Şuşada çörəkbişirmə müəssisəsi

Şuşanın "qala çörəyi" - ağzımızın dadı qayıdır

1613
Burada bişirilən Qala çörəyi çox fərqlidir. Müəssisənin rəhbəri və Şuşa sakini Qəzənfər Dadaşov deyir ki, ermənilər Şuşanı işğal etməzdən əvvəl də onun burada çörək sexi olub.

BAKI, 31 avqust — Sputnik. Emin Əlisahib. Hazırda işğaldan azad edilən rayon və şəhərlərimizdə yenidənqurma, quruculuq və abadlıq işləri aparılır. Şuşa şəhərində artıq gündəlik 5 tona yaxın istehsal gücünə malik çörəkbişirmə sexi də fəaliyyətə başlayıb. Mədəniyyət paytaxtımızdakı çörək sexi barədə Sputnik Azərbaycan-ın bölgə müxbirinin xüsusi reportajında.

Burada bişirilən Qala çörəyi çox fərqlidir. Müəssisənin rəhbəri və özü də elə Şuşa sakini olan Qəzənfər Dadaşov deyir ki, ermənilər Şuşanı işğal etməzdən öncə də onun burada çörək sexi olub: “İşğaldan əvvəl mən burada bu işlə məşğul olmuşam. Şuşa azad olunandan sonra bir sahibkar kimi mən də qarşıma məqsəd qoydum. Ali baş komandanımızın "Şuşa biz səni dirçəldəcəyik" sözlərindən sonra mən qarşıma məqsəd qoydum ki, mən Şuşada gedib, öz işimi bərpa edəcəm. Orada un məmulatı sexi, çörək sexi yaradacağam. Gəlib, buna nail oldum, müəssisəni yaratdım”.

Hazırda Şuşada fəaliyyət göstərən müəssisə gündəlik 5 ton itehsal gücündədir. Müəssisənin rəhbəri deyir ki, sex gün ərzində istehsal həcmini 10-15 tona da çatdıra bilər.

“Biz burada olan hərbiçiləri çörəklə təmin edirik. Burda işləyən mülkü adamlar var, onları da çörəklə təmin edirəm. Mənim çörəyimdən çox razıdırlar. Yeyirlər, çox dadlı çörəkdir”.

Burada bişirilən çörəklər təlabata uyğun hazırlanır. Bir çörək də olsun, artıq qalmır. Hətta buranı ziyarət edən Şuşa sakinləri, qonaqlar da bu ünvandan evlərinə çörək alıb, aparırlar.

“Şəhərə gələnlərin hər biri buradan 10, 15, 20, bəzən 30 çörək alıb aparır ki, Bakıda qohum-əqrəbaya, qonşularara Şuşada necə dadlı çörək bişirildiyini göstərsin”.

Müəssisənin rəhbəri deyir ki, vaxtilə çörək sexi ilə onların evləri arasında xeyli məsafə olub. Elə çörək bişirmək fikri də o vaxtdan yaranıb. Bununla bağlı hətta xatirəsini də bizimlə bölüşür.

“Mənə evdən deyirdilər ki, məsələn, 3 ədəd çörək alarsan. Mən gedib, 4 ədəd çörək alırdım. Birini sexdən evə gələnə kimi yolda yeyirdim. Elə dadlı olurdu Şuşanın çörəyi... İndi burada bişən çörək də eyni dadı verir”.

Bu gün Şuşa şəhərinə üz tutan hər kəs bu sexin yanında ayaq saxlayıb, ətri qala divarlarını bürüyən "qala çörəyi"ndən almamış getmir. Şuşa sakini Rizvan Bədəlov kimi...

“Mən gəldim Şuşaya həm evimizi görəm, hansı ki, ermənilər dağıdıblar. Heç bir əsər-əlaməti qalmayıb. Mənim atamın qəbri burdadır, qardaşımın qəbri burdadır. Şuşa işğaldan azad olunandan mən bilirəm ki, burda çörək bişir. Bura gəlib, Qəzənfər müəllimin bişirdiyi çörəkdən alıb, aparmamaq - bu, günahdır. Tək ona görə yox bu Şuaya qarşı xəyanətdir. Mən burada bişən çörəyi aparıb, uşaqlara yedirtməyim?!”.

