Qar təmizləyən texnikası, arxiv şəkli

Qar yolların təmizlənməsinə məsul olanlar üçün qazanc mənbəyi oldu - Deputat

59
(Yenilənib 15:59 25.02.2021)
"Ümid ancaq onadır ki, Azərbaycanda normal bələdiyyə seçkiləri keçirilsin, şəhər təsərrüfatının idarəetməsi bələdiyyələrə verilsin"

Zülfiyyə Quluyeva, Sputnik Azərbaycan

BAKI, 25 fevral — Sputnik. Paytaxta yağan qar şəhər təsərrüfatına məsul qurumların yarıtmaz fəaliyyətini bir daha üzə çıxartdı. Hələ qış gəlməmiş qışa hazır olduqlarını bəyan edən qurumların "hazırlığı"nın hansı səviyyədə olduğu isə yollarda yaranmış vəziyyətdən bəlli oldu. Baxmayaraq ki, hidrometeoroloqlar bir neçə gün əvvəldən havanın kəskin dəyişəcəyi, qar yağacağı, şaxta olacağı barədə aidiyyəti qurumları xəbərdar etmişdi. Buna rəğmən göydən qar düşən kimi yollar buz bağladı, nəqliyyatın hərəkəti iflic vəziyyətə düşdü, avtobuslar gecikdi (bəziləri ümumiyyətlə işləmədi), səkilər piyadaların qəniminə çevrildi.

Sputnik Azərbaycan hər mövsüm təkrarlanan analoji vəziyyətdən çıxış yolunu araşdırıb.

Millət vəkili Fazil Mustafa Sputnik Azərbaycan-a açıqlamasında bildirib ki, bu problemdən çıxış yolu ölkədə normal bələdiyyə seçkiləri keçirilməsidir: "Ümid ancaq onadır ki, Azərbaycanda normal bələdiyyə seçkiləri keçirilsin, şəhər təsərrüfatının idarəetməsi bələdiyyələrə verilsin. Bələdiyyələr də bu səlahiyyəti üzərinə götürüb problemləri həll etsin. İndi deyilən sözlərin heç bir əhəmiyyəti yoxdur. Yağan qar yolların təmizlənməsinə məsul olan şəxslər üçün əksinə, qazanc mənbəyi oldu. Həmin məsul şəxslər bundan pul qazanacaqlar. Yəqin ki, yollara qum, duz səpilməsi adıyla yaxşı pul silinər. Yəni bu qurumlara mövcud hava sərf edir. Daha çox imkan kimi baxırlar bu hava şəraitinə".

F.Mustafa deyir ki, problemdən çıxış yolu növbəti ərəfədə böyük şəhər bələdiyyəsi seçilməsidir: "Bakı şəhərinə mer seçkisi keçirilməlidir. Mərkəzdən idaretmə ancaq korrupsiya yaradır. İcra hakimiyyətlərinin bu səlahiyyətləri bələdiyyələrə verilməlidir ki, vətəndaş da gedib yerli özünü idarəetmə orqanının yaxasından yapışa bilsin. Nəqliyyatın niyə işləmədiyini, yolların hansı səbəbdən təmizlənmədiyini, qum, duz səpilmədiyini soruşsun, tələb etsin. Bunlar hamısı mütləq həmin formatda həll olunmalıdır. Əks halda, biz hər mövsüm bu problemi yaşayacağıq.

Sosial Strateji Tədqiqatlar Mərkəzinin rəhbəri, sosial sahə üzrə ekspert İlqar Hüseynli də Sputnik Azərbaycan-a açıqlamasında bildirib ki, vəziyyətdən çıxış yolu şəhər təsərrüfatı idarəçiliyinin bələdiyyələrə verilməsidir: "Bu gün əsas səlahiyyət şəhər təsərrüfatına məsul qurumun üzərinə düşür. Amma vəziyyət göstərdi ki, həmin qurumlar vəzifələrinin öhdəsindən gələ bilmirlər. Məsələn, qardaş Türkiyədə bu işi hər hansı dövlət qurumu həyata keçirmir. Bu tipli fəaliyyəti bələdiyyələr həyata keçirir. Bələdiyyələr vətəndaşlar qarşısında hesabatlı qurum olduğundan, onlar qarlı havalarda yolların vəziyyətinə görə vətəndaşlar qarşısında məsuliyyət daşıyırlar. Azərbaycanda Bakı Nəqliyyat Agentliyi, Bakı Şəhər İcra Hakimiyyəti və Azərbaycan Avtomobil Yolları Dövlət Agentliyi kimi qurumların fəaliyyətini bələdiyyələr həyata keçirdir. Amma Azərbaycanda qış fəsli üçün ayrılan vəsait dövlət qurumlarının sanki qazanc mənbəyinə çevrilib".

İ.Hüseynli buna görə də problemdən çıxış yolunu şəhər təsərrüfatı idarəçiliyinin bələdiyyələrə verilməsində görür.

