Əkrəm Həsənov, ilahiyyatçı-alim

Müğənnidən dini ekspert kimi istifadə etmək olarmı?

75
(Yenilənib 12:22 06.04.2016)
Müxtəlif ziyalı təbəqələr, islam dini sahəsində saçını, saqqalını ağardan din mütəxəssisləri, dinlə heç bir əlaqəsi olmayan ziyalı təbəqə bunu birmənalı şəkildə pisləyir. Mediada dini mütəxəssis olmayan insanların dindən danışmaları heç bir çərçivəyə sığmır.

İslam dininə görə özünü müsəlman hesab edən hər bir şəxs öz dinini elmi şəkildə öyrənib əməl etməlidir. Belə olduqda təkcə fərdi olaraq yox, cəmiyyət halında vətəndaşlarımız maariflənər və öz dinlərini yaşayıb, yaşadarlar.

Bu gün islam dini haqqında cəmiyyətimiz kifayət qədər maariflənməyə doğru gedir. Cəmiyyətimizin qarışıq məzhəblərdə və müxtəlif ölkələrin təzyiqləri sayəsində islamı elmi şəkildə öyrənib yaşaması və yaşatması çox normal haldır. Xüsusilə ayrı-ayrı sənət sahiblərinin islamı öyrənməsi, digər şəxslərə öyrətməsi qaçınılmazdır.

Ancaq bu gün efirlərdə, kütləvi-informasiya vasitələrində müğənnilərin, aktyor və aktrisaların, hüquqşünasların islam dini üzrə mütəxəssis kimi müxtəlif mövzularda izah verməsi, dini ekspert kimi suallara cavab verməsi nə islam dininin qanunlarına görə, nə də dünyəvi qanunlarımıza görə icazəli deyil. Bunun niyəsini isbat etmək üçün müxtəlif misallar verməyi zəruri hesab etmirəm.

Ancaq birini qeyd edim ki, düşünün, bir ilahiyatçı, ilahiyat üzrə rəsmi danışmağa səlahiyəti olan şəxs, ya hüquqi məsələlərdən, ya riyazi məsələlərdən, ya ixtisasına uyğun olmayan başqa sahələrə aid danışsa, öz sahəsini tərk edib başqa bir sahə ilə əlaqədar müəyyən məsələlərdə rəy versə, fikir bildirsə, bu halda cəmiyyət tərəfindən normal qarşılanmaz.

Eyni ilə efirlərdə müğənnilərin dini ekspert kimi müxtəlif məsələlərdən danışması bütün qanun və qaydalara ziddir. Müxtəlif televiziya verlişlərində müğənnilər, ayrı-ayrı sənət sahibləri verliş aparıcıları tərəfindən dini ekspert kimi təqdim oluna bilməz. Belə hallara yol vermək həmin televiziya rəhbərliyinin, həmin verlişin aparıcılarının səriştəsizliyini göstərir. Belə hallara yol verən müxtəlif televiziya, radio rəhbərləri, o efirlərdə digər sahələrin mütəxəssislərini dini ekspert kimi qələmə verən şəxslər nə etdiklərinin fərqinə varmalıdırlar.

Müxtəlif ziyalı təbəqələr, islam dini sahəsində saçını, saqqalını ağardan din mütəxəssisləri, dinlə heç bir əlaqəsi olmayan ziyalı təbəqə bunu birmənalı şəkildə pisləyir. Mediada dini mütəxəssis olmayan insanların dindən danışmaları heç bir çərçivəyə sığmır.

Bir neçə ay bundan əvvəl adını qeyd etmək istəmədiyim televiziya kanalında cinlərlə bağlı mövzu açılmışdı. Həmin ərəfədə bəzi gənc ilahiyatçı dostlarım mənə mesajla yazıb bildirdilər ki, bəzi televiziya kanalları efirə dini savadı olmayan və dinlə əlaqəsi olmayan şəxsləri dini ekspert kimi dəvət edirlər. Mən bildirdim ki, bu məsələlər bizim səlahiyyətimizdə deyil. Bu işlərlə Dini Qurumlarla İş üzrə Dövlət Komitəsi məşğul olmalıdır. Akadmeik səviyyədə təhsili, dini elmi savadı olan ilahiyatçıları, ilahiyat sahəsində mütəxəssis olan elm adamlarını efirlərə dəvət edib dini ekspert kimi təqdim etməli, onlar da dinə aid müxtəlif məsələlərdən bildikləri qədər cəmiyyəti məlumatlandırmalıdırlar.

