Ruhsar Pekcan, arxiv şəkli

Azərbaycana şəxsiyyət vəsiqəsi ilə gələn ilk türk nazir - FOTO

48
Türkiyənin dövlət qurumları və özəl şirkətləri Azərbaycanın işğaldan azad edilmiş ərazilərində əməkdaşlığa hazırdır.

BAKI, 2 aprel — Sputnik. Azərbaycanda rəsmi səfərdə olan Türkiyənin ticarət naziri Ruhsar Pekcan Sputnik Azərbaycan-a bildirib ki, iki ölkənin iqtisadi sahədə əməkdaşlığının əsas məqsədi sərbəst ticarət sazişinin imzalanmasına nail olmaq və onun əsasında vahid bazarın yaradılmasıdır.

"Azərbaycanla Türkiyə arasında sərbəst ticarət sazişinin imzalanmasına nail olandan sonra vahid bazarın yaradılmasını hədəfləyirik", – deyə o bildirib.

Türk nazir onu da qeyd edib ki, Azərbaycan və Türkiyənin məqsədi 15 milyard dollarlıq ticarət dövriyyəsinə nail olmaqdır ki, bu da qarşılıqlı investisiyaların artırılması yolu ilə həyata keçirilə bilər.

1 mart tarixindən qüvvəyə minmiş Preferensial Ticarət Sazişinə də toxunan Pekcan bildirib ki, hazırda ölkələr sazişin əhatə dairəsini və imkanlarını genişləndirmək üzərində iş aparır. Onun verdiyi məlumata görə, aprelin 2-də Türkiyə və Azərbaycan arasında rəqəmsal ticarət haqqında da saziş imzalanacaq.

  • Ruhsar Pekcan
    © Sputnik / Aygul Tagiyeva
  • Ruhsar Pekcan Bakıda
    © Sputnik / Aygul Tagiyeva
  • Ruhsar Pekcan Bakıda
    © Sputnik / Aygul Tagiyeva
  • Ruhsar Pekcan Bakıda
    © Sputnik / Aygul Tagiyeva
  • Ruhsar Pekcan Bakıda
    © Sputnik / Aygul Tagiyeva
  • Ruhsar Pekcan Bakıda
    © Sputnik / Aygul Tagiyeva
1 / 6
© Sputnik / Aygul Tagiyeva
Ruhsar Pekcan

"Gömrük prosedurlarının sadələşdirilməsinə dair Anlaşma Memorandumu bütün texniki problemlər həll edildikdən sonra aprelin 15-də qüvvəyə minəcək. Buraya gömrük rüsumunun aşağı salınması və sənədlərin sadələşdirilməsi daxildir", - deyə nazir qeyd edib.

Bakı-Tbilisi-Ceyhan boru kəmərinin işinin gücləndirilməsi, Azərbaycanın logistika mərkəzinə çevirilməsi, eyni zamanda, bölgə dövlətləri ilə birlikdə Azərbaycanın iqtisadi inkişafı hər iki ölkə üçün prioritet məsələlərdəndir.

İki ölkə vətəndaşlarının şəxsiyyət vəsiqəsi ilə qarşılıqlı səfər etmələrini nəzərdə tutan 1 aprel tarixində qüvvəyə minmiş qərara da toxunan Pekcan bunun müsbət addım olduğunu qeyd edərək bildirib ki, o özü də işçi qrupu ilə birlikdə Azərbaycana şəxsiyyət vəsiqəsi ilə gəlib.

Nazir onu da vurğulayıb ki, Türkiyənin dövlət qurumları və özəl şirkətləri Azərbaycanın işğaldan azad edilmiş ərazilərində əməkdaşlığa hazırdır.

"Türkiyə Azərbaycanın zəfərini və uğurunu bölüşür. Dövlət qurumlarımız – Enerji Nazirliyi, Nəqliyyat və İnfrastruktur Nazirliyi, "Türksat"(Peyk rabitəsinin idarə olunması və kabel televiziyası üzrə dövlət komitəsi) və TIKA (əməkdaşlıq və koordinasiya agentliyi) özəl sektorla birgə azad edilmiş ərazilərin bərpası və yenidən qurulması üçün Azərbaycanla əməkdaşlığa hazırdır. Bu istiqamətdə birgə işimiz davam edir", – deyə Pekcan qeyd edib.

Türkiyəli nazir nümayəndə heyəti ilə birlikdə Azərbaycan Prezidenti İlham Əliyev, iqtisadiyyat naziri Mikayıl Cabbarov, nəqliyyat naziri Rəşad Nəbiyev və Dövlət Gömrük Komitəsinin nümayəndələri ilə görüşdüyü barədə də məlumat verib. Onun Azərbaycanın Baş naziri Əli Əsədov, parlamentin sədri Sahibə Qafarova ilə də görüşü planlaşdırılır.

