Avropa Oyunlarının bağlanış mərasimi

I Avropa Oyunlarının bağlanışı dünya mediasının diqqətində olub

406
(Yenilənib 10:13 29.06.2015)
Bağlanış mərasimində iştirak edən ulduzlar və dünyanın aparıcı KİV-ləri xoş təəssüratlarını bildiriblər.

BAKI, 29 iyun —Sputnik. Dünən Bakı Olimpiya stadionunda keçirilən Birinci Avropa Oyunlarının bağlanış mərasimi haqqında dünya mediasında və sosial şəbəkələrdə maraqlı fikirlər yer alıb.

Sputnik xəbər verir ki, bağlanışa qatılan məşhur dünya ulduzları öz «twitter» hesablarında təəssüratlarını yazıblar.

Elektronik rəqslərin prodüseri və DJ Gareth Emery bağlanış mərasimində iştirak etməkdən şərəf duyduğunu yazıb: “Mərasim o qədər ağlasığmaz və heyranedicidir. Düzü, burda iştirak etmək məni kifayət qədər həyəcanlandırır, Bakı – Bağlanış mərasimi valehedicidir!”

Dünya şöhrətli müğənni Con Nyuman da öz təəssüratlarını bölüşüb: “Bu gün həyatımın ən böyük, ən önəmli tədbirində — Avropa Oyunlarının bağlanış mərasimində iştirak edirəm”.

“France presse” agentliyi bağlanış mərasimi ilə bağlı yazısına “Azərbaycanda keçirilən Birinci Avropa Oyunları möhtəşəm bağlanış mərasimi ilə başa çatdı.” sərlövhəsini verib. Məqalədə rəngli xoreoqrafiyalar, heyranedici atəşfəşanlıq Avropa oyunları üçün ideal sonluq kimi qeyd edilir. İdmançıların təəssüratlarını da qələmə alan məqalə müəllifi oyunların mükəmməl təşkil edildiyini qeyd edib. Məqalədə Avropa Olimpiya komitəsinin prezidenti Patrik Hikkinin də fikirlərinə istinad edilib:“Bakı Olimpiya oyunları üçün hazırdır. İnfrastuktur və təşkilatçılıq qabiliyyəti Azərbaycana bu oyunları keçirmək üçün imkan verir. Avropa oyunları hər addımda gözləntilərimizə cavab verdi”. 

Rossiya24” televiziya kanalı İlk Avropa Oyunları ilə bağlı yekun video-material hazırlayıb. Materilada yarışların sonuncu günündə də idmançıların fəal iştirak etdiyi vurğulanıb, həmçinin rusiyalı idmançıların Avropa oyunlarındakı üstünlüyü qeyd olunub.

Bağlanış mərasiminə də toxunan müxbir Avropa Oyunlarının əsl bayram və dostluq əhval-ruhiyyəsində keçdiyini vurğulayır: “Bağlanış mərasimində milli elementlərin də əks olunması böyük marağa səbəb olub. Azərbaycan böyük idmanla qısa müddətli də olsa vidalaşır. Amma dünya tezliklə Bakının təqdimatında “Formula 1”  və futbol yarışlarını izləyəcək”.

Avropanın Sportsmax.tv saytı da Azərbaycanda keçirilən Birinci Avropa Oyunlarının bağlanış mərasimi haqqında məlumat verib.

Milli Olimpiya Stadionunda göz oxşayan mərasim keçirildiyini qeyd edən internet resursu tədbirə dünya şöhrətli ulduzların da qatıldığını vurğulayıb. Məqalədə Avropa Olimpiya komitəsinin prezidenti Patrik Hikkeyin fikirləri də yer alır: “Azərbaycanın və Avropa Oyunlarının gələcəyi parlaqdır. Bu cür mükəmməl təşkil edilən yarışlardan sonra Avropa Oyunlarının çox uzun bir tarixə malik olacağı qətidir”.