Müsahibimiz "qala çörəyi"nin dadı fərqlidir, deyir Bu məsələdə təbiətin də möcüzəsi var.

“Çünki buranın suyu hər yerdən fərqlidir. Mən Bakıda 2 litr su içirəm, yanğım sönmür. Burada bircə stəkan su içmişəm səhər gələndən, kifayət eləyib. Demək buranın suyu da fərqlidir. Buranın suyu fərqlidirsə, torpağı da fərqlidir. Torpağı fərqlidirsə, insanları da fərqlidir. İnsanları fərqlidirsə, naz-nemətləri fərqlidir".

Rizvan Bədəlov 8 çörək alır. Deyir ki, əvvəlki "qala çörəyi"ndən bu günkünün bir fərqi var. Fərqi odur ki, o vaxtlar çörək ölçüdə böyük olub, indi isə balacadır, amma dadı eynidir.

“Heç harada bunu bişirə bilmirlər. Heç harada... Mən gəldim Şuşada birən çörəyi 30 ildə birinci dəfədir görürəm. Bax, görürsən nə təhər partlayıb? Bax bunun üzünü görürsən, necə qaymaqlanıb? Bakıda, digər yerlərdə nə qədər çalışsalar da bu cür alınmır. Bu cür çatlamır. Bunun dadı başqadır. Siz yeyin, cavan qalacaqsınız”.

Çörəklərin dadlı olmasına gəlincə, biz başqa cür düşünürük. Qafqazın cənnət mənakınıdır bu yer. Ona görə də Şuşada hazırlanan bütün təamların da dadı fərqlidir. Uzun illərdən bəri dadı qaçan ağzımız yenidən öz dadına qovuşur. Bu müqəddəs bərəkətin qarşısında Tanrıdan tək diləyimiz budur ki, qoy Azərbaycan xalqının, xüsusən də Şuşalıların ağzının dadı heç zaman qaçmasın...

Həmçinin oxuyun:

İlham Əliyev: Gələn il Şuşanın 270-ci ildönümünü təntənəli şəkildə qeyd edəcəyik

1613
Teqlər:
Şuşa, çörək
 Yevlax Şəhər İcra Hakimiyyətinin sabiq başçısı Qoca Səmədov

Yevlaxın sabiq icra başçısı ürəyindən əməliyyat olundu

37
(Yenilənib 11:45 16.09.2021)
Qoca Səmədovun barəsində olan həbs qətimkan tədbiri səhhəti ilə əlaqədar dəyişdrilib, barəsində başqa yerə getməmək barədə iltizam tədbiri seçilib.

BAKI, 16 sentyabr - Sputnik. Bir neçə gün əvvəl Mərkəzi Klinik Xəstəxanaya yerləşdirilən Yevlaxın sabiq icra başçısı Qoca Səmədov əməliyyat olunub.

Bu barədə APA-ya onun vəkili Elnur Vəliyev məlumat verib.

Vəkil bildirib ki, ürək xəstəliyindən əziyyət çəkən sabiq icra başçısı ötən gün axşam saatlarında birinci əməliyyatını keçirib. Hazırda vəziyyəti stabildir.

Qoca Səmədovun barəsində olan həbs qətimkan tədbiri səhhəti ilə əlaqədar dəyişdrilib. Onun barəsində başqa yerə getməmək barədə iltizam tədbiri seçilib.

* * *

Yevlax şəhər İcra Hakimiyyətinin sabiq başçısı Qoca Səmədov 2020-ci il dekabrın 20-də məhkəmə qarşısına çıxarılıb.

Sputnik Azərbaycan APA-ya istinadən bildirir ki, Səbail rayon Məhkəməsində onun barəsində həbs qətimkan tədbirinin seçilməsinə dair Dövlət Təhlükəsizliyi Xidməti (DTX) tərəfindən verilmiş təqdimata baxılıb. Məhkəmənin qərarı ilə Q.Səmədov barəsində 4 ay müddətinə həbs qətimkan tədbiri seçilib. 

