Filip Riker, arxiv şəkli

ABŞ rəsmisi Yerevanı bütün mina xəritələrini Azərbaycana verməyə çağırdı

4889
(Yenilənib 14:21 09.06.2021)
Rusiya XİN başçısı Sergey Lavrov isə bəyan edib ki, Rusiya minaların təmizlənməsi, Qarabağ üzrə digər humanitar məsələlərin tezliklə həllinə ümid edir.

BAKI, 9 iyun — Sputnik. ABŞ dövlət katibinin Avropa və Avrasiya işləri üzrə köməkçisinin səlahiyyətlərini icra edən Filip Rikerin Azərbaycana səfəri zamanı müzakirə olunan əsas mövzu Ermənistanın mina xəritələrini təqdim etməməsi olub.

ABŞ rəsmisi Kəlbəcərdə mina partlaması nəticəsində iki azərbaycanlı jurnalistin həlak olmasını şərh edərkən baş vermiş hadisəni faciə adlandırıb və "bütün mina sahələrinin xəritələrinin verilməsinin" vacibliyini vurğulayıb.

ABŞ-dan texniki yardım təklifi

2020-ci ilin noyabrın 10-da üçtərəfli bəyanatın imzalanmasından sonra Qarabağda minaların partlaması nəticəsində 20 mülki vətəndaş həlak olub, daha 29 nəfər yaralanıb. İyunun dördü baş verən faciə isə dünya birliyində böyük rezonans doğurub. Belə ki, həmin gün səhər saatlarında AzTV dövlət televiziyasının operatoru Sirac Abışov, AzərTAC dövlət informasiya agentliyinin əməkdaşı Məhərrəm İbrahimov, həmçinin Kəlbəcər rayonunun İcra Hakimiyyətinin Susuzluq kəndi üzrə nümayəndəsinin müavini Arif Əliyev "KAMAZ" markalı avtomobilin tank əleyhinə minaya düşməsi nəticəsində həlak olublar.

"Biz ərazilərin minalardan təmizlənməsi prosesində texniki yardım təqdim edə bilərik", - deyə Riker azərbaycanlı jurnalistlərin suallarını cavablandırarkən bildirib.

Rəsmi Bakı Yerevanın Qarabağda mina xəritələrini təqdim etməməklə bağlı ikinci dəfə insan haqları üzrə Avropa Məhkəməsinə müraciət edib. Rusiya XİN başçısı Sergey Lavrov isə bəyan edib ki, Rusiya minaların təmizlənməsi, Qarabağ üzrə digər humanitar məsələlərin tezliklə həllinə ümid edir.

Demarkasiyada kömək

Azərbaycan-Ermənistan sərhədinin demarkasiyasına toxunan Riker bu prosesin çox vacib olduğunu bildirib.

"Demarkasiya hamıya fayda gətirəcək. Bu prosesin başladılması üçün siyasi iradə lazımdır. Biz hamımız vəziyyətin gərginləşməsi ehtimalından narahat olmalıyıq. Hər iki tərəfi bu məsələni sülh yolu ilə və ən qısa zamanda həll etməyə, həmçinin ATƏT-in Minsk qrupunun sədrliyi ilə substantiv danışıqlara qayıtmağa çağırırıq", - deyə Riker bildirib.

Azərbaycan güclü tərəfdaş ölkədir

Azərbaycanın Xarici işlər naziri Ceyhun Bayramovla iyunun 9-da görüşən F.Riker Azərbaycan və Ermənistan arasında hərbi əməliyyatların dayandırılmasına dair razılığın əldə olunmasını müsbət qiymətləndirib, eyni zamanda bölgədə baş verən son hadisələr, o cümlədən sərhəd məntəqəsində yaşanan gərginlik ilə bağlı narahatlığını ifadə edib. O, həmçinin bu yaxınlarda iki jurnalist və bir rəsmi şəxsin mina partlayışı nəticəsində dünyasını dəyişməsi ilə əlaqədar təəssüf hissini ifadə edib. F.Riker mövcud gərginliyin aradan qaldırılması üçün ABŞ-ın yardımçı olmaq istəyini vurğulayıb və ATƏT-in Minsk Qrupunun həmsədri qismində səylərə istinad edib.

Öz növbəsində Ceyhun Bayramov münaqişə sonrası bölgədə mövcud olan vəziyyət, Azərbaycanın vəziyyətin gərginləşdirilməsində maraqlı olmaması, üçtərəfli bəyanatın icrası ilə əlaqədar tərəfimizdən atılmış addımlar, habelə Ermənistanın məsuliyyətsiz davranışı, mina xəritələri ilə bağlı məlumatı bölüşməkdən imtina etməsi, Azərbaycan ərazilərində mina basdırılması məqsədilə diversant qrupu göndərməsi və s. barədə qarşı tərəfə məlumat verib.

