Qorxmaz İbrahimli

Günün diqtəsi

55
(Yenilənib 11:40 19.01.2016)
Olub-bitənləri unudaraq və ya bir tərəfə qoyaraq qarşıdan gələn böhranlardan dövlətimizi itkisiz və ya az itki ilə çıxarmanın yollarını aramaq lazımdır. Arayarkənsə, ilk olan barış ortamını yaratmaqdır. Barışmaq üçün isə çox böyük əsas var. Bu əsas bizlərdən çıxış yolunu gözləyən uca millətimizdir.

BAKI, 19 yan — Sputnik. Təqribən bir il əvvəl müxalifətlə iqtidar arasında bir dialoq başlandı. Dialoqda bir tərəfdən Azərbaycan Pespublikasının Prezidentinin köməkçisi, ictimai-siyasi şöbənin müdiri Əli Həsənov, digər tərəfdən isə müxalifətdə olan bir qrup partiyaların liderləri iştirak edirdi. Çox hörmətli sədrimiz Qulamhüseyn Əlibəyli də Aydınlar Partiyası təmsilçisi olaraq öndə olan fiqurlardan idi. Bir ara intensiv davam edən bu görüşmələr uzun illərdən bəri davam edən soyuq iqtidar — müxalifət münasibətlərinin isinəcəyinə ümidlər yaratmağa başlamışdı.

Lakin ümidlə başlanan bu proses təəssüf hissi ilə yekunlaşdı. Çünki parlament seçkiləri ərəfəsində belə bir danışığın durdurulması xoş bir şey vəd etmirdi. Həqiqətən də seçkilərdə iştirak edən bu partiyalardan bir nəfərin də olsa Parlamentə seçilə bilməməsi üzücü hal oldu. O vaxtdan iqtidarla müxalifət arasında heç bir nəzərə çarpan danışıqlar olmadı. Yəqin bir də növbəti görüşlər ya hansısa bir seçki ərəfəsində başlanacaq, ya da beynəlxalq təşkilatlardan birinin araçılığı ilə davam edəcək.

Oysa, yaşadığımız son olaylar ilk növbədə iqtidarı, ardından da müxalifəti yeni dönəmlə bağlı millətimizə və dövlətimizə faydası olacaq, manatın gözlənən ağır sarsıntılarından az itkilərlə çıxmasına yardımçı qalmaq üçün bir araya gəlməyi tələb edir. Məncə bir — birimizə qarşı nə qədər küskün və kinli olsaq da, ümummilli məsələlər firqə və şəxsi maraqları arxa plana atmağı tələb edir, gərəkdirir.

Bir müddət əvvəl yaşadığım bir olayla bağlı daxili işlər naziri Ramil Usubova "Bizim yol" qəzeti vasitəsilə məktub ünvanlayaraq görüş istədim. Qəzetdə yayımlandıqdan az sonra cənab nazirin tapşırığı ilə mənimlə görüşdülər və ətraflı məlumat verməyimi istədilər. Hadisə haqda geniş bilgi verərərk nazirlə görüşmək istəyimin səbəbini bildirdim. Son beynəlxalq krizis və onun Azərbaycana təsiri haqda da danışdıq. Bu zamanlarda polis — vətəndaş münasibətlərinə xüsusi diqqət yetirməkdən və s. ətraflı danışdıq. Sonda Ramil müəllimlə görüşəcəyimə ümüd etdiyimi bildirdim, təşəkkür edərək ayrıldım. Görüş il sonuna düşdüyündən yüksək vəzifəli generalla görüşüm haqda dəyərli oxucularımıza bilgi vermək imkanı olmadığından, tətil sonrası yayzmağa qərar verdim.

