Футбол. Чемпионат Европы - 2016. Матч Англия - Россия

Futbol bayramı davam edir

8855
(Yenilənib 14:19 15.06.2016)

Beləliklə, dostlar, hörmətli futbol həvəskarları, Fransadakı 15-ci Avropa çempionatının qrup mərhələsinin birinci turu geridə qaldı. Sizinlə güman etdiyimiz kimi bu gözəlliyin iştirakçıları iyunun 10-dan 14-dək bizə futbolun ən ləziz təamlarını dadızdırdılar və buna görə onlara minnətdar olmalıyıq. 

Lakin çempionatın gedişində elə hadisələr baş verdi ki, onlar bizim bayram əhval-ruhiyyəmizi korlaya bilərdilər. Söhbət futbol fanatlarının davranışından gedir. Ənənəvi olaraq Dumanlı Albiondan gələnlər dava-dalaş salıblar. Fransızlar və ingilislər bir-birilərinə tarixən xoş məramla yanaşmayıblar, lakin futbol azarkeşləri qismində qonşu ölkəyə gələn britaniyalılar deyəsən bütün tarixi məsələlərə görə haqq-hesab çürütmək istəyirlər. Britaniyalılar sözün əsl mənasında Marselə terror yaşatdılar. Çox şeyə öyrəşmiş şəhərlilər üçün də ingilislərin hoqqaları bütün düşünülə bilə sərhədləri aşmışdı. Bu, məsələyə rusiyalıların qarışmasına qədər davam etdi. Rusiyalılar və ingilislər arasında ilk toqquşmalar Rusiya-İngiltərə oyununadək başladı. Bu toqquşmalarda britaniyalıların böyük say üstünlüyü var idi. Lakin göründüyü kimi, Suvorovun "sayla yox, bacarıqla üstün gəl" tapşırığını yada salan rusiyalı fanatlar Ülyahəzrət II Yelizavetanın təbəələrinin yüngül desək, dərsini verdilər. 1:1 hesabı ilə bitmiş oyundan sonra qarşıdurma stadionda davam etdi. Bu dava-dalaşın sonu çox da xoş olmadı. 

Fransanın Sen-Deni şəhər stadionunda UEFA-2016-ya hazırlıq
© REUTERS / Gonzalo Fuentes

UEFA ingilislərlə oyundakı iğtişaşları araşdırdıqdan sonra şərti olaraq Rusiya yığmasını diskvalifikasiya edib. Bundan əlavə, Rusiya Futbol İttifaqı 150 min avro həcmində cərimə ödəməlidir. 

Şərti diskvalifikasiya o deməkdir ki, Rusiya yığması tribunlardakı iğtişaşlar təkrar olunsa, turnirdən kənarlaşdırılacaq. Təəccüblüdür ki, İngiltərə Futbol Assosiasiyasına qarşı UEFA tədbir görməyib. UEFA-nın qərarı Süleyman şahın məhkəməsinin ədalətindən çox uzaqdır. Lakin futbolətrafı xoşagəlməzlikləri bir tərəfə qoyub 15-ci Avropa çempionatının əsas və xoş məqamlarına keçək.

"A" qrupunda birinciliyin ilk oyununda turnir sahibləri rumınlara qalib gəldilər — 2:1. Fransızlar ideal oyun göstərmirlər, lakin onların qeyri-mükəmməlliyi çempionatın gedişində düzələ bilər. O zaman onların qarşısında dayanmaq demək olar ki, mümkün olmayacaq. Əks halda fransızlar səviyyəcə Rumıniyadan üstün olan komandalarla görüşdə böyük problemlərlə qarşılaşacaqlar. Rumınların isə qrupdan çıxmaq üçün müəyyən şansları var. Böyük ehtimalla onlar bu məsələni birinci turda çətinliklə albanlara qalib gəlmiş (1:0) isveçrəlilərlə mübarizədə həll edəcəklər. Albaniya çox gözəl təsir bağışladı. Fikrimcə onların çempionatdakı vəzifəsi layiqli oyun göstərmək və bu səviyyəli gələcək turnirlər üçün təcrübə toplamaqdır. Lakin albanların sürpriz edə biləcəkləri istisna olunmur. Bu yığmanın oyun səviyyəsi bunu ehtimal etməyə imkan verir. Bir də Fransa yığmasının məşqçisi Deşama ehtiyatda saxladığı güclü oyunçuları vaxtında istifadə etməyi arzulamaq istərdik. 