Bu məsələdə təkcə bir tərəf günahkar deyil, bütün tərəflər günahkardır. Çünki televiziya rəhbərləri bu məsələdə elm müəssisələrindən və dini cavabdehliyi olan dövlət qurumlarından dini ekspert tələb etməli, yaxud da elmi olan rəsmi ilahiyyat mütəxəssisləri özləri müxtəlif kanallara müraciət etməlidirlər. Bunlar heç biri olmadığı üçün müğənnilər efirlərdən cəmiyyətə din dərsi verirlər və heç də cəmiyyət bunu normal qəbul etmir. Əksinə belə hallar ictimai qınağa səbəb olur.

Müxtəlif ticarət və iaşə yerlərində fəaliyyət göstərən müsəlman mağazalarında disklər, faydalı söhbətlər və dərslər yığışdırırlır. Heç bir televizor ekranında dinimizi öyrənməyimiz üçün ən azı 20 dəqiqəlik bir veriliş getmir. Müxtəlif mövzular açılır, efirlərə müğənnilər dəvət olunub onlardan dini ekspert kimi istifadə olunur. Bu, sadəcə biabırçılıqdır. Dəyərli televizor avadanlıqları və alətləri, bütün güclü texniki cihazlar və radio dalğaları yalnız və yalnız müğənniləri reklam edir. İnsanları Allahın yolundan yayındırmaq üçün müxtəlif boş-boş verilişlər yayımlayır. Bu cəmiyyət də bu uçurumun tam astanasında onları müzakirə edir, onlardan danışır və onlara baxırlar.

Mediadan bunu soruşanda bəzi mediada çalışan gənc dostlarımız bizə bildirirlər ki, tələbat nəyədirsə, istehsal da odur. Tələbat müğənnilər olduğu üçün, qeyd edirlər ki, "biz də daha çox müğənniləri efirlərə dəvət edirik". Bizi səhv anlamayın. Mən demirəm müğənnilər efirlərə dəvət olunmasın. Dəvət olunsun, çünki onsuz da onlara baxan az da olsa, vaxtının qədrini bilməyən şəxslər var. Mən demirəm, onların disklərini almasınlar, Allah təalanın "Qurani-Kərim"də bildirdiyi kimi, boş-boş sözləri satın alanlar çoxdur, müğənnilərin diskləri kifayət qədər satılır, satılsın, ancaq efirlərdə müğənnilər dini eskpert kimi cəmiyyətə dindən dərs verməsinlər. Müğənni dinə aid müxtəlif mövzulardan dini ekspert kimi danışmasın. Çünki bir çox gənclərimiz qurşandıqları və tərk etmək istəyib, tərk edə bilmədikləri vərdişləri elmli dini ekspertlərin çıxışları ilə faydalanıb tərk edə bilərlər.

Hər birimiz sabah fərdi olaraq Rəbbimizin hüzurunda dayanacağıq. Hər birimizin bu işdə böyük məsuliyyətimiz var. Allah təala hər birimizdən bunu soruşacaq. Bütün kütləvi informasiya vasitələrinə müraciət edirəm: Gəlin hər gün bir neçə dəqiqə bizi yaradıb, bizə ruzi verən, bizi yaşadan və bizi öldürən, sonra Qiyamət günü bizi dirildən Rəbbimizə, Onun dininə tərəf dönək. Gəlin heç olmasa həftədə bir dəfə belə mövzularda verlişlər hazırlayaq. Belə verlişlər hazırlamaq mümkün deyilsə belə, dini ekspert kimi ilahiyat üzrə kifayət qədər elmi müəssisələrdə çalışan elm xadimlərimizi müxtəlif verlişlərə dini ekspert kimi dəvət edək. Saatlarla müğənnilərə ayrlılan bu qədər maddi və mənəvi vaxtlarımızı az da olsa elmə, elm əhlinə də ayıra bilək.