Daxili işlər nazirinə yazdığım o məktuba gələn operativ reaksiya məndə yenidən iqtidar — müxalifət görüşlərinin bərpası üçün təşəbbüs göstərmək düşüncəsini yaratdı. Niyə də olmasın? Bu günə qədər yüz illər boyu müxtəlif imperiyaların tapdağı altında əzilərkən, mənəviyyatımız, dinimiz, dilimiz, milli qürurumuz əldən gedərkən nə etdik ki…? Sovet höküməti necə nəhəng aydınlarımızı məhv etdi, milyardlarla dəyərdə zərər vurdu, ancaq bu gün varisi olan Rusiyadan hər hansı bir bir təzminat tələb edirikmi? Yox. Cünki dünyada olub-keçmiş bəzi şeyləri unutmaq daha yaxşıdır. Eyni zamanda bu günkü iqtidarı bizim qəbul edib — etməməyimizdən, sevib — sevməməyimizdən asılı olmadan hakimiyyətlərini qoruyub saxlaya bilmişlər. Yadellilərdən gördüklərimizi unuda biliriksə, demək bu iqtidar öz millətimizdən olduğu üçün onunla da barışa bilərik.

Bu mənada olub-bitənləri unudaraq və ya bir tərəfə qoyaraq qarşıdan gələn böhranlardan dövlətimizi itkisiz və ya az itki ilə çıxarmanın yollarını aramaq lazımdır. Arayarkənsə, ilk olan barış ortamını yaratmaqdır. Barışmaq üçün isə çox böyük əsas var. Bu əsas bizlərdən çıxış yolunu gözləyən uca millətimizdir. Millətimizi və dövlətimizi qorumaq və gələcəyə daşımaqsa, hər birimizin ümdə vəzifəsidir.

İlk növbədə müxalifətdən olan partiya rəhbərləri bir araya gəlməli və hakimiyyətlə görüşləri bərpa etmək və danışıqlara başlamaq üçün öz işçi qrupunu formalaşdırmalıdır. Bundan sonra isə qarşı tərəfə yazılı və elektron mediada yayımlanmaq şərti ilə müraciət ünvanlanmalıdır. Hesab edirəm, hakimiyyət yetkililəri də bu təşəbbüsü qulaqardı edib arxivə atmamalı, olumlu reaksiya verməlidirlər. Çünki kin və təkəbbür yalnız və yalnız zərər gətirəndir. Bizim kinimiz gələcək Azərbaycan dövlətinə və gələcək nəsillərə üzülmüş bir dövlət buraxar. Bununsa əzabını bizdən sonrakı nəsillər onillərlə çəkməli olarlar.
Düşünürəm ki, hörmətli Ramil Usubovun mənə qarşı atdığı addım bir iqtidar — müxalifət danışığı üçün barış nöqtəsi olar və yeni bir gəlişmənin əsasını qoyarıq. Hər zaman 31 dekabrı Həmrəylik Günü kimi qeyd edib keçirik. Ancaq son hadisədən sonra bu günümüzü davamlı edə biləcəyimizə inamım artıb. Gəlin, hamılıqla buna inanaq və hərəkət edək.

Həmrəylik Günü ərəfəsində Respublika Prezidentinin əfv fərmanı oldu. Buna sevinənlərdən oldum. Amma bir çox dostlarımızdan heç birinin adını bu siyahıda görməməkdən də üzüldüm. Sonradan beynəlxalq basqı ilə əfv olmayacağı bəyanatı verildi. Hər kəs özünəməxsus mövqe qoydu. Mən belə bir seçənəyi bəyənməsəm də, hörmət edirəm.

Ölkədəki siyasətçilər və tanınmış aydınlarımız araya girərək, Prezidentə müraciət edə və bu adamların azd olunmasını xahiş edə bilərlər. Keçmişdə belə bir təcrübə olduğunu sizlər də bilirsiniz. Millət vəkilləri, Xalq Şairi Bəxtiyar Vahabzadə, Xalq Şairi Məmməd Araz, Xalq Yazıçısı Anar, elm aləminin tanınmış ailmləri həbsdə olan bəzi tanınmışların azad olunması ilə bağlı mərhum prezident Heydər Əliyevə müraciət edərdilər. Çox zaman bunlara olumlu yanıt gələr, həbsdə olan şəxs və ya şəxslər azad olunardılar. Məncə, iqtidarla görüşülməli birinci məsələ budur.