Qeyd edək ki, DTX-nın yaydığı xəbərə görə, həyata keçirilən tədbirlər nəticəsində 2019-cu ilin noyabr ayınadək Yevlax Şəhər İcra Hakimiyyətinin başçısı vəzifəsində işləmiş Qoca Səmədovun bu müddət ərzində vətəndaşların hüquqlarına, cəmiyyətin və dövlətin qanunla qorunan mənafelərinə zərər vuran çoxsaylı qanun pozuntularına yol verməsinə əsaslı şübhələr müəyyən edilib. Belə ki, dövlət qayğısı olaraq işsiz vətəndaşların ictimai işlərə cəlb edilib aylıq qazanc əldə edə bilmələri üçün dövlət büdcəsi hesabına ayrılan külli miqdarda əmək haqları ələ keçirilib, o cümlədən Yevlax şəhərində “Yaşıllaşdırma və işıqlandırma müəssisəsi”nin fəaliyyətinə və digər abadlıq, təmir-tikinti işlərinə cəlb edildiyi rəsmiləşdirilən 133 nəfər heç bir işə cəlb edilmədən və əmək haqqı almadan, adlarına açılmış əmək haqqı kartları Qoca Səmədovun tabeçiliyində fəaliyyət göstərən şəxslər tərəfindən ətraf rayonlardakı bankomatlarda nağdlaşdırılaraq, Qoca Səmədova şəxsən təqdim edilməklə 236.000 manat dövlət vəsaiti mənimsənilməsinə əsaslı şübhələr müəyyən edilib.

Azərbaycan Respublikasının Prezidenti İlham Əliyev
© Official website of President of Azerbaijan Republic

Habelə, 2017-2019-cu illərdə dövlət büdcəsindən ayrılmış vəsaitlər hesabına Yevlax şəhərində abadlıq, təmir-tikinti işlərini həyata keçirmək adı ilə müxtəlif şirkətlərin hesablarına köçürülmüş 616.000 manat vəsait heç bir iş görülmədən Qoca Səmədovun tapşırığı ilə şirkət rəhbərləri tərəfindən nağdlaşdırılaraq ona şəxsən qaytarılmaqla təkrarən mənimsənilib. Şəhər icra hakimiyyəti və əlaqəli strukturlarda çalışan işçilərin əmək haqqından təsis etdiyi Şəhid ailələrinə və müharibə əlillərinə yardım Fonduna könüllü ödəmə adı altında hər ay faiz tutulub, yığılan pulun hər ay 8.000 manatadək olan əsas hissəsi Qoca Səmədova şəxsən təqdim edilib. Qoca Səmədov vəzifə səlahiyyətlərindən sui-istifadə edərək İcra Hakimiyyətinin Memarlıq və Tikinti şöbəsinin baş memarı Xalid Əhmədovun vasitəçiliyi ilə vətəndaşlar tərəfindən müxtəlif təyinatlı tikintilərin aparılması üçün zəruri olan sənədləşmə işləri və digər əsaslarla ümumilikdə 44 fiziki və hüquqi şəxsdən müxtəlif məbləğlərdə külli miqdarda təkrarən rüşvət tələb edərək almasına əsaslı şübhələr müəyyən edilib.

Qoca Səmədov və başqaları vəzifə səlahiyyətlərindən sui-istifadə etmə, külli miqdarda təkrar rüşvət alma, mənimsəmə və digər faktlara görə Dövlət Təhlükəsizliyi Xidmətində Cinayət Məcəlləsinin müvafiq maddələri ilə başlanılmış cinayət işləri üzrə şübhəli şəxs qismində saxlanılıb.

Həmçinin oxuyun:

Penitensiar xidmət sabiq icra başçısının ölümü ilə bağlı məlumat yayıb

Ağstafanın həbsdə olan sabiq icra başçısı vəfat edib

37

İƏT nümayəndə heyəti Şuşaya yola düşüb

91
Nümayəndə heyəti işğaldan azad olunmuş ərazilərdə faktaraşdırıcı missiya həyata keçirəndən sonra bəyanat qəbul edəcək.