Hər bir ölkədə camaatı günaha, deyib-gülməyə, yeyib-içməyə çağıran adamlar olduğu kimi, camaatı Allahdan qorxmağa, günahdan çəkinməyə, yaxşılıq etməyə çağıran şəxslər də vardır. Gəlin, birlikdə həmin şəxslərə televizor və radiolarda yer verək. Dərk edək ki, dönüşümüz Allahadır. Dövlət başçısı səviyyəsində bu gün gənc alimlərin, orta və yaşlı elm xadimlərinin müxtəlif sahələrdə aktiv olmaları tələb olunur.

İslam dini də böyük bir elm sahəsidir. Bu sahənin özünə xas gənc, orta və yaşlı mütəxəssisləri, ilahiyat üzrə fəlsəfə doktoru, müxtəlif elmi səviyyədə olan mütəxəssisləri var. Bu gün bəzi kanalların dini ekspert kimi müğənnilərdən istifadə etməsi qeyri-qanunidir, həmçinin dövlət başçısının tapşırıqlarına əməl edilməməsidir. Bununla bağlı lazimi tədbirlərin görülməsi olduqca zəruridir.

Ümid edirik ki, ölkə başçısının elmə verdiyi dəyəri media vasitələri də diqqətə alar, bununla da hər mövzuya aid danışmaq üçün həmin sahənin mütəxəssisinə söz verərlər. Xüsusilə dini məsələ çox həssas olduğu üçün bu məsələyə daha diqqətli olmaq zərurəti ortaya çıxır. Bütün media vasitələrindən xahişimiz budur ki, dini məsələlərdə elmi səviyyəli mütəxəssisləri dini ekspert kimi dəvət etsinlər. Müğənnilərdən dini ekspert kimi istifadə etmək heç bir qaydalara və çərçivələrə sığmır.

75
Teqlər:
İslam, telekanal, din, media, müğənni, Əkrəm Həsənov, efir
Əlaqədar
"Lütfi Zadənin təlimi elmdən çox dinə oxşayır"
Azərbaycanda qeydiyyatdan keçmiş neçə dini icma var?
Din xadimləri İlham Əliyevə müraciət etdilər
Gəncədə dini cərəyan təbliğatçıları məsuliyyətə cəlb olunub
Avtomobildən tüstü, arxiv şəkli

Avtoxuliqan: O, həyatı ilə risk edir, ölümə hazırdır

567
(Yenilənib 20:15 15.09.2021)
Əgər bu şəxs avtomobili ilə gəlir əldə etməklə məşğuldursa, ya da onun biznes fəaliyyətində avtomobilin olması vacibdirsə, bir il maşınsız qalmaq ümumilikdə xeyli maddi ziyan çəkməyə bərabər sayıla bilər.

Avtoxuliqanlıq edən şəxslər barədə mətbuatda ən azı bir iki xəbərin demək olar hər gün paylaşılmasına bir növ adət etmişik. Elə “Google” axtarış sistemində də bu sözü yazası olsaq, bir xəbər axını ilə rastlaşarıq. Özü də xarici yox, məhz Azərbaycanın öz avtoxuliqanlarından bəhs edən məlumat bolluğundan şoka düşmək olar. Avtoxuliqan sözünü rusca yazsaq belə, yenə bizim xəbərlərə rast gələcəyik. Yəni bu məsələdə axtarış sisteminin ilk bir neçə səhifəsini zəbt etmişik, lider mövqedəyik.

Avtoxuliqan kimdirsə, maşını ilə oyun çıxardır

Hətta avtoxuliqan sözünün yanına ABŞ sözü yazsaq, xeyri yoxdur, bəlkə xarici mediaya bağlı bir iki xəbər çıxar. Qalan avtoxuliqanlar elə özümüzə məxsusdur. Özü də avtoxuliqanlıq tək Bakıda yox, Azərbaycanın hər bir yerində rast gəlinən bir haldır. Bu siyahıda Beyləqan, Cəlilabad, Gədəbəy, Masallı, Zaqatala, Şəki kimi rayonların adı hallanır. 