Ardından günümüzün iqtisadi problemi, neftin ucuzlaşması, inhisarçılığın yan təsirləri, siyasi islahatlar və s. müzakirə obyekti ola bilər. Birgə müzakirə olunmalı əsas məsələ isə dəyərini itirməkdə olan Milli Valyutamızın — manatın aqibəti və vətəndaşımıza ağır təsiri, onun aradan qaldırılması üçün addımların atılmasıdır. Millətin bədbinləşməsi xoş bir şey vəd etmir. Bunu seyr etmək, qarşıdan sarsıdıcı problemlərin gələcəyini gözləməksə, ən yaxşı halda vicdansızlıqdır. Məncə gecikmədən hərəkətə keçmənin vaxtıdır, cənablar…

Bizimyol.info

55
Teqlər:
dialoq, müxalifət, iqtidar, Qorxmaz İbrahimli
Əlaqədar
Fazil Mustafa hökuməti ekspertlər və siyasi partiyalarla dialoqa çağırdı
ABŞ səfirliyi: Azərbaycanla dialoqa hazırıq
Ekspert: Rus-türk gərginliyində çıxış yolu dialoqdur
Azərbaycan-Türkiyə hərbi dialoqu sona çatıb
"Azərbaycanda multikulturalizm və dinlərarası dialoq" mövzusu Berlində
Bakıda tozlu hava

Diqqət: Başınızı qaldırıb Bakı səmasına baxın!

9095
(Yenilənib 15:23 12.05.2019)
Onlar hər yerdə, hər tərəfdədirlər və onlardan qurtuluş yoxdur

BAKI, 13 may — Sputnik. Ən ləzzətlisi bilirsiniz nədir? Gözəl yaz havasını ciyərlərinə çəkib məsti-xumar olmaq üçün avtomobilin pəncərəsini açmısan. Yenicə bir-iki nəfəs çəkib ciyərlərini yaz mehi ilə nəşələndirmisən ki, küləyin qova-qova gətirdiyi bir topa toz çağırılmamış qonaq kimi özünü pəncərədən içəri soxur. Orda da boş durmaz ki... Haralaradək soxulacağını, harada "park edəcəyini" təsəvvür edirsiniz.

Ya da balkon seyrindəsən. Qarşında pürrəngi çay, beynində hər şeyin yaxşı olduğuna, yaxşı olacağına dair romantik fikirlər. Xəyal dünyasındasan. Lakin sən bu təmənnada ikən, zəhərə dönür hər şey – balkondakılar da, beynindəkilər də. Aqlayından ayrılmağın acısını çıxarmağa yer axtaran toz dənəcikləri, Çingiz xanın monqolları kimi bir göz qırpımında çökürlər üzərinə.

Onlar hər yerdə, hər tərəfdədirlər: Parkda körpəsini gəzdirən qadınlar da, küçədə iş-güc arxasınca şütüyən kişilər də, açıq və qapalı məkanlarda alver edən tacirlər də, otağın pəncərəsini azacıq aralı qoyub xəstəsini müayinə edən həkimlər də, müayinə olunan xəstələr də, qaçanlar da, duranlar da... şəhərimizə təşrif buyurmuş turistlər də onların qurbanlarıdır. Onlardan qurtuluş yoxdur!

Bakını bürümüş toz duman
©Karikatura
Bakını bürümüş toz duman

... Ay gözəl insanlar! Bir şəhəri nə qədər rəndələmək olar? Bir şəhərdəki binaları, keçidləri, körpüləri, tunelləri, divarları nə qədər laqundalamaq, qazımaq, sürtmək, ağartmaq və qaraltmaq olar? Eyni prosesləri eyni yerlərdə eyni qaydada dönə-dönə təkrarlamaq hansı arzunun məhsuludur? Axı nə vaxtadək?

Bakı küləklər şəhəridir. Burada yanvarın şaxtasında da külək vıyıldayır, avqustun cırcırında da. Burada gah Xəzri at oynadır, gah Gilavar. Bu, yerləşdiyi coğrafi məkandan dolayı şəhərimizin alnına yazılan taledir. Və kimsə təbii qanunauyğunluğu dəyişdirə bilməz.