Футбол. Чемпионат Европы - 2016. Матч Франция - Румыния
© Sputnik / Владимир Песня

"B" qrupunda uelslilər əla təəssürat bağışladılar. Beyl və Remzi kimi möhtəşəm ulduzların irəli apardığı Uels sürprizlər etməyə qadirdir. İstedadlı və perspektivli yığma haqlı olaraq slovaklara qalib gəldi — 2:1. Uels-İngiltərə oyununu səbirsizliklə gözləyirəm. Bu oyun maraqlı olmalıdır. İngilislər Rusiya ilə oyundakı (1:1) səviyyədə oynasalar, uelslilər onlara Hocson və yetirmələrinin Fransada artıq olduqlarını sübut edəcəklər. 

Rusların baş məşqçisi Slutski ingilislərlə oyundan sonra bəyan etdi ki, oyunçular onun dediklərini dəqiq yerinə yetiriblər. Düşünmürəm ki, öz işini bilən Slutski müdafiəni zəiflətmək göstərişini veribmiş, çünki ingilislər Akinfeyevin qapıları yanında özlərini çox sərbəst hiss edirdilər. Bəxtləri gətirdi ki, futbolun baniləri Rusiyanın qapısına 5 qol vurmadılar. Lakin digər məsələlərdə məşqçinin tapşırıqları həqiqətən yerinə yetirilirdi. Rusiyalılar 1966-cı ilin dünya çempionlarının hücum həvəsini məharətlə öldürərək oyunun tempini aşağı salırdılar. Bir faktı da qeyd etməliyəm ki, Akinfeyevin qapısına qolla nəticələnmiş cərimə zərbəsi düzgün deyildi. İtalyan hakim aşkar səhv etmişdi. Berezutski komandaya bir xal qazanmaqda kömək etdi, lakin Rusiya yığmasının problemləri həddindən çoxdur. Slovaklarla bu günkü oyun çox ağır olmalıdır, lakin Slutskinin yığması bu rəqibin də öhdəsindən gələ bilər.

Футбол. Чемпионат Европы - 2016. Матч Англия - Россия
© Sputnik / Григорий Сысоев

"C" qrupunda almanlar və ukraynalılar birinci turun ən maraqlı oyunlarından birini keçirdilər. Almanlar qələbə qazansalar da (2:0), Fomenkonun komandası əla futbol nümayiş etdirdi. Məncə, növbəti mərhələyə çaıxmaq uğrunda mübarizəni ukraynalılar birinci turda Şimali İrlandiyanı 1:0 hesabı ilə məğlub etmiş Polşa ilə aparacaqlar. Belfastdan gələnlər var güvvələri ilə müqavimət göstərsələr də, sönük görünürdülər. Birinci turun oyunlarına baxdıqda, bu komanda 24 iştirakçı arasında ən aşağı səviyyəli oyun nümayiş etdirib.

"D" qrupunda Xorvatiya Türkiyəyə 1:0 hesabı ilə qalib gəldi. Hər iki komanda layiqli oyun nümayiş etdirdilər, lakin bu qrupda əsas oyunlar qarşıdadır. İspanlar 1:0 hesabı ilə çexlərin öhdəsindən gəldilər, lakin bunu yaşlı Çexiyanın sözün əsl mənasında "dayanması"ndan sonra etdilər. İspaniyanın da veteranlar komandası olduğunu nəzərə alsaq, güman etmək olar ki, növbəti rəqiblərin hazırkı dünya çempionlarına qarşı əsas silahı sürət ola bilər. İkinci tur bu qrupda vəziyyəti bir qədər aydınlaşdırmalıdır. 