Lənkəranda isə rayon sakini E.Mirzəyev isə lap “qəhrəmanlıq” edib. İçkili halda olan Mirzəyev idarə etdiyi “Belarus” markalı traktorla təhlükəli manevrlər edərək yol hərəkəti qaydalarını kobud surətdə pozub. Nə polisin xəbərdarlığına məhəl qoyub, nə də ətrafdakı insanların həyatına təhlükə törətdiyini anlayıb.

Bu sözə yaman öyrəşmişik, bəzən mahiyyətində nə olduğunu belə dərk etmirik. Düşünürük, maşını ilə oyun çıxardan, yolda min cür hərəkət edən elə avtoxuliqandır. Qanunvericiliyə görə, avtoxuliqanlıq dedikdə, nəqliyyat vasitəsinin sürücüsünün ictimai qaydaları və əhalinin dincliyini nümayişkaranə şəkildə pozan, cəmiyyətə açıqca hörmətsizlik ifadə edən, yol hərəkəti qaydalarının müxtəlif üsullarla davamlı olaraq pozulması ilə müşayiət olunan qərəzli hərəkətləri nəzərdə tutulur. 

“Qonka”, “iki təkər”, “zmeyka”...

Cəzası da kifayət qədər ağırdır. Avtoxuliqanlığa yol vermiş şəxs bir il müddətinə nəqliyyat vasitəsini idarə etmək hüququndan məhrum edilməklə 500 manatdan 750 manatadək cərimə edilir. Bəzi hallarda 15 gündən bir ayadək inzibati həbs də tətbiq edilə bilər. Əgər bu şəxs avtomobili ilə gəlir əldə etməklə məşğuldursa, ya da onun biznes fəaliyyətində avtomobilin olması vacibdirsə, bir il maşınsız qalmaq ümumilikdə xeyli maddi ziyan çəkməyə bərabər sayıla bilər. Di gəl, nə avtoxuliqanlığın sonu görünür, nə də onların sayı azalır.

Özü də bu hərəkətlərə təkrar yol verilərsə, ağırlaşdırıcı hallarda daha ağır cəza tətbiq edilə bilər. Yəni cərimənin məbləği 2000 manata, idarə etmək hüququnun müddəti 2 ilə, həbs müddəti 2 aya qədər arta bilər. Özü də qanuna yeni qəbul edilmiş dəyişiklikdə avtoxuliqanlığın dəqiq parametrləri də göstərilib.

Sürücülər arasında “qonka”, “iki təkər”, “zmeyka” kimi tanınan əməllərin açılışı verilib. Avtoxuliqanlıq deyəndə, aşkar surətdə iki və ya daha artıq mexaniki nəqliyyat vasitəsinin iştirakı ilə sürət yarışının həyata keçirilməsi, avtomobil və ya motosikletin bir və ya daha çox təkərini yolun səthindən qaldırmaqla idarə edilməsi, avtomobili qəflətən sürətləndirməklə davamlı olaraq təkərlərin yolun səthi ilə sürtünməsi səslərini çıxardıqda və ya yolun səthində çoxsaylı təkər izlərini buraxması nəzərdə tutulur.

Toy karvanı bir təhlükə mənbəyidir

Avtoxuliqanlığın əlavə gizli formaları da var. Bu əməllərə bəzən göz yumulsa da, bunu qeyd etməyinə dəyər. Azərbaycanın toy ənənəsində gəlin gətirmə proseduru zamanı avtomobil sahibləri elə bir növ avtoxuliqanlıq edirlər. Səs-küy, yol hərəkəti qaydalarının aşkar pozulması, digər nəqliyyat vasitələri üçün yaranan təhlükə, “qonka”ya çıxma, “zmeyka” eləmə tez-tez baş verir, amma nə edəsən, polis özü də bunun qarşısını almaqda acizdir. Axı hamını belə bir gün gözləyir, hər bir şəxs evlənəndə belə səsli-küylü bir toyun olmasını arzulayır, amma nə qədər qəza baş verdiyini bir yol polisi bilir, bir də internet.

