Ermənistanda etirazlar

İrəvanda əmlak bölgüsünə start: "Beli çantalı tüfeylinin" arxasında dayananlar kimlərdir?

1196
(Yenilənib 15:34 02.05.2018)
İndi hər kəsi bir sual düşündürür - bundan sonra nə olacaq?

Bakı, 2 may — Sputnik. Ermənistanda vəziyyət yenidən gərginləşib. Baş nazir seçilə bilməyən Nikol Paşinyan xalqı küçə və meydanlara çağırıb. Ermənistan parlamentinin xüsusi iclasında deputatların əksəriyyəti (56 nəfər) Paşinyanın namizədliyinin əleyhinə səs verib. Onun lehinə 45 nəfər səs verib.

Xatırladaq ki, Nikol Paşinyan Ermənistanın baş naziri postuna yeganə namizəd idi. Seçilmək üçün ona 105 deputatdan 53-nün səsi lazım idi.
Qanuna əsasən, bir həftədən sonra yenidən parlamentdə baş nazir seçkiləri olacaq. Və bu dəfə ona cəmi 32 səs lazımdır. Əgər parlament ikinci dəfə baş naziri seçə bilməsə, buraxılacaq və yeni seçkilər təyin olunacaq.

Bu gün səhər saatlarından başlayaraq, etirazçılar yolları bağlamağa başlayıblar. Ermənistan mətbuatının verdiyi məlumata görə, "Zvartnots" beynəlxalq aeroport istiqamətində adamlar cərgəylə düzülüb və maşınlarla yolu kəsiblər. Onlarla qara geyimli, qara beretli xüsusi polis əməkdaşları gətirilib. Onların əlində heç bir silah, xüsusi vasitə — dəyənək və sipər yoxdur.

Polis kənara çəkilib, yolu açmağa cəhd etmir. Yolu bağlayan əhali polisi çəpiklərlə alqışlayır. Bəziləri, "Polis bizimlədir" — qışqırır. Bir sözlə, Ermənistan açıq vətəndaş qarşıdurmasına getdi. İndi hər kəsi bir sual düşündürür — bundan sonra nə olacaq? Ermənistanda yeni parlament seçkiləri keçirilməsinin hədəf seçildiyi bəllidir. Əslində, baş verənlərdə qeyri-adi nəsnə yoxdur. Baş verənlər Moskvanı, elə Qərbi də tamamilə qane edir. Siyasi araşdırmaçıların fikrincə, Ermənistan nə geosiyasi xəttini dəyişəcək, nə də Qarabağla bağlı mövqeyində ciddi redaktələr edəcək. İrəvanın Qərbə inteqrasiyası da ağlasığmazdır. Ən azı ona görə ki, ermənilər Qarabağın işğalı siyasətindən vaz keçə bilmirlər və amil İrəvanın təcridi siyasətinin davam etdirilməsi anlamına gəlir.

Ermənistanda kimin hakimiyyətə gəlməsi İrəvandan daha çox, Moskvada həll edilir. Kreml özünün maraqlarına zərbə vuracaq proseslərə seyrçi qala bilməz. Rusiya baş verəcəklərdən və maraqlarının itirilməsindən ehtiyat edə bilərmi? Rusiya Ermənistandakı hadisələrə bu qədər seyrçi yanaşırsa, deməli, ortada gizlin saxlanılan razılaşma mövcuddur. Rusiya Ermənistanla münasibətlərinin dəyişməyəcəyinə əmindir, bu baxımdan, Kremlin özünü bu dərəcədə rahat aparması da anlaşılandır.

Burada bir məqamı da nəzərə alaq. "Ermənistan inqilabı"nın lideri Nikol Paşinyan da artıq anti-Qərb ritorikasından əl çəkib. O qeyd edib ki, Ermənistan heç vaxt KTMT-dən çıxmayacaq: "Biz bu təşkilatın daha effektiv olması və Ermənistan, o cümlədən Dağlıq Qarabağın təhlükəsizliyinə daha ciddi zəmanət verməsi üçün səylərimizi artırmalıyıq".

Onu da unutmaq olmaz ki, Rusiya Ermənistanın havadan müdafiəsini öz nəzarətinə götürüb, Ermənistanla hərbi yeni qoşun birlikləri formalaşdırır. Eyni zamanda, "İsgəndər-M" raketlərinin Ermənistana verilməsini də müşahidə edirik. Nəhayət, Rusiya hərbi cənub dairəsini gücləndirməkdə davam edir ki, bu kontekstdə yeni texnikalar Gümrüdə yerləşən 102 nömrəli hərbi bazasına göndərilir. Bütün bunlar onu göstərir ki, Ermənistanda Kremli qıcıqlandıracaq namizəd hakimiyyətə gələ bilməz.

