Bakı Avropa oyunları

I Avropa Oyunlarının açılışına 20-dək prezident qatılacaq

54
(Yenilənib 09:17 02.06.2015)
Avropa Oyunları Əməliyyat Komitəsi 10 minə yaxın qonağı Azərbaycana dəvət edib.

BAKI, 2 iyun — Sputnik. I Avropa Oyunlarının açılış mərasiminə hansı dövlətlərin liderlərinin gələcəyi artıq bəllidir. 

Sputnik Bakı Avropa Oyunları Əməliyyat Komitəsinin məlumatlarına istinadən bildirir ki, Serbiya prezidenti Tamislav Nikoliç iyunun 12-də Bakıda olacaq. ATƏT-in hazırki sədri, Serbiyanın baş naziri və xarici işlər naziri İlitsa Daçiç Azərbaycan prezidenti İlham Əliyevlə görüşündə Serbiya prezidentinin iştirakını təsdiq edib. 

Avropadan daha iki ölkə liderinin Bakıya gələcəyi təsdiqlənib: Lüksemburq hersoqu və Monako knyazı. 

Ümumilikdə I Avropa Oyunlarının açılış-bağlanış mərasimlərinə, həmçinin oyunları izləmək üçün 20-dən artıq dövlət və hökumət başçısının gələcəyi gözlənilir.

Rusiya prezidenti Vladimir Putin Avropa Oyunlarının açılış mərasimində iştirak edəcək. Kremlin mətbuat xidməti məlumatı təsdiqləyib.

Türkiyə prezidenti Rəcəb Tayyib Ərdoğan da açılışa dəvət edilən dövlət başçılarındandır. Türkiyə xarici işlər naziri Mövlud Çavuşoğlu Ərdoğanın Avropa Oyunlarının açılış mərasiminə qatılacağını söyləyib. 

Avropa Oyunlarında ümumilikdə 50 ölkənin idmançıları iştirak edəcək. Təhlükəsizlik və digər məsələlər nəzərə alınaraq açılışla bağlı məlumatlar qapalı saxlanılır.

“Bakı 2015” ilk Avropa Oyunları Əməliyyat Komitəsi həmçinin bildirib ki, çoxsaylı dövlət başçıları ilə yanaşı ayrı-ayrı dövlətlərin müxtəlif səviyyələrdəki rəsmiləri, beynəlxalq və Avropa Olimpiya Komitələrinin, bir neçə ölkənin olimpiya komitələrinin rəhbərləri mərasimdə iştirak edəcəklər.

Bakı Avropa Oyunları Əməliyyat Komitəsi 10 minə yaxın rəsmi və qeyri-rəsmi qonaqların Azərbaycana dəvətini təmin edib.


54
Teqlər:
Birinci Avropa Oyunları, Azərbaycan
Əlaqədar
Dmitri Kiselyov: Birinci Avropa Oyunları heyrətamiz hadisə olacaq
Bakı 2015 könüllüləri

Azərbaycan tarixinin ən böyük tədbirinin könüllülərini təltif etdilər

47
(Yenilənib 23:33 01.07.2015)
Təqdim olunan sertifikatda "Azərbaycan tarixinin ən böyük tədbirində" əhəmiyyətli rol oynadıqları üçün könüllülərə BEGOC adından minnətdarlıq olunub.

BAKI, 1 iyul — Sputnik. Bu gün Bakı Biznes Mərkəzində Birinci Avropa Oyunlarında könüllü olmuş gənclərin təltif olunması mərasimi keçirilib.

Tədbirdə 10 mindən artıq könüllü iştirak edib. Gənclərə Bakı-2015-in Mərasimlər direktoru Katerine Uqvu və Mərasimlərin icraçı prodüsseri Skott Qivens-in imzası ilə "Təşəkkür sertifikatı" təqdim edilib. Sertifikatda "Azərbaycan tarixinin ən böyük tədbirində" əhəmiyyətli rol oynadıqları üçün onlara BEGOC adından minnətdarlıq olunub.

