Məbud Əhmədov

Daha bir nəğməkar əsgərimiz: başının üstündə güllələr uçuşanda da oxumağından qalmayıb

184
(Yenilənib 20:34 19.12.2020)
Gənc müğənni Məbud Əhmədov Füzuli, Cəbrayıl və Xocavənd uğrunda gedən döyüşlərdə iştirak edib. Bakıya qayıdandan sonra ifaçılıq sənətini davam etdirmək fikrindədir, artıq ona əməkdaşlıqla bağlı çoxsaylı təkliflər də gəlib.

BAKI, 19 dekabr — Sputnik, Kəmalə Əliyeva. Başının üstündə güllələr uçuşanda belə, əsgər yoldaşlarını ruhlandırmaq üçün mahnı oxumağından qalmayıb - İkinci Qarabağ Müharibəsində iştirak etmiş müğənni Məbud Əhmədov Sputnik Azərbaycan-a verdiyi müsahibəsində belə deyir.

Nəğməkar-əsgər hospitalda yaraları sarındığı vaxt Qarabağ haqqında mahnı oxuduğu videoçarx sayəsində bütün ölkədə məşhurlaşdı. Hazırda Məbud Əhmədov Şəmkirdə müalicə olunur.

İfaçı 1996-cı ildə Bakıda anadan olub. Birinci sinifdən müsiqi ilə məşğul olmağa başlayıb. İlk dəfə isə məktəbdə keçirilən "Əlifba bayramı"nda çıxış edib. Həmin vaxt Məbud öz sinif yoldaşları və müəllimlərinin qarşısında "Ana Kür" mahnısını ifa edib. Bundan sonra, musiqi müəllimi onun valideynlərinə məsləhət görüb ki, Məbudu vokal məktəbinə yazdırsınlar. Beləliklə, Əhmədovun ilk müəllimləri Vüsalə Məmmədzadə və Sabir Abdullayev olub.

Посмотреть эту публикацию в Instagram

Публикация от Məbud Əhmədov (@mabudakhmedov)

Məktəbi bitirəndən sonra Azərbaycan Milli Konservatoriyasına qəbul olunub. Konservatoriyada ona Xalq artisti Təyyar Bayramov, magistraturada isə Xalq artisti Arif Babayev dərs deyib. Ali təhsil aldığı müddətdə Məbud Əhmədov müqavilə əsasında Azərbaycan Dövlət Akedemik Musiqili Teatrında işləyib, "Ər və Arvad" tamaşasında çıxış edib. Eyni zamanda, ATV-nin müxtəlif proqramlarında ifaçı kimi fəaliyyət göstərib. Təkcə xalq mahnılarını deyil, estrada mahnılarını da məharətlə ifa edib. Təhsilini başa vurandan sonra isə Vətən qarşısında borcunu ödəmək üçün hərbi xidmətə yollanıb.

Həmin vaxt II Qarabağ müharibəsinin iştirakçısı olacağı müğənnin ağlına da gəlməyib. Ancaq indi 30 ildən bəri erməni işğalı altında olan Azərbaycan torpaqlarının azad edilməsi uğrunda döyüşlərdə iştirak etdiyi üçün özünü çox xoşbəxt hiss eləyir.

© Photo : Courtesy of Mabud Ahmedov
Məbud Əhmədov

"O günü indiki kimi xatırlayıram, sentyabrın 27-də bizə bildirdilər ki, müharibə başlayır. İlk döyüşümüz oktyabrın 6-da Füzuli istiqamətində oldu. Yaxın dostum, qrup yoldaşım Toğrul Hacıyevi məhz həmin döyüşdə itirdim. O, şəhid oldu. Biz düz 6 il bir yerdə oxumuşduq, dostluq etmişdik. Onun ölümünü görmək mənim üçün çox ağır idi, amma müharibə davam eləyirdi və biz irəli getməli idik", - Əhmədov müharibənin ilk günlərini bu sözlərlə yada salır.