“Bəy-gəlin maşını aşdı”, “Toy karvanında qəza, gəlin xəsarət aldı”, “Qəza oldu, bəy öldü, gəlin ağır yaralandı”, “Toyuna gedən bəy və gəlin yol qəzasında öldü” başlıqlı xəbərlərin sayı-hesabı bilinmir. Toy karvanı bir təhlükə mənbəyidir.

Avtoxuliqanlıqla avtobus sürücüləri intensiv məşğul olur. Müştəri dalınca qaçan, bir-birini yolda “obqon” edən sürücüləri hər gün görürük, amma nə edəsən? Mətbuat da yazır, polis də cərimələyir, amma bu əməllərin sonu yoxdur. Həm də avtobus sürücüsünə çox zaman avtoxuliqanlıq maddəsi ilə cərimə yazılmır. Adi cərimə ilə buraxırlar. Bir neçə şəxsi idarəetmə hüququndan məhrum etməyə bəlkə də dəyərdi, başqalarına dərs olsun deyə.

Taksi fəaliyyəti ilə məşğul olanlar də avtoxuliqanlıq edirlər. Xüsusilə də yollarda işə və evinə tələsən insanları 1 manatdan daşıyan maşın sahibləri həmin bu müştəri uğrunda əsil savaşa çıxırlar. Bu tip sürücü mütləq özünü dayanacağa digər maşından tez çatdırmağa, müştərini götürməyə çalışır. Özü də bu yolu mümkün qədər tez-tez gəlib getməklə daha çox gəlir əldə etmək vacib məsələdir. Amma yolda nə qədər təhlükə yarandığını görürük.

Belə sürücü heç bir zaman tıxacda gözləmək niyyətində deyil. “Obqon”a da çıxacaq, digər zolağa da. Sürücü var, digər zolağı çıxması bir yana qalsın, avtomobili arxaya döndərərək maşını sürür. Bir növ yolun o biri hissəsindəki tıxacı arxada qoymaqla hərəkət edir, imkan tapan kimi də bir yerdən növbəyə soxulur. Eləsi var, hətta 1 manat artıq qazanmaq üçün öz yerinə də birini oturdub maşını təhlükəli formada idarə edir.

“Jiquli”də “iki təkər” əməliyyatını etmək asandır

Amma əsl avtoxuliqlar bunu ehtiyacdan etmirlər. İnsan var, passionarlığı yüksək, amma bunu idarə etmək üçün imkanı aşağıdır. Belə tip insana daim adrenalin tələb olunur, çatmadıqda xəstə kimi olur. Adam var dağa çıxır, adam var hündürmərtəbəli binanı “fəth” edir. Kimsə ekstremal idman növünü seçir. Hərə bir yolla özünü göstərməyə, hansısa tələbatını ödəməyə cəhd edir. Kimisi bir müddət sonra müalicə olunur, normal həyata dönür. Eləsi də var, son gününəcən həyatı ilə risk edir, ya şikəst olur, ya də ölüb gedir.

Avtoxuliqanlar da bu tip insan qrupuna aid edilə bilərlər. Motosikletlə avtoxuliqanlıq edənlər həyatla vidalaşmağa daha yaxın olanlardır. Bu nəqliyyat vasitəsinin özü yolda min cür oyun çıxartmaq üçün olduqca əlverişlidir, amma çox risklidir. Avtomobildən sağ çıxmaq şansı daha yüksəkdir. Özü də hər maşınla avtoxuliqanlıq etmək də olmur.