"E" qrupunda isə italyanlar sevindirdilər. Heyətində superulduzların olmadığı istedadlı məşqçi Antonio Kontenin yetirmələri çoxlarının çempionatın favoritləri sırasına daxil etdiyi belçikalıları "sökdülər" — 2:0. Ulduzlu heyətə baxmayaraq belçikalılar çox sönük futbol göstərdilər ə indi onları iddialı İrlandiya komandası ilə oyun gözləyir. Sonuncular İsveçlə gərgin oyun keçiriblər (1:1), lakin məndə belə bir təəssürat yarandı ki, irlandlar öz imkanlarının son həddində oynadılar, Zlatan İbrahimoviçin irəli apardığı isveçlilərdə isə istifadə olunmamı. potensial hiss olunurdu. İyunun 17-də keçiriləcək İsveç — İtaliya oyunu çox maraqlı keçə bilər.

"F" qrupunda isə nəhayət ki, çempionatın sensasiyası baş verdi. Çoxlarının perspektivli saydığı tərifli Avstriya komandası bütün parametrlər üzrə Macarıstan yığmasına uduzdu — 0:2. Ferens Puşkaş və Florian Albertin həmyerliləri futbol Avropasına sübut etdilər ki, onları erkən olaraq autsayder siyahısına daxil ediblər. Məncə qələbədən ruhlanmış macarlar islandlarla oyunda çox inamlı olacaqlar. Lakin oyun gərgin keçməlidir, çünki qrupun favoriti olan Portuqaliya ilə heç-heçə (1:1) oynayan İslandiyanın da iddiaları böyükdür. Kriştianu Ronaldo və ətrafındakılara gəldikdə isə onların Avstriyaya qalib gəlməkdən başqa çarələri yoxdur, çünki əks halda portuqallar çox çətin vəziyyətə düşəcəklər. Eyni sözləri (məğlubiyyət və heç-heçə halında) Avstriya haqqında da demək olar. 

Bu gün Avropa qitəsinin futbol birinciliyinin ikinci turu start götürür. Bu tur birincidən gərgin olmalıdır. Yəqin ki, bəzi qruplarda vəziyyət aydınlaşacaq, digərlərində isə daha da qeyri-müəyyən şəkil alacaq. Yığmalardan heç biri qrupdan çıxmaq şansını itirməyib və ona görə də güzəştsiz mübarizənin (bizə də elə bu lazımdır) gedəcəyinə arxayın olmaq olar. Futbol bayramı davam edir!

8855
Teqlər:
Rusiya Futbol İttifaqı, UEFA, Kriştianu Ronaldo, Fomenko, Remzi, Beyl, Hocson, Akinfeyev, Berezutski, Zlatan İbrahimoviç, Antonio Konte, Florian Albert, Ferens Puşkaş, İngiltərə, Belfast, Albaniya, Rumıniya, Marsel, Çexiya, İspaniya, Xorvatiya, Türkiyə, Fransa, Uels, Şimali İrlandiya, İslandiya, İtaliya, İsveç, Macarıstan, Avstriya, Avropa, Polşa, Rusiya
Əlaqədar
UEFA Rusiya Futbol İttifaqına 150 min avro cərimə kəsib
UEFA Rusiya və İngiltərəyə xəbərdarlıq edib
Rusiya məğlubiyyətdən son dəqiqələrdə qurtardı
Fransa çempionata qələbə ilə başladı
Gəncədə xəsarət alan uşaq, arxiv şəkli

Müharibə uşaqların düşmənidir

64
(Yenilənib 01:01 28.10.2020)
Uşaqlığını yaşaya bilməyənlər uşaqlığını əlindən alan hər şeyə, hər kəsə nifrət edərlər. Bizim nəslin müharibəyə nifrəti, bəlkə də bununla bağlıdır

Müharibə ən çox uşaqların, uşaqlığın düşmənidir...

