CƏMİYYƏT
Cəmiyyətin həyatında baş verən aktual hadisələr

Azərbaycanlılar daha çox yeməyə üstünlük veriblər - Maraqlı sorğunun nəticələri

© AP Photo / Esteban FelixЛюди за столом, фото из архива
Люди за столом, фото из архива - Sputnik Azərbaycan, 1920, 18.08.2021
Abunə olmaq
Respondentlərin 41,4%-i sifarişləri mobil tətbiq, 12,6%-i veb-sayt, 9,4%-i “Whatsapp”, 18,8%-i digər sosial şəbəkələr, 17,8%-i isə telefon zəngi vasitəsilə edir.
BAKI, 18 avqust — Sputnik. Pandemiya dövründə vətəndaşların onlayn çatdırılma və sifariş xidmətlərinə müraciətləri kəskin artıb. Bunu nəzərə alaraq, MTM (Media Təhlil Mərkəzi) tərəfindən 27 iyul – 2 avqust tarixlərində bu mövzuda növbəti dəfə sorğu keçirilib.
Sorğuda iştirak edən 500 respondentin 52%-ni qadınlar, 48%-ni isə kişilər təşkil edib. Bu barədə MTM-dən Sputnik Azərbaycan-a verilən məlumata görə, sorğunun nəticələri göstərir ki, respondentlərin 55,2%-i pandemiya dövründə çatdırılma xidmətlərinin fəaliyyətindən razı olsa da, 35,8%-i sifarişlərin vəd edilən vaxtda çatdırılmamasından, 9%-i isə arzuolunan formada təqdim olunmamasından narazıdır.
Respondentlərin 41,4%-i sifarişləri mobil tətbiq, 12,6%-i veb-sayt, 9,4%-i “Whatsapp”, 18,8%-i digər sosial şəbəkələr, 17,8%-i isə telefon zəngi vasitəsilə edir.
“Çatdırılma xidmətindən tez-tez istifadə edirsiniz?” sualına cavab verənlərin 75,4%-i ay ərzində 5 dəfəyədək, 16,8%-i 5-10 dəfə, 7,8%-i isə 10 dəfədən çox variantını seçiblər.
Bir neçə variant seçmək imkanına malik olan sorğu iştirakçıları “Daha çox nə sifariş edirsiniz?” sualına aşağıdakı kimi cavab veriblər:
Yemək 41,6%;
Məişət avadanlığı, elektrotexnika 5,8%;
Geyim, ayaqqabı 31,8%;
Kosmetika və parfümeriya 5,8%;
Ərzaq məhsulları 4,2%;
Digər məhsullar 10,8%
İnsanların kuryerlərdə ən çox rastlaşdığı cəhəti öyrənmək məqsədilə verilən sualı cavablandıranların 45,6%-i kuryerlərin nəzakətli, 29,8%-i nəzakətli və dəqiq, 11,6 %-i səliqəli, 6,2%-i nəzakətsiz, 6,8%-i isə səliqəsiz olduğunu qeyd ediblər. 
Xəbər lenti
0