Bəs, bunları bilə-bilə yeri-göyü qazıyıb, qalaq-qalaq toz yaratmaq (həm də kimyəvi – zərərli toz), həmin zəhər topalarının şəhərin dörd bir yanına yayıldığını görə-görə, əməlindən bircə addım geri durmamaq hansı xoş niyyətdən xəbər verə bilər, siz Allah?

Bir dönün ətrafınıza baxın. Bu şəhərin ağacları belə, bombozdur, budaqlarından qaramat sallanır. Yerə baxın, dizdən aşağı şalvarınız küçədə qalaqlanmış toz-torpağın içindədir. Başınızı qaldırın, şəhərimizin səmasını seyr edin, görün nələr görəcəksiniz. Görün, mavi səmanın üzü necə bozarıb, qanı necə qaralıb. Görəcəksiniz ki, göyün üzündən üstümüzə zəhrimar tökülür.

Və sonra düşünün. Əgər bizə, özünüzə, şəhərimizə qarşı azacıq rəhminiz yaranarsa, əl saxlayın, üstünüzdəki toz-torpağı çırpın, yuyunun, qəşəng bir pürrəngi çay içə-içə, hər şeyin yaxşı olduğu, yaxşı olacağı barədə xəyallara dalın. Yox əgər rəhm-filan duyğusu gəlib çıxmazsa, o zaman ətrafa, yerə, göyə baxmaqla itirdiyiniz vaxta heyfslənin, o itkini kompensasiya etmək üçün daha əzmlə işinizə davam edin.

"Kolay gəlsin"...?

9095
Teqlər:
səma, yer, balkon, bina, küçə, toz
Əlaqədar
Ölkə ərazisini yenə toz-duman bürüyüb
Paytaxt və yarımadanın havası qatılaşır, toz normanı 4.5 dəfə üstələyir
Bakıda normadan 1.3 dəfə artıq toz var
Toz barədə daha bir xoşagəlməz məlumat gəldi
Paytaxt üçün növbəti toz xəbərdarlığı verildi
Akademik Milli Dram Teatrının ətrafında aparılan abadlıq və yenidənqurma işləri

İyun ayının 2-si çox maraqlı olacaq, çox!

4841
(Yenilənib 17:16 07.05.2019)
Hamı qatılmalı, hamı dəstək olmalı ki, bu cür tədbirlər çox olsun

BAKI, 10 may — Sputnik. 30 ilə yaxındır ki, Azərbaycan teatrı tamaşaçı problemi yaşayır. Əlbəttə, bu məsələdə teatr adamlarının da çoxlu günahları var. Bu barədə əvvəlki yazılarımda xeyli qeyd etmişəm deyə, indi təkrarçılıq etmək istəmirəm.

Amma həmişə bir sual məni narahat edir: Teatr adamları öz səhvlərini düzəltsələr, teatra azadlıq verilsə və müstəqil yaradıcılıq eşqi ilə mükəmməl sənət nümunələri ərsəyə gəlsə, o zaman xalq teatra gedərmi?

Məsələ təkcə teatr deyil. Kinoteatrlarda da eyni problem var. Deyəcəksiz ki, kinoteatrlar son zaman kifayət qədər tamaşaçı kütləsi cəlb edib. Biletləri satılır, yerləri dolu olur, seansların sayı artır və s.

Lakin diqqət edilməsi gərəkən nüans budur ki, bu izdahamlar hansı filmlərin nümayişində olur? Yerli və Türkiyənin bayağı komediyalarının, bir də əhəmiyyətsiz kədərə, göz yaşına hesablanmış ailə-məişət və eşq dramlarının nümayişlərindən başqa nədə görmüsüz bu izdihamı? Hansı psixoloji-fəlsəfi filmin nümayişi zamanı zal dolub-daşıb?

Hansısa ciddi sənətkarımızın konserti ildə bir dəfə və bir gün keçirildiyi halda, musiqi və sənət adı ilə ortalığa atılanların ildə beş-altı dəfə, on gün ard-arda konserti olur. Bu kütləvi bayağılaşmanın ciddi faciəvi nəticələri bizi gözləyir.