406
Bakı 2015 könüllüləri

Azərbaycan tarixinin ən böyük tədbirinin könüllülərini təltif etdilər

47
(Yenilənib 23:33 01.07.2015)
Təqdim olunan sertifikatda "Azərbaycan tarixinin ən böyük tədbirində" əhəmiyyətli rol oynadıqları üçün könüllülərə BEGOC adından minnətdarlıq olunub.

BAKI, 1 iyul — Sputnik. Bu gün Bakı Biznes Mərkəzində Birinci Avropa Oyunlarında könüllü olmuş gənclərin təltif olunması mərasimi keçirilib.

Tədbirdə 10 mindən artıq könüllü iştirak edib. Gənclərə Bakı-2015-in Mərasimlər direktoru Katerine Uqvu və Mərasimlərin icraçı prodüsseri Skott Qivens-in imzası ilə "Təşəkkür sertifikatı" təqdim edilib. Sertifikatda "Azərbaycan tarixinin ən böyük tədbirində" əhəmiyyətli rol oynadıqları üçün onlara BEGOC adından minnətdarlıq olunub.

Bundan əlavə, könüllülərə "Park Cinema"ya bilet verilib.

47
Bakı Fəvvarələr meydanı

İyunda 30 minədək əcnəbi ölkəmizdə olub

47
(Yenilənib 15:08 01.07.2015)
Avropa Oyunlarında tamaşaçı qismində iştirak etmək üçün bilet alan əcnəbilər sırasında Rusiya Federasiyası, Böyük Britaniya və Şimali İrlandiya Krallığı, Almaniya, Hollandiya, İtaliya, İsveçrə, İspaniya, ABŞ və Birləşmiş Ərəb Əmirlikləri vətəndaşları üstünlük təşkil ediblər.

BAKI, 1 iyul — Sputnik. Avropa Oyunlarında tamaşaçı qismində iştirak etmək üçün bilet alan əcnəbilər sırasında Rusiya Federasiyası, Böyük Britaniya və Şimali İrlandiya Krallığı, Almaniya, Hollandiya, İtaliya, İsveçrə, İspaniya, ABŞ və Birləşmiş Ərəb Əmirlikləri vətəndaşları üstünlük təşkil ediblər. 

Bu barədə Sputnik-ə məlumat XİN mətbuat xidmətindən verilib.

Məlumatda bildirlir ki, Azərbaycan Respublikası Prezidentinin “Birinci Avropa Oyunlarının keçirilməsi ilə əlaqədar bəzi tədbirlər haqqında” 675 nömrəli 8 avqust 2014-cü il tarixli Sərəncamının tələblərinə əsasən Xarici İşlər Nazirliyinin üzərinə düşən vəzifələrin, xüsusilə konsulluq və viza təminatı məsələlərinin icrası üçün zəruri tədbirlər görülüb.

Beynəlxalq ictimaiyyət tərəfindən Avropa Oyunlarına göstərilən yüksək marağın göstəricisidir ki, Oyunlarda iştirak etmək üçün ölkəmizə səfər etmiş əcnəbilərin sayı 28.000 nəfərdən artıq olub.

Birinci Avropa Oyunlarında tamaşaçı qismində iştirak etmək üçün ölkəmizə səfər etmiş əcnəbi vətəndaşlara bilet və ya biletin alınmasını təsdiq edən sənəd əsasında Oyunların açılışına 10 gün qalmışdan başlayaraq 2-28 iyun tarixlərində Xarici İşlər Nazirliyinin Konsulluq İdarəsi tərəfindən operativ qaydada viza rəsmiləşdirilməsi həyata keçirilib.

47

İlham Əliyev Vəng kəndinin adını rəsmən dəyişdirdi

0
İlham Əliyev "Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" qanunu təsdiq edib.

BAKI, 29 oktyabr - Sputnik. Prezident İlham Əliyev "Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" qanunu təsdiq edib.

Sputnik Azərbaycan xəbər verir ki, qanuna əsasən, Azərbaycan Respublikasının Xocavənd rayonunun Hadrut qəsəbə inzibati ərazi dairəsi tərkibindəki Vəng kəndi Çinarlı kəndi adlandırılıb.

0