Bayramov Azərbaycanla ABŞ arasında mövcud olan tərəfdaşlıq münasibətlərinin strateji xarakterini vurğulayıb və qarşılıqlı səfərlərin bu münasibətlərin inkişafına müsbət təsir göstərdiyini qeyd edib.

ABŞ rəsmisi Filip Riker Azərbaycanın güclü tərəfdaş ölkə olduğunu qeyd edib və ABŞ-ın ikitərəfli münasibətlərə önəm verdiyini vurğulayıb. O, Azərbaycan Respublikası Prezidenti ilə telefon danışığına məmnunluqla istinad edib. F.Riker ABŞ-ın regional maraqlarını və bölgədə mövcud çağırışların cavablandırılmasına yardımçı olmaq istəyini ifadə edib.

Tərəflər, həmçinin ikitərəfli əməkdaşlıq gündəliyinin bir sıra məsələləri, o cümlədən enerji və təhlükəsizlik sahələrində əməkdaşlıq məsələləri ətrafında fikir mübadiləsi aparıblar. Görüşdə, habelə qarşılıqlı maraq doğuran digər məsələlər ətrafında fikir mübadiləsi aparılıb.

Səfərin məqsədi

Qeyd edək ki, ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Filip Riker ikigünlük Azərbaycana səfərə gəlib.

Səfər çərçivəsində Filip Rikerin keçirəcəyi görüşlər zamanı ikitərəfli və regional məsələlər müzakirə olunacaq.

ABŞ Xarici Siyasət İdarəsi qeyd edib ki, Rikerin səfərinin məqsədi "ikitərəfli və regional prioritetlərin müzakirəsi" və "bölgədə demokratik və iqtisadi inkişafa dəstək olmaq"dır.

ABŞ dövlət katibinin köməkçisi hökumət, vətəndaş cəmiyyəti və biznes sahəsinin nümayəndələri ilə görüşəcək, həmçinin Qarabağdakı vəziyyətlə bağlı məsələləri müzakirə edəcək.

Bayden Bakıya birbaşa yardıma icazə verib

Mayın əvvəlində Birləşmiş Ştatlar Prezidenti Co Bayden Azərbaycana hərbi yardım edilməsinə icazə verib.

Bayden Konqresi məlumatlandırıb ki, Administrasiya "Azadlığa Dəstək" Aktının 907-ci hüquqi qüvvəsini dayandırmağı uzadır.

Aprelin 26-sı Konqresə göndərdiyi bildirişdə ABŞ dövlət katibi Entoni Blinken bəyan etmişdi ki, bu cür yardım Qarabağ münaqişəsinin sülh yolu ilə həlli istiqamətində davam edən səyləri pozmayacaq və mane olmayacaq, həmçinin Ermənistana qarşı hücum məqsədilə istifadə olunmayacaq.

Dövlət katibi, həmçinin qeyd edib ki, yardım beynəlxalq terrorizmə qarşı mübarizə səylərində Azərbaycanı dəstəkləmək, həmçinin bu ölkənin sərhədlərinin təhlükəsizliyini gücləndirmək üçün lazımdır.

Düzəlişin tarixçəsi

907-ci düzəliş — 1992-ci ildə erməni lobbisinin təşəbbüsü ilə ABŞ Konqresi tərəfindən "Azadlığa Dəstək" Aktına qəbul edilən və Azərbaycana Amerikanın birbaşa dövlət yardımını yasaqlayan düzəlişdir.

2001-ci il 11 sentyabr hadisələrindən sonra Azərbaycanın beynəlxalq terrorizmlə mübarizədə dəstəyini təmin etmək məqsədilə ABŞ Konqresi Prezidentə düzəlişin hüquqi qüvvəsini dayandırmaq səlahiyyəti verib.

Eləcə də oxuyun:

4889
Teqlər:
müavin, ABŞ Dövlət katibi, Rusiya, ABŞ, xəritə, mina, Azərbaycan, Bakı, Yerevan
Namiq Qaraçuxurlu, arxiv şəkli

Tanınmış meyxanaçı da bəladan qurtula bilmədi

304
Bir neçə gün əvvəl Rusiyadan ölkəyə qayıtmaq istəyən meyxanaçı Bakıya qayıdarkən virusa yoluxduğundan xəbərdar olub. Bu səbəblə də o Moskvanı tərk edə bilməyib və orada karantinə alınıb.

BAKI, 14 iyun — Sputnik. Meyxanaçı Namiq Qaraçuxurlu koronavirusa yoluxub. Sputnik Azərbaycan xəbər verir ki, bu barədə o, özünün "Instagram" hesabında məlumat yayıb:

"Əzizlərim narahat olmasın deyə koronavirusa yoluxmağımı gizli saxlamaq istədim. Təəssüf ki, kiminsə ağzının boş olması buna imkan vermədi. Bu həyəcanı sevənlərimə verdiyim üçün üzr istəyirəm. Bildirmək istəyirəm ki, xəstəliyi çox yüngül keçirirəm, saytların bildirdiyi kimi xəstəxanada deyiləm və tezliklə sağalıb, Vətənə geri dönəcəyəm"

Xatırladaq ki, bir neçə gün əvvəl Rusiyadan ölkəyə qayıtmaq istəyən meyxanaçı Bakıya qayıdarkən virusa yoluxduğundan xəbərdar olub. Bu səbəblə də o Moskvanı tərk edə bilməyib və orada karantinə alınıb.