Qeyd edək ki, yağan qar təkcə sürücülər üçün yox, piyadalar üçün də müəyyən çətinliklər yaratdı. Bakıda qarlı havada yıxılaraq xəsarət alanların sayı 64 nəfərə çatıb. Bakı şəhər Təcili və Təxirəsalınmaz Tibbi Yardım Stansiyasından Sputnik Azərbaycan-a verilən məlumata görə, fevralın 24-dən etibarən 35 kişi, 29 qadın hava şəraiti ilə əlaqədar yıxılaraq müxtəlif dərəcəli bədən xəsarətləri alıb. Baş verən hadisələr piyada keçidlərinin qardan təmizlənmədiyini, səkilərə qum və duz səpilmədiyini üzə çıxartdı.

Bakıda qar təmizləyən texnika 25 fevral 2021 il
© Photo: Baku City Executive Power

Nəqliyyat məsələləri üzrə ekspert Ərşad Hüseynov Sputnik Azərbaycan-a açıqlamasında bildirib ki, kommunal xidmətlər piyadaları unudublar: "Yalnız yolun avtomobillər üçün olan hərəkət hissələrini təmizləyirlər, qumu, duzu ora səpirlər. Şəhərin bütün səkiləri şüşə kimi buz bağlayıb. Piyada hərəkət etmək çox təhlükəlidir. Bu səbəbdən piyada hərəkət edənlərə səslənirik ki, çox ehtiyatlı olsunlar. İmkan varsa, qaranlıq vaxtı küçələrə çıxmasınlar. Çünki qaranlıqda buzlu yerləri seçmək daha çətin olur. Xüsusən yaşlı insanları qorumağa çalışın. Yaşlı insanlar belə buzlu səkidə yıxılsalar, ağır travma ala bilərlər. Hər kəs öz işinə düzgün yanaşsa, yaxşı olar".

Məlumat üçün bildirək ki, yağan qar piyada keçidləri ilə bağlı daha bir problemi ortaya çıxartdı. Piyada keçidlərində yerə döşənən mərmər piyadaların keçiddən istifadəsini çətinləşdirdi.

Azərbaycan Avtomobil Yolları Dövlət Agentliyinin mətbuat katibi Anar Nəcəfli deyir ki, Agentlik tərəfindən son illər inşa edilən yeraltı piyada keçidlərində bu məqam nəzərə alınır. Keçidin döşəməsinə sürüşkən olmayan materiallar vurulur: "Mərmər döşənən keçidlər Agentlikdən əvvəlki qurum tərəfindən inşa edilib. Bizim qurum piyada keçidlərinin inşası zamanı bu məqamı nəzərə alır. Gələcəkdə ola bilər ki, mərmər döşənən keçidlər sürüşkən olmayan materiallarla əvəzlənsin".

59
Mövzu:
Bakı qarın əsarətində (30)
İnşaatçılar metrosunda

Metro işləmir, keçidləri isə zibilliyə çevrilib - FOTOLAR

423
(Yenilənib 22:33 17.04.2021)
"Ola bilər ki, belə arzuolunmaz hallar həftəsonları müşahidə olunsun. Bu da həftəsonları ictimai nəqliyyatın işləməməsi səbəbindən hansısa təmizlik işçisinin işə gələ bilməməsi ilə bağlı ola bilər"

 

Zülfiyyə Quluyeva, Sputnik Azərbaycan

BAKI, 17 aprel — Sputnik. Bakıda metro keçidləri zibilliyə çevrilib. Metronun 6 aydan çoxdur ki, fəaliyyətini dayandırması metro keçidlərini də baxımsız vəziyyətə salıb. Xüsusilə həftəsonları metro keçidləri zibilli olur. Sputnik Azərbaycan metro keçidlərinin natəmiz olmasının səbəbini araşdırmazdan öncə keçidlərdə müşahidə aparıb.

Bakı metropoliteninin "İnşaatçılar" stansiyasının piyada keçidi sellofan torbalarla dolu idi. Əsən külək bayırdakı toz-torpağı, polietilen torbaları keçidə doldurmuşdu. Bu keçiddə natəmiz vəziyyətdən piyadalar da narazı idilər. Yasamal rayon sakini Mehparə Hüseynova deyir ki, metro bağlanandan keçidlərin təmizliyinə o qədər də diqqət yetirilmir: "Hava küləkli olanda, həftəsonları metro keçidləri zibil poliqonuna dönür. Natəmizlik baş alıb gedir. Bu, təkcə "İnşaatçılar" metrostansiyasının keçidində belə deyil. Digər metro keçidlərində də təmizliyə diqqət yetirilmir".