Vəzifəyə kimin transfer edəcəyindən asılı olmayaraq, Ermənistan siyasi, iqtisadi və hərbi cəhətdən ciddi şəkildə zəifləyəcək. "Qarabağ klanı"nın zərbə alması ilə Ermənistanda yeni əmlak savaşı alovlana bilər. Əhalinin narazılıq dərəcəsini və korrupsiyanın səviyyəsini nəzərə alaraq, Ermənistanda hakimiyyətin dinc və sakit şəkildə təhvil verilməsinin baş verəcəyini gözləməyə dəyməz. Kütlələrin marginallaşması, etirazların lümpenləşmiş kütlələrin əlinə keçməsi kimi bir amil də mövcuddur. Bu qüvvələr yalnız sabitliyin pozulmasına səbəb ola bilər. Daha sonra daha ciddi proseslər başlaya bilər. Yeni hakimiyyət bir çox nazirləri, oliqarxları həbs etmək və ölkədən pul vəsaiti çıxarılmasına yol verməmək bəhanəsilə represiyalara başlaya bilər. Bütün bunlar isə yeni, daha qanlı vətəndaş qarşıdurmasının xəbərçisidir.

Məsələyə xarici dövlətlərin reaksiyası maraq doğurur. Rusiyanın tanınmış siyasətçisi baş verənləri dövlət çevrilişi adlandırıb. Qərb etirazlara dəstək verir. Lakin Qərb analitikləri də anlayırlar ki, bu ölkədə "rəngli inqilab" imkansızdır. Vaşinqon Ermənistanda yerləşən 102-ci hərbi hissənin mövcudluğunu nəzərə almaya bilməz. Lakin bu mərhələdə Ermənistan poliqona çevrilib. Dünya gücləri İrəvanda bir-birlərinə barmaq silkələyir. Siyasi araşdırmaçılar əmindirlər ki, vəziyyət daha da gərginləşəcək və onlara "beli çantalı bir tüfeylinin" liderliyi ilə yönəldiləcək ölkə lazım deyil. Daha ciddi siyasətçiyə ehtiyac yaranır.

İndiyədək adı hallanan Karapetyanın oyundan çıxdığı bəlli olur. Sabiq prezident Levon Ter-Petrosyanın da yenidən böyük siyasətə qayıdışı imkansızdır. Bu baxımdan, eks-prezident Robert Köçaryan kabusu yenidən Ermənistanın siyasi müstəvisində dolaşmaqdadır. Lakin Paşinyanın ardınca gedən qəzəbli kütlə Köçaryanı çeynəməyə hazırdır. Deməli, erməni siyasətçiləri daha mötədil bir sima ətrafında birləşməli və onun namizədliyini beynəlxalq güclərlə razılaşdırmalıdırlar.

Bu arada Sərqisyanın hakimiyyətə qayıdışı, Paşinyanın həbsi də müzakirə edilir. Hətta Paşinyanın küçədəki qüvvəsinin təzyiqi ilə baş nazir seçiləcəyi də mümkündür. Problem bunda deyil. Problem ondadır ki, Ermənistanda qansız finiş imkansızdır. Qarşıdakı mərhələ qansız başa çatsa belə, yenə də maraq qruplarının qanlı qarşıdurması qaçılmaz görünür. Ermənistan vətəndaş savaşının astanasındadır. Bu savaşdan qurtulmaq imkanı varmı? Artıq bu suala erməni siyasətçiləri deyil, onları idarə edənlər cavab verməlidirlər…

1196
Teqlər:
Nikol Paşinyan, Qərb, Ermənistan, Moskva, Rusiya, baş nazir
Əlaqədar
İnqilabın son akkordları: Bütün Ermənistan ayağa qalxıb
Bütün Ermənistan ayaqda: Aeroportlar, metro və yollar...
Ermənistan parlamentində qalmaqal qopdu
Sarqsyandan sonra Türkiyə-Ermənistan münasibətlərində nə dəyişəcək – politoloq şərhi
Ermənistan müxalifəti Gümrüyə yürüşə başladı
Peskovdan Ermənistan açıqlaması: “Hadisələr bir-birinə bənzəmir”
Gəncədə xəsarət alan uşaq, arxiv şəkli

Müharibə uşaqların düşmənidir

83
(Yenilənib 01:01 28.10.2020)
Uşaqlığını yaşaya bilməyənlər uşaqlığını əlindən alan hər şeyə, hər kəsə nifrət edərlər. Bizim nəslin müharibəyə nifrəti, bəlkə də bununla bağlıdır

Müharibə ən çox uşaqların, uşaqlığın düşmənidir...