Nəğməkar əsgər Füzuli, Cəbrayıl və Xocavənd uğrunda gedən döyüşlərdə iştirak edib. Qəlpə yarası almasına baxmayaraq, bu barədə əsgər yoldaşlarına və həkimlərə bir söz demədən döyüşməyə davam edib. Xankəndi istiqamətində, "Qırmızı Bazar" qəsəbəsində baş tutan son döyüş onun üçün çox ağır keçib. Noyabrın 3-də məhz həmin yerdə Əhmədov qolundan və ayağından ağır güllə yarası alıb.

Посмотреть эту публикацию в Instagram

Публикация от Məbud Əhmədov (@mabudakhmedov)

"Çox çətin döyüş oldu. Bizi hər tərəfdən atəşə tutmuşdular. Ağlıma da gəlmirdi ki, buradan hansımızsa sağ çıxa bilərik. Şükür Allaha ki, düşmənə layiqincə cavab verə bildik və irəli hərəkət etdik. Mənə ilk yardımı əsgərlər Anar Şəhriyarov və İbrahim Mirzəyev göstərdilər. Onlara bütün ömrüm boyu minnətdar olacağam. Onlar mənim həyatımı xilas etdilər", - Əhmədov həmin günləri bu sözlərlə yada salır.

Məbud Əhmədov deyir ki, döyüş vaxtı əsgər yoldaşlarını ruhlandırmaq üçün onlara mahnılar oxuyub. Hətta başının üstündə güllələr uçuşanda belə o, müxtəlif xalq mahnılarını ifa etməkdən çəkinməyib. Dediyinə görə, onu bütün ölkədə məşhurlaşdıran videoçarx isə Füzuli rayonunun Diaqnostika Mərkəzində, qolundakı yarası sarındığı vaxt çəkilib.

Посмотреть эту публикацию в Instagram

Публикация от Məbud Əhmədov (@mabudakhmedov)

"Həkim Oktay Mehdiyev başımı qarışdırmaq üçün hansı peşənin sahibi olduğumu soruşdu. Müğənni olduğumu deyəndə bir mahnı oxumağımı istədi. Mən də Qarabağla bağlı bir mahnı oxumağa qərar verdim. Bu mahnını bütün qəlbimlə ifa elədim. Ağrıya, aldığım yaralara baxmayaraq doğma vətənim Azərbaycan üçün belə mühüm bir tarixi hadisənin iştirakçısı olduğuma görə fəxr eləyirdim", - deyə Əhmədov bildirir.

Bu videodan sonra gənc müğənniyə doğmaları, dostları, hımkarları, eləcə də ABŞ-dan, İngiltərədən, Qazaxıstandan, Belçikadan və başqa ölkələrdən tanımadığı insanlar zəng vuraraq öz minnətdarlıqlarını bildiriblər.

Hazırda Məbud Əhmədov Şəmkirdə müalicə alır. Ümid edir ki, dekabrın axırına kimi xəstəxanadan buraxılıb Bakıya gələ, doğmaları ilə görüşə biləcək.

© Photo : Courtesy of Mabud Ahmedov
Məbud Əhmədov əsgər yoldaşları ilə

Gənc müğənniyə əməkdaşlıqla bağlı xeyli sayda təklif də gəlib. Azərbaycanın Xalq artisti, bəstəkar Aygün Səmədazadə isə ona mahnı həsr edib. Məbud Bakıya qayıdandan sonra həmin mahnını lentə yazdırmaq fikrindədir.

Müsahibənin sonunda Məbud Əhmədov bütün şəhid ailələrinə başsağlığı verdi, yaralı əsgərlərimizin isə tezliklə sağalmasını dilədi.

184
XİN-nin binası, arxiv şəkli

XİN: Azərbaycanla UNESCO arasındakı dialoqa üçüncü tərəf müdaxilə edə bilməz

13
(Yenilənib 23:46 15.01.2021)
XİN: Son onilliklər ərzində Ermənistan beynəlxalq missiyaların Azərbaycanın işğal altındakı ərazilərinə səfər etməsinə maneçilik törədib

BAKI, 15 yanvar - Sputnik. Xarici İşlər Nazirliyinin mətbuat xidməti idarəsinin rəisi Leyla Abdullayeva Ermənistan Xarici İşlər Nazirliyinin nümayəndəsinin Azərbaycan Respublikası Prezidentinin ICESCO Baş direktoru ilə görüşü zamanı çıxışına dair bəyanatını şərh edib.