  • "İnşaatçılar" metrosunda
    © Sputnik / Zulfiyya Guluyeva
  • "İnşaatçılar" metrosunda
    © Sputnik / Zulfiyya Guluyeva
  • "İnşaatçılar" metrosunda
    © Sputnik / Zulfiyya Guluyeva
1 / 3
© Sputnik / Zulfiyya Guluyeva
"İnşaatçılar" metrosunda

Qeyd edək ki, Bakı metropoliteninin fəaliyyəti pandemiya dövründə Nazirlər Kabineti yanında Operativ Qərargah tərəfindən dayandırılsa da, metro keçidlərindən hər gün yüzlərlə piyada istifadə edir. Metro keçidlərinin zibilli olması, istər-istəməz keçiddən istifadə edənlərdə narazılıq yaradır. Metro keçidləri isə piyadaların təhlükəsizliyi baxımından önəmlidir. Piyadaların keçidlərdən istifadəsi isə yol-nəqliyyat hadisələri zamanı piyada vurmalarının qarşısını alır.

"Bakı Metropoliteni" QSC-nin mətbuat xidmətinin rəhbəri Bəxtiyar Məmmədov Sputnik Azərbaycan-a açıqlamasında bildirib ki, metro işləməsə də, metro keçidləri hər gün təmizlənir: "Ola bilər ki, belə arzuolunmaz hallar həftəsonları müşahidə olunsun. Bu da həftəsonları ictimai nəqliyyatın işləməməsi səbəbindən hansısa təmizlik işçisinin işə gələ bilməməsi ilə bağlı ola bilər. Yaxud da hava şəraiti ilə bağlı məqam ola bilər. Hava küləkli olduqda zibili sovurub keçidlərə doldurur. Buna baxmayaraq, əgər hansısa keçiddə natəmizlikdən şikayət varsa, bu məsələ dərhal həmin metrostansiyanın rəhbərliyinə çatdırılır və aradan qaldırılır. Metronun işləməməsinə baxmayaraq, keçidlərin təmizliyi gündəlik həyata keçirilir".

423
Neft buruğu, arxiv şəkli

Azərbaycan nefti bahalaşıb

7
Əsas neft istehlak edən ölkələrdə COVID-19-a yoluxmaların sayının artması səbəbindən tələbatın bərpası kövrək olaraq qalır

BAKI, 17 aprel — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, “Azeri Light” markalı neftin bir barelinin qiyməti 0,24 dollar artaraq 66,28 dollar təşkil edib.

Londonun ICE birjasında "Brent" markalı neftin bir barelinin qiyməti 0,17 dollar geriləyərək 66,77 dollar, Nyu-Yorkun NYMEX birjasında "Light" markalı neftin bir barelinin qiyməti isə 0,33 dollar ucuzlaşaraq 63,13 dollar olub.

Qeyd edək ki, “Azeri Light” neftinin bir barelinin qiyməti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

Xatırladaq ki, Beynəlxalq Enerji Agentliyinin məlumatına görə, qlobal xam neft tələbatının bərpası kövrək olaraq qalır. Agentliyə görə, qlobal xam neft tələbatı cari ilin ilk rübündə gözləntilərin altında qalsa da, müsbət iqtisadi proqnozlar və güclü iqtisadi göstəricilər tələbatla bağlı proqnozun yuxarı istiqamətli dəyişdirilməsinə şərait yaradır. Digər tərəfdən, əsas neft istehlak edən ölkələrdə COVID-19-a yoluxmaların sayının artması səbəbindən tələbatın bərpası kövrək olaraq qalır.

7
Türkiyə hərbçiləri, arxiv şəkli

İrandan Türkiyəni qəzəbləndirəcək plan

0
(Yenilənib 22:55 17.04.2021)
Rusiya ordusuna bağlı birliklər Suriyanın Tel-Rıfat bölgəsini tərk edərkən yerlərinə İran İnqilab Keşikçilərinin elementləri yerləşdirilib.

BAKI, 17 aprel — Sputnik. Türkiyə 6 ildir PKK işğalı altında olan Suriyanın Tel-Rıfat qəsəbəsini və İraq-Suriya sərhəddində yerləşən Sincar bölgəsini terrorçulardan təmizləməyə çalışır.

Sputnik Azərbaycan "Haber7"yə istinadla xəbər verir ki, Tel-Rıfatda Rusiya ordusuna bağlı birliklər bölgəni tərk edərkən yerlərinə İran İnqilab Keşikçilərinin elementləri yerləşdirilib. Digər terror bölgəsi olan Sincara isə Tehrana bağlı "Haşdi Şabi" milisləri yerləşdirilib.

"Hizbullah"ın baş katibi Hüseyin Həmdavi və "Haşdi Şabi"nin qurucusu Hadi əl-Amiri və digərləri Sincar ilə əlaqədar Türkiyəni təhdid ediblər.

"Fərat qalxanı" bölgəsindəki yüksək səviyyəli bir mənbə Tel-Rıfata qarşı hərbi əməliyyat üçün bütün hazırlıqların 2018-ci ildə tamamlandığını, ancaq İranın maneə törətdiyi üçün əməliyyatın təxirə salındığını söyləyib.

 

 

0