Elmi tədbirlərə, seminarlara, konfranslara isə Azərbaycanda çox nadir hallarda rast gəlirik. Hərçənd, bu cür tədbirlər çox olmalı, hamısının auditoriyası dolub-daşmalıdır. Populyar və ya yaradıcı elmlə məşğul olan adamlara bu ölkədə heç bir şərait yaradılmır ki, öz biliklərini başqaları ilə paylaşa bilsinlər. Onların sosial şəbəkələrdən və video portallardan başqa heç bir səhnəsi yoxdur.

İlham Əliyev, Azərbaycan Respublikasının Prezidenti
© Official website of President of Azerbaijan Republic

Ölkədəki teatrların, sarayların, konsert zallarının icarə qiyməti fantastik həddədir. Eybi yox, bu mədəni obyektlərin qiyməti hər yerindən durub sənət adı ilə səhnəyə çıxmaq istəyənlər üçün fantastik həddə olsun. Amma ciddi sənətkarlar üçün və elm adamları üçün hətta ödənişsiz olmalıdır. Dövlətin sənət və elm xadimlərinə dəstəyi belə məqamlarda görünməlidir.

Mədəniyyət Nazirliyinin məsul şəxsləri öz çıxışlarında elmə və sənətə, gənclərə dəstəkdən danışırlar. Bir gənc hansısa seminar üçün onlardan məkan istəsə, şəxsi mülklərini satışa çıxarırmış kimi qiymət oxuyurlar.

İndi bu cür çətinliklərin içində, cəmiyyət biganəliyi ilə məsul şəxslərin fürsətdən istifadəsi arasında, öz gücünə, öz hesabına kimlərsə nəsə etməyə çalışır. Hansı ki, bunu edən gənclər gələcək aydın nəsillərin indiki əcdadıdır. O gənclər ki, bu qədər məşəqqətlərə rəğmən, tədbir hazırlayırlar, seminarlar, konfranslar keçirirlər. Maarifçiliklə məşğul olurlar. Azdırlar, amma varlar! Elm və mədəniyyət adına çalışırlar!

İyun ayının 2-si, saat 11:30-da Azərbaycan Dövlət Akademik Milli Dram Teatrında "Kainat, Kvant və Beyin" adlı elmi-kütləvi konfrans baş tutacaq. "Elm Azərbaycan" və "Kvant Dünyası" elmi platformalarının təşəbbüsü, Akademik Milli Dram Teatrı, "ORKHANWAY Coaching" və "Astronomy Club"un dəstəyi ilə 550 nəfərlik elmi konfransdır bu. Konfrans zamanı hər kəsi maraqlandıracaq üç əhəmiyyətli mövzu: "Kainat", "Kvant Fizikası" və "Beyin" barədə çıxışlar olacaq.

Konfransda astronom, elmi tədqiqatçı Orxan Əhməd, fizik, elektrik mühəndisi Sadiq Şamilov, araşdırmaçı, neyromarketinq mütəxəssisi, TEDX spikeri Orxan Şahbaz çıxış edəcəklər. Müasir dünyada yaşayan, elmin, texnologiyanın, kainatın, kvant fizikasının və ən əsası beynin məhsullarından faydalanan hər bir fərdin qatılmasının mühüm olduğu tədbirdir.

Elmə, elmi tərəqqiyə dəstək üçün, müasir zamanda müasir məkan kimi uğurlu inkişafa zəmin yaratmaq üçün, hər kəsin ziyalanması üçün atılmış bir addımdır bu konfrans. Hamı qatılmalı, hamı dəstək olmalı ki, bu cür tədbirlər çox olsun! Çox olsun ki, hamı aydınlansın! Hamı aydınlansın ki, azad cəmiyyətdə azad fərdlər kimi yaşayaq!

4841
Teqlər:
sənət, tamaşaçı, serial, film, tamaşa, teatr
Əlaqədar
Mütəxəssis: “Teatrın keyfiyyətindən xalqın taleyi asılıdır”
Teatr və konsert müəssisələri işçilərinin maaşları artırıldı
"ƏSA Teatrı" fəaliyyətini dayandırmaq məcburiyyətindədir
Teatrlar gözləyir ki, dramaturq yetişsin - yazıçı repertuar problemindən danışır
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

0
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

0