Azərbaycan hərbçiləri, arxiv şəkli

BMTM II Qarabağ Müharibəsi dövründə aktiv fəaliyyət göstərib

15
(Yenilənib 15:56 07.12.2020)
Bu müddətdə BMTM tərəfindən bir sıra vebinarlar və məlumatlandırma sessiyaları təşkil edilib. ABŞ, Böyük Britaniya, Pakistan, Türkiyə, Polşa və bir sıra ölkələr tərəfindən təşkil olunmuş videokonfranslarda baş verən hadisələr barədə məlumat verilib.

BAKI, 7 dekabr — Sputnik. Beynəlxalq Münasibətlərin Təhlili Mərkəzi Ermənistanla Azərbaycan arasında 44 günlük müharibə və noyabrın 10-da Azərbaycan, Rusiya və Ermənistan liderlərinin imzaladığı üçtərəfli bəyanatın icrası müddətində informasiya müharibəsi sahəsində fəaliyyətini aktiv şəkildə davam etdirib. Sputnik Azərbaycan xəbər verir ki, Mərkəzin İdarə Heyəti, həmçinin ekspertlər fəaliyyətlərini xarici nəşrlərdə məqalələr dərc etməklə, beynəlxalq və yerli mediaya davamlı müsahibələr verməklə və vebinarlar təşkil etməklə icra ediblər. Bu müddət ərzində əməkdaşların "The National Interest", "Jamestown Foundation", "Euractiv", "The London Post", "New Eastern Europe", "Geopolitical Monitor", "Nezavisimaya Gazeta" və digər nüfuzlu nəşrlər daxil olmaqla Türkiyə, ABŞ, Kanada, Latın Amerikası, Avropa, Rusiyanın bır çox nəşrlərində 50-dən çox məqalələri dərc olunub. Məqalələrdə xüsusilə Ermənistanın 27 sentyabrda Azərbaycana qarşı təxribata əl atmasına, buna cavab olaraq Azərbaycanın bütün cəbhə boyu əməliyyatlara başlamasına, haqlı olaraq işğal olunmuş torpaqlarını azad etməklə bir növ BMT TŞ-nin qəbul etdiyi, lakin 25 ildən çoxdur icra etmədiyi qətnamələri həyata keçirməsinə və ümumiyyətlə, Ermənistan Baş Naziri Nikol Paşinyan hakimiyyətə gəldikdən sonra səsləndirdiyi ritorik bəyanatlar və atdığı addımların münaqişənin alovlanmasına təkan verməsinə diqqət çəkilir.

Həmçinin bu müddət ərzində BMTM heyəti dünya ictimaiyyətinin regionda baş verən hadisələrlə bağlı düzgün məlumatlandırmaq, Azərbaycanın haqq işini dünyaya çatdırmaq və erməni diasporunun apardığı anti-Azərbaycan kampaniyasına adekvat cavab vermək məqsədi ilə BBC, "Deutsche Welle", "TRT World", "Al Arabia", "Aljazeera", "Rustavi", "A Haber", "CNN Türk", ATR TV, "Anadolu Agentliyi" və digər nüfuzlu beynəlxalq media orqanlarına rus, ingilis və türk dillərində 30-dan çox müsahibələr verib. Eyni şəkildə müsahibələr Azərbaycanın yazılı, elektron mediasında və televiziyalarda da davam etdirilib. BMTM ekspertlərinin təhlilləri vasitəsi ilə münaqişənin mahiyyəti və Azərbaycanın mövqeyi yerli ictimaiyyətə də çatdırılıb.

Həmçinin BMTM -in ingilis dilində hazırladığı və Azərbaycandakı diplomatik korpusa göndərilən aylıq bülletenlərdə baş verən hadisələrə ətraflı yer verilib. Bu müddətdə BMTM-in elmi heyəti tərəfindən "Muzdlu və xarici döyüşlərin Ermənistan tərəfindən Azərbaycana qarşı istifadəsi", "Dağlıq Qarabağ münaqişəsi zamanı Ermənistan tərəfdən yeniyetmələrin Azərbaycana qarşı döyüşməsi", "Azərbaycanın dinc vətəndaşlarına qarşı müharibə cinayətlərinin törədilməsi və Ermənistan Silahlı Qüvvələrinin Azərbaycanın vacib infrastrukturunu hədəfə alması", "Ermənistan-Azərbaycan münaqişəsinin unudulmuş qurbanı: Münaqişənin ətraf mühitə təsiri" adlı hesabat materialları hazırlanıb və müvafiq olaraq xarici tərəfdaşlara və Azərbaycandakı diplomatik nümayəndəliklərə göndərilib.

Bu müddətdə BMTM tərəfindən bir sıra vebinarlar və məlumatlandırma sessiyaları təşkil edilib. ABŞ, Böyük Britaniya, Pakistan, Türkiyə, Polşa və bir sıra ölkələr tərəfindən təşkil olunmuş videokonfranslarda baş verən hadisələr barədə məlumat verilib.