48
Teqlər:
əməkdaşlıq, bazar, şəxsiyyət vəsiqəsi, nazir, Azərbaycan, Türkiyə
Kitbaxanaçı Nazlı Əliyeva

Dünyanı qəlbləri ilə görənlər - Görmə məhdudiyyətli şəxslərin kitabxanası

91
(Yenilənib 23:43 11.04.2021)
Kitabxananın zirzəmidə yerləşməyi həm onun fəaliyyəti, həm də oxucular üçün narahatlıq yaradır. Elə şəxslər var ki, həm görmə məhdudiyyətlidir, həm də onların ayaqlarında, yerimələrində də problemlər var.

Nigar İsgəndərova, Sputnik Azərbaycan

BAKI, 12 aprel — Sputnik. Fiziki məhdudiyyətli əhali qrupunun bir hissəsini görmə məhdudiyyəti olanlar təşkil edir. Cəmiyyətdə bu şəxsləri, "dünyanı qəlbləri ilə görənlər" adlandırırlar. Bir çox sahələrdə fitri istedadalara sahib olan görmə məhdudiyyətli şəxslər nə qədər qəribə səslənsə də, əksər hallarda asudə vaxtlarında mütaliə edir və bundan zövq alırlar.

Maraqlıdır, respublikada görmə məhdudiyyətli şəxslər üçün nəzərdə tutulan yeganə kitabxanada durum necədir?

Bakıda Nərimanov rayonu, 2-ci Sülh döngəsi 2 ünvanında yerləşən kitabxana 4 mərtəbəli binanın zirzəmisindədir. Zirzəminin qapısını açaraq üzüaşağı dik pilləkənləri gördükdə, görəsən, görmə məhdudiyyətli şəxslər bu pilləkənlərlə necə qalxıb-düşürlər, deyə sual ağlımıza gəlir. Ehtiyatla aşağı enirik.

© Sputnik / Nigar Iskanderova
Gözdən əlillər kitabxanası

Kitabxanaçı Nazlı Əliyeva bizi kitabxana ilə tanış edir: "Kitabxanamız 1981-ci ildə yaranıb. 262 kvadrat metrlik ərazisi olan kitabxana 4 mərtəbəli binanın zirzəmisində yerləşir. Burada brayl əlifbası ilə yazılan, eyni zamanda audio formatda olan, həmçinin adi kitablar var. Oxucularımız isə 5 yaşdan 90 yaşadəkdir. Anaları 5 yaşlı yaxud da bir qədər böyük yaşlı övladlarını gətirərək onlara burada kitab oxuyurlar. Burada hətta abituriyentlər üçün lazım olan bəzi vəsaitlər də var".

Kitablarla tanış oluruq, burada dünya ədəbiyyatı, uşaq ədəbiyyatına aid müxtəlif növ - Azərbaycan, rus və türk dillərində kitabalr var. Az sayda olsa da, ingilis dilli kitablara da rast gəlmək mümkündür. Kitabxananın 19 işçisindən 13-ü görmə məhdudiyyətlidir.

Nazlı xanım deyir ki, buradakı audio kitablar səsyazma məntəqələrində diktorlar tərəfindən səsləndirilir: "Bu səslər montaj olunaraq flashcard-a, diskə yazılır ki, görmə məhdudiyyəti olan şəxslər kiminsə köməyi olmadan mütaliə edə bilsinlər. Azərbaycanın Xalq artisti Eldost Bayramov, diktor Zərifə Ağahüseynqızı və digərləri bu kitabları səsləndirib. Bəzən tələbələr gəlir ki, biz ödənişsiz olaraq kitabları səsləndirmək istəyirik. Bu zaman həmin şəxsin səsi dinlənilir. Çünki bizim auditoriya görmədiyi üçün onlar səsə daha həssasdılar. Bu səbəbdən də səsin xoş, avazlı olub-olmadığı yoxlanılır. Səslə yanaşı, ləhcənin olmaması, düzgün oxunma çox önəmlidir".

© Sputnik / Nigar Iskanderova
Kitbaxanaçı Nazlı Əliyeva

Kitabxanaçı deyir ki, brayl tipli kitablar xüsusi avadanlıqlarla çap olunur. Düzdür, bu kitablar audio kitablarla müqayisədə az olsa da, ona maraq var. Audio tipli kitablar buradakı kitabların təxminən 70 faizini təşkil edir.

Söhbət boyu suallar da beynimizdə gəzib-dolaşır: Havalandırma sistemi, pəncərəsi olmayan və görmə məhdudiyyətli şəxslər üçün nəzərdə tutulmuş kitabxanada görəsən ən çox nə qədər oturub mütaliə etmək olar?

Elə Nazlı xanım da deyir ki, onlaırn əsas problemləri məhz yerləşdikləri məkanla bağlıdır: "Əsas problemimiz bu məkanla bağlıdır. Mərkəz olaraq yerimiz yaxşıdır, "Gənclik" metrostansiyasının yanından bura beş dəqiqəyə çatmaq olur. Amma kitabxananın zirzəmidə yerləşməyi həm fəaliyyətimiz, həm də oxucularımız üçün narahatlıq yaradır. Elə şəxslər var ki, həm görmə məhdudiyyətlidir, həm də onların ayaqlarında, yerimələrində də problemlər var. Onların arasında əsa ilə gəzənlər, arabada olanlar da var ki, bura düşüb-çıxmaq heç də rahat olmur".  

