
Pul, həqiqətən də bəzən xoşbəxtlikdir. Və ya hansısa fikir adamının söylədiyi kimi – “Pul xoşbəxtlik gətirmir, amma bədbəxtlik baş verəndə çox kömək edir”.

BAKI, 3 avqust — Sputnik. 7x7 həftənin yaddaqalan hadisələrini şərh edir

Pərdə arxasındakı bəla

Əksər ehtimallar “taclı bəla”nın tezliklə həyatımızdan çıxmayacağını deyir. Bəzi qənaətlər isə hətta belədir ki, koronavirus əbədi olaraq bizimlə qalacaq, onun ilin sonunadək yoxa çıxacağına dair proqnozlar nikbin yanaşmanın məhsuludur. Ötən həftə dünyada bu xəstəliyə yoluxanların sayı 18 milyonu ötdü. Rəqəmlər şərtidir, bütün xəstələri qeydə almaq, sadəcə, mümkün deyil. Məlum olmayan təkcə xəstələr, onların sayı deyil. Pandemiyanın hansısa güc mərkəzləri tərəfindən idarə olunduğuna, Yer kürəsində insan sayının kəskin azaldılmasına hesablanmış proqram olduğuna dair mülahizələrin inandırıcılıq gücü də getdikcə daha çox artır. ABŞ dövlət katibi Mayk Pompeonun Ümumdünya Səhiyyə Təşkilatının Çinə satılmasına dair açıqlaması pərdə arxasında nələrinsə baş verməsinin növbəti ifadəsidir.

Alzheymer

Ötən həftə Paşinyan Rusiya kanalına müsahibədə “Qarabağ xalqı”ndan, Ermənistanın “konstruktiv” mövqeyinə qarşı Azərbaycanın “güc tətbiqi”ndən və s. danışıb. Tovuz istiqamətində gözləmədiyi səviyyədə cavab alan Ermənistanın diplomatik müstəvidə də küncə sıxılmasından sonra Nikolun sərsəmləmələri daixili auditoriya qarşısında itirilmiş xalların geri qaytarılmasına hesablanmış cəhdlərdir.

Rusiya televiziyasına müsahibəsində Paşinyanın gileyi də aydın sezilir. KTMT-dən gözlədiyi dəstəyi ala bilməyən baş nazir təbii olaraq məyusdur və Kremli Ankara ilə üz-üzə qoyaraq Türkiyənin münaqişəyə təsirini neytrallaşdırmağa çalışır. Sitat: “Türkiyə və Azərbaycan Minsk qrupunu prosesdən qovmaq istəyir. Rusiya isə susur”.

Rusiyada isə Paşinyanı Sorosun adamı kimi qəbul edirlər. Daxili böhran, diplomatik sahədəki uğursuzluqlar deməyə əsas verir ki, Nikol da tezliklə sələflərinin ardınca gedəcək.

Genetik yaddaş

Okeanın o biri üzündə də erməni lobbisi üçün xoş deyil. ABŞ konqresində Azərbaycan əleyhinə düzəlişə nail ola bilməmələri bir yana, Azərbaycanın torpaqlarının işğalı nəticəsində məcburi köçkünlərin pozulmuş hüquqları ilə bağlı düzəlişin konqresə təqdim olunmasının yaratdığı “duş effekti”nin təsiri keçməmiş Los-Anceles polisi erməni lobbisinin yalanını ifşa edib. Ermənilər sosial media platformalarında azərbaycanlıların bu şəhərdə keçirilmiş aksiyalarda silahlı olduqlarını, bununla bağlı polisə məlumat verdiklərini, polisin onların silahlarını müsadirə etdiyini, ancaq aksiya gedə-gedə onlara geri qaytardığını iddia ediblər.

Nə qədər də gülməli səslənir, deyilmi? ABŞ polisinin bu cür addım atması üçün hansı marağı ola bilər?! Erməni kimliyi, böhtançılıq, dezinformator genetik yaddaşı, deməli, dağları, dərələri, okeanları aşsan da, özünü göstərməlidir.