Bundan əlavə, könüllülərə "Park Cinema"ya bilet verilib.

47
Bakı Fəvvarələr meydanı

İyunda 30 minədək əcnəbi ölkəmizdə olub

47
(Yenilənib 15:08 01.07.2015)
Avropa Oyunlarında tamaşaçı qismində iştirak etmək üçün bilet alan əcnəbilər sırasında Rusiya Federasiyası, Böyük Britaniya və Şimali İrlandiya Krallığı, Almaniya, Hollandiya, İtaliya, İsveçrə, İspaniya, ABŞ və Birləşmiş Ərəb Əmirlikləri vətəndaşları üstünlük təşkil ediblər.

BAKI, 1 iyul — Sputnik. Avropa Oyunlarında tamaşaçı qismində iştirak etmək üçün bilet alan əcnəbilər sırasında Rusiya Federasiyası, Böyük Britaniya və Şimali İrlandiya Krallığı, Almaniya, Hollandiya, İtaliya, İsveçrə, İspaniya, ABŞ və Birləşmiş Ərəb Əmirlikləri vətəndaşları üstünlük təşkil ediblər. 

Bu barədə Sputnik-ə məlumat XİN mətbuat xidmətindən verilib.

Məlumatda bildirlir ki, Azərbaycan Respublikası Prezidentinin “Birinci Avropa Oyunlarının keçirilməsi ilə əlaqədar bəzi tədbirlər haqqında” 675 nömrəli 8 avqust 2014-cü il tarixli Sərəncamının tələblərinə əsasən Xarici İşlər Nazirliyinin üzərinə düşən vəzifələrin, xüsusilə konsulluq və viza təminatı məsələlərinin icrası üçün zəruri tədbirlər görülüb.

Beynəlxalq ictimaiyyət tərəfindən Avropa Oyunlarına göstərilən yüksək marağın göstəricisidir ki, Oyunlarda iştirak etmək üçün ölkəmizə səfər etmiş əcnəbilərin sayı 28.000 nəfərdən artıq olub.

Birinci Avropa Oyunlarında tamaşaçı qismində iştirak etmək üçün ölkəmizə səfər etmiş əcnəbi vətəndaşlara bilet və ya biletin alınmasını təsdiq edən sənəd əsasında Oyunların açılışına 10 gün qalmışdan başlayaraq 2-28 iyun tarixlərində Xarici İşlər Nazirliyinin Konsulluq İdarəsi tərəfindən operativ qaydada viza rəsmiləşdirilməsi həyata keçirilib.

47
Sinovac CoronaVac peyvəndi, arxiv şəkli

Kimə vaxt? - Azərbaycanda vaksinlərin vurulacağı gün bəlli oldu

3
Azərbaycanda xüsusi karantin rejiminin yumşaldılması ilə yanaşı, koronavirus əleyhinə vaksinasiyaya da start verilir

BAKI, 16 yanvar — Sputnik. Azərbaycanda yanvarın 18-dən əhalinin risk qrupuna aid kateqoriyasının vaksinasiyasına başlanılır. Sputnik Azərbaycan-ın məlumatına görə, bu barədə yanvarın 18-dən ölkədə xüsusi karantin rejimi çərçivəsində tətbiq ediləcək yumşaldılmalarla bağlı keçirilən brifinqdə Prezidentin köməkçisi Şahmar Mövsümov məlumat verib.

O bildirib ki, ilk növbədə tibb işçiləri vaksinasiya ediləcəklər. Tədbirdə TƏBİB-in departament müdiri Yaqut Qarayeva və Səhiyyə Nazirliyinin Səhiyyənin təşkili şöbəsinin müdiri Teymur Musayev də iştirak edirlər. Brifinqdə vaksinasiya ilə bağlı məlumatlar açıqlanır.

3
Mövzu:
Azərbaycanda koronavirus: son xəbərlər