Hər dəfə dinc şəhərlər bombalananda qəhərdən boğazım düyümlənir. Bombalanmış evlərdə öldürülən, yaralanan uşaq fotolarını görəndə çarəsizlikdən boğulmaq dərəcəsinə çatıram. Və mən öldürülən hər bir uşağın yerinə ən ağır işgəncə ilə öldürülmək, yox olmaq istəyirəm. Öldürülən hər uşaqla birlikdə müharibəyə qarşı amansız bir nifrət oyanır içimdə. Çarəsizlikdən başımı divarlara çırpmaq, ağlamaq, qışqırmaq, bu iztirabdan qurd kimi ulamaq istəyirəm…

...Məsumluğu müharibənin məhrumiyyətlərinə tuş gəlmiş bütün uşaqlar kimi, doğru-dürüst uşaqlıq yaşamadığım üçün hər şeyə bir az uşaqca yanaşıram və bəlkə, bu, illərlə belə davam edəcək. Bizim nəsli “Avakado nəsli” adlandırır tədqiqatçılar. Heç vaxt böyüməyən, həmişə uşaq qalan nəsil... Uşaqlığımız travmalarla, məhrumiyyətlərlə, çarəsizliklərlə doludur. Qəhrəman hesab etdiklərimiz baş daşlarında hərbi geyimli fotolara çevrilir, arzularımızı ehtiyac adlı əjdaha kamına çəkir, gülüşlərimizi müharibə oğurlayırdı. Müharibədən yüz kilometrlərlə uzaqda müharibənin bütün ağrı-acısını yaşayır, məhrumiyyətləriylə savaşırdıq. Yaşıdlarımız müharibədə öldürülür, işgəncələr görür, bizdən daha çox itirirdilər.

İndi də övladlarımız eyni ağrılarla üz-üzədirlər. Ancaq onların bizdən çox böyük fərqi var: onlar az qala hər gün qələbə xəbərləri ilə coşur, küçələrə çıxıb şüarlar səsləndirir, daha çox qələbə xəbərlərinə fokuslanırlar…

…Sadəcə zədələnmiş, travmalı uşaqlığıma görə müharibə mənim düşmənimdir. Biz müharibəni "dava-dava" oyunu zənn edəcəkkən, tanıdığımız insanlar gerçək güllələrlə vurulub, öldürülürdü. Gəncliyi yarıda qırılan onlarla tanışımız qara çərçivəli fotolara çevrilirdi. Müharibə bizim arzularımızı, ümidlərimizi oğurlayırdı. Bizim arzusuz, ümidsiz, yoxluqlarla dolu uşaqlığımızda müharibə ən böyük kabusumuz, qələbə ən uzaq ümidimizdi.

Bizim nəslin nə kabusları bitdi, nə ümidləri çiçək açdı...

Ancaq övladlarımız bu kabusun bitəcəyinə inanır, qələbənin gəlişini duyur, zəfəri gözləyirlər.

Elə biz də hər ümidli xəbərə uşaq kimi sevinir, az qala uşaq kimi atılıb-düşürük.

Uşaqlığını yaşaya bilməyənlər uşaqlığını əlindən alan hər şeyə, hər kəsə nifrət edərlər. Bizim nəslin müharibəyə nifrəti, bəlkə də bununla bağlıdır. Həyatımızın ən şirin, əvəzolunmaz çağlarını əlimizdən alan müharibəyə nifrətlə, ikrahla yanaşmağımızın bir səbəbi də budur. Nağıllara inanmaqla keçərdi həyatımız. Nağıllar bizi ovudar, xəyallar ən son sığınacağımız olardı.

...Böyüsək də, müharibə xofu kabus kimi çıxmadı candan. Hər addımda itirmək qorxusuyla yaşadıq, hər addımda o məhrumiyyət, o yoxluq xofu bizi izlədi...

Həyatın oyunları getdikcə adiləşdi, getdikcə itirməyə alışdıq.