Azərbaycanlıların Orduya dəstək aksiyası, arxiv şəkli
© Photo : Consulate General of the Republic of Azerbaijan in Los Angeles

İslam kasıblığı

Birləşmiş Ərəb Əmirliklərində ərəb dünyasında ilk atom elektrik stansiyası – “Baraka” işə salınıb. Dünyanın neft ehtiyatlarının 10%-nə sahib olan, ən zəngin ölkələrdən birinə çevrilmiş BƏƏ-nin yalnız indi belə bir stansiyaya sahib olması islam dünyasının elm və texnologiyaya münasibəti, bugünkü dünyanın çağırışlarından nə qədər geri qaldığının göstəricisi sayıla bilər. Bu, hələ islam dünyasının ən qabaqcıl ölkələrindən biridir. Bəli, təəssüflər ki, bu gün dünyanın ən geridə qalmış ölkələri sırasında müsəlmanların yaşadıqları ölkələr üstünlük təşkil edir. Bir zamanlar elmin beşiyi sayılan islam ölkələrinin orta əsrlərdən sonra bu sahədəki tənəzzülü onların qabaqcıq Qərbdən asılılığını şərtləndirib.

Sosial lift

Azərbaycan isə yeni texnologiyaların tətbiqində, eləcə də elm və təhsil sahəsində islam dünyasının aqibəti ilə üzləşmək istəmir. Postneft dövründə bizi yalnız insan kapitalı xilas edəcək. Odur ki, ölkəmizdə təhsilin prioritet istiqamətlərdən biri elan edilməsi təsadüfi deyil. Ötən həftənin ən mühüm hadisələrindən biri yeni təhsil nazirinin təyin olunması idi. Yeni nazir Emin Əmrullayev həftə ərzində ən çox müzakirə olunan sima idi. İnsafən, deyək ki, onun haqqında neqativ fikrə rast gəlmək mümkün deyildi. “Background”u və imici E.Əmrullayevdən gözləntiləri də artırır – hamı onun təhsil sahəsində ciddi nəticələr əldə edəcəyinə inanır.

Və başqa bir məsələ  - E.Əmrullayevin nazir təyin olunması idarəçilikdə sosial liftin işlədiyini də göstərir. Yəni ən yüksək postlara təyin olunmaq üçün “dayday” tələb olunmur, bilik və bacarıqlar, işgüzarlıq və müsbət imic lifti hərəkətə gətirə bilir.

SMM narkotacirlər

Sosial şəbəkələr bu gün biznes sahələrinin inkişafında əhəmiyyətli rol oynayır. Şirvan şəhərində narkotik satıcısı da bu imkanlardan istifadə etmək istəyib.  Ancaq polis gəncə mane olub. Məlum olub ki, təqsirləndirilən şəxs S.Məmmədov müxtəlif sosial şəbəkələrdə canlı yayımlar açıb və izləyicilərə psixotrop maddə olan metamfetaminin hansı qaydada istifadə edilməsini göstərib, eyni zamanda narkotik vasitələrin həm alışı, həm də satışı ilə məşğul olduğunu qeyd edərək ticarəti genişləndirmək istəyib. Amma göründüyü kimi, alınmayıb...

Pul xoşbəxtlikdirmi?

Həftənin daha bir yaddaqalan hadisəsi kriminalla bağlıdır. Eyni həyətdə yaşayan qardaşlar arasında yaranan mübahisə qanla nəticələnib. Belə ki, sərxoş vəziyyətdə olan 50 yaşlı N.Şirinov qardaşı, 1957-ci il təvəllüdlü Z.Şirinova bıçaqla hücum edərək əvvəlcə sağ qoluna, sonra isə sinə nahiyəsinə xəsarət yetirib. Daha sonra o, bıçağın tiyəsi ilə qardaşı oğlunun göz nahiyəsinə zərbə endirib. Məlumata görə, Z.Şirinovun sinəsinə dəyən bıçaq zərbəsi köynəyin cibindəki pula batdığından dərinə işləməyib və onun həyatını xilas edib. Deməli, pul, həqiqətən də bəzən xoşbəxtlikdir. Və ya hansısa fikir adamının söylədiyi kimi – “Pul xoşbəxtlik gətirmir, amma bədbəxtlik baş verəndə çox kömək edir”.

888
Əlaqədar
Ağsaqqalın resepti, amerikalının məktubu, kollektiv mübarizə və toylar
“Gallup”, Türkiyənin əzələsi və "oh, my god!"
Yəhudi şagird, ala qarğa, Rəşad Sadıqov və dərə-təpə düz, iki yüz
"Food City", “beşinci təkər” və Rəhim Qazıyev
"Bu, bir oyundur" dediyimiz COVİD-19 artıq başımıza oyun açır
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

0
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

0