Avtoxuliqanların ən sevdiyi maşın “Jiquli” modelidir. Bu avtomobillə hər cür avtoxiliqanlıq etmək mümkündür. Xüsusilə də “iki təkər” əməliyyatını etmək asandır. Almanın maşınında xuliqanlıq etmək çətindir, hər bir təhlükəsizlik məqamı nəzərdə tutulub. “Jiquli” isə bu işə çox yarayır. Elə avtomobil satıcıları da məsələnin bu tərəfini gözəl bilirlər, bəlkə də su qiymətinə satılmalı olan maşını baha satırlar. Bəzən lap ağır vəziyyətdə olan bu növ avtomobili maşın ustası alır, üstünü-başını düzəldir, ikiqat bahasına potensial avtoxuliqana satır.

Bahalı maşını, əməlli-başlı işi, biliyi, savadı olmayan, amma təbiətən aktiv fəaliyyətə meyilli olan bir çox insanın özünü realizə etmək şansı məhz avtoxuliqanlıq vasitəsilə reallaşır. Nəticəsi də heç yaxşı olmur, yol qəzalarında elə daha çox bu tip avtomobildə xeyli insan ölür, şikəst olur.

“Avtoxuliqanlıq” etmək üçün xüsusi məkanlar ayrılmalıdır?

Problemdən çıxış yolu var. Dünya təcrübəsində bu bəladan yaxa qurtarmaq üçün təkcə ciddi cəza sistemi tətbiq edilmir. “Avtoxuliqanlıq” etmək üçün xüsusi məkan ayrılır, yerlər inşa edilir. İnkişaf etmiş ölkələrdə yolda qəzanın sayını azaltmaq üçün həyatı ilə risk edənlərə mütləq yer ayrılır, meydançalar inşa edilir. Ən azı zədə alanda belə yerindəcə yardım etmək mümkün olur, həm də başqalarının həyatı üçün təhlükə olmur.

Sakit həyat passionar insan üçün olduqca darıxdırıcıdır, beləsi adrenalinin səviyyəsini artırmaq üçün hər oyundan çıxmağa hazırdır. Deməli, bu prosesi yönləndirmək, idarə etmək üçün müəyyən tədbirlərin görülməsinə ehtiyac var. Necə ki, velosipedçilərə xüsusi yerlər ayrılır, baykerlərə də belə yerlər ayrılmalıdır. Avtoxuliqanların da meydançaları inşa edilməlidir. Bu yolla məsələnin həllinə nail ola, bu bəlanın kökünü kəsə bilərik.  

567
Nizami Gəncəvi

"Nizami Gəncəvi İli"nin nizamı

278
(Yenilənib 22:25 14.09.2021)
Sevindirici haldır ki, "Nizami Gəncəvi İli"nin sonuna doğru, böyük söz ustadının şəninə layiq bir neçə mötəbər və möhtəşəm tədbir planlaşdırılır. Könül istərdi ki, bu tədbirlərə elə ilin əvvəlindən start verilsin.

BAKI, 14 sentyabr — Sputnik. Yavaş-yavaş yola salmaqda olduğumuz il, "Nizami Gəncəvi İli"dir. Bu il dahi şair və mütəfəkkir Nizami Gəncəvinin anadan olmasının 880 illiyi tamam olur. Heç şübhəsiz ki, dahi Nizami bu xalqın övladıdır və ona sahib çıxmaq hər bir Vətən övladının borcudur.

Qüdrətli söz və fikir ustadının yaradıcılığının müstəsna əhəmiyyətini nəzərə alaraq 2021-ci il Azərbaycan Respublikasında "Nizami Gəncəvi İli" elan edilib. Dövlət başçısının Sərəncamına əsasən, il ərizində Azərbaycan Respublikasının Nazirlər Kabineti "Nizami Gəncəvi İli" ilə bağlı tədbirlər planı hazırlayıb. Pandemiya və postmüharibə dönəmində müəyyən tədbirlər keçirilsə də, əsas tədbirlər ilin sonuna planlaşdırılıb.

Sevindirici haldır ki, "Nizami Gəncəvi İli"nin sonuna doğru, böyük söz ustadının şəninə layiq bir neçə mötəbər və möhtəşəm tədbir planlaşdırılır. Könül istərdi ki, bu tədbirlərə elə ilin əvvəlindən start verilsin, ancaq ölkənin və dünyanın vəziyyəti məlumdur. Ancaq biz yenə də gözəl işlərə ümidimizi itirməyək.