Hər dəfə dinc şəhərlər bombalananda qəhərdən boğazım düyümlənir. Bombalanmış evlərdə öldürülən, yaralanan uşaq fotolarını görəndə çarəsizlikdən boğulmaq dərəcəsinə çatıram. Və mən öldürülən hər bir uşağın yerinə ən ağır işgəncə ilə öldürülmək, yox olmaq istəyirəm. Öldürülən hər uşaqla birlikdə müharibəyə qarşı amansız bir nifrət oyanır içimdə. Çarəsizlikdən başımı divarlara çırpmaq, ağlamaq, qışqırmaq, bu iztirabdan qurd kimi ulamaq istəyirəm…

...Məsumluğu müharibənin məhrumiyyətlərinə tuş gəlmiş bütün uşaqlar kimi, doğru-dürüst uşaqlıq yaşamadığım üçün hər şeyə bir az uşaqca yanaşıram və bəlkə, bu, illərlə belə davam edəcək. Bizim nəsli “Avakado nəsli” adlandırır tədqiqatçılar. Heç vaxt böyüməyən, həmişə uşaq qalan nəsil... Uşaqlığımız travmalarla, məhrumiyyətlərlə, çarəsizliklərlə doludur. Qəhrəman hesab etdiklərimiz baş daşlarında hərbi geyimli fotolara çevrilir, arzularımızı ehtiyac adlı əjdaha kamına çəkir, gülüşlərimizi müharibə oğurlayırdı. Müharibədən yüz kilometrlərlə uzaqda müharibənin bütün ağrı-acısını yaşayır, məhrumiyyətləriylə savaşırdıq. Yaşıdlarımız müharibədə öldürülür, işgəncələr görür, bizdən daha çox itirirdilər.

İndi də övladlarımız eyni ağrılarla üz-üzədirlər. Ancaq onların bizdən çox böyük fərqi var: onlar az qala hər gün qələbə xəbərləri ilə coşur, küçələrə çıxıb şüarlar səsləndirir, daha çox qələbə xəbərlərinə fokuslanırlar…

…Sadəcə zədələnmiş, travmalı uşaqlığıma görə müharibə mənim düşmənimdir. Biz müharibəni "dava-dava" oyunu zənn edəcəkkən, tanıdığımız insanlar gerçək güllələrlə vurulub, öldürülürdü. Gəncliyi yarıda qırılan onlarla tanışımız qara çərçivəli fotolara çevrilirdi. Müharibə bizim arzularımızı, ümidlərimizi oğurlayırdı. Bizim arzusuz, ümidsiz, yoxluqlarla dolu uşaqlığımızda müharibə ən böyük kabusumuz, qələbə ən uzaq ümidimizdi.

Bizim nəslin nə kabusları bitdi, nə ümidləri çiçək açdı...

Ancaq övladlarımız bu kabusun bitəcəyinə inanır, qələbənin gəlişini duyur, zəfəri gözləyirlər.

Elə biz də hər ümidli xəbərə uşaq kimi sevinir, az qala uşaq kimi atılıb-düşürük.

Uşaqlığını yaşaya bilməyənlər uşaqlığını əlindən alan hər şeyə, hər kəsə nifrət edərlər. Bizim nəslin müharibəyə nifrəti, bəlkə də bununla bağlıdır. Həyatımızın ən şirin, əvəzolunmaz çağlarını əlimizdən alan müharibəyə nifrətlə, ikrahla yanaşmağımızın bir səbəbi də budur. Nağıllara inanmaqla keçərdi həyatımız. Nağıllar bizi ovudar, xəyallar ən son sığınacağımız olardı.

...Böyüsək də, müharibə xofu kabus kimi çıxmadı candan. Hər addımda itirmək qorxusuyla yaşadıq, hər addımda o məhrumiyyət, o yoxluq xofu bizi izlədi...

Həyatın oyunları getdikcə adiləşdi, getdikcə itirməyə alışdıq.