Xarici İşlər Nazirliyinin mətbuat xidməti idarəsindən bildiriblər ki, Leyla Abdullayeva şərhində bildirib: “Azərbaycan Respublikasının Prezidenti bu il yanvarın 13-də ICESCO-nun Baş katibi ilə keçirdiyi görüş zamanı çıxışında ölkəmizin işğaldan azad olunmuş ərazilərində Ermənistan tərəfindən onilliklər ərzində həyata keçirilən, Azərbaycanın tarixi, maddi-mədəni irsinin məhv edilməsinə hədəflənən məqsədyönlü siyasəti növbəti dəfə ifşa etdi.

Bu ərazilərdə Azərbaycan xalqına məxsus hər bir şeyi məhv edərək, azərbaycanlıların öz evlərinə geri qayıtmasına imkan verməmək məqsədini güdən Ermənistan tərəfindən 30 ilə yaxın işğal altında qalan ərazilərdə tarixi, mədəni və dini abidələrin dağıdılması, talan edilməsi, onların mənşəyinin dəyişdirilməsi istiqamətində fəaliyyət hərbi cinayətlərə bərabərdir. Əlbəttə, bu cinayətlərə görə Ermənistan məsuliyyət daşıyır və beynəlxalq məhkəmələr qarşısında cavab verməlidir.

Qədim erməni dini və dünyəvi abidələrinə gəldikdə, Qafqaz etnoslarına aid olmayan və Qafqaza kütləvi şəkildə XIX əsrdə köçürülən ermənilərin bu kimi abidələri bəlkə də haradasa mövcuddur. Bizim bölgəyə aidiyyəti olmadığı üçün bu məsələni şərh etməzdim.

O ki, qaldı Ermənistan XİN-in guya Azərbaycanın beynəlxalq təşkilatların, xüsusilə də UNESCO-nun əraziyə səfər etməyə icazə verməməsinə dair əsassız ittihamlarına, Ermənistan XİN-in yadına salırıq ki, son onilliklər ərzində məhz Ermənistan beynəlxalq missiyaların Azərbaycanın işğal altında olan ərazilərinə səfər etməsinə maneçilik törədib. Bu fakt hətta UNESCO-nun 2005-ci ildə dərc etdiyi fəaliyyət hesabatında aydın şəkildə əks olunub. Belə ki, hesabatda Azərbaycan hökumətinin Dağlıq Qarabağ və işğal olunmuş digər ətraf ərazilərdə mədəni irsin mühafizəsi ilə bağlı narahatlığını ifadə edərək bu ərazilərə fakt araşdırma missiyasının göndərilməsi müraciəti etdiyi, lakin Ermənistanın hərbi işğalı səbəbindən bu missiyanın həyata keçirilməsinin mümkün olmadığı göstərilir.

Azərbaycan tərəfi UNESCO missiyasının təşkili ilə bağlı cavabını qarşı tərəfin diqqətinə çatdırıb. Ümumiyyətlə, Azərbaycanla UNESCO arasındakı dialoq prosesinə heç bir üçüncü tərəf müdaxilə edə bilməz.

Əminik ki, UNESCO/ICESCO missiyası Ermənistanın 30 illik işğal dövründə törətdiyi vandalizm əməllərini obyektiv əsaslarla və real faktlarla beynəlxalq ictimaiyyətin diqqətinə çatdırılması üçün əlverişli imkan olacaqdır.

Azərbaycan multikultural ölkədir və Qarabağdakı bütün müsəlman və xristian-alban abidələri Azərbaycan xalqının tarixi, mədəni və dini irsinə məxsusdur. Azərbaycan ərazisindəki bütün abidələr dövlət səviyyəsində qorunur. Ölkəmizin zəngin irsinin mühafizəsi bundan sonra da yüksək səviyyədə təmin ediləcək, o cümlədən işğaldan azad olunmuş ərazilərdəki abidələrin bərpası, təmiri və yenidən qurulması işləri həyata keçiriləcək.

13

İqtisadi Şuranın 2021-ci ildə ilk iclası keçirilib

6
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

6
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0