BMTM II Qarabağ Müharibəsi ətrafında baş verən prosesləri nəzərə alaraq bu istiqamətdə fəaliyyətlərini növbəti illərdə də davam etdirəcək.

15
Mövzu:
Azərbaycan və Ermənistan arasında müharibə (1184)
Xarici İşlər naziri Ceyhun Bayramov, arxiv şəkli

Nazirlər Azərbaycan-Fransa münasibətlərinin cari vəziyyətini müzakirə ediblər

11
(Yenilənib 23:33 21.01.2021)
Azərbaycan XİN başçısı Ceyhun Bayramov və Fransanın xarici işlər naziri Jan İv Lö Drian arasında telefon danışığı olub.

BAKI, 21 yanvar - Sputnik. Azərbaycan Respublikasının xarici işlər naziri Ceyhun Bayramov və Fransa Respublikasının xarici işlər naziri Jan İv Lö Drian arasında telefon danışığı baş tutub.

Bu barədə Sputnik Azərbaycan-a Xarici İşlər Naziriliyindən məlumat verilib. 

Nazirlər bölgədəki son vəziyyət, o cümlədən Azərbaycan, Rusiya və Ermənistan liderləri tərəfindən imzalanmış 10 noyabr 2020-ci il və 11 yanvar 2021-ci il tarixli bəyanatların icrası ilə bağlı fikir mübadiləsi aparıblar.

Azərbaycan və Fransa arasında ikitərəfli münasibətlərin cari vəziyyəti müzakirə edilib və bu sahədə dialoqun davam etdirilməsinin əhəmiyyəti vurğulanıb.

Görüşdə həmçinin qarşılıqlı maraq doğuran digər məsələlər müzakirə edilib.

11
Aşqabad şəhərindən bir görüntü. Arxiv şəkli

Aşqabadda mühüm görüş

7
(Yenilənib 22:57 21.01.2021)
Azərbaycanın xarici işlər naziri Ceyhun Bayramov Türkmənistanın xarici işlər naziri Rəşid Meredov ilə təkbətək görüşüb.

BAKI, 21 yanvar - Sputnik. Bu ilin 21 yanvar tarixində Azərbaycan Respublikasının xarici işlər naziri Ceyhun Bayramovun Türkmənistana səfəri çərçivəsində Türkmənistanın xarici işlər naziri Rəşid Meredov ilə təkbətək, eləcə də nümayəndə heyətlərinin iştirakı ilə geniş tərkibdə görüşləri keçirilib.

XİN-in Mətbuat Xidməti idarəsindən Sputnik Azərbaycan-a verilən məlumata görə, görüşdə iki ölkə arasında siyasi, iqtisadi, enerji, nəqliyyat-logistika, mədəni-humanitar və digər sahələrdə qarşılıqlı faydalı əməkdaşlığın daha da möhkəmləndirilməsi məsələləri daxil olmaqla, geniş spektr üzrə ətraflı fikir mübadiləsi aparılıb.

Xəzər dənizində “Dostluq” yatağının hidrogen resurslarının birgə kəşfiyyatı və istismarı üzrə hökumətlər arasında Anlaşma Memorandumunun imzalanması hər iki dövlət arasında, eləcə də Xəzər dənizi bölgəsində əməkdaşlığın genişləndirilməsi, habelə enerji təhlükəsizliyinin möhkəmləndirilməsinin bariz nümunəsi kimi qeyd olunub. Razılaşmanın əldə edilməsi eyni zamanda Xəzər dənizinin sülh, mehriban qonşuluq və dostluq dənizi olmasını möhkəmləndirdiyi və Xəzər dənizində əməkdaşlıq və qarşılıq etimad mühitinin gücləndirilməsinə töhfə verdiyi vurğulanıb.

Tərəflər, regional əməkdaşlıq, o cümlədən üçtərəfli formatda əməkdaşlıq məsələlərini müzakirə ediblər. Bu ilin yanvarın 16-da Azərbaycan, Türkmənistan və Əfqanıstan arasında ticarət və investisiya, energetika, nəqliyyat və logistika, telekommunikasiya və informasiya texnologiyaları, gömrük və sərhəd məsələləri sahələrində əməkdaşlığın genişləndirilməsi və dərinləşdirilməsi üzrə Yol Xəritəsinin imzalanmasına istinad edilərək, bu xüsusda tədbirlərin icrası məsələləri müzakirə edilib.

Görüşdə tərəflər ölkələrin beynəlxalq təşkilatlar çərçivəsində əməkdaşlığı və qarşılıqlı dəstəyi, eləcə də qarşılıqlı maraq doğuran regional məsələlər ətrafında fikir mübadiləsi aparıblar.

7

Məşhur italyan mafiyasının 50 üzvü həbs edilib - sıralarında partiya sədri var

0
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

0
Teqlər:
mafiya, İtaliya