Bizim nəslin müharibəyə nifrət etməsinin, qələbəyə, qazanmağa təşnə olmasının səbəbi budur. Müharibə ən böyük travmamız, qorxumuzdur. İndi övladlarımıza danışacaq uşaqlıq xatirələrimizin kasadlığının tək səbəbi müharibədir.

Uşaqların əzab çəkmədiyi, öldürülmədiyi, travma almadığı sakit, sülh içində dünya istəmişik həmişə…

Müharibə uşaqların düşmənidir. Vətənində müharibə gedirsə, atəş xəttindən yüz kilometrlərlə uzaqda olmağın heç nəyi dəyişmir. Düşmən güllələri sənin arzularını, ümidlərini, oyunlarını öldürür...

64
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Mehriban Əliyeva Ermənistanın müharibə cinayətlərinə üsyan etdi
Atəşkəs Tərtərə dinclik gətirmədi: Rayon dağıntılar içində qalıb – VİDEO
Rəsmi Bakı: "Üçüncü dəfədir ki, Ermənistan atəşkəs rejimini açıq şəkildə pozur"
Vətən Müharibəsinin bir ayı: Azad olunmuş ərazilər - SİYAHI
Bakıda tibbi maskada olan insanlar, arxiv şəkli

İkinci dalğa, amerikalıların çətin seçimi təhlükəli Makron

106
(Yenilənib 02:00 27.10.2020)
Yeni "20-liy"in üzərində “Qarabağ Azərbaycandır” yazılacaq. Ümid edək ki, bu manat çapdan qayıdana qədər yazı reallıqda əksini tapacaq. Biz də elə köhnə "iyirmilik"lə Şuşaya, Laçına avtobus bileti alacağıq.

BAKI, 26 oktyabr — Sputnik. 7x7 həftənin ən yaddaqalan 7 hadisəsini şərh edir

Kəndir

Azərbaycan əsgərinin zəfər marşı davam edir. Ötən həftə Cəbrayıl, Füzuli, Qubadlı, Xocavənd, Zəngilan, Kəlbəcər rayonunun kəndləri, Zəngilan və Qubadlı şəhəri erməni işğalçılarından təmizləndi.

Paşinyanın Qərbə yalvarışları da davam etdi – Rusiya və Avropa ölkələrini ayrı-ayrılıqda dəng edən baş nazir NATO-nun da qapısını döydü, ancaq ona Brüsseldə dedilər ki, NATO tərəf deyil, gedin, öz probleminizi özünüz həll edin.

Paşinyan, deyəsən, nəhayət, başa düşür ki, qaranlığını aydınladacaq şamı öz əlində tutmayanın gecəsi zülmətə məhkumdur. O şam da yoxdur – erməni ordusu qocaların, uşaqların, qadınların ümidinə qalıb. Nəvələri ilə oynamaq yaşında olan ahıllar əlində avtomat ön cəbhəyə göndərilir, qadın bölmələri yaradılır, ermənilərin özünün yaydığı videolardakı azyaşlını isə hamımız gördük.

Yaxşı olar ki, erməni diasporu öz ölkəsinə humanitar yardımı dayandırıb, Paşinyana ağ bayraq göndərsin. Ağır məğlubiyyətlə üz-üzə olan baş nazir sonra o bayrağı kəndir kimi də istifadə edə bilər.

İtiqovan

Həftənin ən yaddaqalan nəsnəsi Azərbaycan Müdafiə Sənayesi Nazirliyinin hazıladığı PUA-lar idi. Düşmənin yuxusunu ərşə çəkən dronlar döyüş meydanında özünü təsdiq edir, qan uddurur, XXI əsrin müharibə nümunəsini yaradır. Müharibənin ilk 15 günündə düşmənə təkcə dronlar 1 milyarddan çox zərər vermişdi. Ümumilikdə, düşmən 2 milyard dollar dəyərindən artıq texnika itirib. Bu, Ermənistanın dövlət büdcəsi qədərdir. 

Bu gedişlə Yerevanda nəinki (xal) tank qalmayacaq, tank sürməyə adam da qalmayacaq. 