Qeyd edək ki, Namiq Qaraçuxurlu Azərbaycanda meyxana sənətinə bir çox yeniliklər gətirib. Uzun illər meyxana sənəti ilə məşğul olan sənətçi "Rəvayət" adlı meyxansı ilə tamaşaçıların qəlbinə yol tapıb. Həmin meyxanadan sonra gündəmdən düşməyən meyxanaçı səhnəmizin bir çox müğənniləri ilə duet ortağı olub.

304
Çirkab sular, arxiv şəkli

Xəzərə çirkab sular haradan axıdılır? - Rəsmi açıqlama

314
(Yenilənib 21:04 14.06.2021)
Ekologiya və Təbii Sərvət Nazirliyinin Dövlət Ekoloji Təhlükəsizlik Xidmətinin rəis müavini Ramal Bağırov Xəzərə axıdılan çirkab sulara görə "Azərsu" ASC-nin cərimələndiyini bildirib

BAKI, 14 iyun — Sputnik. Xəzərə axıdılan çirkab suların mənbəyi Zabrat gölüdür. Sputnik Azərbaycan-ın məlumatına görə, bu barədə bu gün Ekologiya və Təbii Sərvət Nazirliyinin Dövlət Ekoloji Təhlükəsizlik Xidmətinin rəis müavini Ramal Bağırov Nazirliyin Facebook sosial şəbəkə hesabında keçirilən "Ekspert saatı"nda bildirib. O, deyib ki, artıq Kürdəxanıdan Xəzərə axıdılan çirkab sularla bağlı "Azərsu" ASC-nin vəzifəli şəxsləri cərimələnib: "Kürdəxanıdan Xəzərə axıdılan çirkab sular mənbəyini Zabrat gölündən götürür. Bu göl ətrafında mərkəzləşmiş kanalizasiya sistemi olmadığından həmin sular ətraf ərazidə yaşayan əhali tərəfindən Zabrat gölünə, oradan da digər ərazilərə axıdılır. Biz müəyyənləşdirmişik ki, bu suların tərkibi fekal sulardır. Buna görə "Azərsu" ASC-nin Bağlar su-kanal İdarəsinin rəhbərliyi vəzifəli şəxs qismində 4 min manat cərimə olunub. Həmçinin göstəriş verilib ki, həmin suların təmizlənərək Xəzər dənizinə axıdılması təmin edilsin. Hazırda həmin çirkab suların üzərində təmizləyici qurğuların quraşdırılması işləri aparılır. Yəqin ki, qısa müddət ərzində çirkab suların təmizlənməsi prosesi həyata keçiriləcək".

R. Bağırov həmçinin qeyd edib ki, respublika ərazisində 7 milyon kq. tibbi tullantı formalaşıb. Onun sözlərinə görə, bunun 2 milyona yaxını təhlükəli və ciddi təhlükəli BC növünə aid olub: ""COVID-19-la əlaqəli olan miqdar isə 26 min kubmetr təşkil edib və hamısı aidiyyati üzrə zərərsizləşdirilib".

11 saylı regional Ekologiya və Təbii Sərvətlər İdarəsinin rəisi Vaqif Cavadov isə ağacların dibinin betonlanması məsələsinə toxunub. İdarə rəisi deyib ki, son vaxtlar ölkədə ağacların yaşıl örtüklə örtülməsi, üzərinin dekor tipli işıqlandırılması, eləcə də diblərinin betonlanması halları müşahidə edilir. Onun sözlərinə görə, yaşıllıqların normal bioloji inkişafına mənfi təsir göstərən kənar müdaxilələrin olması yolverilməzdir : "Əgər ağac bioloji inkişafdan qalmayıbsa və heç bir zərər olmayıbsa, bu halda hər hansı inzibati tədbirin görülməsi mümkünsüzdür. Biz sadəcə ağacların üzərinin yaşıl örtükdən azad olunması tələbi irəli sürə bilirik. İnzibati Xətalar Məcəlləsində inzibati tədbir görülməsi yalnız ağacın zədələnməsinə görə edilir. İstənilən halda ağacların inkişafı üçün kənar müdaxilə etmək olmaz!" deyə V. Cavadov bildirib.

Həmçinin oxuyun:

AAYDA: Çirkab suları formalaşdıracaq heç bir təsərrüfat sahəmiz mövcud deyil

Çirkab sular dənizə axıdılmaqda davam edir - REPORTAJ

314
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

0
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

0