Bizim nəslin müharibəyə nifrət etməsinin, qələbəyə, qazanmağa təşnə olmasının səbəbi budur. Müharibə ən böyük travmamız, qorxumuzdur. İndi övladlarımıza danışacaq uşaqlıq xatirələrimizin kasadlığının tək səbəbi müharibədir.

Uşaqların əzab çəkmədiyi, öldürülmədiyi, travma almadığı sakit, sülh içində dünya istəmişik həmişə…

Müharibə uşaqların düşmənidir. Vətənində müharibə gedirsə, atəş xəttindən yüz kilometrlərlə uzaqda olmağın heç nəyi dəyişmir. Düşmən güllələri sənin arzularını, ümidlərini, oyunlarını öldürür...

83
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Mehriban Əliyeva Ermənistanın müharibə cinayətlərinə üsyan etdi
Atəşkəs Tərtərə dinclik gətirmədi: Rayon dağıntılar içində qalıb – VİDEO
Rəsmi Bakı: "Üçüncü dəfədir ki, Ermənistan atəşkəs rejimini açıq şəkildə pozur"
Vətən Müharibəsinin bir ayı: Azad olunmuş ərazilər - SİYAHI
Bakıda tibbi maskada olan insanlar, arxiv şəkli

İkinci dalğa, amerikalıların çətin seçimi təhlükəli Makron

118
(Yenilənib 02:00 27.10.2020)
Yeni "20-liy"in üzərində “Qarabağ Azərbaycandır” yazılacaq. Ümid edək ki, bu manat çapdan qayıdana qədər yazı reallıqda əksini tapacaq. Biz də elə köhnə "iyirmilik"lə Şuşaya, Laçına avtobus bileti alacağıq.

BAKI, 26 oktyabr — Sputnik. 7x7 həftənin ən yaddaqalan 7 hadisəsini şərh edir

Kəndir

Azərbaycan əsgərinin zəfər marşı davam edir. Ötən həftə Cəbrayıl, Füzuli, Qubadlı, Xocavənd, Zəngilan, Kəlbəcər rayonunun kəndləri, Zəngilan və Qubadlı şəhəri erməni işğalçılarından təmizləndi.

Paşinyanın Qərbə yalvarışları da davam etdi – Rusiya və Avropa ölkələrini ayrı-ayrılıqda dəng edən baş nazir NATO-nun da qapısını döydü, ancaq ona Brüsseldə dedilər ki, NATO tərəf deyil, gedin, öz probleminizi özünüz həll edin.

Paşinyan, deyəsən, nəhayət, başa düşür ki, qaranlığını aydınladacaq şamı öz əlində tutmayanın gecəsi zülmətə məhkumdur. O şam da yoxdur – erməni ordusu qocaların, uşaqların, qadınların ümidinə qalıb. Nəvələri ilə oynamaq yaşında olan ahıllar əlində avtomat ön cəbhəyə göndərilir, qadın bölmələri yaradılır, ermənilərin özünün yaydığı videolardakı azyaşlını isə hamımız gördük.

Yaxşı olar ki, erməni diasporu öz ölkəsinə humanitar yardımı dayandırıb, Paşinyana ağ bayraq göndərsin. Ağır məğlubiyyətlə üz-üzə olan baş nazir sonra o bayrağı kəndir kimi də istifadə edə bilər.

İtiqovan

Həftənin ən yaddaqalan nəsnəsi Azərbaycan Müdafiə Sənayesi Nazirliyinin hazıladığı PUA-lar idi. Düşmənin yuxusunu ərşə çəkən dronlar döyüş meydanında özünü təsdiq edir, qan uddurur, XXI əsrin müharibə nümunəsini yaradır. Müharibənin ilk 15 günündə düşmənə təkcə dronlar 1 milyarddan çox zərər vermişdi. Ümumilikdə, düşmən 2 milyard dollar dəyərindən artıq texnika itirib. Bu, Ermənistanın dövlət büdcəsi qədərdir. 

Bu gedişlə Yerevanda nəinki (xal) tank qalmayacaq, tank sürməyə adam da qalmayacaq. 

İkinci dalğa

Dünən ölkəmizdə koronavirusa 946 yeni yoluxma faktı qeydə alındı. Bu, artıq antirekorddur. Həftə ərzində koronavirusa yoluxma dinamikası narahatlıq doğuracaq tempdə idi.