BAKI, 16 sentyabr — Sputnik. Azərbaycanın Ombudsmanı Səbinə Əliyevanın dəvəti ilə Azərbaycanda səfərdə olan İslam Əməkdaşlıq Təşkilatı (İƏT) Ombudsmanlar Assosiasiyasının prezidenti, Türkiyənin Baş Ombudsmanı Şərəf Malkoçun rəhbərlik etdiyi nümayəndə heyəti Şuşaya yola düşüb.

"Report"un xəbərinə görə, səfər çərçivəsində qonaqlar Şuşada faktaraşdırıcı missiya həyata keçirəcəklər.

Nümayəndə heyəti işğaldan azad olunmuş ərazilərdə faktaraşdırıcı missiya həyata keçirəndən sonra bəyanat qəbul edəcək.

Qeyd edək ki, İƏT və Pakistan Ombudsman nümayəndə heyətləri işğaldan azad edilmiş ərazilərdə faktaraşdırıcı missiya aparılması məqsədilə ölkəmizə səfərə gəlib. Sentyabrın 19-dək davam edəcək səfər çərçivəsində bir sıra rəsmi görüşlərin keçirilməsi nəzərdə tutulub.

Həmçinin oxuyun:

Əliyev İƏT-ə səsləndi - Sizi də görmək istərdik

Şuşa yeni festivala hazırlaşır

Şuşa yolunun inşası tamamlanmaq üzrədir

91
Teqlər:
zərif cins, sosial
 Əlil, arxiv şəkli

Saxta əlilliklərlə bağlı şok rəqəm - üç ildə on yeddi min

0
(Yenilənib 13:32 16.09.2021)
Buna görə müəyyən rayon mərkəzi xəstəxanalarınin rəhbərləri işdən azad edilib, töhmət verilib və hüquq-mühafizə orqanlarına müraciət olunub.

BAKI, 16 sentyabr — Sputnik. 3 ildə 17 minə yaxın saxta əlillik halları aşkarlanıb və dayandırılıb. Sputnik Azərbaycan-ın məlumatına görə, bu barədə Əmək və Əhalinin Sosial Müdafiəsi Nazirliyi (ƏƏSMN) tabeliyində Dövlət Tibbi-Sosial Ekspertiza və Reabilitasiya Agentliyinin sədri Anar Bayramov məlumat verib. O, bildirib ki, əlillik təyinatı prosesi vətəndaş-ekspert təması olmadan, elektron infrastruktur üzərindən tam şəffaf həyata keçirilib: "Bu ilin 8 ayında 35 minə yaxın şəxsə əlillik təyin edilib. O cümlədən 11 min şəxsə ilkin, digərlərinə təkrar əlillik təyinatı aparılıb".

A. Bayramov saxta əlillik təyinatlarına qarşı prosesin davam edəcəyini də bildirib: "Eyni zamanda rayon xəstəxanalarında yoxlamalar aparılır. Göndərişlər zamanı ciddi pozuntular aşkarlanıb. Buna görə müəyyən rayon mərkəzi xəstəxanalarınin rəhbərləri işdən azad edilib, töhmət verilib və hüquq-mühafizə orqanlarına müraciət olunub".

A. Bayramov onu da qeyd edib ki, bu ilin 8 ayında Agentlik tərəfindən əlilliyi olan 7000 şəxsə 30 minədək reabilitasiya vasitəsi verilib. Onun sözlərinə görə, 766 şəxs mühərrikli təkərli oturacaqla təmin edilib: "Onların bir hissəsinə bu vasitələr yaşadıqları ünvanlara aparılaraq çatdırılıb. Yanvar-avqust aylarında qurumun reabilitasiya müəssisələrində əlilliyi olan şəxslərdən, habelə müharibə əlillərindən ibarət 4600 şəxsə reabilitasiya xidmətləri göstərilib".

Bundan əlavə, qurum rəhbəri qeyd edib ki, Vətən Müharibəsində yaralanmış hərbi qulluqçuların 1750 nəfərinə əlillik təyinatı aparılıb.

0