İkinci dalğa

Dünən ölkəmizdə koronavirusa 946 yeni yoluxma faktı qeydə alındı. Bu, artıq antirekorddur. Həftə ərzində koronavirusa yoluxma dinamikası narahatlıq doğuracaq tempdə idi.

Cəbhədə baş verənlər, Azərbaycan Ordusunun müzəffər yürüşü fonunda COVID-19 az maraqlı görünsə də, bizi az narahat etsə də, bu təhlükəni, türklər demiş, küçümsəyə bilmərik – koronavirusun “ikinci cəbhə”yə çevrilməsinə imkan verməməliyik. Dünya hələ peyvənd axtarışını davam etdirir. Koronavirusa qarşı peyvənd kütləvi dövriyyəyə çıxana qədər COVID-19-dan ölənlərin sayının 2 milyondan çox olacağına dair bədbin proqnozlar var.

Hər halda, o dərman tapılıb ortaya çıxana qədər, gəlin, biz maskamızı çənəmizdən bir az yuxarı qaldıraq.

Fransa üçün Makron təhlükəsi

Fransa Prezidenti Emmanuel Makron faktiki olaraq Fransa üçün təhlükəyə çevrilib. Məsələ burasındadır ki, ölkə başçısı 47 yaşlı məktəb müəllimi Samuel Patinin başının kəsilməsindən sonra açıqlamasında İslamın dəyişməli olduğunu bildirib və İslamı terror dini kimi səciyyələndirib. Bu isə təkcə Makrona yox, Fransaya baha başa gəlir. Ölkəyə siyasi təzyiqlər artıb, məhsulları baykot edilir, kiberhücumlar və s. Fransanın özündə də müsəlmanlar Makronu “ağ yuyub, qara sərirlər”.

Bu arada İngiltərənin “Mançester Yunayted” klubunun futbolçusu Pol Poqba da məlum sərsəmləməyə görə Fransa millisindən ayrılacağını açıqlayıb.

Amerikalılar seçim edirlər

Okeanın o biri üzündə prezident seçkisinə sayılı günlər qalır. Noyabrın 3-də amerikalılar seçki qutularına yaxınlaşıb, öz rəhbərlərini seçməlidirlər. ABŞ prezidentinin kim olması bütün dünyanı maraqlandırır, çünki bu adam supergücün başında oturmaqla, demək olar ki, bütün dünyanın taleyinə təsir edir. Deməli, amerikalılar təkcə özləri üçün prezident seçmirlər, bütün dünya üçün vacib adamı müəyyən edirlər. Ona görə də amerikalılardan daha məsuliyyətli olmağı xahiş edirik.

20 manat hansı mesajı verir?

Sosial şəbəkələrdə 20 manatlıq əsginasın üzərindəki iki “20” rəqəminin birləşdirilərək 2020-ci ili ifadə etməsi və üzərində “Qarabağ” sözünün yazılmasının məhz bu il torpaqların işğaldan azad ediləcəyinə işarə vurduğu ilə bağlı müzakirələr gedir.

Bu arada Mərkəzi Bank qərara gəlib ki, bir neçə manatın dizaynını dəyişsin, hansı ki, onların arasında 20 AZN də olacaq. Yeni "20-liy"in üzərində “Qarabağ Azərbaycandır” yazılacaq. Ümid edək ki, bu manat çapdan qayıdana qədər yazı reallıqda əksini tapacaq. Biz də elə köhnə "iyirmilik"lə Şuşaya, Laçına avtobus bileti alacağıq.

Böhranda varlanır

Dünyanın qarmaqarışıq vaxtında Fransanın LVMH şirkətlər qrupunun baş direktoru Bernar Arno bir həftə ərzində sərvətini 8 milyard ABŞ dolları məbləğində artırıb. 15-22 oktyabr arası LVMH-nin səhmləri 6 faiz artıb, buna “Louis Vuitton” və “Dior” markalarının güclü satışları kömək edib.

Görünür, kimlərsə koronavirusa qarşı spirt əvəzinə “Dior” istifadə edir.

106
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

0
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

0