Məsələn, çox sevindirici haldır ki, kitabsevərlərin həsrətlə gözlədiyi VII Bakı Beynəlxalq Kitab Sərgi-Yarmarkası "Baku International Book Fair 2021" Nizami Gəncəvinin 880 illik yubileyinə həsr olunacaq.

Şəxsən bu mənim üçün olduqca xoş xəbərdir. Çünki "Baku International Book Fair 2021" Nizami Gəncəvinin yüksək səviyyəli təqdimatı və təbliği üçün ən münasib tədbirlərdən biridir.

***

Təəssüf ki, bu günə qədər keçirilən tədbirlərin böyük qismi ürəkaçan deyil. Bu günə qədər ölkəmizdə böyük mütəfəkkirin şanına layiq olmasa da, xırda işbazların güzəranına normal təsir edən böyüklü-kiçikli tədbirlər keçirilib. Bütün bunların Nizami Gəncəvinin mahiyyəti üzrə tanıdılmasına, yenidən və daha düzgün şəkildə mənimsənilməsinə heç bir faydası olmadı. Çox təəssüf ki, Nizami ilə bağlı tədbirləri də fürsətə çevirmək istəyən, onun adından istifadə edib qazanc əldə etmək istəyənlər var.

Növcavan kəmfürsətlər, bir-birini təkrarlamaqdan usanmayan qocaman alimi-biəməllər monoqrafiyalar yazdı, qəzetləri, jurnalları, saytları Nizami haqqında yazılan yazılar bəzədi. Amma nə illah elədilərsə, Nizami sözünü, Nizami dühasını mahiyyətinə uyğun şəkildə düzgün təqdim etmədilər. Yəni, ulu Şeyxin yazdıqlarını sosrealizm işığında tərcümə edənlər sayəsində, ustadın fikir dünyasına sovet təfəkkürü ilə boylanmağa məhkum olan xalq, Nizamini "babat aforizmlər" müəllifi kimi tanımağa davam edir.

Ümid edirəm ki, Nizaminin doğru təbliği və bundan sonra görüləcək işlər onun adına da layiq olacaq.

Nizaminin təkrar tərcüməsi, yaradıcılığının, irsinin orijinallığını qorumaqla tanıdılması təklifimizlə bağlı müjdəli xəbərlər gəlir. Bu təkliflə çıxış edən qələm adamlarına nə qədər istehza edilsə də, təklifə qarşı çıxan qocaman söz adamları, alimlər tapıb çıxarsalar da, dövlət Nizaminin yenidən tərcüməsində maraqlıdır və artıq prosesin başladığını demək olar. İlin sonuna doğru Nizami ilə bağlı planlanan tədbirləri arzulanan və layiqli şəkildə baş tutmasına ümidimiz sonsuzdur.

Və ümid edirəm ki, VII Bakı Beynəlxalq Kitab Sərgi-Yarmarkasında Azərbaycan nəşriyyatlarının hər bir Nizami Gəncəvi yaradıcılığına işıq tutan heç olmasa bir kitabla təmsil olunacaq.

Oxunmalı kitab: İmmanuel Kant , "Təhsil haqqında"

Nəşriyyat: "Mücrü" Nəşriyyatı

Janr: Esse

Dili: Azərbaycan dili

Səhifə: 75

Kitabda təhsil, fiziki tərbiyə, mədəniyyət, ruhun tərbiyəsi, əxlaqi tərbiyə və praktik tərbiyə haqqında Alman fəlsəfəsinin qurucularından İmmanuel Kantın elmi-fəlsəfi esseləri yer alıb. Bu esselərin yazılmasından təxminən iki əsr keçsə də, Kantın düşüncələri, təklifləri və fikirləri faydalı və aktualdır.

Həmçinin oxuyun:

Mədəniyyətimizin intibahı, ədəbiyyatımızın triumfu

Hazırlıqlı oxucuya kitab tövsiyəsi: “Qumru əlifbası”

278
Teqlər:
Nizami

Vladimir Putin özünü əla hiss edir