© Sputnik / Nigar Iskanderova
Taktil kitab

"Yaşayış binasının zirzəmisində yerləşirik deyə, burada nəmişlik olur, bir də görürsən ki, yuxarıdan su damır. İldə bir neçə dəfə bu iş başımıza gəlir, kitab fondumuz xarab olur, Pəncərələr olmadığndan havalandırma sistemi də yoxdur", - deyə o əlavə edir.   

N.Əliyeva deyir ki, oxucular əvvəllər daha çox gəlirdi, hazırda isə gündəlik gələn oxucuların sayı 10-15-dir: "Bunun da səbəbi ictimai nəqliyyatda, taksilərdə qiymətlərin artması ilə bağlıdır. Bu şəxslər gələndə tək gəlmirlər, mütləq onlarla kimsə də gəlir. Yəni, hər dəfə taksi ilə gəlmək onlar üçün heç də sərfəli deyil. Lakin biz kitabları onlara əlçatan etmək üçün bəzən özümüz ünvana aparırıq. Görmə məhdudiyyətli şəxslər adətən kompakt olaraq bir ərazidə yaşayırlar. Belə olanda, yaxud da şəxslərdən biri gəlib kitab götürdükdə sonradan digər görmə məhdudiyyətli şəxslərə də verir. Bu zaman həmin şəxs bizimlə əlaqə saxlayaraq kitabı kimə verdiyini deyir və kitab onun adından çıxarılaraq başqasının adına salınır".

© Sputnik / Nigar Iskanderova
Səsli kitab

Pandemiya dövründə oxucuların evdən çıxmaması üçün kitabxanın digər əməkdaşları təəfindən "Youtube" və "Facebook" vasitəsi ilə kitablar oxuyaraq səsləndirirlər: "Pandemiya dövründə "Zoom" proqramı vasitəsi ilə tədbirlər də keçirmişik. Bizim əsas kontingentimiz Gözdən Əlilər Məktəbinin şagirdləridir. Onlar da tez-tez bura üz tutur, tədbirlərimizə qatılır, müxtəlif proqramlarla çıxış edirlər. Biz onların şairlər, yazıçılar, qəhrəmanlarımızla görüşlərini də təşkil edirik".        

Kitabxananın direktoru Şəhla Vəliyeva da zirzəmi şəraitinin çətinliklərindən danşır: "Bizim kitablar xüsusi kitablardır. Brayl əlifbası ilə nəşr olunan kitablar müəyyən temperaturda, şəraitdə qorunub saxlanılmalıdır. Bu kitablarla yanaşı disklərin də zirzəmi şəraitində saxlanılması düzgün deyil. Bu bizim başlıca problemimizdir. Təsəvvür edib, bəzən təmir  bitməmiş divarlar yenidən nəm verir".

  • Səsli kitab
    © Sputnik / Nigar Iskanderova
  • Səsli kitab
    © Sputnik / Nigar Iskanderova
  • Səsli kitab
    © Sputnik / Nigar Iskanderova
  • Gözdən əlillər kitabxanası
    © Sputnik / Nigar Iskanderova
1 / 4
© Sputnik / Nigar Iskanderova
Səsli kitab

"Ev sahibləri evlərini kirayə verirlər. Kirayədə qalanlar isə gördüyünüz kimi, vəziyyətimizi bu hala gətiriblər. Zirzəmidə olmasaydıq, vəziyyət fərqli olardı", - deyə o əlavə edir.

Hazırda kitabxananın 1200 oxucusu olduğunu deyən direktor bu auditoriyada 83-85 yaşlı nənə-babaların da yer aldığını diqqətə çatdırır.

91

Yasamal rayonunda avtomobilə atəş açılıb

50
İdarəetməni itirən sürücü nəqliyyat vasitəsini dərədən aşağı aşırıb. Hadisə yerinə Yasamal Rayon Polis İdarəsi və 29-cu Polis Şöbəsinin əməkdaşları cəlb edilib.

BAKI, 12 aprel - Sputnik. Bakının Yasamal rayonunda silahlı insident baş verib.

APA xəbər verir ki, hadisə Yeni Yaşamal yaşayış massivində qeydə alınıb.

Əsəd Əhmədov küçəsində 99-VH-886 dövlət nişanlı "Chevrolet" markalı avtomobilə atəş açılıb. İdarəetməni itirən sürücü nəqliyyat vasitəsini dərədən aşağı aşırıb. Hadisə yerinə Yasamal Rayon Polis İdarəsi və 29-cu Polis Şöbəsinin əməkdaşları cəlb edilib.

50