Cəbhədə baş verənlər, Azərbaycan Ordusunun müzəffər yürüşü fonunda COVID-19 az maraqlı görünsə də, bizi az narahat etsə də, bu təhlükəni, türklər demiş, küçümsəyə bilmərik – koronavirusun “ikinci cəbhə”yə çevrilməsinə imkan verməməliyik. Dünya hələ peyvənd axtarışını davam etdirir. Koronavirusa qarşı peyvənd kütləvi dövriyyəyə çıxana qədər COVID-19-dan ölənlərin sayının 2 milyondan çox olacağına dair bədbin proqnozlar var.

Hər halda, o dərman tapılıb ortaya çıxana qədər, gəlin, biz maskamızı çənəmizdən bir az yuxarı qaldıraq.

Fransa üçün Makron təhlükəsi

Fransa Prezidenti Emmanuel Makron faktiki olaraq Fransa üçün təhlükəyə çevrilib. Məsələ burasındadır ki, ölkə başçısı 47 yaşlı məktəb müəllimi Samuel Patinin başının kəsilməsindən sonra açıqlamasında İslamın dəyişməli olduğunu bildirib və İslamı terror dini kimi səciyyələndirib. Bu isə təkcə Makrona yox, Fransaya baha başa gəlir. Ölkəyə siyasi təzyiqlər artıb, məhsulları baykot edilir, kiberhücumlar və s. Fransanın özündə də müsəlmanlar Makronu “ağ yuyub, qara sərirlər”.

Bu arada İngiltərənin “Mançester Yunayted” klubunun futbolçusu Pol Poqba da məlum sərsəmləməyə görə Fransa millisindən ayrılacağını açıqlayıb.

Amerikalılar seçim edirlər

Okeanın o biri üzündə prezident seçkisinə sayılı günlər qalır. Noyabrın 3-də amerikalılar seçki qutularına yaxınlaşıb, öz rəhbərlərini seçməlidirlər. ABŞ prezidentinin kim olması bütün dünyanı maraqlandırır, çünki bu adam supergücün başında oturmaqla, demək olar ki, bütün dünyanın taleyinə təsir edir. Deməli, amerikalılar təkcə özləri üçün prezident seçmirlər, bütün dünya üçün vacib adamı müəyyən edirlər. Ona görə də amerikalılardan daha məsuliyyətli olmağı xahiş edirik.

20 manat hansı mesajı verir?

Sosial şəbəkələrdə 20 manatlıq əsginasın üzərindəki iki “20” rəqəminin birləşdirilərək 2020-ci ili ifadə etməsi və üzərində “Qarabağ” sözünün yazılmasının məhz bu il torpaqların işğaldan azad ediləcəyinə işarə vurduğu ilə bağlı müzakirələr gedir.

Bu arada Mərkəzi Bank qərara gəlib ki, bir neçə manatın dizaynını dəyişsin, hansı ki, onların arasında 20 AZN də olacaq. Yeni "20-liy"in üzərində “Qarabağ Azərbaycandır” yazılacaq. Ümid edək ki, bu manat çapdan qayıdana qədər yazı reallıqda əksini tapacaq. Biz də elə köhnə "iyirmilik"lə Şuşaya, Laçına avtobus bileti alacağıq.

Böhranda varlanır

Dünyanın qarmaqarışıq vaxtında Fransanın LVMH şirkətlər qrupunun baş direktoru Bernar Arno bir həftə ərzində sərvətini 8 milyard ABŞ dolları məbləğində artırıb. 15-22 oktyabr arası LVMH-nin səhmləri 6 faiz artıb, buna “Louis Vuitton” və “Dior” markalarının güclü satışları kömək edib.

Görünür, kimlərsə koronavirusa qarşı spirt əvəzinə “Dior” istifadə edir.

118
Neft buruğu, arxiv şəkli

Azərbaycan nefti 37 dollara düşüb

0
(Yenilənib 12:38 30.10.2020)
Dünya bazarlarında tədarüklə bağlı yaranan narahatlıqlar neftin qiymətinin aşağı düşməsinə təsir göstərir

BAKI, 30 oktyabr — Sputnik. Azərbaycan neftinin qiyməti ucuzlaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,61 dollar ucuzlaşaraq 37,65 dollar təşkil edib.

"Brent" markalı neftin qiyməti 0,67 dollar geriləyərək 36,98 dollar, "Light" markalı neftin qiyməti isə 0,55 dollar ucuzlaşaraq 35,62 dollar olub.

Qeyd edək ki, dünya bazarlarında tədarüklə bağlı yaranan narahatlıqlar neftin qiymətinin aşağı düşməsinə təsir göstərir.

Xatırladaq ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

0